Monday, July 26, 2010

ഗമനം [1944] യേശുദാസ്, ചിത്ര..







ചിത്രം: ഗമനം [ 1944] ശ്രീ പ്രകാ‍ശ്
താരങ്ങൾ: തിലകൻ, ബൈജു, ലക്ഷ്മി, മാതു, വിജയകുമാ‍ർ, ഗണേഷ് കുമാർ...

രചന: ബിച്ചു തിരുമല
സംഗീതം: ഔസേപ്പച്ചൻ




1. പാടിയതു: യേശുദാസ് & ചിത്ര


സിന്ദൂരപ്പൂമനസ്സില്‍
ശലഭങ്ങളോ കിളികളോ
ആയിരം മാരിവില്ലോ
ശിങ്കാരത്തേന്‍‌കിനാവിന്‍
നിറക്കൂടിലോ നിഴലിലോ
എന്‍ മനം ഞാന്‍ മറന്നോ

(സിന്ദൂര)

മനസ്സിന്റെ മൗനവാതില്‍
അറിയാതെ നീ തുറന്നു
ഹംസതൂവല്‍ശയ്യയില്‍
മോഹം മലര്‍ ചൊരിഞ്ഞു
നാണം മിഴികളില്‍ മയിലാട്ടമായ്

(സിന്ദൂര)

അനുരാഗവര്‍ണ്ണജാലം
മിഴികൊണ്ടു നീ വരഞ്ഞു
തൂലികാഗ്രരേഖകള്‍
താനെ അഴകണിഞ്ഞു
ധന്യം അതിലൊരു പുനര്‍ജനനം

(സിന്ദൂര)


ഇവിടെ



2. പാടിയതു: യേശുദാസ് / ചിത്ര


കണ്ണനാരാരോ ഉണ്ണിക്കണ്മണിയാരാരോ
കണ്ണുനീര്‍ജന്മം താങ്ങും കൈകളിലാരാരോ
ഒരു തോളില്‍ നീയെന്ന പുണ്യം
താനേ തലചായ്‌ക്കും സൗഭാഗ്യം തേടുന്നെന്‍ മൗനം
എല്ലാം വിടചൊല്ലിയകലുന്നോരേകാകീ ഗമനം

(കണ്ണനാരാരോ)

നെഞ്ചിന്നുള്ളില്‍ ഏതോ ഇരുള്‍മാളങ്ങള്‍
കണ്ണില്‍ നീളും സ്വന്തം നിഴല്‍നാളങ്ങള്‍
കൊതിയോടെ നീ പോയ വഴി മാറിയോ
ഈ മാറിലിനിയും ഈ പൂവിനിടമോ

(കണ്ണനാരാരോ)

തീ‍രാമോഹം ഒന്നായ് ഒരു കൂരയില്‍
ചേരാനോരോ നാളും കഴിയുമ്പോഴും
ഇനി വീണ്ടും ഒരു ജന്മം അതിനേകുമോ
കാതങ്ങളിനിയും കാല്‍‌യാത്ര തുടരാന്‍

(കണ്ണനാരാരോ...


ഇവിടെ

വിഡിയോ



3. പാടിയതു: ചിത്ര


സനിപനി സനിപമ പമപനി പമ
ഗസ നിസ ഗസ നിസ ഗസ നിസ പമ ഗസ
നിസരി നിധനിരി നിരിമ രിമധ
മധനി ഗരിസാ

പീലിവീശിയാടി മയിലുകളുള്ളില്‍
നിറമാല ചൂടി തേനലകളിളനെഞ്ചില്‍
അതിലേഴു നിലയുടെ പന്തല്‍
അനുരാഗ കലയുടെ മഞ്ചല്‍

(പീലി)

ആരുടെ തേന്‍‌കൊഞ്ചല്‍ പൈമ്പാലുണ്ടുള്ളം
ആലിലയാകാന്‍ വെമ്പുന്നു - ഇനി
ഏതു കരങ്ങള്‍‌തന്‍ ലീലാലാളനം
എന്നെയിളം പൂവാക്കുന്നു...
മനസ്സേ പോകൂ നീ...
മനസ്സേ പോകൂ നീ, നിന്‍ വഴിയോരം
ആനന്ദ മാകന്ദശാഖി തോറും
പാടും പാടും കുയില്‍ നാളെ

(പീലി)

പൂവിലെ പൂവാകാന്‍ പൂക്കും മോഹങ്ങള്‍
പൂമദമുണ്ണും യാമങ്ങള്‍ - എന്റെ
ലോലവികാരങ്ങള്‍ സായൂജ്യം നേടും
മാദക മായാമന്ത്രങ്ങള്‍...
അമൃതിന്നാഴിയില്‍...
അമൃതിന്നാഴിയില്‍ ആഴങ്ങള്‍ തേടാന്‍
ജലവീണ മീട്ടുന്ന രാഗമായ് ഞാന്‍
താനേ പായും പുഴയാകും

(പീലി)


ഇവിടെ


വിഡിയോ


4. പാടിയതു: യേശുദാസ്


പവിഴവുമായ് വരും പനങ്കിളികളേയിതാ
പൂന്തേനും മനം നിറയെ മധുരങ്ങളും
പുഴയുടെയരികില്‍ പുലരികള്‍ തഴുകിയ
കുളുര്‍‌ത്തൂമഞ്ഞിന്‍ പൊന്‍‌കൂടും

(പവിഴവുമായ്)

പൂവിളികള്‍ കതിരാടുന്ന കണ്ണില്‍
മൂകതയാര്‍ന്ന രൂപം
കാകളികള്‍ ഇഴപാകുന്ന നെഞ്ചില്‍
പോയ ദിനങ്ങള്‍ മാത്രം
പതിരുകള്‍ പൊഴിയും പഴയൊരു വഴിയെ
പായും നിഴലുകളേ

(പവിഴവുമായ്)

പൂഞ്ചിറകില്‍ മുറിപ്പാടുള്ള മൈനേ
പൂക്കളുറങ്ങും നേരം
ആരുടെ കാലടി കാതോര്‍ത്തു വീണ്ടും
ആ വഴി നീ വരുന്നു
മിഴിയുടെ പിറകെ മനസ്സിനു കുറുകെ
പാറും ചെറുകിളിയേ

(പവിഴവുമായ്...


ഇവിടെ

No comments: