Powered By Blogger

Wednesday, December 2, 2009

ഭൂമിഗീതം 1993 ചിത്ര & മുരളികൃഷ്ണ

പറയൂ നീ ഹൃദയമെ....





ചിത്രം: ഭൂമിഗീതം [1993 ] കമൽ
രചന: പി ഭാസ്ക്കരൻ
സംഗീതം: ഔസേപ്പച്ചൻ

പാടിയതു: മുരളി കൃഷ്ണ & ചിത്ര






പറയൂ നീ ഹൃദയമേ പ്രണയാർദ്രമായിടും
ഒരു പാട്ടിൻ മധുരമാം ഈരടിയിൽ
ഒരു പദമാകാൻ കൊതിച്ചുവോ നീ
അതിൻ പൊരുളിലെ സുരഭിലസ്വപ്നമാകാൻ (പറയൂ...)


പറയൂ നിഗൂഡമാം സ്നേഹബന്ധങ്ങൾ തൻ
ചിറകൊച്ച എൻ പാട്ടിൽ കേട്ടുവേന്നോ
പറയൂ നിൻ ഏകാന്ത സന്ധ്യകൾ തന്നതും
പ്രണയപ്രസാദമാം കുങ്കുമമോ
അറിയില്ലെനിക്കൊന്നും വെറുതേ ഞാൻ പാടുന്നൂ
മുറിവോലും പാഴ്‌മുള കേഴുമ്പോലെ (പറയൂ...)

പറയൂ പുരാതന പ്രേമഗീതങ്ങൾ തൻ
പരിമളം പാട്ടിൽ പടർന്നുവെന്നോ
വെറുമൊറ്റ വള മാത്രമണിയുന്നൊരീ കൈയ്യിൽ
ഒരു കാറ്റു ശ്രുതി മീട്ടാൻ വന്നുവേന്നോ
അറിയില്ലെനിക്കൊന്നും വെറുതേ ഞാൻ പാടുന്നു
കാടു കരിയുമ്പോളൊരു പക്ഷി കേഴുമ്പോലെ (പറയൂ...)

1 comment:

P_Kumar said...

നല്ല വരികൾ!
പങ്കുവയ്ക്കുന്നതിന് വളരെ നന്ദി!