ചിത്രം: തറവാട്ടമ്മ (1966)
രചന: പി. ഭാസ്കരന്‍
സംഗീതം: എം.എസ്. ബാബുരാജ്
പാടിയതു: എസ്. ജാനകി
ഒരു കൊച്ചു സ്വപ്നത്തിന്‍ ചിറകുമായവിടുത്തെ
അരികില് ഞാനിപ്പോള്‍ വന്നെങ്കില്‍
ഒരു നോക്കു കാണാം ഒരുവാക്കു കേള്‍ക്കാം
ഒരുമിച്ചാ ദു:ഖത്തില്‍ പങ്കുചേരാം...
പട്ടുപോലുള്ളോരാ പാദങ്ങള്‍ രണ്ടും
കെട്ടിപ്പിടിച്ചൊന്നു പൊട്ടിക്കരയാം
മുറിവേറ്റു നീറുന്ന വിരിമാറിലെന്റെ
വിരലിനാല്‍ തഴുകി വെണ്ണപുരട്ടാം..
ഒരു കൊച്ചു സ്വപ്നത്തിന്‍ ചിറകുമായവിടുത്തെ
അരികില് ഞാനിപ്പോള്‍ വന്നെങ്കില്‍..
എന്നും ഞാന്‍ ചെന്നു വിളിച്ചില്ലയെങ്കില്‍
ഉണ്ണില്ലുറങ്ങില്ല മല്‍ ജീവനാഥന്‍
ഉള്ളില്‍ കിടക്കുമെന്‍ ഉണ്ണിതന്നച്ഛനെ
കണ്ണോടു കണ്ണെന്നു കാണിക്കും ദൈവം?
ഒരു കൊച്ചു സ്വപ്നത്തിന്‍ ചിറകുമായവിടുത്തെ
അരികില് ഞാനിപ്പോള്‍ വന്നെങ്കില്‍ ...
Friday, July 10, 2009
Subscribe to:
Post Comments (Atom)
No comments:
Post a Comment