ദൂരെ ദൂരെ ദൂരെ ഏതോ തീരം തേടി
ചിത്രം: പുറപ്പാട് [ 1990 ] ജെസ്സി
രചന: ഒ എന്‍ വി
സംഗീതം: ഔസേപ്പച്ചന്‍
പാടിയതു: യേശുദാസ്
ദൂരെ ദൂരെ ദൂരെ...
ഏതോ തീരം തേടിത്തേടി
യാത്ര, അനന്തമാം യാത്ര
ആദമിന്‍ മക്കള്‍തന്‍ തുടര്‍‌യാത്ര
തുടര്‍‌യാത്ര... തുടര്‍‌യാത്ര....
(ദൂരെ...)
ആദിയിലരുള്‍മൊഴിയുണ്ടായി
ആകാശം ഭൂമിയുമുണ്ടായി
ആദിത്യചന്ദ്രന്മാരുണ്ടായി
അവര്‍ ആകാശം പങ്കുവച്ചൂ
രാപ്പകലുകളാം ഇരുമുടിക്കെട്ടുമായ്
യാത്ര തുടരുന്നു കാലം, തീര്‍ത്ഥ-
യാത്ര തുടരുന്നു കാലം....
(ദൂരെ...)
നെടുനെടുകെ കേറിപ്പോകാന്‍
പടവുകളില്ല - ഹൈയ്
കൊടുമുടികള്‍ കയറിയിറങ്ങാന്‍
നടവഴിയില്ലാ - ഹൈയ്
ചുമലേറ്റിയ ഭാരവുമായ്
ഹൊയ്യാരേ ഹൊയ്
ചുവടുകളിടറാതെ പോകാം
ഹൊയ്യാരേ ഹൊയ്
പകലറുതിയാവും മുമ്പേ
പറവകള്‍ കൂടണയും മുമ്പേ
അക്കരെയെത്തും നമ്മള്‍ നമ്മെ
കാത്തിരിക്കും മണ്ണില്‍....
കന്നിമണ്ണില്‍ ഉഴുതുമറിച്ചവര്‍
പൊന്നാക്കും മണ്ണില്‍ - 2
(ദൂരെ...)
ഇവിടെ
No comments:
Post a Comment