ലോട്ടറി ടിക്കറ്റ് 1970 യേശുദാസ്

മനോഹരി നിന്‍ മനോരഥത്തില്‍


ചിത്രം: ലോട്ടറി ടിക്കറ്റ് [1970] ഏ.ബി. രാജ്
രചന: ശ്രീകുമാരൻ തമ്പി
സംഗീതം: വി ദക്ഷിണാമൂർത്തി
പാടിയതു: കെ ജെ യേശുദാസ്



മനോഹരി നിന്‍ മനോരഥത്തില്‍
മലരോട് മലര്‍ തൂകും മണിമഞ്ചത്തേരില്‍
മയങ്ങുന്ന മണിവര്‍ണ്ണനാരോ ആരാധകനാണോ
ഈ ആരാധകനാണോ

ഹൃദയവതി നിന്‍ മധുരവനത്തിലെ
മലര്‍വാടമൊരുവട്ടം തുറക്കുകില്ലേ
അറിയാതെ പൊഴിയുന്ന മധുകണമെങ്കിലും
നുകരുവാന്‍ അനുവാദം തരികയില്ലേ
അധരദളപുടം നീ വിടര്‍ത്തിടുമ്പോള്‍
അതിലൊരു ശലഭമായ് ഞാന്‍ അമരും
(മനോഹരി നിന്‍)

പ്രണയമയീ ആ ആ ആ ....
പ്രണയമയി നിന്റെ കണിമുത്തുവീണയിലെ
സ്വരരാഗകന്യകളെ ഉണര്‍ത്തുകില്ലേ
അനുരാഗമധുമാരി ചൊരിയുമാ സുന്ദരിമാര്‍
അനുകനാമെന്‍ കരളില്‍ പടര്‍ന്നിറങ്ങും
ഒരു സ്വപ്നമങ്ങിനെ വിടര്‍ന്നിടുമ്പോള്‍
ഒരു സ്വപ്നമങ്ങിനെ വിടര്‍ന്നിടുമ്പോള്‍
ഒരു യുഗജേതാവായ് ഞാന്‍ വളരും
(മനോഹരി നിന്‍)



ഇവിടെ

അനാർക്കലി 1966 യേശുദാസ് & ബി വസന്ത

നദികളിൽ സുന്ദരി യമുന... യമുന... യമുന



ചിത്രം: അനാർക്കലി [1966] എം കുഞ്ചാക്കൊ
രചനt: വയലാർ രാമവർമ്മ
സംഗീതം: എം എസ് ബാബുരാജ്
പാടിയതു: കെ ജെ യേശുദാസ് & ബി വസന്ത


നദികളിൽ സുന്ദരി യമുന... യമുന... യമുന
സഖികളിൽ സുന്ദരി അനാർക്കലി... അനാർക്കലി (നദികളിൽ--2)

അരമനപ്പൊയ്ക തൻ കടവിൽ
അമൃത മുന്തിരിക്കുടിലിൽ (അരമന--2)
ചഷകവുമായ്‌... ചഷകവുമായ്‌ മധു ചഷകവുമായ്‌
ഒമർ ഖയ്യാമിന്റെ നാട്ടിലെ നർത്തകി
ഒരുങ്ങി ഒരുങ്ങി ഒരുങ്ങി വരൂ
പ്രിയ സഖീ... പ്രിയ സഖീ
(നദികളിൽ--2)

ഇണയരയന്നങ്ങൾ തഴുകിയുറങ്ങും
അനുരാഗ യമുനയിലൂടെ
കവിതയുമായ്‌... കവിതയുമായ്‌ ചുണ്ടിൽ മധുരവുമായ്‌
അറബിക്കഥയുടെ നാട്ടിലെ മോഹിനി
അരികിൽ അരികിൽ അരികിൽ വരൂ
പ്രിയ സഖീ... പ്രിയ സഖീ


ഇവിടെ

ഡീസന്റ് പാർട്ടീസ് [ 2009 ]

മനസ്സിൻ കടലാസിൽ തമസ്സിൻ നഖശീലിൽ


ചിത്രം: ഡീസന്റ് പാർട്ടീസ് [ 2009 ] ഏബ്രഹാം ലിങ്കണ്‍
രചന: വയലാര്‍ ശരത്
സംഗീതം: ജോണ്‍സന്‍ മംഗഴ




മനസ്സിൻ കടലാസിൽ തമസ്സിൻ നഖശീലിൽ
കഥ പറയുന്നുവോ ഏതോ കൈയ്യെങ്ങും
വിധിയാകുന്നൊരസുരന്റെ ഒളിയമ്പു കൊള്ളും
വിധിയായ നരജന്മമേ....

നൊമ്പരം നെഞ്ചിൽ നിറയുമ്പൊഴാ
തളരുന്നുവോ സ്വയം ഇതളീൽ
മുള്ളുള്ളൊരീ വീഥിയിൽ
നീറുന്നൊരീ യാത്രയിൽ പിടയുന്ന കവിജന്മമേ (മനസിൻ..)


സാന്ത്വനം ചൊല്ലി വരികില്ലയോ
തഴുകില്ലയോ ഈറൻ മൊഴിയിൽ
പൊള്ളുന്നൊരീ ജീവനിൽ
ആശ്വാസം നീയല്ലയോ [ മനസ്സിന്‍ കടലസ്സിന്‍...

ബിഗ് ബി [2007]മൃദുല & അൽഫോൺസ് ജോസഫ്

ചിത്രം: ബിഗ് ബി [ 2007 ] അമല്‍ നീരാദ്
രചന: ജോഫി തരകൻ
സംഗീതം: അൽഫോൺസ് ജോസഫ്
പാടിയതു: മൃദുല & അൽഫോൺസ് ജോസഫ്

ഒരുവാക്കും മിണ്ടാതേ ഒരു നോവായ്‌ മായല്ലേ ഉയിരേ നീ
മിഴി രണ്ടും തേടുന്നു മനമിന്നും തേങ്ങുന്നു എവിടേ നീ
കണ്ണീരിന്‍ പാട്ടായ്‌ ഇനിയെന്നും അലയും ഞാന്‍ ഓമലേ
വെയില്‍നാളം തളരുന്നതീ വഴി നീളെ ഏകനായ്‌


മഴ വിരിക്കുന്നു മെല്ലേ പുലര്‍പ്പാട്ടിലെ ഈരടികള്‍
ഇതള്‍ വിരിഞ്ഞും കുളിരണിഞ്ഞും നിന്‍ വിളി കേട്ടുണരാന്‍
കനവുദിക്കുന്നു നെഞ്ചില്‍ നിറമാര്‍ന്നിടുമോര്‍മ്മകളില്‍
വരമൊഴുക്കും വിരി തെളിക്കും നിന്‍ സ്വരമഞ്ജരികള്‍
നീറുമൊരു കാറ്റിന്‍ കൈകള്‍ തഴുകുന്ന നേരം
ദൂരെയൊരു മേഘം പോല്‍ നീ മറഞ്ഞിടുവതെന്തേ
നിന്നില്‍ നിഴലാകാന്‍ നിന്നോടലിയാന്‍
അറിയാതേ അറിയാതേ ഇനി ഇതുവഴി ഞാനലയും


ഒരുവാക്കും മിണ്ടാതേ ഒരുനോവായ്‌ മായല്ലേ ഉയിരേ നീ
മിഴിരണ്ടും തേടുന്നു മനമിന്നും തേങ്ങുന്നു എവിടേ നീ
കണ്ണീരിന്‍ പാട്ടായ്‌ ഇനിയെന്നും അലയും ഞാന്‍ ഓമലേ
വെയില്‍നാളം തളരുന്നതീ വഴി നീളെ ഏകനായ്‌...


ഇവിടെ


വിഡിയോ

പാസഞ്ചർ [2009] വിനീത് ശ്രീനിവാസന്‍

ഓർമ്മത്തിരിവിൽ കണ്ടു മറന്നൊരു

ചിത്രം: പാസഞ്ചർ [2009 ] രന്‍ജിത് ശങ്കര്‍
രചന: അനില്‍ പനച്ചൂരാന്‍
സംഗീതം: ബിജിബാല്‍‍

പാടിയതു: വിനീത് ശ്രീനിവാസൻ


ഓർമ്മത്തിരിവിൽ കണ്ടു മറന്നൊരു
മുഖമായ് എങ്ങോ മറഞ്ഞു..
നേരിൽ കാണ്മത് നേരിൻ നിറവായ്
എഴുതി നാൾവഴി നിറഞ്ഞു

ജന്മപുണ്യം പകർന്നു പോകുന്ന ധന്യമാം മാത്രയിൽ
പൂവിറുക്കാതെ പൂവു ചൂടുന്ന നന്മയാൽ മാനസം
കുളിരു നെയ്തു ചേർക്കുന്ന തെന്നലരിയ
വിരൽ തഴുകി ഇന്നെന്റെ പ്രാണനിൽ
പഴയ ഓർമ്മത്തിരിവിൽ കണ്ടു മറന്നൊരു
മുഖമായ് എങ്ങോ മറഞ്ഞു...
നേരിൽ കാണ്മത് നേരിൻ നിറവായ്
എഴുതി നാൾവഴി നിറഞ്ഞു...

പഥികർ നമ്മൾ പലവഴി വന്നീ പടവിലൊന്നായവർ
കനിവിൻ ദീപനാളം കണ്ണിൽ കരുതി മിന്നായവർ (2)
ഉയിരിനുമൊടുവിൽ ഋതിയുടെ മൊഴിയായ്
ഒരു ചിറകടിയായ് തുടി തുടി കൊള്ളും
മഴയുടെ നടുവിൽ പടരുവതൊരു ദ്രുതതാളം (ഓർമ്മ...)

പുലരും മണ്ണിൽ പലനാളൊടുവിൽ നിന്റെ മാത്രം ദിനം
സഹജർ നിന്റെ വഴികളിലൊന്നായ്
വിജയമോതും ദിനം(2)
ഉയിരിനുമൊടുവിൽ ഋതിയുടെ മൊഴിയായ്
ഒരു ചിറകടിയായ് തുടി തുടി കൊള്ളും
മഴയുടെ നടുവിൽ പടരുവതൊരു ദ്രുതതാളം (ഓർമ്മ...)



ഇവിടെ


വിഡിയോ

ഋതു [ 2009 ] ഗായത്രി

പുലരുമോ രാവുഴിയുമോ

ചിത്രം: ഋതു [ 2009 ] ശ്യാമ പ്രസാദ്
രചന: റാഫിക്ക് അഹമ്മദ്
സംഗീതം: രാഹുല്‍ രാജ്
പാടിയതു: ഗായത്രി

പുലരുമോ രാവുഴിയുമോ ഹരിതലതാവനിയിൽ
ഒരു കനലെരിയുന്നതോ ഹിമകണം അലിയുന്നതീ
അകമേ കിനിയുമീറൻ തുഷാരം
ഉറവായ് പടരുകയായ് ഇതാ...


ഇരുളായ് പതഞ്ഞു കടലായ് നുരഞ്ഞു
ചഷകം കവിഞ്ഞ രാത്രിയും
ഉഷസ്സേ വരല്ലേ ഇനിയും നുകർന്നു
കഴിയാതിരിപ്പൂ ഞാൻ...

ഓരിതൾ പൂ ചൂടുമീ ഇന്നെന്റെ ഓരം ചേർന്നേ പോ
വെണ്ണിലാവകലുന്നുവോ രാവലിഞ്ഞീടുമോ
അകമേ കിനിയുമീറൻ തുഷാരം
ഉറവായ് പടരുകയായ് ഇതാ....

മഴയായ് പൊഴിഞ്ഞു പുഴയായ് വളർന്നു
ഹൃദയം നിറഞ്ഞ രാത്രി
പതിയെ തിരിഞ്ഞു ചിറകും കുടഞ്ഞു
തിരികെ മടങ്ങുമോ
മേഘമായ് ഈ ചില്ലയിൽ എന്നെന്നും നീ നിൽക്കുമോ
ഓർമ്മ തൻ തീരങ്ങളിൽ തോർന്നിടാ മഴയായ്...



ഇവിടെ


വിഡിയോ

സ്വ.ലേ സ്വന്തം ലേഖകൻ [ 2009]മധു ബാലകൃഷ്ണൻ & ശ്വേത മേനോൻ

ചെറുതിങ്കൾത്തോണി നിൻ പുഞ്ചിരി...

ചിത്രം: സ്വ.ലേ സ്വന്തം ലേഖകൻ [ 2009] പി. സുകുമാര്‍
രചന: അനിൽ പനച്ചൂരാൻ
സംഗീതം: ബിജി ബാൽ

പാടിയതു: മധു ബാലകൃഷ്ണൻ & ശ്വേത മേനോൻ

ചെറുതിങ്കൾത്തോണി നിൻ പുഞ്ചിരി പോലൊരു തോണി
ഏതോ തീരം തേടുന്നു
കൂവല്‍പ്പാടകലെ തിരി താഴാതുണ്ടൊരു വീട്
എന്നെ തേടും മിഴിയഴകും
രാഗാർദ്രനിലാവിൻ തുള്ളികൾ വീണലിയും നിനവിൽ
കുഞ്ഞോള പഴുതിൽ താഴും തുഴ പകരും താളം
നാമൊന്നായ് പാടും രാഗം നീലാംബരിയല്ലോ
ഓ..നാമൊന്നായ് പാടും രാഗം നീലാംബരിയല്ലോ


പ്രിയതരമാം കഥ പറയും കരിവള തമ്മിൽ കൊഞ്ചുമ്പോൾ
ചിറകടിയായ് ഉണരുകയായ് മറുമൊഴി കാതിൽ തേന്മഴയായ്
പ്രേമദൂതുമായ് താണൂ വന്നതൊരു ദേവഹംസമാണോ
മേഘകംബളം നീർത്തി വന്നതൊരു താരകന്യയാണോ
നീരാളം ചാർത്തും വാനം നീലക്കുടയായ് ഓഹോ
നീരാളം ചാർത്തും വാനം നീലക്കുടയായ്
(ചെറുതിങ്കൾ...)

അകമലിയും കവിതകളായ് നറുമൊഴി ചുണ്ടിൽ തഞ്ചുമ്പോൾ
ചെറുനദിയായ് ഒഴുകുകയായ് കടമിഴി നെഞ്ചിൻ വേദനയായ്
കണ്ണടക്കിലും കണ്ടു നിന്നെ ഞാൻ മാനസാങ്കണത്തിൽ
മണ്ണുറങ്ങവേ നാം നടന്നൂ ഈ വെണ്ണിലാവിലത്തിൽ
നോവാതെ നോവും നാവിൻ രാഗം അനുരാഗം
നോവാതെ നോവും നാവിൻ രാഗം അനുരാഗം
(ചെറുതിങ്കൾ...)



വിഡിയോ

മിഴികള്‍ സാക്ഷി [ 2008 ] യേശുദാസ് [ചിത്ര]

അമ്മേ നീയൊരു ... & തെച്ചിയും ചെമ്പരതിയും നല്ല തൃത്താവും...

ചിത്രം: മിഴികള്‍ സാക്ഷി {2008] അശോക് ആര്‍. നാഥ്
രചന: ഓ എന്‍ വി കുറുപ്പ്
സംഗീതം: വി ദക്ഷിണാമൂര്‍ത്തി
പാടിയതു: കെ ജെ യേശുദാസ്‌




അമ്മേ നീയൊരു ദേവാലയം
നന്‍മകള്‍ പൂവിട്ടു പൂജിക്കും ആലയം ദേവാലയം
അമ്മേ നീയൊരു ദേവാലയം
നന്‍മകള്‍ പൂവിട്ടു പൂജിക്കും ആലയം ദേവാലയം

കാരഗൃഹത്തില്‍ പിറന്ന കാര്‍വര്‍ണ്ണനും
കാലിത്തൊഴുത്തില്‍ പിറന്ന പൊന്നുണ്ണിക്കും (2)
വന്‍ മരുഭൂവിലെ ധര്‍മ പ്രവാചകനും
ജന്മം നല്‍കിയ സുകൃതി നീ (2)
അമ്മേ നീയൊരു ദേവാലയം

കുന്തിയും നീയേ ഗാന്ധാരിയും നീയേ
നൊന്തു പെറ്റവരുടെ ദു:ഖം നീ (2)
അങ്കത്തില്‍ ജയിച്ചവരും അന്ത്യം വരിച്ചവരും
അമ്മക്കൊരുപോലൊരു പോലെ (2)

രക്തസാക്ഷിയായ് തീര്‍ന്നൊരുണ്ണിക്കൊരു പിടി
വറ്റുമായ് നീയിന്നും കാത്തിരിപ്പൂ (2)
നെഞ്ചിലെ നൊമ്പര ജ്വാലകളായ് സ്നേഹ ബന്ധുരേ
നീ നിന്നെരിയുന്നു (2)

അമ്മേ നീയൊരു ദേവാലയം
നന്‍മകള്‍ പൂവിട്ടു പൂജിക്കും ആലയം ദേവാലയം
ദേവാലയം അമ്മേ..

ഇവിടെ KJY


തെച്ചിയും ചെമ്പരത്തിയും...

ചിത്രം: മിഴികള്‍ സാക്ഷി

പാടിയതു: ചിത്ര

തെച്ചിയും ചെമ്പരതിയും നല്ല തൃത്താവും ചാര്‍ത്തും പൈതലേ
നെറ്റിയില്‍ കുളിര്‍ചന്ദന നിലാ പൊട്ടു കുത്തിയ പൈതലേ
മഞ്ഞപ്പട്ടു ചുറ്റിയ പൈതലേ
കണ്‍ തുറന്നു ഞാന്‍ എന്നുമാദ്യം എന്‍ കണ്മണീ നിന്നെ കാണണം
കാണണം കണി കാണണം


കൊഞ്ചിയും കുഴഞ്ഞാടിയും എന്റ്റെ നെഞ്ചില്‍ നീ കളിയാടണം (2)
പിഞ്ചുകാലടി പിച്ച വയ്പതും കണ്ടെന്‍ കണ്ണു കുളിര്‍ക്കണം (2)
കണ്ടു സന്തോഷാശ്രു പൊഴിക്കണം (ചെത്തിയും..)
ഉള്ളിലെ പൊന്നുറിയില്‍ ഞാന്‍ എന്റെ ഉണ്ണിക്കായ് കാത്തു വെച്ചീടും (2)
നല്ല തൂവെണ്ണ പാലും പാല്‍ച്ചോറും മെല്ലെ നീ വന്നെടുക്കണം (2)
തോഴരെല്ലാര്‍ക്കും പങ്കു വെയ്ക്കണം (ചെത്തിയും..)


ഇവിടേ

വിവാഹം സ്വർഗ്ഗത്തിൽ [ 1970] എസ്. ജാനകി

ബാബുരാജ്




ചുംബിക്കാനൊരു...

ചിത്രം: വിവാഹം സ്വർഗ്ഗത്തിൽ [ 1970 ] ജെ.ഡി. തോട്ടാന്‍
രചന: വയലാർ രാമവർമ്മ
സംഗീതം: എം എസ് ബാബുരാജ്
പാടിയതു: എസ് ജാനകി


ചുംബിക്കാനൊരു ശലഭമുണ്ടെങ്കിലേ
യൌവ്വനം സുരഭിലമാകൂ പൂവിന്
യൌവ്വനം സുരഭിലമാകൂ
സ്നേഹിക്കാനൊരു പുരുഷനുണ്ടെങ്കിലേ
സ്ത്രീ ദേവതയാകൂ

ഗാനഗന്ധർവൻ കണ്ടെത്തിയാലേ
മൌനം നാദമാകൂ(2)
വെള്ളിനൂൽത്തിരിയിട്ടു കൊളുത്തിയാലേ
വെളിച്ചം വിളക്കിൽ വിടരൂ (ചുംബിക്കാനൊരു....)

ശിൽപ്പിമിനുക്കിയ ചുവരുണ്ടെങ്കിലേ
സ്വപ്നം ചിത്രമാകൂ -ദിവാ
സ്വപ്നം ചിത്രമാകൂ
ആലിംഗനങ്ങളിൽ ഉറങ്ങിയാലേ
ആത്മനിർവൃതിയിലുണരൂ (ചുംബിക്കാനൊരു....)


ഇവിടെ

അമൃതം [ 2004 ] വേണുഗോപാല്‍

യമുനയും സരയുവും പുണരുമീ സംഗമം

ചിത്രം: അമൃതം [ 2004 ] സിബി മലയില്‍
രചന: കൈതപ്രം ദാമോദരൻ നമ്പൂതിരി
സംഗീതം: എം ജയചന്ദ്രൻ

പാടിയതു: ജി വേണുഗോപാൽ



യമുനയും സരയുവും പുണരുമീ സംഗമം
അലയിടും നന്മയാൽ കുളിരുമീ സംഗമം
പാടുവാൻ ആയിരം ജന്മമായ് തേടി നാം [യമുനയും]

കതിർ മണികൾ വീഴാതേ തളിരിലകളാടാതേ
പൂന്തെന്നലേ മെല്ലെ വരൂ.....
വയലതിരിൽ വീഴാതെ കായ് കനികൾ നോവാതേ
മലരിതളേ പുഞ്ചിരിക്കൂ..
ഈ നല്ല യാമം മായില്ലയെങ്ങും മറയില്ലയീ സ്നേഹോദയം
[യമുനയും ]

പനിമഴയിൽ മൂടാതെ പകലഴകിൽ മുങ്ങാതെ
തെങ്കനവേ താഴെ വരൂ..
പിന്നിലാവിൽ മായാതെ പൊൻ‌വെയിലിൽ വാടാതേ
നൂറഴകീ കൂടെ വരൂ..
ഈ ശ്യാമ രാഗം തീരില്ലയെങ്ങും തളരില്ലയീ നിറപൗര്ണ്ണമീ
[യമുനയും]


ഇവിടെ


വിഡിയോ

വെള്ളി നക്ഷത്രം [ 2004 ] ചിത്ര

ചന്ദനമുകിലേ ചന്ദനമുകിലേ

ചിത്രം: വെള്ളി നക്ഷത്രം [ 2004 ] വിനയന്‍
രചന: എസ് രമേശൻ നായർ
സംഗീതം: എം ജയചന്ദ്രൻ

പാടിയതു: കെ എസ് ചിത്ര


ചന്ദനമുകിലേ ചന്ദനമുകിലേ
കണ്ണനെ നീ കണ്ടോ ആ
കുഴൽ വിളി നീ കേട്ടോ
ഞാനൊരു പാവം ഗോപികയല്ലേ
മോഹിച്ചു പോയില്ലേ ഞാൻ മോഹിച്ചു പോയില്ലേ (ചന്ദന...)


ഓരോ ജന്മം അറിയാതെൻ നെഞ്ചിലവൻ
തോരാത്ത പാൽമഴയായ്
ഓരോ രാവു പൊതിയുമ്പോൾ എന്നിലവൻ
പൂമൂടും മധുചന്ദ്രനായ്
എവിടെ എവിടെ പറയൂ മുകിലേ
എന്നാത്മാവ് തേടുന്ന കണ്ണൻ (ചന്ദന...)

നീലതാമരകൾ എല്ലാം മാമിഴികൾ
കായാമ്പൂ മെയ്യഴകായ്
മാനം പൂത്ത മഴ നാളിൽ നമ്മളതിൽ
തൂവെള്ളി താരകളായ്
എവിടെ എവിടേ പറയൂ മുകിലേ
എൻ ജീവന്റെ കാർമുകിൽ വർണ്ണൻ (ചന്ദന...)


ഇവിടെ2

വിഡിയോ

യൂത്ത് ഫെസ്റ്റിവൽ 2004 രാജേഷ് വിജയ് & ജ്യോത്സന

കള്ളാ കള്ളാ കൊച്ചു കള്ളാ നിന്നെ

ചിത്രം: യൂത്ത് ഫെസ്റ്റിവൽ [ 2004 ] ജോസ് തോമസ്
രചന: ഷിബു ചക്രവർത്തി
സംഗീതം: എം ജയചന്ദ്രൻ

പാടിയതു: രാജേഷ് വിജയ് & ജ്യോത്സന


ഐ ലവ് യു

I know u love me too
കള്ളാ കള്ളാ കൊച്ചു കള്ളാ നിന്നെ കാണാനെന്തൊരു സ്റ്റൈലാണ്
സ്റ്റൈലൻ ചെക്കനെ കണ്ടപ്പൊ തൊട്ട് ഉള്ളിന്റെ ഉള്ളിനു ലവ്വാണ്
പെണ്ണേ പെണ്ണേ കള്ളിപ്പെണ്ണേ നിന്നെ കണ്ടാൽ നെഞ്ചിലു തീയാണ്
തീയിലുരുക്കിയ പൊന്നേ നിന്നെ കാണാതിരുന്നാലും ലവ്വാണ്

കള്ളാ കള്ളാ ഏ കൊച്ചു കള്ളാ
കള്ളാ കള്ളാ കൊച്ചു കള്ളാ നിന്നെ കാണാനെന്തൊരു സ്റ്റൈലാണ്
സ്റ്റൈലൻ ചെക്കനെ കണ്ടപ്പൊ തൊട്ടെന്റെ ഉള്ളിന്റെ ഉള്ളിനു ലവ്വാണ്

മൂളിപ്പാട്ടും പാടി നടക്കണ വണ്ടിനു പൂവിനു ലവാണ്
പൂമുളം കാട്ടിലെ പുന്നാര കാറ്റിനു പുഴയോടെന്തൊരു ലവ്വാണ്
തേനോളം ലവ്വാണ് വാനോളം ലവ്വാണ്
കണ്ണും കണ്ണും തമ്മിൽ പറഞ്ഞു ലവ്വാണ് ലവ്വാണ്
ലവ്വാണ് ലവ്വാണ് നിന്നോടെനിക്കെന്തു ലവ്വാണ്


കള്ളാ കള്ളാ കൊച്ചു കള്ളാ നിന്നെ കാണാനെന്തൊരു സ്റ്റൈലാണ്
സ്റ്റൈലൻ ചെക്കനെ കണ്ടപ്പൊ തൊട്ട് ഉള്ളിന്റെ ഉള്ളിനു ലവ്വാണ്
പെണ്ണേ പെണ്ണേ കള്ളിപ്പെണ്ണേ നിന്നെ കണ്ടാൽ നെഞ്ചിലു തീയാണ്
തീയിലുരുക്കിയ പൊന്നേ നിന്നെ കാണാതിരുന്നാലും ലവ്വാണ്


മാനത്തു മിന്നണ ചന്ദിരനും തഴാത്താമ്പലും തമ്മിലു ലവ്വാണ്
നാണിച്ചു പൂക്കണ നക്ഷത്രപ്പെണ്ണും പൂനിലാവും തമ്മിൽ ലവ്വാണ്
നോക്കിലും ലവ്വാണ് നിന്റെ വാക്കിലും ലവ്വാണ്
ചുണ്ടും ചുണ്ടും മെല്ലെ മൊഴിഞ്ഞു നമ്മളും ലവ്വാണ്
ലവ്വാണ് ലവ്വാണ് നിന്നെ എനിക്കെന്തു ലവ്വാണ്

ഹേയ് പെണ്ണേ പെണ്ണേ കള്ളിപ്പെണ്ണേ നിന്നെ കണ്ടാൽ നെഞ്ചിലു തീയാണ്
തീയിലുരുക്കിയ പൊന്നേ നിന്നെ കാണാതിരുന്നാലും ലവ്വാണ്
കള്ളാ കള്ളാ കൊച്ചു കള്ളാ നിന്നെ കാണാനെന്തൊരു സ്റ്റൈലാണ്
സ്റ്റൈലൻ ചെക്കനെ കണ്ടപ്പൊ തൊട്ട് ഉള്ളിന്റെ ഉള്ളിനു ലവ്വാണ്
കള്ളാ പോടീ കള്ളീ
കൊച്ചു കള്ളാ
ഉം
നിന്നോടെനിക്കെന്തു ലവ്വാണ്



ഇവിടെ

വിഡിയോ

രാക്കുയിലിന്‍ രാഗസദസ്സില്‍ [1986 ] യേശുദാസ്

എസ്. രമേശന്‍ നായര്‍


പൂമുഖവാതിൽക്കൽ...

ചിത്രം: രാക്കുയിലിൻ രാഗസദസ്സിൽ [ 1986 ] പ്രിയദര്‍ശന്‍
രചന: എസ് രമേശൻ നായർ
സംഗീതം: എം ജി രാധാകൃഷ്ണൻ

പാടിയതു യേശുദാസ്

പൂമുഖ വാതില്‍ക്കല്‍ സ്നേഹം വിടര്‍ത്തുന്ന
പൂന്തിങ്കളാകുന്നു ഭാര്യ(പൂമുഖ)
ദുഃഖത്തിന്‍ മുള്ളുകള്‍ തൂവിരല്‍ തുമ്പിനാല്‍
പുഷ്പങ്ങളാക്കുന്നു ഭാര്യ(ദുഃഖത്തിന്‍)
(പൂമുഖവാതില്‍ക്കല്‍)

എത്ര തെളിഞ്ഞാലും എണ്ണ വറ്റാത്തൊരു
ചിത്രവിളക്കാണു ഭാര്യ(എത്ര)
എണ്ണിയാല്‍ തീരാത്ത ജന്മാന്തരങ്ങളില്‍
അന്നദാനേശ്വരി ഭാര്യ(എണ്ണിയാല്‍)
(പൂമുഖാതില്‍ക്കല്‍)

ഭൂമിയെക്കാളും ക്ഷമയുള്ള
സൗഭാഗ്യ ദേവിയാണെപ്പോഴും ഭാര്യ(ഭൂമിയെക്കാളും)
മന്ദസ്മിതങ്ങളാല്‍ നീറും മനസ്സിനെ
ചന്ദനം ചാര്‍ത്തുന്നു ഭാര്യ(മന്ദസ്മിതങ്ങളാല്‍)
(പൂമുഖവാതില്‍ക്കല്‍)

കണ്ണുനീര്‍തുള്ളിയില്‍ മഴവില്ല് തീര്‍ക്കുന്ന
സ്വര്‍ണപ്രഭാമയി ഭാര്യ(കണ്ണുനീര്‍തുള്ളിയില്‍ )
കാര്യത്തില്‍ മന്ത്രിയും കര്‍മ്മത്തില്‍ ദാസിയും
രൂപത്തില്‍ ലക്ഷ്മിയും ഭാര്യ
(കാര്യത്തില്‍)
(പൂമുഖവാതില്‍ക്കല്‍)


ഇവിടെ


വിഡിയോ 1


വിഡിയോ2

കാലചക്രം [ 1973 ] യേശുദാസ്

രാക്കുയിലിൻ രാജസദസ്സിൽ

ചിത്രം: കാലചക്രം [ 1973]എന്‍. നാരായണന്‍
രചന: ശ്രീകുമാരൻ തമ്പി
സംഗീതം: ദേവരാജൻ

പാടിയതു: യേശുദാസ്

രാക്കുയിലിൻ രാജസദസ്സിൽ
രാഗമാലികാമാധുരി
രാഗിണിയെൻ മാനസ്സത്തിൽ
രാഗവേദനാ മഞ്ജരി (രാക്കുയിലിൻ..)

വെള്ളിമണിത്തിരയിളകീ
തുള്ളിയോടും കാറ്റിടറി
പഞ്ചാരമണൽത്തറയിൽ
പൗർണ്ണമി തൻ പാലൊഴുകീ (വെള്ളി..)
ജീവന്റെ ജീവനിലെ
ജലതരംഗവീചികളിൽ പ്രേമമയീ
പ്രേമമയീ നിന്നോർമ്മ തൻ
തോണികൾ നിരന്നൊഴുകീ (രാക്കുയിലിൻ..)

മുല്ല പൂത്ത മണമിയലും
മുത്തുമണിച്ചന്ദ്രികയിൽ
നിൻ കൊലുസ്സിൻ കിങ്ങിണികൾ
ഇന്നെന്തേ കിലുങ്ങിയില്ല (മുല്ല..)
ഗാനത്തിൻ ഗാനത്തിലെ
ലയസുഗന്ധധാരകളിൽ
സ്നേഹമയീ സ്നേഹമയീ‍ നിന്നോർമ്മ തൻ
രാഗങ്ങൾ പടർന്നൊഴുകീ (രാക്കുയിലിൻ..)



വിഡിയോ

രാക്കുയിലിൻ രാഗസദസ്സിൽ [ 1986] യേശുദാസ് & അരുന്ധതി

എത്ര പൂക്കാലമിനി എത്ര മധുമാസമതിൽ

ചിത്രം: രാക്കുയിലിൻ രാഗസദസ്സിൽ [ 1986] പ്രിയദര്ശന്‍
രചന: എസ് രമേശൻ നായർ
സംഗീതം: എം ജി രാധാകൃഷ്ണൻ
പാടിയതു: കെ ജെ യേശുദാസ് & അരുന്ധതി


എത്ര പൂക്കാലമിനി എത്ര മധുമാസമതിൽ
എത്ര നവരാത്രികളിലമ്മേ(എത്ര)
നിൻ മുഖം തിങ്കളായ്‌ പൂനിലാ
പാൽചൊരിഞ്ഞെന്നിൽ വീണലിയുമെൻ ദേവീ
മിഥില ഇനിയും പ്രിയ ജനക സുധയെയൊരു
വിരഹകഥയാക്കുമോ
പറയുക പറയുക പറയുക നീ
ഷണ്മുഖപ്രിയ രാഗമോ
നിന്നിലെ പ്രേമഭാവമോ
എന്നെ ഞാനാക്കും ഗാനമോ
ഒടുവിലെന്റെ ഹൃദയ തീര
മണയുമൊരഴകിതു (ഷണ്മുഖ)

എത്ര ദുഃഖങ്ങളിനി എത്ര വനവാസം
അതിൽ എത്ര വിധിവിളയാട്ടമിന്നും (എത്ര ദുഃഖ)
കണ്ണുനീർ കുമ്പിളിൽ മുത്തുമായ്‌
വന്നു നീ മണ്ണിൽ വീണുരുകുമോ വീണ്ടും
അരചൻ ഇനിയും നിന്നെ എരിയും
തീയിൽ നിർത്തി അമൃതകലയാക്കുമൊ
തെളിയുക തെളിയുക തെളിയുക നീ (ഷണ്മുഖ)

പധനിധ തകജനുധം
ധനിസനി തകജനുധം
നിസരിസ തകജനുധം ത തകജനു തകധിമി
പധനിസനിധപമ (ഷണ്മുഖ)
പധപ പധപ പധപ രിഗമപ
ധനിധ ധനിധ ധനിധ ഗമപധ
നിസനി നിസനി നിസനി മപധനിസ
തരികിടധിം തരികിടധിം തരികിടധിം തകധിമി
തരികിടധിം തരികിടധിം തരികിടധിം തകധിമി
തരികിടധിം തരികിടധിം തരികിടധിം തകധിമി
നിസരിസ നിസരിസ നിസരിസ നിസരിസ
നിസരീ തരികിടധിം നിസരീ തരികിടധിം
സരിഗരി സരിഗരി സരിഗരി സരിഗരി
സരിഗാ തരികിടധിം സരിഗാ തരികിടധിം
ഗരിസരിഗ തരികിടധിന്നധിം ആ..ആ..
മഗരിഗമ തരിഗിദതിന്നധിം
ആ ..ആ.. തരികിടധിന്നധിം
ഗമപാ ഗമപാ ഗമപ
ഗമപ ഗമപ ഗമപ ഗാ മാ പാ


ഇവിടെ2

വിഡിയോ

കാട്ടുകുരങ്ങ് [ 1969] പി. സുശീല

മാറോടണച്ചു ഞാൻ ഉറക്കിയിട്ടും

ചിത്രം: കാട്ടുകുരങ്ങ് [ 1969 ] പി.ഭാസ്കരന്‍
രചന: പി ഭാസ്ക്കരൻ
സംഗീതം: ജി ദേവരാജൻ
പാടിയതു: പി സുശീല



മാറോടണച്ചു ഞാൻ ഉറക്കിയിട്ടും എന്റെ മാനസവ്യാമോഹമുണരുന്നൂ
ഏതോ കാമുകന്റെ നുശ്വാസം കേട്ടുണരും
ഏഴിലം പാലപൂവെന്ന പോലെ ഇന്ന്.. (മാറോടണച്ചു ..)


അടക്കുവാൻ നോക്കി ഞാനെന്റെ ഹൃദയവിപഞ്ചികയിൽ
അടിക്കടി തുളുമ്പുമീ പ്രണയഗാനം
ഒരു മുല്ലപ്പൂമൊട്ടിൽ ഒതുക്കുന്നതെങ്ങനെയീ
ഒടുങ്ങാത്ത വസന്തത്തിൻ മധുര ഗന്ധം ഇന്ന് ..(മാറോടണച്ചു ..)

താരകൾ കണ്ണിറുക്കി ചിരിച്ചാൽ ചിരിക്കട്ടെ
താമര തൻ തപസ്സിനെ കളിയാക്കട്ടെ
മാനവന്റെ വേദനയ്ക്കും മധുരക്കിനാവുകൾക്കും
മാനവന്റെ നാട്ടിലിന്നും വിലയില്ലല്ലോ.. ഇന്ന് (മാറോടണച്ചു ..)

വർഷങ്ങൾ പോയതറിയാതെ 1987 യേശുദാസ്

ആ ഗാനം ഓർമ്മകളായി...

ചിത്രം: വർഷങ്ങൾ പോയതറിയാതെ [ 1987 ] മോഹന്‍ രൂപ്
രചന: കോട്ടയ്ക്കൽ കുഞ്ഞിമൊയ്തീൻ കുട്ടി
സംഗീതം: മോഹൻ സിത്താര

പാടിയതു: കെ ജെ യേശുദാസ്

ആ ഗാനം ഓർമ്മകളായി...
ആ നാദം വേദനയായി...
ഉണരില്ലല്ലോ മോഹനരാഗം
അതിലോലം ആത്മാവു തേങ്ങി
പോകാം ഞാൻ ഓർമ്മകൾ മാത്രമായ് ഓ...

(ആ ഗാനം)

ആ മാനസവീണയിൽ... ആ സ്വരമാധുരിയിൽ (2)
എന്നും ഞാനെന്നും രാഗമായെങ്കിൽ
ഇന്നും ഞാൻ നിന്നിൽ താളമായെങ്കിൽ
എന്തെല്ലാം മോഹിച്ചു ഞാൻ

(ആ ഗാനം)

ആ സാഗരതിരയും ആ വനജ്യോത്സ്നകളും (2)
മൂകമായ് പാടി ശോകാർദ്രരാഗം
മൌനമായ് തേങ്ങി മാനസം വീണ്ടും
എന്തെല്ലാം ദാഹിച്ചു നാം

(ആ ഗാനം)

ഊമപ്പെണ്ണിനു ഉരിയാടാപ്പയ്യൻ [2002 ] സുദീപ് കുമാർ

അധരം സഖി മധുരം നീയേകിടാമോ

ചിത്രം: ഊമപ്പെണ്ണിനു ഉരിയാടാപ്പയ്യൻ [2002 ] വിനയന്‍
രചന: യൂസഫലി കേച്ചേരി
സംഗീതം: മോഹൻ സിത്താര

പാടിയതു: സുദീപ് കുമാർ



അധരം സഖി മധുരം നീയേകിടാമോ
മിഴിയാം കടൽതിരയിൽ ഞാൻ നീന്തിവന്നു
ഹൃദയം നിൻ മണിമാറിൽ
ഒരു ഹാരം പോൽ ചൂടാം
വരു നീ രാഗ ലോലേ ഓ ഓ ഓഹ്‌

ഒരു പ്രേമം ജനിച്ചീടുവാൻ
ചില നിമിഷങ്ങൾ മാത്രം
ഒരു ജന്മം അതോർത്തെന്നും
സഖി നിറയുന്നു നേത്രം
മണ്ണിതിലില്ലൊരു പ്രേമവും
കണ്ണീരണിയാതേ
ചുടുകണ്ണീരണിയാതേ

അനുരാഗം മാനസങ്ങളിൽ
അറിയാതെ മുളയ്ക്കാം
മധുരിയ്ക്കും വിഷാദത്തിൻ
മധു കരളിൽ നിറയ്ക്കാം
സ്വയംവരമായതു മാറിടാം
സ്വപ്നംപോൽ പൊഴിയാം
ഒരു സ്വപ്നംപോൽ പൊഴിയാം


ഇവിടെ

വിഡിയോ

റോമിയോ (2007 ) ശ്വേത മോഹന്‍

കിളിച്ചുണ്ടൻ മാവിൻ തണുപ്പുള്ള തണലിൽ

ചിത്രം: റോമിയോ (2007 ) രാജ സേനന്‍
രചന: വയലാർ ശരത്ചന്ദ്രവർമ്മ
സംഗീതം: അലക്സ് പോൾ
പാടിയതു: ശ്വേത മോഹൻ



കിളിച്ചുണ്ടൻ മാവിൻ തണുപ്പുള്ള തണലിൽ (2)
തനിച്ചു വന്നിരിക്കുന്ന പെണ്ണേ
നീ ഒളിച്ചുള്ളിൽ ഒതുക്കും
പ്രണയത്തിൻ കടലിൻ
കരയിൽ വന്നിരുന്നോട്ടേ
ഞാൻ കളി പറഞ്ഞിരുന്നോട്ടേ (കിളിച്ചുണ്ടൻ...)


കരയുടെ മേലെ തിരഞൊറിയോടെ
നുരമണി വിരിച്ചോട്ടേ
വെള്ളിചിലമ്പൊലി വിതച്ചോട്ടേ (2)
അലയുടെ കൈയിൽ പൊലിമകളേറും
മണിച്ചെപ്പു മെല്ലെ തുറന്നിടട്ടേ (2)
അതിലുള്ള നറുമുത്ത് കവർന്നിടട്ടേ (കിളിച്ചുണ്ടൻ...)


കളകളമോടെ മറുകര തേടും
കനവൊന്നു കടഞ്ഞോട്ടേ
നല്ല പവിഴങ്ങളെടുത്തോട്ടെ (2)
മഴയുടെ പീലി മുകിലൊലിയോടെ
ഇളം തെന്നലായ് ഞാൻ പറന്നിടട്ടേ (2)
ഉരുകുന്ന മനസ്സൊന്ന് തഴുകിടട്ടേ (കിളിച്ചുണ്ടൻ...)


ഇവിടെ



വിഡിയോ

സതി 1972 യേശുദാസ് & സുശീല

പ്രത്യൂഷപുഷ്പമേ പ്രത്യൂഷപുഷ്പമേ


ചിത്രം: സതി [ 1972 ] മധു
രചന: പി ഭാസ്ക്കരൻ
സംഗീതം: വി ദക്ഷിണാമൂർത്തി
പാടിയതു: കെ ജെ യേശുദാസ് & പി സുശീല


പ്രത്യൂഷപുഷ്പമേ പ്രത്യൂഷപുഷ്പമേ
മുഗ്ദ്ധനൈര്‍മല്യമേ ചൊല്ലുമോ നീ
പാതിവിരിഞ്ഞ നിന്‍ വിഹ്വല നേത്രത്താല്‍
തേടുന്നതേതൊരു ദേവപാദം (2)

പാവം നിന്നാരാമ വാതുക്കല്‍ നില്‍ക്കുമീ
പാമര രൂപിയാം പാട്ടുകാരന്‍
ദീര്‍ഘപ്രതീക്ഷ തന്‍ പൂക്കൂട നിന്‍ നേര്‍ക്കു
നീട്ടിയാല്‍ ലോകം ചിരിക്കുകില്ലേ
പ്രത്യൂഷപുഷ്പമേ...

ആ രാഗ ഗായകന്‍ തന്‍ പരിദേവന
വേള നിനാദം ശ്രവിക്ക നേരം
ഓര്‍ത്തു നില്‍ക്കാതെയാ പൂവൊരു സന്ദേശം
കാറ്റിന്റെ കയ്യില്‍ കൊടുത്തയച്ചു
പ്രത്യൂഷപുഷ്പമേ........

ലോകം ചിരിക്കട്ടെ നാകം പഠിക്കട്ടെ
സ്നേഹത്തിന്‍ പൂക്കൂടയെന്റെ ലക് ഷ്യം
പാവനപ്രേമത്തിന്‍ പൂജാരവിന്ദമായ്
പൂവിതു മാറിയാലാര്‍ക്കു ചേതം

പ്രത്യൂഷപുഷ്പമേ പ്രത്യൂഷപുഷ്പമേ
മുഗ്ദ്ധനൈര്‍മല്യമേ ചൊല്ലുമോ നീ
പ്രത്യൂഷപുഷ്പമേ...

ആരോമലുണ്ണി [1972 ] യേശുദാസ് & സുശീല

കണ്ണാ ആരോമലുണ്ണിക്കണ്ണാ

ചിത്രം: ആരോമലുണ്ണി [1972 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ് & പി സുശീല


കണ്ണാ ആരോമലുണ്ണിക്കണ്ണാ
അണിയൂ തിരുമാറിലണിയൂ ഞാൻ കോർത്ത
കനകാംബരമാല (കണ്ണാ..)


വെണ്മതികലയുടെ പൊന്നാഭരണം ചാർത്തി
മന്മഥപുഷ്പശരങ്ങൾ മാറിൽ വിടർത്തി
ഇന്നും നൃത്ത നിശാസദനത്തിൽ വരാറുണ്ടല്ലോ
എന്നെ മദാലസയാക്കാറുള്ള മനോഹരരാത്രി

ജലതരംഗതാളം യമുനാതട മൃദംഗമേളം
നീലക്കടമ്പിനിലത്താളം ഇളം
പീലി വിടർത്തും മയിലാട്ടം
കണ്ണാ നിൻ കാനനമുരളീ കളനാദം
എന്നെ ഒരപ്സര നർത്തകിയാക്കിയ ഗീതം
ഓർമ്മയുണ്ടോ ഓർമ്മയുണ്ടോ
ഓർമ്മയുണ്ടോ (കണ്ണാ..)

ധീരസമീരനിലൂടെ യമുനാതീര കുടീരത്തിലൂടെ
വൃശ്ചികമാസ നിലാവൊളി പൂശിയ
വൃന്ദാവനികയിലൂടെ ഈ
ദ്വാരകാപുരി തേടിവരുന്നവളാരോ നീയാരോ

ഗോമേദകമണി മുത്തുകൾ ചിന്നിയ
ഗോവർദ്ധനത്തിൻ മടിയിൽ
കോടി ജന്മങ്ങളിൽ നിൻ കുഴൽ വിളി
കേട്ടോടി വന്നവൾ ഞാൻ
നിന്റെ ഗോപകന്യക ഞാൻ

രാസവിലാസിനി രാധ എന്റെ
രാഗാശശിമുഖി രാധ
എന്നെ വികാരവിമോഹിതനാക്കിയ
വൃന്ദാവനത്തിലെ രാധ ഈ
രാജസദനം നീ അലങ്കരിക്കൂ പ്രിയ രാധേ (കണ്ണാ.)

നിത്യ കന്യക 1963 യേശുദാസ് & സുശീല

എന്തെന്തു മോഹങ്ങളായിരുന്നു

ചിത്രം: നിത്യ കന്യക [ 1963 ] കെ. എസ്. സേതുമാധവന്‍
രചന: വയലാർ രാമവർമ്മ
അംഗീതം: ജി ദേവരാജൻ
പാടിയതു: കെ ജെ യേശുദാസ് & പി സുശീല


എന്തെന്തു മോഹങ്ങളായിരുന്നു
എത്ര കിനാവുകളായിരുന്നു
ഒരു മോഹമെങ്കിലും പൂത്തു തളിർത്തില്ല
ഒരു കതിരെങ്കിലും കൊയ്തില്ല (എന്തെന്തു...)


ഒരു കൂട്ടിലൊന്നിച്ചു കഴിയാനൊരുങ്ങിയ
കുരുവികൾ നമ്മൾ പിരിഞ്ഞു
തിന തേടാൻ പോയപ്പോൾ ഒന്നിനെയെന്തിനോ
വനവേടനമ്പെയ്തു വീഴ്ത്തി
വനവേടനമ്പെയ്തു വീഴ്ത്തി (എന്തെന്തു...)

കതകൊന്നനങ്ങിയാൽ വിളി കേട്ടുണർന്നൂ ഞാൻ
കരയാത്ത നാളുകളില്ല
ഇരുളിന്റെ ലോകത്തിൽ നിന്നെ ഞാനോമനേ
ഇനിയേതു കാലത്തു കാണും
ഇനിയേതു കാലത്തു കാണും(എന്തെന്തു...)

പാലാട്ടു കോമൻ 1962 പി. സുശീല

ഉരുകുകയാണൊരു ഹൃദയം

ചിത്രം: പാലാട്ടു കോമൻ [ 1962 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: എം എസ് ബാബുരാജ്

പാടിയതു: പി സുശീല


ഉരുകുകയാണൊരു ഹൃദയം
ഓരോ നിമിഷവുമോരോ നിമിഷവും
ഉരുകുകയാണൊരു ഹൃദയം
ഇന്ദ്രനീലപ്പന്തലിലിന്നലെ
വന്നു വിടർന്ന നിലാവേ
എരിതീക്കനലിൽ എണ്ണയുമായ് നീ
എന്തിനു വീണ്ടും വന്നൂ (ഉരുകുക..)

ഇന്നലെ രാത്രിയിലീറൻ മാറിയ
മന്ത്രകോടിയുമായി
മോതിരവിരലിനാൽ മിഴിനീർ മായ്ക്കാൻ
മോഹമുറങ്ങിയുണർന്നൂ (ഉരുകുക..)

ഒരേയൊരാളിനെ മാത്രം കാണാൻ
ഒരു മൊഴി ചൊല്ലി മരിക്കാൻ
ഒഴിഞ്ഞ മുറിയിൽ ഒരു കല്ലറയിൽ
ഒരുങ്ങി നില്പൂ ഞാൻ(ഉരുകുക..)

കാട്ടുകുരങ്ങു [ 1960 ]പി. സുശീല

അറിയുന്നില്ല ഭവാനറിയുന്നില്ല...

ചിത്രം: കാട്ടുകുരങ്ങ് [ 1969 ] പി. ഭാസ്കരന്‍
രചന: പി ഭാസ്ക്കരൻ
സംഗീതം: ജി ദേവരാജൻ
പാടിയതു: പി സുശീല


അറിയുന്നില്ല ഭവാനറിയുന്നില്ല
അനുദിനമനുദിനമാത്മാവിൽ നടക്കുമെൻ
അനുരാഗപൂജ ഭവാനറിയുന്നില്ല
കേട്ടുമില്ല ഭവാൻ കേട്ടുമില്ല
അരികത്തു വന്നപ്പോഴും ഹൃദയ ശ്രീകോവിലിലെ
ആരാധനയുടെ മണികിലുക്കം ( അറിയുന്നില്ല..)

അജ്ഞാത സ്വപ്നങ്ങളാം പൂക്കളാൽ ഇവളെന്നും
അർച്ചന നടത്തിയതറിഞ്ഞില്ലാ നീ
കല്പനാജാലമെന്റെ കൺകളിൽ
കൊളുത്തിയ കർപ്പൂരദീപങ്ങളും
കണ്ടില്ല നീ കണ്ടില്ല നീ ( അറിയുന്നില്ല..)

കാലത്തിൻ കാലടികൾ നടന്നു നടന്നു പോകും
കോലാഹല സ്വരങ്ങളറിയാതെ
ഉയിരിന്റെ ശ്രീകോവിലടയ്ക്കാതെ നടക്കുന്നു
ഉദയാസ്തമനമെന്നശ്രുപൂജാ അശ്രു പൂജാ ( അറിയുന്നില്ല)

ധ്വനി 1988 യേശുദാസ് & സുശീല

അനുരാഗലോലഗാത്രി വരവായി നീലരാത്രി

ചിത്രം:ധ്വനി [ 1988 ] ഏ.റ്റി. അബു
രചന: യൂസഫലി കേച്ചേരി
സംഗീതം: നൗഷാദ്

പാടിയതു: കെ ജെ യേശുദാസ് & പി സുശീല


തര രാ...ര രാ....ര രാ..ര
തര രാ...ര രാ....ര രാ..ര
തര രാ...ര രാ‍....ര രാ‍..ര
അ അ അ........അ അ......അ അ അ...
അ അ അ.... അ....അ ... അ അ

അനുരാഗലോലഗാത്രി വരവായി നീലരാത്രി
നിനവിന്‍ മരന്ദചഷകം
നിനവിന്‍ മരന്ദചഷകം
നെഞ്ചില്‍ പതഞ്ഞ രാത്രി [അനുരാഗലോലഗാത്രി]

ലയലാസ്യകലാകാന്തി സഖി നിന്റെ രൂപമേന്തി
മാരന്റെ കോവില്‍ തേടി മായാമയൂരമാടി
മായാമയൂരമാടി........
ഒളി തേടി നിലാപ്പൂക്കള്‍
ഒളി തേടി നിലാപ്പൂക്കള്‍
വീഴുന്നു നിന്റെ കാല്‍ക്കല്‍ [അനുരാഗലോലഗാത്രി]

സ്വരഹീനവീണയില്‍ നീ ശ്രുതി മീട്ടി മഞ്ജുവാണീ..
ഈ മാറില്‍ മുഖം ചേര്‍ത്തു സുരലോകമൊന്നു തീര്‍ത്തു
സുരലോകമൊന്നു തീര്‍ത്തു..
ഉതിരുന്നു മന്ദമന്ദം
ഉതിരുന്നു മന്ദമന്ദം
ദ്യുതി നിന്‍ മുഖാരവിന്ദം [അനുരാഗലോലഗാത്രി]


ഇവിടെ


വിഡിയോ