ഉരുകുകയാണൊരു ഹൃദയം
ചിത്രം: പാലാട്ടു കോമൻ [ 1962 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: എം എസ് ബാബുരാജ്
പാടിയതു: പി സുശീല
ഉരുകുകയാണൊരു ഹൃദയം
ഓരോ നിമിഷവുമോരോ നിമിഷവും
ഉരുകുകയാണൊരു ഹൃദയം
ഇന്ദ്രനീലപ്പന്തലിലിന്നലെ
വന്നു വിടർന്ന നിലാവേ
എരിതീക്കനലിൽ എണ്ണയുമായ് നീ
എന്തിനു വീണ്ടും വന്നൂ (ഉരുകുക..)
ഇന്നലെ രാത്രിയിലീറൻ മാറിയ
മന്ത്രകോടിയുമായി
മോതിരവിരലിനാൽ മിഴിനീർ മായ്ക്കാൻ
മോഹമുറങ്ങിയുണർന്നൂ (ഉരുകുക..)
ഒരേയൊരാളിനെ മാത്രം കാണാൻ
ഒരു മൊഴി ചൊല്ലി മരിക്കാൻ
ഒഴിഞ്ഞ മുറിയിൽ ഒരു കല്ലറയിൽ
ഒരുങ്ങി നില്പൂ ഞാൻ(ഉരുകുക..)
Friday, December 11, 2009
Subscribe to:
Post Comments (Atom)
No comments:
Post a Comment