സ്വപ്നഭൂമി [1967] യേശുദാസ്

Celebrating his 70th Birthday today....


പ്രേമസർവസ്വമേ നിൻ...

ചിത്രം: സ്വപ്നഭൂമി [1967] എസ്.ആർ. പുട്ടണ്ണ
രചന: വയലാർ രാമവർമ്മ
സംഗീതം: ജി ദേവരാജൻ

പാടിയതു: കെ ജെ യേശുദാസ്



പ്രേമസർവസ്വമേ നിൻ
പ്രമദവനം ഞാൻ കണ്ടൂ അതിൽ
മദനൻ വളർത്തും മാനിനെ കണ്ടൂ
മദിരോത്സവം കണ്ടൂ
പ്രേമസർവസ്വമേ


കവിളത്തു കരിവണ്ടിൻ ചുംബനപ്പാടുമായ്
ഇലവർങ്ഗപൂക്കൾ വിടർന്നൂ (2)
ഒരു സ്വർഗ്ഗവാതിൽ കിളിയായി ഞാൻ
സ്വയം മറന്നിവിടെ നിന്നൂ (2)
ഇന്നു ഞാൻ സ്വയം മറന്നിവിടെ നിന്നൂ (പ്രേമ..)


തിരിയിട്ടു കൊളുത്തിയ മുത്തുവിളക്കുമായ്
ധനുമാസരാത്രികൾ വന്നൂ ഈ
സ്വപ്നഭൂമിയിൽ പൂക്കാലം
സ്വയംവരപന്തലിട്ടു (2)
നമുക്കൊരു സ്വയംവരപന്തലിട്ടു (പ്രേമ..)



ഇവിടെ



വിഡിയോ

മെർക്കാറ [1999] ചിത്ര

ആരോ പറഞ്ഞു അരയാലിന്‍ കൊമ്പില്‍..

ചിത്രം:: മെർക്കാറ [1999] ജൂഡ് അട്ടിപ്പേറ്റി
രചന: ഷിബു ചക്രവർത്തി
സംഗീതം: ജെറി അമൽദേവ്\

പാടിയതു: കെ എസ് ചിത്ര



ആരോ.. ആരോ...
ആരോ പറഞ്ഞു അരയാലിന്‍ കൊമ്പില്‍
പകലാകെ കുയിലുകള്‍ പാടുമെന്ന് [2]
പതിവായി ഞാന്‍ പോയി പലനാളിരുന്നിട്ടും
അവയൊന്നും ഒരു ചിന്തും മൂളിയില്ല
അവയൊന്നും ഒരു ചിന്തും മൂളിയില്ല

ആരോ.. ആരോ.. [ ആരൊ.. ആരൊ ആരൊ പറ്റഞ്ഞു..

ഈറന്‍മിഴി പൊത്തി മായുന്ന പകലും
തോരാതെ പെയ്യുന്ന വര്‍ഷരാവും [2]
പുല്‍ക്കൊടിത്തുമ്പില്‍ പുഞ്ചിരിതൂകിയ
കണ്ണീര്‍കണമായിരുന്നു ബാല്യം
എന്നും തനിച്ചായിരുന്നു ഞാനും
ആരോ .. ആരോ...[ആരൊ പരഞ്ഞു അരയാലിൻ...


ഈ നീലരാവിന്‍ താരാപഥത്തില്‍
ഏകാന്ത ദു:ഖത്തിന്‍ താരകം ഞാന്‍[2]
പൂനിലാക്കായലില്‍ പാതിയില്‍ വീണൊരു
പാതിരാപ്പൂവാണെനിക്കു സ്വപ്നം
ഏകാകിനിയല്ലോ എന്നു ഞാനും
ആരോ.. ആരോ...
ആരോ പറഞ്ഞു അരയാലിന്‍ കൊമ്പില്‍
പകലാകെ കുയിലുകള്‍ പാടുമെന്ന്
പതിവായി ഞാന്‍ പോയി പലനാളിരുന്നിട്ടും
അവയൊന്നും ഒരു ചിന്തും മൂളിയില്ല
ആരോ.. ആരോ... ആരോ.. ആരോ..







ഇവിടെ

യോദ്ധാ [ 1992] യേശുദാസ് & സുജാത

മാമ്പൂവെ മഞ്ഞുതിരുന്നൊ...

ചിത്രം: യോദ്ധാ [ 1992] സംഗീത് ശിവൻ
രചന: ബിച്ചു തിരുമല
സംഗീതം: ഏ.ആർ. റെഹ് മാൻ

പാടിയതു: യേശുദാസ് & സുജാത

മാമ്പൂവെ മഞ്ഞുതിരുന്നൊ നെഞ്ചത്തു ചൂടുണ്ടോ
കാവോരം നീല കുയിൽ നിൻ തേവാരം പാടുന്നൊ
മൊട്ടിട്ടു മൂടും നിന്നുള്ളിൽ സിന്ദൂര പൂന്തേനുണ്ടോ[2] [ മാമ്പൂവേ...

മാമ്പുള്ളി പാടും ചൂടും തേടി കൊഞ്ചുന്ന തെന്നൽ പോലും
തൂവെല്ല ചേലിൽ മീനും തേടി യൌവ്വന ധാഹങ്ങൾ
ഇന്നെന്റെ ഊഴം മാമ്പൂവെ ..ഇന്നെന്നെ തേടും തേൻപൂവെ[2] മാമ്പൂവെ...

കണ്ടില്ല ഞാനീ ശൃംഗാരങ്ങൾ
കൊണ്ടില്ല പൂവമ്പൊന്നും
വന്നില്ല നീയെൻ നെഞ്ചിൻ മഞ്ചം
ഒന്നിച്ചു പങ്കാളാൻ
ചുംബിചതില്ലേൻ ചെഞ്ചുണ്ടിൻ സിന്ദൂര പൂ പോലും നീ..[2] മാമ്പൂവെ

മാമ്പൂവെ മഞ്ഞുതിരുന്നൊ നെഞ്ചത്തു ചൂടുണ്ടോ
കാവോരംനീല കുയിൽ നിൻ തേവാരം പാടുന്നൊ
മൊട്ടിടം മൂടും നിന്നുള്ളിൽ സിന്ദൂര പൂന്തേനുണ്ടോ[2]



ഇവിടെ



വിഡിയോ

കേളി [1991] ചിത്ര

താരം വാൽക്കണ്ണാ‍ടി നോക്കി

ചിത്രം: കേളി [1991] ഭരതൻ
രചന: കൈതപ്രം ദാമോദരൻ നമ്പൂതിരി
സംഗീതം: ഭരതൻ
പാടിയതു: കെ എസ്. ചിത്ര


ആ... ആ... ആ...
താരം വാൽക്കണ്ണാ‍ടി നോക്കി
നിലാവലിഞ്ഞ രാവിലേതോ
താരം വാൽക്കണ്ണാ‍ടി നോക്കി
നിലാവുചൂടി ദൂരെ ദൂരെ ഞാനും
വാൽക്കണ്ണാ‍ടി നോക്കി....

മഞ്ഞണിഞ്ഞ മലരിയിൽ
നിനവുകൾ മഞ്ഞളാടി വന്ന നാൾ (മഞ്ഞണിഞ്ഞ)

ഇലവങ്കം പൂക്കും വനമല്ലിക്കാവിൽ (2)
പൂരം കൊടിയേറും നാൾ
ഈറൻ തുടിമേളത്തൊടു ഞാനും
(വാൽക്കണ്ണാ‍ടി)

നൂറു പൊൻ‌തിരി നീട്ടിയെൻ
മണിയറ വാതിലോടാമ്പൽ നീക്കി ഞാൻ (നൂറു പൊൻ‌തിരി)
ഇലക്കുറി തൊട്ടു കണിക്കുടം തൂവി (2)
ഇല്ലം നിറ ഉള്ളം നിറ
മാംഗല്യം പൊഴിയുമ്പോൾ നമ്മൾ
ആ... ആ... ആ‍... നമ്മൾ
(വാൽക്കണ്ണാടി)



ഇവിടെ


വിഡിയോ

അദ്വൈതം [ 1992] എം ജി ശ്രീകുമാർ & കെ എസ് ചിത്ര

മഴവില്‍ക്കൊതുമ്പിലേറിവന്ന വെണ്ണിലാക്കിളീ..

ചിത്രം: അദ്വൈതം [ 1992] പ്രിയദർശൻ
രചന: കൈതപ്രം ദാമോദരൻ നമ്പൂതിരി
സംഗീതം: എം ജി രാധാകൃഷ്ണൻ
പാടിയതു: എം ജി ശ്രീകുമാർ & കെ എസ് ചിത്ര

മഴവില്‍ക്കൊതുമ്പിലേറിവന്ന വെണ്ണിലാക്കിളീ..‍
കദളീവനങ്ങള്‍ താണ്ടിവന്നതെന്തിനാണു നീ
മിഴിനീര്‍ക്കിനാവിലൂര്‍ന്നതെന്തേ സ്നേഹലോലയായ്..


പുതുലോകം ചാരേ കാണ്മൂ നിന്‍ ചന്തം വിരിയുമ്പോള്‍
അനുരാഗം പൊന്നായ് ചിന്നി നിന്‍ അഴകില്‍ തഴുകുമ്പോള്‍
താലീപ്പീലിപ്പൂരം ദൂരെ മുത്തുക്കുട നീര്‍ത്തിയെന്റെ രാഗസീമയില്‍
അല്ലിമലര്‍ക്കാവിന്‍ മുന്നില്‍ തങ്കത്തിടമ്പെഴുന്നള്ളും മോഹസന്ധ്യയില്‍
(മഴവില്‍ക്കൊതുമ്പില്‍)

തിരുവള്ളൂര്‍ക്കുന്നിന്‍ മേലേ തിറമേളം കൂടാറായ്..
മണിനാഗക്കോവിലിനുള്ളില്‍ നിറദീപം കാണാറായ്..
അങ്കത്താളം തുള്ളിത്തുള്ളി കന്നിച്ചേകോര്‍ എഴുന്നള്ളും വര്‍ണ്ണക്കേളിയില്‍
കോലം മാറി താളം മാറി ഓളം തല്ലും തീരത്തിപ്പോള്‍ വന്നതെന്തിനായ്
(മഴവില്‍ക്കൊതുമ്പില്‍)


ഇവിടെ



വിഡിയോ

കളക്ടർ മാലതി [1967] കെ ജെ യേശുദാസ് & പി സുശീല

നീലക്കൂവള പൂവുകളോ...

ചിത്രം: കളക്ടർ മാലതി [1967] എം. കൃഷ്ണൻ നായർ
രചന: വയലാർ രാമവർമ്മ
സംഗീതം: എം എസ് ബാബുരാജ്

പാടിയതു: കെ ജെ യേശുദാസ് & പി സുശീല





നീലക്കൂവള പൂവുകളോ
വാലിട്ടെഴുതിയ കണ്ണുകളോ
മന്മഥൻ കുലയ്ക്കും വില്ലുകളോ
മനസിൽപ്പടരും വല്ലികളോ
കുനു ചില്ലികളോ (നീലക്കൂവള..)
‌
കരിവണ്ടുകളോ കുറുനിരയോ
കവിളിൽ പൂത്തതു് ചെന്താമരയോ
മധുരസ്വപ്നമാം മലർക്കിളിനീന്തും (2)
മദനപ്പൊയ്കയോ നുണക്കുഴിയോ ഇതു്
മദനപ്പൊയ്കയോ നുണക്കുഴിയോ (നീലക്കൂവള..)

പകുതിതുറന്നനിൻ പവിഴച്ചിപ്പിയിൽ
പ്രണയപരാഗമോ പുഞ്ചിരിയോ
അധരത്തളിരോ ആതിരാക്കുളിരോ
അമൃതോ മുത്തോ പൂന്തേനോ - ഇതിൽ
അമൃതോ മുത്തോ പൂന്തേനോ (നീലക്കൂവള..)




വിഡിയോ

കളക്ടർ മാലതി [1967] യേശുദാസ് & സുശീല

കറുത്തപെണ്ണേ നിന്റെ കണ്ണാടിച്ചില്ലിനുള്ളിൽ....


ചിത്രം: കളക്ടർ മാലതി [1967] എം. കൃഷ്ണൻ നായർ
രചന: വയലാർ രാമവർമ്മ
സംഗീതം: എം എസ് ബാബുരാജ്
പാടിയതു: കെ ജെ യേശുദാസ് & പി സുശീല


കറുത്തപെണ്ണേ നിന്റെ കണ്ണാടിച്ചില്ലിനുള്ളിൽ
വരച്ചതാരാണെന്റെ വർണ്ണചിത്രം(2)
മനസ്സിന്റെ ചുവരിൽ ചിത്രം വരയ്ക്കും
അനുരാഗമെന്നൊരു ചിത്രകാരൻ(2)(കറുത്തപെണ്ണേ..)

കാമുകിയല്ല കളിത്തോഴിയല്ല
പ്രേമസർവ്വസ്വമല്ലോ നീ(2)
കാളിദാസന്റെ ശകുന്തളപോലൊരു
ഗ്രാമകന്യകയല്ലോ നീ(2)
ദുഷ്യന്തനെന്നെ മറക്കുമോ
ദുഷ്യന്തനെന്നെ മറക്കുമോ(2) (കറുത്തപെണ്ണേ..)

ഈമനോഹര മാലിനിതീരവും
പ്രേമസുന്ദര സന്ധ്യകളും(2)
ചമ്പകത്തണലുമീ ചന്ദനശിലയും
എങ്ങിനെ മറക്കുവതെങ്ങിനെ നാം
ചമ്പകത്തണലുമീ ചന്ദനശിലയും
എങ്ങിനെ മറക്കുവതെങ്ങിനെ നാം (കറുത്തപെണ്ണേ..)


ഇവിടെ

ശരം [ 1982] പി. സുശീല

വെണ്മേഘം കുട ചൂടും...

ചിത്രം: ശരം [ 1982] ജോഷി
രചന: ദേവദാസ്
സംഗീതം: കെ.ജെ. ജോയ്
പാടിയതു: പി. സുശീല

വെണ്മേഘം കുട ചൂടും
എൻ കിനാവിൻ ചന്ദ്രികയിൽ
പുഷ്പരാഗ തേരിൽ വരൂ
സ്വപ്ന ലോല ഗായകൻ നീ...

എന്നും എന്റെ ഹൃദയത്തിൻ
പൊൻ വസന്ത കേളികളിൽ
നീ പാടും രാഗവും സോപാന ഗീതവും
മധു ചൊരിഞ്ഞു ഞാൻ മതി മറന്നു
ദേവനെന്ന നാടകത്തിൽ
ഞാനൊരു പൂവാണാലയത്തിൽ
തപസ്വിനിയായ് ഞാൻ തപസ്വിനിയാ‍ായ്...[ വെണ്മേഘം കുട...

നീ നൽകി ജീവിതം ഇതു ധന്യ ജീവിതം
കതിരണിഞ്ഞൂ മനം തളിരണിഞ്ഞൂ[2]
എന്റെ മൌന തീരത്തു
നിത്യ രാഗ മേളവുമായ്
വന്നു ചേരൂ... നീ വന്നു ചേരൂ...[ വെണ്മേഘം കുട....

കിന്നരിപ്പുഴയോരം [ 1994] എം ജി ശ്രീകുമാർ

ദേവയാനി
താരാംബരം പൂക്കും തളിർമിഴിയിൽ ...

ചിത്രം: കിന്നരിപ്പുഴയോരം [ 1994] ഹരിദാസ്സ്
രചന: ഗിരീഷ് പുത്തഞ്ചേരി
സംഗീതം: എം ജി രാധാകൃഷ്ണൻ
പാടിയതു: എം ജി ശ്രീകുമാർ



താരാംബരം പൂക്കും തളിർമിഴിയിൽ നിന്റെ
താരണി വെണി തൻ ചുരുളിഴയിൽ
മേടനിലാവിന്റെ പൂമ്പീലിയണിയിക്കും
മാരചന്ദ്രോദയം കണി കണ്ടു ഞാൻ (താരാംബരം...)

ആയിരം തിരി കത്തുമമ്പലമുറ്റത്തൊ
രായിരത്തൊന്നാം തിരിയായ് നീ
നീൾ വിരൽത്തുമ്പിനാൽ തൊട്ടപ്പോളാളിയോ
നിൻ മണിക്കവിളിലെ കനകനാളം നിൻ
പുഞ്ചിരിക്കതിരിലെ പ്രണയതാളം (താരാംബരം..)


താമരത്തളിരോലും നിന്നുടൽ മൂടുമീ
പൊൻ നിറച്ചേലയായ് ഞാൻ മാറവേ
തങ്കത്തിൻ മാറ്റുള്ളോരംഗലാവണ്യമേ
നീയെന്റെ മനസ്സിലെ കവിതയായി
നിൻ ചന്ദനക്കുളിർച്ചിരി പൂത്തിരിയായ് (താരാംബരം..)


ഇവിടെ

നോക്കെത്താ ദൂരത്ത് കണ്ണും നട്ടു [1985] ചിത്ര

നാദിയ മൊയ്ദതു


കിളിയെ കിളിയെ നറുതേൻ മൊഴിയെ...

ചിത്രം: നോക്കെത്താ ദൂരത്ത് കണ്ണും നട്ടു [1985] ഫാസ്സിൽ
രചന: ബിച്ചു തിരുമല
സംഗീതം: ജെറി അമൽദേവ്
പാടിയതു: ചിത്ര


കിളിയെ കിളിയെ നറുതേൻ മൊഴിയെ
ശിശിരങ്ങൾ ഈ വഴിയേ
കുളിരിൻ ചിറകിൽ പനിനീരലയിൽ
കളിയാടി വാ ഇതിലെ, വിളയാടി വാ ഇതിലെ...[2]

അരയാലിൻ മേലെ ആലോലം
നിൻ കനവിന്നൂഞ്ഞാൽ ഉയരുമ്പോൾ [2] ലല്ലലാ ലല്ലലാ...
കൈക്കു മ്പിൾ കൊന്നെക്കുള്ളിലെങ്ങോ
താള വട്ടം കളഞ്ഞിരുന മൌനം
ഇന്നും ലല്ലലാ മിന്നും ലല്ലലാ സ്വയം ലല്ലലാ തേടുകയൊ നിന്നെ...[ കിളിയെ...

ഒരു കുന്നും മേലേ ഏലേലൊ
പൊൻ പകലിൻ തൂവൽ കൊഴിയുമ്പോൾ [2]
നീല ചില്ലിൽ മിന്നാ മിനുങ്ങി പൂക്കൾ
തിരി വയ്ക്കും നിഴൽ മെടഞ്ഞ കൂട്ടിൽ..
ലല്ലല എന്നും ലല്ലലാ നീയുമ്ലലല്ലലാ
ഒരു പൈങ്കിളിയെ....[ കിളിയെ...


ഇവിടെ



വിഡിയോ

താരാട്ട് [1981] യേശുദാസ്

പൂവിനുള്ളിൽ പൂവിരിയും

ചിത്രം: താരാട്ട് [1981] ബാലചന്ദ്ര മേനോൻ
രചന: മധു ആലപ്പുഴ
സംഗീതം: രവീന്ദ്രൻ
പാടിയതു: കെ ജെ യേശുദാസ്

പൂവിനുള്ളില്‍ പൂ വിരിയും പൂക്കാലം വന്നു (2)
പ്രേമവതി നിന്നെ പോലൊരു പൂക്കാലം വന്നു
പൂവിനുള്ളില്‍ പൂ വിരിയും പൂക്കാലം വന്നു

കവികള്‍ വാഴ്ത്തി വന്ന പ്രേമ രംഗം
കമനീയ ഭാവനാ സ്വപ്ന രംഗം (കവികള്‍... )
സീയോനിന്റെ താഴ്വരയില്‍ വന്നുവോ (2)
ഞാന്‍ ശലോമോന്റെ പ്രേമഗീതം കേള്‍ക്കുകയോ

പൂവിനുള്ളില്‍ പൂ വിരിയും പൂക്കാലം വന്നു
പ്രേമവതി നിന്നെ പോലൊരു പൂക്കാലം വന്നു
പൂവിനുള്ളില്‍ പൂ വിരിയും പൂക്കാലം വന്നു

പൂമരം മറഞ്ഞു നിന്നു കാമദേവന്‍
പൂച്ചിലങ്ക കിലുങ്ങവേ മനസ്സുലഞ്ഞൂ (പൂമരം.. )
തപസ്സില്‍ നിന്നുണര്‍ന്നെങ്ങും തേടുകയായ് (2)
ഞാന്‍ താരുണ്യം തളിരണിഞ്ഞ കന്യകയെ

പൂവിനുള്ളില്‍ പൂ വിരിയും പൂക്കാലം വന്നു
പ്രേമവതി നിന്നെ പോലൊരു പൂക്കാലം വന്നു
പൂവിനുള്ളില്‍ പൂ വിരിയും പൂക്കാലം വന്നു.....




വിഡിയോ

കിലുകിൽ പമ്പരം [ 1997 ]എം.ജി. ശ്രീകുമാർ

\







മണിതിങ്കൾ തിടമ്പിന്മേൽ കുറുകും പ്രാവെ...

ചിത്രം: കിലുകിൽപമ്പരം [ 1997] തുളസിദാസ്
രചന: ഗിരീഷ് പുത്തെഞ്ചെര്രി
സംഗീതം: എസ്.പി. വെങ്കിടേഷ്
പാടിയതു: എം.ജി. ശ്രീകുമാർ


മണിതിങ്കൾ തിടമ്പിന്മേൽ കുറുകും പ്രാവെ
കുണുങ്ങുമ്പോൽ കുറുമ്പേറും കുറിഞ്ഞി പ്രാവെ
അരിയ നെഞ്ചിൽ ചാഞ്ഞുറങ്ങാൻ വാ
ചിരി നിലാവിൽ ചില്ലു തൂവൽ താ
പാതിരക്കാറ്റെ ഊയലാടാൻ വാ...[ മണിതിങ്കൾ...

നറു പീലിക്കാവിൽ നിറ തിങ്കൾ തേരിൽ
ശിവരാത്രിക്കാറ്റണഞ്ഞു
നിറമോലും തൂവൽ വിരൽ കൊണ്ടെന്നുള്ളിൻ
കിളിവാതിൽ നീ തുറന്നു
കന്നി നിലാവിൽ ദീപ നാളങ്ങൾ
മിഴിയടയ്ക്കും ദേവ യാമിനിയിൽ
ഞാനുറങ്ങാതെ കാത്തിരിക്കുമ്പോൾ...[ മണിതിങ്കൾ...

നിറമേഴു പൂക്കും പവിഴൊരത്തേതോ
മഴവില്ലിൽ പൂ വിരിഞ്ഞു
അറിയാതെന്നുള്ളിൽ കൊതി മൂളും പാട്ടിൽ
നിറയുമേതോ മൂക നിർവൃതിയിൽ
അമൃതുണ്ണാൻ നീയണഞ്ഞു..
നിന്നെ ഞാനെൻ സ്വന്തമാക്കുമ്പോൾ
ആതിരത്താരം വീണുറങ്ങാറായോ...[ മണിതിങ്കൾ...





വിഡിയോ

തൂവൽക്കൊട്ടാരം [1996] യേശുദാസ്

സിന്ദൂരം പെയ്‌തിറങ്ങി

ചിത്രം: തൂവൽക്കൊട്ടാരം [1996] സത്യൻ അന്തിക്കാട്
രചന: കൈതപ്രം ദാമോദരൻ നമ്പൂതിരി
സങീതം: ജോൺസൻ
പാടിയതു: കെ ജെ യേശുദാസ്




സിന്ദൂരം പെയ്‌തിറങ്ങി പവിഴമലയിൽ
മന്ദാരം പൂത്തൊരുങ്ങി ഹരിതവനിയിൽ
സോപാനസന്ധ്യ നീളേ കനകമൊഴുകീ

(സിന്ദൂരം)

കർണ്ണികാരപല്ലവങ്ങൾ താലമേന്തി നിൽക്കയായ്
കൊന്നപൂത്ത മേടുകൾ മഞ്ഞളാടി നിൽക്കയായ്
കാൽച്ചിലമ്പണിഞ്ഞു നിന്ന ഗ്രാമകന്യയായ് മനം
കനവിൽ നിറയും ശ്രുതിയായ് മുരളി
കതിരുലയും കൈകളിലൊരു
തരിവളയുടെ കൈത്താളം
തിരിതെളിയും തറവാടിനു
പുതുമണ്ണിൻ സ്‌ത്രീധനമായ് പൂക്കാലം

(സിന്ദൂരം)

കേശഭാരമോടെയിന്ന് കളിയരങ്ങുണർന്നുപോയ്
പഞ്ചവാദ്യലഹരിയിൽ പൊൻ‌തിടമ്പുയർന്നുപോയ്
മാരിവില്ലു ചൂടിനിന്നു വർഷമേഘസുന്ദരി
കരളിൽ തഴുകീ കുളിരും മഴയും
നെയ്ത്തിരിയും കുരവയുമായ്
എതിരേൽക്കും ചാരുതയിൽ
സുന്ദരമൊരു കാമനയുടെ
പനിനീർക്കുട നീർത്തുകയായ് പൊന്നോണം

(സിന്ദൂരം)

ഇവിടെ


വിഡിയോ

മധുര ഗീതങ്ങൾ [ ആൽബം}

ശ്രീകുമാരൻ തമ്പി

ആദ്യത്തെ നോട്ടത്തിൽ കാലടി

ആൽബം: മധുര ഗീതങ്ങൾ
രചന: ശ്രീകുമാരൻ തമ്പി
സംഗീതം: ദക്ഷിണാ മൂർതി

പാടിയതു: യേശുദാസ്

ആദ്യത്തെ നോട്ടത്തിൽ കാലടി കണ്ടൂ
അടുത്ത നോട്ടത്തിൽ ഞൊറിവയർ കണ്ടൂ
ആരോരും പുണരാത്ത പൂമൊട്ടും കണ്ടൂ
പിന്നത്തെ നോട്ടത്തിൽ കണ്ണു കണ്ണിൽ കൊണ്ടൂ (ആദ്യത്തെ..)

ആദ്യം വിളിച്ചപ്പോൾ കേട്ടില്ല പോലും
വീണ്ടും വിളിച്ചപ്പോൾ പേരതല്ല പോലും
പിന്നാലെ നടന്നാലും വരില്ലെന്നു മൊഴിഞ്ഞു
പിന്നെ ഞാൻ വിളിച്ചപ്പോൾ വിരയലാർന്നു നിന്നു (ആദ്യത്തെ...)

ആദ്യം ഞാൻ തൊട്ടപ്പോൾ
അയ്യോ നാണമെന്നായ്
ആരാനും കണ്ടെന്നാൽ മാനം പോകുമെന്നായ്
എന്തെങ്കിലും വന്നാലെന്തു ചെയ്യുമെന്നായ്
പിന്നെയെൻ മാറിൽ നിന്നും മാറികില്ലെന്നായ് [ആദ്യത്തെ...

ദൃക്ക്സക്ഷി [1973] എസ്.ജാനകി

വി ദക്ഷിണാമൂർത്തി


ഒരു ചുംബനം ഒരു മധുചുംബനം...

ചിത്രം: ദൃക്‌സാക്ഷി [ 1973] പി.ജി. വാസുദേവൻ
രചന: ശ്രീകുമാരൻ തമ്പി
സംഗീതം: വി ദക്ഷിണാമൂർത്തി

പാടിയതു: എസ് ജാനകി



ഒരു ചുംബനം ഒരു മധുചുംബനം
എൻ അധരമലരിൽ വണ്ടിൻ പരിരംഭണം
കൊതിച്ചൂ ഞാനാകെ തരിച്ചൂ
നിന്നോടതുരയ്ക്കുവാൻ എൻ നാണം മടിച്ചൂ (ഒരു ചുംബനം)

കുളിർ കോരിയുണരുന്ന മലർ‌വാടിയിൽ
അന്നു കളിചൊല്ലി നീ നിന്ന പുലർ‌വേളയിൽ
ഒരു നൂറുസ്വപ്നങ്ങൾ വിടർത്തുന്ന പൂമുല്ലത്തണലിൽ ഞാൻ
മറ്റൊരു ലതയാകവേ വിറച്ചൂ മാറിടം തുടിച്ചൂ
നിന്നോടതുരയ്ക്കുവാൻ എൻ നാണം മടിച്ചൂ (ഒരു ചുംബനം)

ഉടൽ കോരിത്തരിക്കുന്ന കുളിർത്തെന്നലിൽ
അന്നു വിട ചൊല്ലി നീ നിന്ന നിറസന്ധ്യയിൽ
ഒരു കോടി നുരപ്പൂക്കൾ വിടർത്തുന്നൊരലയാഴിക്കരയിൽ
ഞാൻ മറ്റൊരു തിരയാകവെ
അടുത്തൂ കണ്മുന തൊടുത്തൂ
നിൻ മാറിൽ പതിക്കുവാൻ എൻ നാണം മടിച്ചൂ (ഒരു ചുംബനം)



ഇവിടെ

പച്ചക്കുതിര [2006] എം.ജി. ശ്രീകുമാർ & ജ്യൊത്സ്ന

ഒരു തൊട്ടാവാടിക്കുട്ടി മനസ്സിൽകൂട്ടിനിരിക്കാം


ചിത്രം: പച്ചക്കുതിര [2006] കമൽ
രചന: ഗിരീഷ് പുത്തൻചെരി
സംഗീതം: ഇളയരാജാ

പാടിയതു: എം.ജി. ശ്രീകുമാർ & ജ്യൊത്സ്ന

ഒരു തൊട്ടാവാടിക്കുട്ടി മനസ്സിൽകൂട്ടിനിരിക്കാം
ഈ പട്ടാപകലിൻ പട്ടുറുമാലിൽ പാറി നടക്കാം
ഒരു പൊൻ നിറനാഴി നിറയ്ക്കാം
നവ വർണമളന്നു പൊളിക്കാം
ഇനി നമ്മൾ വരയ്ക്കും ചിത്രം
പല നന്മകൾ തൻ മുഖചിത്രം
നിന്നെ കാണാനെത്തുന്നു..പാരിജാത പൂക്കൾ
ചിറകാർന്നു പറക്കും പൂക്കൾ
നീ വരില്ലെ മുത്തെ ഇനി കൂടെ വരില്ലേ തത്തേ...[ ഒരു തൊട്ടാവാടി...

റെയിൻബോ റെയിലിൽ പാറാം
ഫോക്കും പോപ്പും പാടാം
ഒന്നൂടൊന്നായി എന്നും
ഒരു ഹാർട്ടിൻ ബീറ്റിൽ പാടാം
ഒരു മാജിക്ക് ലാന്റേൺ കണ്ണിൽ പെട്ടാൽ
പാഞ്ഞോടാം
ചെറു മിന്നാ മിന്നീടെ മുന്നിൽ
പെട്ടാൽ ചഞ്ചാടാം
പിസ്സാ ബർഗർ വാങ്ങാം
അതു ജെർമൻ സ്റ്റൈലെടാ
കഞ്ഞീം പയറും ഇല്ലേ
ഇതുനാടൻ മൂഡെഡാ
ഇനി വിട്ടു തരില്ലെൻ കുട്ടനെ
ഞാനെൻ സർക്കാരേ...[ ഒരു തൊട്ടാ വാടി...


ഷാമ്പെയിൻ ചീറ്റുമ്പോലെ
ഒരു ചാറ്റിൽ മാമഴ പെയ്താൽ
മായാ ബീച്ചിൽ പോകാം
ഒരു പൂന്തിര പൊൻ തിരയാകാം
ബേബി ബോട്ടിൻ ബാൽകണ്യ് ഏറാം ചെങ്ങാതീ...
നിറ വർണ്ണ ബലൂണായ് വിണ്ണിൻ കുറുകെ
പറന്നീടാം
കിട്ടീ... പാട്ടുപെട്ടി.
ഇതു തങ്കത്തിന്റെ കട്ടി
ഇവനെ നെഞ്ചിലേറ്റും ഒരു താരാട്ടാണു ഞാൻ
ഇനി വിട്ടു തരില്ലെൻൻ കുട്ടനെ
ഞാനെൻ സർക്കാരെ.... [ ഒരു തൊട്ടാവാടി...


ഇവിടെ

ഏന്നും നിനക്കായി പാടാം [ ആൽബം] 2007

എന്നും നിനക്കായി പാടാം...

ആൽബം: എന്നും നിനക്കായി പാടാം [2007] നൌഷ ഷമീർ
രചന: ചിറ്റൂർ ഗോപി
സംഗീതം: നൌഷ ഷമീർ

പാടിയതു:ഷാഫി കൊല്ലം & റെഹന


ആ..ആ...ആ ഉം..ഉം..ഉം..
എന്നും നിനക്കായി പാടാം
എന്നെ നിനക്കായി നൽകാം (2)
കണ്ണിൽ നീയേ നെഞ്ചിൽ നീയേ
ഓർമ്മയിൽ നീ മാത്രമെന്നും
നീയില്ലാതെ ഞാനില്ല തോഴാ

എന്നും നിനക്കായി പാടാം
എന്നെ നിനക്കായി നൽകാം (2)
കണ്ണിൽ നീയേ നെഞ്ചിൽ നീയേ
ഓർമ്മയിൽ നീ മാത്രമെന്നും
നീയില്ലാതെ ഞാനില്ല തോഴീ

എന്നും നിനക്കായി പാടാം
എന്നെ നിനക്കായി നൽകാം

ആ..ആ ലലലാ.
ആരും അറിയാതെ കാതിൽ പറയാതെ
അഴകേ നിൻ ചൊടിയിൽ
പ്രണയം പകരാം ഞാൻ
കള്ളക്കാറ്റിതറിയുമ്പോൾ
എങ്ങും പാടി നടക്കുമ്പോൾ
കള്ളിപ്പെണ്ണിനിടനെഞ്ചിൽ
കുടു കുടേ താളമടിക്കുമ്പോൾ
നാലാളും കാൺകെ ഞാൻ നിന്നെയെൻ വധുവാക്കും
നീയില്ലാതെ ഞാനില്ല തോഴാ

എന്നും നിനക്കായി പാടാം
എന്നെ നിനക്കായി നൽകാം
കണ്ണിൽ നീയേ നെഞ്ചിൽ നീയേ
ഓർമ്മയിൽ നീ മാത്രമെന്നും
നീയില്ലാതെ ഞാനില്ല തോഴീ..
എന്നും നിനക്കായി പാടാം
എന്നെ നിനക്കായി നൽകാം


ആ..ആ.ആ.ആ
ലലലാ
മാനം കുതിരുമ്പോൾ മൗനം പൊഴിയുമ്പോൾ
കവിതേ നിൻ കവിളിൽ കളഭം പകരാം ഞാൻ
നാണത്തോണി മറിയുമ്പോൾ
കണ്ണിൽ ഓളമടിക്കുമ്പോൾ
തുമ്പിപ്പെണ്ണവൾ ഇരു കൈയ്യാൽ
മണിമണീ മാല കൊരുക്കുമ്പോൾ
നാളാളും കാൺകേ ഞാൻ നിന്നെയെൻ സഖിയാക്കും
നീയില്ലാതെ ഞാനില്ല മണ്ണിൽ

എന്നും നിനക്കായി പാടാം
എന്നെ നിനക്കായി നൽകാം
കണ്ണിൽ നീയേ നെഞ്ചിൽ നീയേ
ഓർമ്മയിൽ നീ മാത്രമെന്നും
നീയില്ലാതെ ഞാനില്ല തോഴീ..

എന്നും നിനക്കായി പാടാം
എന്നെ നിനക്കായി നൽകാം...


വിഡിയോ

സ്മാർട് സിറ്റി [ 2007] കാർത്തിക്ക് & സുജാത

നീല കുറിഞ്ഞി ഒത്ത മിഴി ഇണയിൽ...

ചിത്രം: സ്മാർട് സിറ്റി [2007] ബി. ഉണ്ണികൃഷ്ണൻ
രചന: ഷിബു ചക്രവർത്ത്തി
സംഗീതം: മണികാന്ത് കാദ്രി

പാടിയതു: സുജാത & കാർത്തിക്ക്


നീല കുറിഞ്ഞി ഒത്ത മിഴി ഇണയിൽ
നിന്റെ മിഴിഅഴകിൽ നിന്നും
നീലിമ ആരു കടം വാങ്ങി
മാരിവിൽ മാല കൊരുക്കാനായി
മാറിൽ ചാർത്താനായി
വെള്ളി വാനിലെ പെണ്ണു കടം വാങ്ങി
ഇന്നൊന്നും പറയാതെ
പിന്നിൽ വന്നെന്റെ
കണ്ണു പൊത്തും കള്ളനാരാണു
കണ്ട്രു തീരാതെ പാതി വിടർന്ന
പൊൻ കിനാവോ നിറ വെൺ നിലാവോ....

സ്വപ്നങ്ങൾക്കിന്നു ഏഴു തിരി ഇട്ടൊരു
നിലവിളക്കിന്റെ തെളിച്ചം
എന്റെ പുലരികൾക്കാകട്ടെ നറു പുഞ്ചിരിയുടെ
ഇളവെയിലിന്റെ വെളിച്ചം[2]
സ്നേഹം പുതു മഞ്ഞിന്റെ പുലരികളണിയും
ചെറു ചൂടുള്ള തൂവൽ പുതപ്പ്...[ നീല കുറിഞ്ഞി...

സന്ധ്യകളിൻസാഗര സീമയെ
കുങ്ക്കുമം കൊണ്ടു നിറച്ച്
കാറ്റ് ചുംബിച്ചു ചുംബിചു
പാഴ്മുളം തണ്ടിൽ
പാട്ടിന്റെ പൂന്തേൻ നിറച്ചു [2]
സ്നേഹം മിന്നൽ കൊടി വന്നു
മണ്ണിൽ തൊടുന്ന വിണ്ണിന്റെ വാത്സല്യം പോലെ[ നീല കുറിഞ്ഞി...



വിഡിയോ

എന്റെ സൂര്യപുത്രിയ്ക്ക് [1991] ചിത്ര

രാക്കോലം വന്നതാണേ കൂത്താടും...

ചിത്രം: എന്റെ സൂര്യപുത്രിയ്ക്ക് [1991] ഫാസിൽ
രചന: കൈതപ്രം ദാമോദരൻ നമ്പൂതിരി
സംഗീതം: ഇളയരാജ

പാടിയതു: കെ എസ് ചിത്ര & കൊറസ്

രാക്കോലം വന്നതാണേ കൂത്താടും കൂട്ടരാണേ (2)
ഉള്ളം പതഞ്ഞ വേളയിൽ തമ്മിൽ തുളുമ്പുവാൻ
താളം പതിഞ്ഞ മേളയിൽ മേളം കലമ്പുവാൻ (രാക്കോലം..)

മേളമേറെ മാറിമാറി ആദിതാളമായ്
അംഗമേറെ മാറി മാറി ആരവങ്ങളായ്
ആരവങ്ങളേറിയേറി ഉത്സവങ്ങളായ്
ഉത്സവപ്പറമ്പിൽ നമ്മളൽഭുതങ്ങളായ്
തിങ്കൾ താലമേ കന്നിത്താരമേ
മേലേ മേട്ടിലെ മാമ്പൂ തെന്നലേ
ഒന്നിറങ്ങി വന്നാൽ ഒന്നു ചേർന്നു നിന്നാൽ
ഒത്തു കൂടി പാട്ടു പാടി നൃത്തമാടാം (രാക്കോലം..)

കുയിലമ്മേ നിന്നുള്ളിലുണ്ടോ താരാട്ടിൻ നീലാംബരി
എന്നുള്ളം താലോലമാടും മോഹത്തിൻ മൂകാംബരി
മായാമൗനം മായുവാൻ മാറി എന്തേ പൊയ് മുഖം
ഏതോ ബന്ധം മൂടുമീ മായാജാലം തീരുമോ
രാഗമാല പാടും പൂഞ്ചോല പോലും അമ്മയെന്ന നാമം തൂകുമ്പോൾ
മാരിവില്ലു ചൂടാൻ വെണ്മേഘമേറും നിന്നുള്ളിലുണ്ടോ വാസന്തം (രാക്കോലം...)


ഇവിടെ



വിഡിയോ

ഇവർ വിവാഹിതരായാൽ [2000] രതീഷ്

പാഴ്‌മുളം തണ്ടിൽ ഒരു പാതിരാ


ചിത്രം: ഇവർ വിവാഹിതരായാൽ [2000] സജി സുരേന്ദ്രൻ
രചന: ഗിരീഷ് പുത്തെഞ്ചെര്രി
സംഗീതം: എം. ജയചന്ദ്രൻ
പാടിയതു: രതീഷ്





പാഴ്‌മുളം തണ്ടിൽ ഒരു പാതിരാ പാട്ടിൽ
ഈ നൊമ്പരക്കുളിർ ചെണ്ടുമല്ലിക
ചാഞ്ഞുറങ്ങും പോലെ
മഴയുടെ മൈനേ മിഴി നനയല്ലേ
മനസ്സുകൾ ദൂരെ ദൂരെയോ .....


ഇതൾ പൊഴിഞ്ഞ സന്ധ്യ പോൽ ഈറനായ് നാം
പകൽ മറഞ്ഞ പാതയിൽ വെയിൽ തിരഞ്ഞു നാം
മനസ്സു നെയ്ത നൂലിൽ ചിറകു ചേർക്കുമോ
ഒരു തലോടലായ് മൗനയാത്രയിൽ


ഒരു വസന്തകാലമീ മിഴിയിൽ പൂക്കുമോ
ഒരു പരാഗരേണുവീ ചിരിയിൽ കാണുമോ
ഇഴ പിരിഞ്ഞ വാക്കിൽ മൊഴിയൊതുങ്ങുമോ
ഇടറി നിന്നു പാടും ദേവദൂതികേ


ഇവിടെ


വിഡിയോ

തോക്കുകൾ കഥ പറയുന്നു [ 1968 ] യേശുദാസ്

ഷീല

പാരിജാതം തിരുമിഴി തുറന്നു

ചിത്രം: തോക്കുകൾ കഥ പറയുന്നു [ 1968 ] കെ.എസ്. സേതുമാധവൻ
രചന: പി ഭാസ്ക്കരൻ
സംഗീതം: ജി ദേവരാജൻ
പാടിയതു: കെ ജെ യേശുദാസ്


പാരിജാതം തിരുമിഴി തുറന്നു
പവിഴ മുന്തിരി പൂത്തു വിടർന്നു
നീലോൽപലമിഴി നീലോൽപലമിഴി
നീമാത്രമെന്തിനുറങ്ങി

മൂടൽ മഞ്ഞു മുലക്കച്ചകെട്ടിയ
മുത്തണിക്കുന്നിൻ താഴ്വരയിൽ
നിത്യകാമുകി........ നിത്യകാമുകി
നിൽപ്പൂ ഞാനീ
നിശാനികുഞ്ജത്തിന്നരികിൽ
എഴുന്നേൽക്കൂ സഖീ, എഴുന്നേക്കൂ
ഏകാന്ത ജാലകം തുറക്കൂ.
(പാരിജാതം)

നിൻറെ സ്വപ്നമദാലസനിദ്രയിൽ
നിന്നെയുണർത്തും ഗാനവുമായ്
വിശ്വമോഹിനീ,.....വിശ്വമോഹിനി
നിൽപ്പൂ ഞാനീ
വികാര സരസ്സിൻ കരയിൽ
എഴുന്നേൽക്കൂ സഖീ, എഴുന്നേൽക്കൂ
ഏകാന്ത ജാലകം-തുറക്കൂ
(പാരിജാതം...)



ഇവിടെ



വിഡിയോ

ഹൈവേ [ 1996 ] സ്വർണലത & കോറസ്

ഒരു തരി കസ്തൂരി കുളിർ മണം..

ചിത്രം: ഹൈവേ [ 1996 ] ജയരാജ്
രചന: ഗിരീഷ് പുതെഞ്ചെരി
സംഗീതം: എസ്.പി. വെങ്കടേഷ്

പാടിയതു: സ്വർണലത & കോറസ്സ്


ഒരു തരി കസ്തൂരി കുളിർ മണം
മെയ്യാകെ വേണം
മണിമയിൽ പൊൻ തൂവൽ
മുടിയിതൾ ചൂടാനും വേണം....
വാലു വച്ചു കണ്ണെഴുതാൻ
മേഘ നീലപീലി വേണം....
മാരിവില്ലു കമ്മലിട്ട
ചില്ലു കൊത്തി ചേല ഒന്നു വേണം....[ ഒരു തരി.. മിഴിയിട ചാരാ
കിളിവാതിലിൽ വന്നു ഏതോ
കൊതിയുടെ കാണാ കിളി മകളെന്തെ മൊഴിയുന്നു.[ ഒരു തരി...
ആരോ കാണാൻ വരുമെന്നൊ
കനിവിൻ കളമൊ തൊടുമെന്നൊ
മൻസ്സിലെ മച്ചിൽ ചങ്ങല വട്ടയിലാരാരോ
മരതക മഞ്ചലിലുറങ്ങുന്നു.
ചിരിയുടെ തമ്പുരു മീട്ടുന്നു....[ ഒരു തറ്രി കസ്തൂരി...



ഇവിടെ



വിഡിയോ

ഇഷ്ടമാണു നൂറു വട്ടം [1996] യേശുദാസ് / ചിത്ര

രശ്മി സോമൻ

പൊന്നും പൂവും വാരി ചൂടാം

ചിത്രം: ഇഷ്ടമാണു നൂറു വട്ടം [1996] സിദ്ദിക്ക് ഷമീർ
രചന: ഗിരീഷ് പുതെഞ്ചെര്രി
സംഗീതം: എസ്. ബാലകൃഷ്ണൻ

പാടിയതു: യേശുദാസ്/ ചിത്ര

പൊന്നും പൂവും വാരി ചൂടാം
പുന്നാരപ്പൂ മുതം ചാർത്താം
മഞ്ഞണിപൂവൽ പൊൻ നിലാവെ
മാരിവിൽ തൂവൽ തേൻ പിറാവെ
ദൂരെ ദൂരെ പൂക്കാക്കൊമ്പിൽ
കൂകും കോകിലമായ്
ഞാൻ നിന്നെ തേടി പാടിയെത്താം
ഞാലിപ്പൂംതോപ്പിൽ ഊയലാടാം...[ പൊന്നും...

കുഞ്ഞികുറുമ്പേറും തുമ്പിയായി
കുഞാറ്റക്കൂടു തേടിടാം
കന്നി കശവിട്ടൊരാടകൾ
മിന്നായം മെയ്യിൽ മൂടിടാം
നിന്നെ ഞാനെൻ നെഞ്ചിലേ
മിന്നാമിന്നിയാക്കിടാം
പിന്നെ ഞാൻ നിൻ ചുണ്ടിലെ
ചിന്തും ചിന്തായ് മാറിടാം
പൂത്തൊരുങ്ങും പൂങ്കുരുന്നെ
ചന്ദനക്കാറ്റിൽ ചാഞ്ഞുറങ്ങൂ[2] പൊന്നുൻ പൂഫ്വും...

പൂമാന പൂതിങ്കൾ പൊഇകയിൽ
പാൽ തുള്ളി തൂവും രാത്രിയിൽ
കൺ ചിമ്മി താനാടും താരകൾ വിൺകോണിൽ
ചായും മാത്രയിൽ
നിന്നെ ഞാൻ എന്നുള്ളിലെ കാണാ മുതായ് കാക്കവെ
പിന്നെ നീയെൻ മാറിലെ മാരചൂടായ് മാറവെ
ചെമ്മുകിലിൻ ഉൾതടുക്കിൽ ചേർന്നുറങ്ങാൻ
നാണമായോ[2] പൊന്നുൻ പൂവും

ഉം..ഉം..ഉം..ഉം..




ഇവിടെ

കാലം മാറി കഥ മാറി [1987] ചിത്ര

മധുരസ്വപ്നം ഞാൻ കണ്ടൂ...

ചിത്രം: കാലം മാറി കഥ മാറി [1987] എം. കൃഷ്ണൻ നായർ
രചന: പി ഭാസ്ക്കരൻ
സംഗീതം: എ ടി ഉമ്മർ
പാടിയതു: കെ എസ് ചിത്ര

മധുരസ്വപ്നം ഞാൻ കണ്ടൂ
മാനത്തൊരു മുഖം കണ്ടൂ ഒരു (മധുര...)
ചന്ദ്രനല്ല താരമല്ല
സുന്ദരമീ മുഖം മാത്രം(3)
( മധുര...)

മന്ദഹാസക്കതിർ തൂകി
മാടി മാടി വിളിച്ചപ്പോൾ
ചിറകു വീശും രാക്കുയിലായ്‌
പറന്നു പറന്നു ഞാൻ ചെന്നു
നീയുമൊരു കിളിയായ്‌
നീലവാനം കൂടായി (മധുര..)


താരങ്ങൾക്കീ കഥയറിയാം
നിലാവിനും കഥയറിയാം
നിന്റെ സ്വർഗ്ഗമാളികയും
നിന്റെ സ്വർണ്ണ മാലകളും
കണ്ടതില്ല ഞാനൊന്നും
കണ്ടതു നിൻ മുഖം മാത്രം (മധുരസ്വപ്നം...)

പുഷ്പമാസചന്ദ്രിക തൻ
പൂമേടയിൽ നിന്നെന്നെ
പകൽക്കിനാവു തീർത്തൊരാ
പറുദീസയിൽ നിന്നെന്നെ
വിളിച്ചതു നീയാണോ
പടച്ചവന്റെ കൃപയാണോ (മധുരസ്വപ്നം...)



ഇവിടെ

നഗരമേ നന്ദി [ 1967 ] എസ്. ജാനകി

എം.റ്റി. വാസുദേവൻ നായർ

മഞ്ഞണിപ്പൂനിലാവ് പേരാറ്റിൻ കടവിങ്കൽ...


ചിത്രം: നഗരമേ നന്ദി [ 1967 ] എ.വിൻസെന്റ്
രചന: പി ഭാസ്ക്കരൻ
സംഗീതം: കെ രാഘവൻ

പാടിയതു: എസ് ജാനകി



മഞ്ഞണിപ്പൂനിലാവ് പേരാറ്റിൻ കടവിങ്കൽ
മഞ്ഞളരച്ചുവെച്ച് നീരാടുമ്പോൾ
മഞ്ഞണിപ്പൂനിലാവ്...

എള്ളെൺനമണം വീശും എന്നുടെ മുടിക്കെട്ടിൽ
മുല്ലപ്പൂ ചൂടിച്ച വിരുന്നുകാരാ
ധനുമാസം പൂക്കൈത മലർചൂടി വരുമ്പോൾ ഞാൻ
അങ്ങയെ കിനാവു കാണ്ട് കൊതിച്ചിരിക്കും
മഞ്ഞണിപ്പൂനിലാവ് പേരാറ്റിൻ കടവിങ്കൽ
മഞ്ഞളരച്ചുവെച്ച് നീരാടുമ്പോൾ
മഞ്ഞണിപ്പൂനിലാവ്...

പാതിരാപ്പാലകൾ തൻ വിരലിങ്കൽ‌ പൗർ‌ണ്ണമി
മോതിരമണിയിക്കും മലർമാസത്തിൽ
താന്നിയൂരമ്പലത്തിൽ കഴകക്കാരനെപ്പോലെ
താമരമാലയുമായ് ചിങ്ങമെത്തുമ്പോൾ

ഒരു കൊച്ചുപന്തലിൽ ഒരു കൊച്ചുമണ്ഡപം
പുളിയിലക്കരമുണ്ടും കിനാവു കണ്ടു
മഞ്ഞണിപ്പൂനിലാവ് പേരാറ്റിൻ കടവിങ്കൽ
മഞ്ഞളരച്ചുവെച്ച് നീരാടുമ്പോൾ
മഞ്ഞണിപ്പൂനിലാവ്...



ഇവിടെ



വിഡിയോ