ചിത്രം: ഏതോ ഒരു സ്വപ്നം (1978)
രചന:ശ്രീകുമാരന്‍ തമ്പി
സംഗീതം: സലിൽ ചൗധരി
പാടിയതു: യേശുദാസ്
ഒരു മുഖം മാത്രം കണ്ണില്‍
ഒരു സ്വരം മാത്രം കാതില്‍
ഉറങ്ങുവാന്‍ കഴിഞ്ഞില്ലല്ലോ
നിറം ചാര്‍ത്തും ഓര്‍മ്മതന്‍ താഴ്വരയില്‍
നിന്റെ മൌന വാത്മീകങ്ങള്‍ തകര്‍ന്നു വീണു
വിരഹത്തില്‍ വീണപാടി വിധിയാരറിഞ്ഞു
മുഖം മൂടി അണിഞ്ഞിട്ടും
മിഴിച്ചെപ്പിന്‍ മുത്തുകളെ
മറക്കുവാന്‍ കഴിഞ്ഞില്ലല്ലോ
(ഒരു മുഖം മാത്രം)
തപസിലെ മോഹങ്ങള്‍ തളിര്‍ത്തുവല്ലോ
പുനര്‍ജന്മ സങ്കല്‍പ്പങ്ങള്‍ ഉണര്‍ന്നുവല്ലോ
കദനത്തിന്‍ കുയില്‍ പാടി കഥയാരറിഞ്ഞു
മദം കൊള്ളും തിരകളെ
മനസിന്റെ താളങ്ങളെ
മയക്കുവാന്‍ കഴിഞ്ഞില്ലല്ലോ
(ഒരു മുഖം മാത്രം...)
|
No comments:
Post a Comment