Tuesday, August 17, 2010

ഖദീജ [ 1967] യേശുദാസ്, ജാനകി, വസന്ത






ചിത്രം: ഖദീജ(1967)എം. കൃഷ്ണന്‍ നായര്‍
താരങ്ങൾ: സത്യൻ, മധു, ഉമ്മർ, ബഹദൂർ, എസ്.പി. പിള്ള, ജയഭാരതി, സുകുമാരി,
ശ്രീലത...

രചന: യൂസഫലി കേച്ചേരി
സംഗീതം: ബാബുരാജ്

1. പാടിയതു: യേശുദാസ്

സുറുമയെഴുതിയ മിഴികളെ
പ്രണയമധുര തേന്‍ തുളുമ്പും
സൂര്യകാന്തി പൂക്കളേ


ജാലക തിരശ്ശീല നീക്കി
ജാലമെരിയുവതെന്തിനോ
തേന്‍ പുരട്ടിയ മുള്ളുകള്‍ നീ
കരളിലെറിയുവതെന്തിനോ
(സുറുമയെഴുതിയ)


ഒരു കിനാവിന്‍ ചിറകിലേറി
ഓമലാളെ നീ വരു
നീലമിഴിയിലെ രാഗ ലഹരി
നീ പകര്‍ന്നു തരൂ തരൂ
(സുറുമയെഴുതിയ)


ഇവിടെ



2. പാടിയതു: ബി. വസന്ത

കസവിന്റെതട്ടമിട്ട് നാണിച്ചു നില്‍ക്കുന്ന
പതിനാലാം രാവിലെ പൂനിലാവേ
കണ്ണാടിക്കവിളത്തു നീലവര്‍ണ്ണമെന്താണ്?
കാമുകന്‍ നുള്ളിയോ വെണ്ണിലാവേ?
കാമുകന്‍ നുള്ളിയോ വെണ്ണിലാവേ?


മൈലാഞ്ചിക്കൈ പിടിക്കാന്‍ മണിമാരന്‍ വന്നപ്പോള്‍
മാറിക്കളഞ്ഞുഞാനിന്നലെ
മാണിക്ക്യക്കല്ലിന്റെ മുഖമൊന്നുകാണുവാന്‍
മനസ്സിനകത്തിപ്പോള്‍ മോഹം
എന്റെമനസ്സിനകത്തിപ്പോള്‍ മോഹം


പുന്നാരം പറയുവാന്‍ പുതുമാരന്‍ വന്നപ്പോള്‍
പേടിച്ചൊഴിഞ്ഞുഞാനിന്നലെ
കളിത്തോഴനണയുന്ന കാലൊച്ചകേള്‍ക്കുവാന്‍
ഖല്‍ബിന്നകത്തിപ്പോള്‍ ദാഹം എന്റെ
ഖല്‍ബിന്നകത്തിപ്പോള്‍ ദാഹം

ഇവിടെ


3. പാടിയതു: എസ്. ജാനകി


കരളില്‍ വിരിഞ്ഞ റോജാ
മലരാണു നീ കദീജാ
മലരാണു നീ കദീജാ
ഇരുളില്‍ പ്രകാശമേകും
കതിരാണു നീ കദീജാ

മണിവീണതന്നിലുണരും
മൃദുഗാനധാരയല്ലേ
മണിവീണതന്നിലുണരും
മൃദുഗാനധാരയല്ലേ
ഒളിവീശിവീശിവിരിയും
ഓമല്‍പ്രതീക്ഷയല്ലേ (കരളില്‍)

മണിമാറില്‍ ഞാനണിഞ്ഞ
മാണിക്യമാലയല്ലേ
മാനത്തുദിച്ചു നില്‍ക്കും
മധുമാസചന്ദ്രനല്ലേ (കരളില്‍)

മലരിട്ട പൊന്‍കിനാവിന്‍
മണിമഞ്ചലൊന്നിലേറി
ആരോമലിനിയുറങ്ങൂ
ആരാരിരാരിരാരോ (കരളില്‍)





4. പാടിയതു: എൽ. ആർ. ഈശ്വരി


കണ്മുന നീട്ടി മൊഞ്ചും കാട്ടി
കണ്മുന നീട്ടി മൊഞ്ചും കാട്ടി
കാത്തിരിക്കണ മണവാട്ടി
കാത്തിരിക്കണ മണവാട്ടി (കണ്മുന)
കാത്തിരിക്കണ മണവാട്ടി
കാത്തിരിക്കണ മണവാട്ടി
മണവാട്ടി മണവാട്ടി മണവാട്ടി (കണ്മുന)

മണിയറവാതില്‍ തുറന്നുതരാം
മാരനെയരികില്‍ കൊണ്ടുതരാം (മണിയറ)
കല്യാണമൊന്നു കഴിഞ്ഞോട്ടേ..
കല്യാണമൊന്നു കഴിഞ്ഞോട്ടേ
കാണികളെല്ലാം പിരിഞ്ഞോട്ടേ
മൈലാഞ്ചിക്കൈകൊട്ടി ഒപ്പനപാടുന്ന
മൈക്കണ്ണിമാരും പിരിഞ്ഞോട്ടേ (മൈലാഞ്ചി) (കണ്മുന)

കണ്ണില്‍ കിനാവിന്റെ മയിലാട്ടം
കവിളത്തു മഴവില്ലിന്‍ തിരനോട്ടം
ചുണ്ടത്തു മണിമുത്തിന്‍ നിഴലാട്ടം പെണ്ണിന്‍
ഖല്‍ബ്ബില്‍ മുഹാബത്തിന്‍
ചാഞ്ചാട്ടം.. ചാഞ്ചാട്ടം (കണ്ണില്‍) (കണ്മുന)

ആ... ആ.. ഓ..
കാണാന്‍ ചേലുള്ള പുതുമാരന്‍
കണ്ണാടിക്കവിളുള്ള പുതുമാരന്‍
വടിവൊത്തു വിരിവുള്ള നെഞ്ചാണ്
ബദറുല്‍മുനീറിന്റെ മൊഞ്ചാണ് (വടിവൊത്തു)
കല്യാണപ്പെണ്ണിന്റെ കവിളത്തു കൈകൊണ്ട്
കവിത കുറിക്കണ പുതുമാരന്‍
കല്യാണപ്പെണ്ണിന്റെ കവിളത്തു കൈകൊണ്ട്
കവിത കുറിക്കണ പുതുമാരന്‍ (കണ്മുന)




5. പാടിയതു: ബി. വസന്ത & ജാനകി


അനന്തശയനാ.... അരവിന്ദനയനാ...
അഭയം നീയേ ജനാര്‍ദ്ദനാ...
അഭയം നീയേ ജനാര്‍ദ്ദനാ...

കദനമാകും കാളിയനല്ലോ
കരളിന്‍ യമുനയില്‍ വാഴുന്നു
നന്ദകുമാരാ കാളിയമര്‍ദ്ദനാ
നര്‍ത്തനമാടൂ നീ കരളില്‍
നര്‍ത്തനമാടൂ നീ

മാനസമാകും തേരിതു ചിലനാള്‍
മാര്‍ഗ്ഗം കാണാതുഴലുമ്പോള്‍
പാവനമാകും നേര്‍വഴികാട്ടുക
പാര്‍ഥസാരഥേ നീ...

വിഡിയോ

No comments: