Tuesday, August 31, 2010

ചിത്ര മേള [1967] യേശുദാസ് - ജാനകി






ചിത്രം: ചിത്ര മേള [1967] റ്റി.എസ്. മുത്തയ്യ
താരങ്ങൾ: പ്രേംനസീർ, തിക്കുറിശി, അടൂർ ഭാസി, ജി.കെ. പിള്ള, ശാരദ, ഷീല,
റ്റി.ആർ. ഓമന, എസ്.പി.പിള്ള, ഉമ്മർ, മണവാളൻ ജോസഫ്

രചന: ശ്രീകുമാരൻ തമ്പി
സംഗീതം: ദേവരാജൻ


1. പാടിയതു: യേശുദാസ് & ജാ‍നകി

മദം പൊട്ടിച്ചിരിക്കുന്ന മാനം
മനംപൊട്ടിക്കരയുന്ന ഭൂമി
ഇടയിൽപെട്ടിരതേടി പിടയുന്നു പ്രാണൻ
എവിടെയോ മറയുന്നു ദൈവം (2)

ഇത്തിരി തലചായ്ക്കാനീ മരുഭൂമിയിൽ
ഈന്തപ്പന നിഴലില്ല (2)
ഒട്ടു ദൂരം പോകാൻ ചുമടൊന്നു താങ്ങുവാൻ
ഒട്ടകക്കൂട്ടവുമില്ല (2)
ഓ.... (മദം പൊട്ടി ചിരിക്കുന്ന)

കരയുവാൻ കൺകളിൽ കണ്ണുനീരില്ലാത്ത
കളിമരപ്പാവകൾ ഞങ്ങൾ (2)
കാലമാം മാന്ത്രികൻ ഹോമത്തിനെഴുതിയ
കരിമഷിക്കോലങ്ങൾ ഞങ്ങൾ (2)

ഇവിടെ



വിഡിയോ



2. പാടിയതു: യേശുദാസ്

അപസ്വരങ്ങൾ..അപസ്വരങ്ങള്‍
അപസ്വരങ്ങള്‍.അപസ്വരങ്ങള്‍
അംഗഭംഗം വന്ന നാദ കുമാരികള്‍
ഗാനപ്രപഞ്ചത്തിന്‍ രാഗ വിരൂപകള്‍
വാനത്തിലുയരാത്ത വര്‍ണ്ണക്കുരുന്നുകള്‍ (അപസ്വരങ്ങള്‍)

നീയൊരപസ്വരം ഞാനോരപസ്വരം
നിത്യ ദുഃഖത്തിന്‍ നിരാലംബ നിസ്വനം (നീയൊര)
നിന്നിലുമെന്നിലും നിന്നു തുളുമ്പുന്ന
നിഷ്ഫല സ്വപ്നമോ മറ്റൊരപസ്വരം (അപസ്വരങ്ങള്‍)

കാലമാം അജ്ഞാത ഗായകന്‍ നൊമ്പരം
താവും വിരലിനാല്‍ ജീവിതവീണയില്‍
ഇന്നലെ മീട്ടിയുണര്‍ത്തിയ ഗദ്ഗദ
സ്പന്ദങ്ങളല്ലയോ നമ്മളെന്നോമനേ (അപസ്വരങ്ങള്‍)

ഇവിടെ


3. പാടിയതു: യേശുദാസ്

പാടുവാന്‍ മോഹം ആടുവാന്‍ മോഹം
പാടിത്തുടങ്ങാന്‍ പദങ്ങളില്ല
ആടിത്തുടങ്ങാന്‍ ചുവടുകളില്ല (പാടുവാന്‍)

നേരം കടന്നു സദസ്സും നിറഞ്ഞു
നിന്‍സ്വരം കേള്‍ക്കാതെന്‍ കണ്ഠമടഞ്ഞു
നീല യവനിക മന്ദമുയര്‍ന്നു
നിലയറിയാതെ ഞാന്‍ തേങ്ങിക്കരഞ്ഞു
ഓ....(പാടുവാന്‍)

രാവിന്‍ ദലങ്ങള്‍ പൊഴിയുകയായി
രംഗ ദീപങ്ങള്‍ പൊലിയുകയായി
എന്നില്‍ നിന്‍ താളങ്ങള്‍ തേങ്ങുകയല്ലേ
നിന്നിലെന്‍ ഗാനം മയങ്ങുകയല്ലേ (പാടുവാന്‍)

ഇവിടെ



വിഡിയോ







4. പാടിയതു: യേശുദാസ്

നീയെവിടെ നിൻ നിഴലെവിടെ
നിന്നിൽ കാലം നട്ടു വളർത്തിയ
നിശ്ശബ്ദ മോഹങ്ങളെവിടെ
(നീയെവിടെ--2)

ഓർമകൾ തന്നുടെ വിരലുകളാൽ നീ
ഓമനിക്കാറുണ്ടോ -- അവയെ
ഓമനിക്കാറുണ്ടോ (ഓർമകൾ--2)
നെടുവീർപ്പുകളുടെ ചൂടിൽ പൂവുകൾ
കരിഞ്ഞിടാറുണ്ടോ-- പൂവുകൾ
കരിഞ്ഞിടാറുണ്ടോ
(നീയെവിടെ--2)

കനവുകൾ പോൽ നാം കണ്ടു - നോവിൻ
നിഴലുകൾ പോലെയകന്നു
നോവിൻ നിഴലുകൾ പോലെയകന്നു (കനവുകൾ--2)
കടമകൾ കെട്ടിയ പടവിൽ വീണു
തകർന്നു പോയാ സ്വപ്നം - പാടെ
തകർന്നു പോയാ സ്വപ്നം
(നീയെവിടെ--2)

ഇവിടെ


വിഡിയോ



5. പാടിയതു: യേശുദാസ്

നീ ഒരു മിന്നലായ്‌ എങ്ങോ മറഞ്ഞു
ഞാൻ ഒരു ഗാനമായ്‌ പിൻപേ പിൻപേ അലഞ്ഞു
നിന്നാത്മഹർഷങ്ങൾ കോരിച്ചൊരിഞ്ഞു
ഞാൻ കോർത്ത മാലകൾ വാടിക്കരിഞ്ഞു

ഏകാന്ത താരമേ നീ എങ്ങു പോയി
എൻ ജീവ രാഗമേ നീ എങ്ങു പോയി
നീ ശശിലേഖപോൽ എങ്ങോ മറഞ്ഞു
ഞാനൊരു മേഘമായ്‌ നിന്നെത്തിരഞ്ഞു
ഞാനൊരു മേഘമായ്‌ നിന്നെത്തിരഞ്ഞു (നീ ഒരു മിന്നലായ്‌)

ഈണം വിതുമ്പുന്ന ജീവനുമായി
ഈ ദുഃഖഭൂമിയിൽ ഞാൻ ഏകനായി
നീ കാനൽ നീരുപോൽ എങ്ങോ മറഞ്ഞു
ഞാൻ ഒരു തേങ്ങലായ്‌ നിന്നെത്തിരഞ്ഞു
ഞാൻ ഒരു തേങ്ങലായ്‌ നിന്നെത്തിരഞ്ഞു (നീ ഒരു മിന്നലായ്‌)


ഇവിടെ

6. പാടിയതു: യേശുദാസ്

കണ്ണുനീർക്കായലിലെ കണ്ണില്ലാനങ്കകളേ
കതിരൊളി കാണാത്ത കദളിപ്പൂവിതളുകളേ
എന്നുകാണും ഇനിയീ എന്നു കാണും
[..കണ്ണുനീർക്കായലിലെ കണ്ണില്ലാനങ്കകളേ

കണ്ണുകളാൽ കാണാതെ കൈ നീട്ടി പുണരാതെ
കരളുകൾ തമ്മിൽ ചേർന്നൂ കദനത്താൽ വേർ പിരിഞ്ഞൂ (2)
[..കണ്ണുനീർക്കായലിലെ കണ്ണില്ലാനങ്കകളേ

ഇഴയുമെൻ ...
ഇഴയുമെൻ സംഗീതത്തിൻ ഈറൻ ചിറകുളിൽ
ഇനിയെന്നെൻ ഓമനേ നീ എന്നിലേക്കൊഴുകി വരും (2)

[..കണ്ണുനീർക്കായലിലെ കണ്ണില്ലാനങ്കകളേ

ഇവിടെ

വിഡിയോ



7. പാടിയതു: യേശുദാസ്


ചെല്ലച്ചെറുകിളിയേ എന്‍ ചിത്തിരപ്പൈങ്കിളിയേ

പുലരി മലയ്ക്കു മേലേ
പുത്തന്‍ ദിനം വിടര്‍ന്നു
പൂവിളി കേട്ടുണരൂ
പുളക മലര്‍ക്കിളിയേ (2)

വെണ്‍ചാമരങ്ങള്‍ വീശി
വെള്ളി മേഘങ്ങള്‍ വന്നു
ആകാശത്തിരുനടയില്‍
ആലവട്ടങ്ങള്‍ നിരന്നു (ചെല്ലച്ചെറുകിളിയേ)

മാനമിരുണ്ടുവല്ലോ
മാരിക്കാര്‍ കൊണ്ടുവല്ലോ
മാമ്പൂ കരിഞ്ഞുവല്ലോ
മാനസപ്പൈങ്കിളിയേ
മാനസപ്പൈങ്കിളിയേ (ചെല്ലച്ചെറുകിളിയേ)

ഇവിടെ


8. പാടിയതു: യേശുദാസ്

ആകാശദീപമേ ആർദ്ദ്രനക്ഷത്രമേ
അലരുകൾ കരിയുമീ മണ്ണിൽ വരൂ
ഒരു തരി വെട്ടം പകർന്നു പോകൂ

[ആകാശദീപമേ...

കണ്ണില്ലെങ്കിലും കരളില്ലയോ
കണ്മണിയെൻ ദുഃഖമറിയില്ലയോ
അകലെയാണെങ്കിലും ആത്മാവു കൊണ്ടവൾ
അലയുമെൻ ഗാനങ്ങൾ കേൾക്കില്ലയോ
[ഓ ഓ.....ആകാശദീപമേ

അന്ത്യഗാനം കേൾക്കാൻ നീ വരില്ലേ
അതിനനുപല്ലവി പാടുകില്ലേ (2)
അവസാന ശയ്യ വിരിക്കുവാനായി
ആത്മാവിൻ പൂവിതൾ നീ തരില്ലേ

[ഓ ഓ.....ആകാശദീപമേ


ഇവിടെ


വിഡിയോ

********************


ബോണസ്: വിരഹം തരും ഈ വേദന....

വിഡിയോ

No comments: