Sunday, November 22, 2009

അഭിനന്ദനം [ 1976 ] യേശുദാസ്

എന്തിനെന്നെ വിളിച്ചു


ചിത്രം: അഭിനന്ദനം {1976} ഐ.വി. ശശി
രചന:: ശ്രീകുമാരന്‍ തമ്പി
സംഗീതം: കണ്ണൂര്‍ രാജന്‍

പാടിയതു: കെ ജെ യേശുദാസ്‌


എന്തിനെന്നെ വിളിച്ചുനീ വീണ്ടും
എന്റെ സ്വപ്നസുഗന്ധമേ (3)

ഈ വസന്തഹൃദന്തവേദിയില്‍
ഞാനുറങ്ങിക്കിടക്കവേ
ഈണമാകെയും ചോര്‍ന്നു പോയൊരെന്‍
വേണുവും വീണുറങ്ങവേ
രാഗവേദന വിങ്ങുമെന്‍ കൊച്ചു
പ്രാണതന്തുപിടയവേ
എന്തിനെന്നെ വിളിച്ചു നീ വീണ്ടും...

ഏഴു മാമലയേഴു സാഗര
സീമകള്‍ കടന്നീവഴി
എങ്ങുപോകണമെന്നറിയാതെ
വന്ന തെന്നലിലൂടവേ
പാതി നിദ്രയില്‍ പാതിരക്കിളി
പാടിയ പാട്ടിലൂടവേ
എന്തിനെന്നെ വിളിച്ചു നീ വീണ്ടും....

ആര്‍ദ്രമാകും രതിസ്വരം നല്‍കും
ആദ്യരോമാഞ്ചകുഡ്‌മളം
ആളിയാളിപ്പടര്‍ന്നു ജീവനില്‍
ആ നവപ്രഭാകന്ദളം
ആ വിളികേട്ടുണര്‍ന്നുപോയി ഞാന്‍
ആകെയെന്നെ മറന്നു ഞാന്‍ .. (എന്തിനെന്നെ...





ഇവിടെ

No comments: