“പ്രണയ സന്ധ്യയൊരു വിണ്‍ സൂര്യന്റെ...
ചിത്രം: ഒരേ കടല്‍ [2007]
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ
പാടിയതു: ബോംബേ ജയശ്രീ
പ്രണയ സന്ധ്യയൊരു വിണ്‍സൂര്യന്റെ വിരഹമറിയുന്നുവോ
വെറുതെ നെഞ്ചിലൊരു വാര്‍തിങ്കള്‍ തിരിയുമെരിയുന്നുവോ
പുലര്‍നിലാവിന്റെ യമുനയില്‍ ചന്ദ്രകാന്തമലയുന്നുവോ
കനവിലായിരം കനകമേഘം കനലുരയ്ക്കുന്നുവോ (പ്രണയ..)
പാട്ടില്‍ എന്‍ പാട്ടില്‍ സ്വര പത്മരാഗങ്ങള്‍ തേടി
നോക്കില്‍ എന്‍ നോക്കില്‍ മണിമയില്‍ പീലികള്‍ ചൂടി
അനുരാഗിലമായ തപസ്സില്‍ ജലജീവാഞ്ജലിയായി
ഒരു ജലരാശിയിലൊരുവരമണിയാന്‍
മൊഴിയായ് വരാം ഞാന്‍ (പ്രണയ..)
കിനാവിന്റെ കാണാദ്വീ‍പ് അമാവാസിരാവില്‍
നിലാക്കാറാമെന്‍ ജന്മം കണ്ടില്ല നീ
ആകാശം മൂടുമ്പോള്‍ മുറിവേല്‍ക്കുന്നൊരു മനസ്സോടെ
മഴ നനഞ്ഞ പോലെ ശലഭം പോലെ
തിരികേ യാത്രയായ്
|
No comments:
Post a Comment