ഫാന്റം [2002] എസ്.പി. ബാലസുബ്രമണ്യം

മാട്ടുപ്പൊങ്കൽ മാസം മല്ലിപ്പൂവിൻ

ചിത്രം: ഫാന്റം [ 2002 ] ബിജു വർക്കി
രചന: ഗിരീഷ് പുത്തഞ്ചേരി
സംഗീതം: ദേവ
പാടിയതു: എസ് പി ബാലസുബ്രമണ്യം



മാട്ടുപ്പൊങ്കൽ മാസം മല്ലിപ്പൂവിൻ വാസം
പാലക്കാടൻ കാറ്റിൽ പാലപ്പൂവിൻ ശ്വാസം
ചിറകണിയും മണ്ടി ജമന്തികളേ
ചിലമ്പണിയും ചെന്തമിഴ് തായ് മൊഴിയേ
പാടി വാ പൂങ്കാറ്റേ കൂടെ വാ കുഞ്ഞാറ്റേ നീ

ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)

മാങ്കുയിൽ പാട്ടിൻ പൂക്കും മാതളപൂവിൻ തേനേ
മഞ്ഞുനീരാറ്റിൽ പായും കുഞ്ഞിളം തിങ്കൾ മീനേ
തെന്നലിൽ താളം കൂടാൻ വാ
കണ്ണിലെ കാവൽ തുമ്പീ കാതലിൻ വീണക്കമ്പീ
മാമയിൽ തൂവൽ വീശി മാരിവിൽ ചന്തം പൂശീ
വെണ്ണിലാവേറ്റിൽ തൂകാൻ വാ
മണിക്കുയിലേ മലർക്കുയിലേ ഏ..ഏ..കൂവാതാ
മനസ്സുക്കുള്ളെ മഴതൂളിയായ് നീ നീ വീഴാതാ
മേഘങ്ങൾ രാഗം പാടട്ടുമാ..
ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)



പാതിരാനേരം കാറ്റിൻ കാവടി ചിന്തായ് പാടീ
നന്ദനത്തേരിൽ ഏറി നന്തുണിപ്പാട്ടും മൂളി
ഏങ്കിനാൽ ഉള്ളം ഒന്നാലെ
കൊഞ്ചുവിൻ പൂവൽ മൈനേ ഉന്നെയും തേടി തേടി
പിഞ്ചിളം പൂവായ് മെല്ലേ നെഞ്ചിലേ ഊഞ്ചലാടി
പാടിനാൻ കണ്ണായ് കണ്ണാടീ
മണമകളേ മലർക്കൊടിയേ ഏ ഏ പാടാതാ
കളമൊഴിയേ കടമിഴിയേ നീ നീ പോരാതാ
മോഹങ്ങൾ മേളം കൊട്ടട്ടുമാ
ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)




ഇവിടെ

ക്രോണിക്ക് ബാച്ചലർ [2003]എം.ജി.ശ്രീ... & ചിത്ര അയ്യർ

ചുണ്ടത്ത് ചെത്തിപ്പൂ ചെണ്ടു

ചിത്രം: ക്രോണിക്ക് ബാച്ചിലർ [ 2003 ] സിദ്ദിക്ക്
രചന: കൈതപ്രം ദാമോദരൻ നമ്പൂതിരി
സംഗീതം: ദീപക് ദേവ്
പാടിയതു: എം ജി ശ്രീകുമാർ & ചിത്ര അയ്യർ


തുത്തുരു തുത്തുരു തൂ തുമ്പീ തുത്തുരു തുത്തുരു തൂ (2)

ചുണ്ടത്ത് ചെത്തിപ്പൂ ചെണ്ടു വിരിഞ്ഞൂ
തുത്തുരു തുത്തുരു തൂ തുമ്പീ തുത്തുരു തുത്തുരു തൂ
പല്ലാക്കു മൂക്കുത്തി കല്ലു മിനുങ്ങി
തുത്തുരു തുത്തുരു തൂ തുമ്പീ തുത്തുരു തുത്തുരു തൂ
കല്യാണ ചെമ്പൊന്നിൻ താലി കിലുങ്ങീ
അല്ലിപ്പൂ ലോലാക്കിൻ ചേലു കിണുങ്ങി
ഇനിയും വരാത്തതെന്തേ എൻ തുമ്പീ നീ
അരികിൽ വരാത്തതെന്തേ
ഇനിയും വരാത്തതെന്തേ എൻ തുമ്പീ നീ
അരികിൽ വരാത്തതെന്തേ (ചുണ്ടത്ത്..)

കരളേ നീ വരാൻ കനവും കണ്ടു ഞാൻ
കടവിൽ നിൽക്കയാണിന്നോളവും (2)
ആറ്റു നോറ്റു കാത്തു നിന്നു നോക്കി നോക്കി നോറ്റിരുന്നു
കാൽ കുഴഞ്ഞേ കൈ കുഴഞ്ഞേ ഓ..ഓ.. (2)
ഏ ..നാലു നിലപ്പന്തലിൽ നീ നാലാളും കൂട്ടരുമായ്
മിന്നുകെട്ടിനെന്നു വരും
എന്നിനി എന്നിനി എന്നുവരും (ചുണ്ടത്ത്,...)

നീയില്ലാതെയെൻ ജന്മം പൂക്കുമോ
നിന്നോടാണെനിക്കാരാധന (2)
അക്കടലിനുമക്കരെയും ആലിമാലി മണപ്പുറത്തും
കാത്തു കാത്തു കാത്തു നിന്നേ ഓ..ഓ..(2)
ചിങ്കാരപ്പല്ലക്കിൽ സിന്ദൂരച്ചെപ്പോടെ
പൊന്നുകെട്ടിനെന്റെ അഴകനെന്നിനി എന്നിനി എന്നു വരും (ചുണ്ടത്ത്...)

ഇവിടെ


വിഡിയോ

മോഹവും മുക്തിയും [ 1977 ] യേശുദാസ്

ചുംബനവർണ്ണ പതംഗങ്ങളാൽ

ചിത്രം: മോഹവും മുക്തിയും [ 1977] ശശികുമാർ
രചന: ശ്രീകുമാരൻ തമ്പി
സംഗീതം: എം കെ അർജ്ജുനൻ
പാടിയതു: യേശുദാസ്


ചുംബനവർണ്ണ പതംഗങ്ങളാൽ നീയാം

ചെണ്ടിൻ പരാഗങ്ങൾ ഞാൻ നുകരും

ചന്ദ്രിക പൂന്തിരച്ചുണ്ടത്തുരുകുന്ന

ചന്ദ്രോപലം ഞാനെൻ സ്വന്തമാക്കും (ചുംബന...)

ആലിംഗനത്തിന്റെ പൊന്നഴിക്കൂട്ടിലൊ

രാലോലപ്പൈങ്കിളി ചിറകടിക്കും

രോമാഞ്ചകഞ്ചുകം ചാർത്തുമാ മേനിയെൻ

പ്രേമമദത്തിൻ വിപഞ്ചിയാക്കും (ചുംബന..)

താരുണ്യ തല്പത്തിൽ താമരവിരിയിലൊ

രാരാമത്തെന്നലായ് ഞാനുലയും

ആ രാഗ മണ്ഡപ ചൈതന്യമെന്നിലെ

ഗാന കവി തൻ കവിതയാക്കും (ചുംബന..)

നസീമ [ തമ്പുരു } 1983 എസ്. ജാനകി

ജോൺസൺ

എന്നിട്ടും നീയെന്നെ അറിഞ്ഞില്ലല്ലോ...





ചിത്രം: നസീമ [ തമ്പുരു ] [1983] ഷെറിഫ്
രചന: പി ഭാസ്ക്കരൻ
സംഗീതം: ജോൺസൻ
പാടിയതു: എസ്. ജാനകി


എന്നിട്ടും നീയെന്നെ അറിഞ്ഞില്ലല്ലോ...
എന്നാർദ്ര നയനങ്ങൾ തുടച്ചില്ലല്ലോ...
എന്നാത്മ വിപഞ്ചികാതന്ത്രികൾ മീട്ടിയ
സ്‌പന്ദനഗാനമൊന്നു കേട്ടില്ലല്ലോ...

(എന്നിട്ടും...)

അറിയാതെ അവിടുന്നെൻ അടുത്തുവന്നു...
അറിയാതെ തന്നെയെന്നകത്തും വന്നു...
ജീവന്റെ ജീവനിൽ സ്വപ്‌നങ്ങൾ വിരിച്ചിട്ട
പൂവണിമഞ്ചത്തിൽ ഭവാനിരുന്നു...

(എന്നിട്ടും...)

നിൻ സ്‌നേഹമകറ്റാനെൻ‍ സുന്ദരസങ്കല്‌പം
ചന്ദനവിശറി കൊണ്ടു വീശിയെന്നാലും
വിധുരയാമെന്നുടെ നെടുവീർപ്പിൻ ചൂരിനാൽ
ഞാനടിമുടി പൊള്ളുകയായിരുന്നു...
(എന്നിട്ടും...)



ഇവിടെ

വിഡിയോ

വിഷം [ 1981 ] എസ്. ജാനകി

പൂവച്ചൽ കാദർ



ഏകാന്തതയിലൊരാത്മാവ് മാത്രം...

ചിത്രം: വിഷം [ 1981 ] പി.റ്റി. രാജൻ
രചന: പൂവച്ചൽ ഖാദർ
സംഗീതം: രഘു കുമാർ




പാടിയതു: എസ്.ജാനകി

ഏകാന്തതയിലൊരാത്മാവ് മാത്രം
ഏകാദശി നോറ്റിരുന്നു
ഏതോ ദിവാസ്വപ്ന വേദിയിലന്നവൾ
ഏതോ വിചാരിച്ചു നിന്നു
(ഏകാന്തയിലൊരാത്മാവ്...)

എത്താത്ത പൂമരക്കൊമ്പിലാ പൂങ്കുല
അപ്പോളും ചിരി തൂകി നിന്നു
കൈതവം കാണാത്ത ഗ്രാമീണ കന്യ തൻ
കൈവള ചാർത്തുകൾ പോലെ
(ഏകാന്തയിലൊരാത്മാവ്...)


കരളിന്റെ ചക്രവാളങ്ങളിൽ ഞാനൊരു
നിറമില്ലാ മഴവില്ലു നെയ്തു
ജതി ചേർന്നിണങ്ങാത്ത മണിവീണയെന്തിനോ
സ്വരമില്ലാ രാഗങ്ങൾ പെയ്തു
(ഏകാന്തയിലൊരാത്മാവ്...)


ഇവിടെ

വിഡിയോ

പേൾ വ്യൂ [ 1970 ] യേശുദാസ് & ബി. വസന്ത

ബി. വസന്ത


യവന സുന്ദരീ സ്വീകരിക്കുകീ ...

ചിത്രം: പേൾ വ്യൂ [ 1970 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ് & ബി. വസന്ത



യവന സുന്ദരീ സ്വീകരിക്കുകീ
പവിഴമല്ലിക പൂവുകൾ
ജനിച്ച നാൾ മുതൽ സ്വീകരിക്കുവാൻ
തപസ്സിരുന്നവളാണു ഞാൻ പ്രേമ
തപസ്സിരുന്നവളാണു ഞാൻ
(യവന...)

അകലെ വീനസ്സിൻ രഥത്തിലും
അമൃത വാഹിനീ തടത്തിലും (2)
വിരിഞ്ഞ പൂവിലും കൊഴിഞ്ഞ പൂവിലും
തിരഞ്ഞു നിന്നെ ഞാനിതു വരെ
തിരഞ്ഞു നിന്നെ ഞാനിതു വരെ
(യവന,...)

വസന്ത സന്ധ്യകൾ വിളിച്ചതും
ശിശിര രജനികൾ ചിരിച്ചതും
ഋതുക്കൾ വന്നതും ഋതുക്കൾ പോയതും
അറിഞ്ഞതില്ല ഞാനിതു വരെ
അറിഞ്ഞതില്ല ഞാനിതു വരെ
(യവന...)




ഇവിടെ


വിഡിയോ

പാണ്ടിപട [ 2006 ] ജ്യോത്സ്ന

അറിയാതെ ഇഷ്ടമായി...

ചിത്രം : പാണ്ടിപട [2006] റാഫി മെക്കാർട്ടിൻ
രചന : ചിറ്റൂർ ഗോപി
സംഗീതം: സുരേഷ് പീറ്റേർസ്

പാടിയതു: ജ്യോത്സ്ന



അറിയാതെ ഇഷ്ടമായി
അന്നുമുതലൊരു സ്നേഹ ചിത്രമായി
മെല്ലെ അരികിൽ ഒതുങ്ങി നിന്നു നീ
എന്റെ എല്ലാമായി

അതിലേറെ ഇഷ്ടമായി
എന്തു പറയാനാ‍മെന്ന ചിന്തയായ്
പിന്നെ ഒരു ഞൊടി കാതിലോതി ഞാൻ
എന്റെ മാത്രം നീ.....

ഈ മൌനം മറയാക്കി
ചെറു കൂട്ടിൽ നമ്മളിരുന്നു
ഒരു വാക്കും മറുവാക്കും
പറയാതെ കണ്ണു നിറഞ്ഞു
ചെറു മാന്തളിർ നുള്ളിയ കാലം
ഇന്നോർമ്മയിലുണരും നേരം
വിരഹം വിതുമ്പിൽ ഹൃദയം പിടഞ്ഞു
നീ തേങ്ങുകയായ് കാതിൽ (അറിയാതെ..)

ആരും കൊതിച്ചു പോകും
മണിത്തുമ്പിയായ് നീയെൻ
തീരാ കിനാവു പാടം
തിരഞ്ഞെത്തിയെന്റെ മുന്നിൽ
പാട്ടുപാടി നിന്ന കാലം
ഓർമ്മയിൽ തെളിഞ്ഞിടുമ്പോൾ
മിഴികൾ തുടച്ചും കൈയെത്തും
ദൂരത്തിൽ നിൽക്കുന്നു നീ (അറിയതെ..)

ആരും അറിഞ്ഞിടാതെ നിനക്കായി മാത്രമെന്റെ
പ്രാണൻ പകുത്തു നൽകി ഉറങ്ങാതിരുന്ന രാവിൽ
നാട്ടുമുല്ല ചോട്ടിൽ ഞാനും കൂട്ടിരുന്നതോർമ്മയില്ലേ?
പ്രണയം മനസ്സിൽ എന്നാലും തീരാത്ത സല്ലാപമായി (അറിയാതെ..)


ഇവിടെ





വിഡിയോ

ജീവിത സമരം [ 1971 ] യേശുദാസ് & ജാനകി

ചിന്നും വെൺതാരത്തിൻ ആനന്ദ വേള

ചിത്രം: ജീവിത സമരം [ 1971 ] സത്യൻ ബോസ്
രചന: പി ഭാസ്ക്കരൻ
സംഗീതം:: ലക്ഷ്മികാന്ത് പ്യാരേലാൽ
പാടിയതു:: കെ ജെ യേശുദാസ് & എസ് ജാനകി




ചിന്നും വെൺതാരത്തിൻ ആനന്ദ വേള
എങ്ങും മലർ ശരൻ ആടുന്ന വേള
ആശാസുന്ദര കൽപന സ്വപ്നം
ജീവിത യാത്ര [ ചിന്നുൻ വെൺ....


പ്രേമ ലീലയിൽ നമ്മൾ കൊച്ചു
മായാഗൃഹമൊന്നുണ്ടാക്കി
പ്രേമ ലീലയിൽ നമ്മൾ
ഓ..ഓ...ഓ..
കളിയാടാനിരുന്നു സഖി
കിനാവിന്റെ ലോകത്തിൽ
മധുരാശ തൂകുന്ന
കോമള വേള
എങ്ങും മലർശരൻ ആടുന്ന വേള
ചിന്നും വെൺതാരത്തിൻ ആനന്ദ വേള
എങ്ങും മലർശരൻ ആടുന്ന വേള..] ആശാ സുന്ദര...


ഇവിടെ

മിന്നാരം [1994] എം.ജി ശ്രീകുമാർ & സുജാത

ഒരു വല്ലം പൊന്നും പൂവും

ചിത്രം: മിന്നാരം [ 1994 ] പ്രിയദർശൻ
രചന: ഗിരീഷ് പുത്തഞ്ചേരി
സംഗീതം: എസ് പി വെങ്കിടേഷ്
പാടിയതു: എം ജി ശ്രീകുമാർ & സുജാത മോഹൻ

ഒരു വല്ലം പൊന്നും പൂവും കരിനീല ചാന്തും
കണിക്കാണാക്കുന്നിൽ മിന്നും തിരുകോടി പാവും
പടകാളി പെണ്ണേ നിന്റെ മണിമെയ്യിൽ ചാർത്തീടാം
തുളുനാടൻ ചേലിൽ നിന്നെ വരവേൽക്കാൻ വന്നോളാം (ഒരു വല്ലം...)

ഓരിലത്താളി ഞാൻ തേച്ചു തരാം
നിന്റെ തളിർമേനിയാകെ ഞാൻ ഓമനിക്കാം
ചാലിച്ച ചന്ദനം ഞാനൊരുക്കാം
നിന്റെ തുടുനെറ്റി പൂവിലൊരുമ്മ വെയ്ക്കാം
അരയിലാടുന്ന പുടവ മൂടുന്നൊരഴകും ഞാനല്ലേ
കരളിലാളുന്ന കനലിൽ വീഴുന്ന ശലഭം ഞാനല്ലേ
കതിരവനെതിരിടും ഇളമുളം കിളിയുടെ
ചിറകിലരികെയണയാം (ഒരു വല്ലം...)


ആലിലക്കുന്നിലെ ആഞ്ഞിലിയിൽ
നീലക്കൊടുവേലി കൊണ്ടൊരു കൂടൊരുക്കാം
മാനത്തെ മാരിവിൽ ചില്ലയൊന്നിൽ
തമ്മിൽ പുണർന്നാടുവാൻ ഞാനൊരൂയലിടാം
തെളി വിളങ്ങുന്നോരിള നിലാവിന്റെ കസവും ചൂടിക്കാം
പുഴയിൽ വീഴുന്ന പുലരിമഞ്ഞിന്റെ കുളിരും നേദിക്കാം
മനസ്സിലെ മരതകമണികളിലുണരുമൊരരിയ മധുരമണിയാം

പുതുമോടിപ്പാട്ടും പാടി കളിയാടാൻ വന്നോനേ
ഒരു വല്ലം പൊന്നും പൂവും കണികാണാൻ വേണ്ടല്ലോ
ഇലവർഗ്ങക്കാടും ചുറ്റി കൂത്താടും സ്ഥലമാണേ
ഇടനെഞ്ചിൽ കോലം തുള്ളും പലമോഹം പാഴാണേ

ഇവിടെ


വിഡിയോ

സർപ്പം [1979 ] എസ്.പി ബാലസുബ്രമണ്യം & പാർട്ടി

എസ്.പി. ബാലസുബ്രമണ്യം


സ്വർണ്ണ മീനിന്റെ ചേലൊത്ത കണ്ണാളേ

ചിത്രം: സർപ്പം [ 1979 ] ബേബി
രചന: ബിച്ചു തിരുമല
സംഗീതം: കെ ജെ ജോയ്
പാടിയതു: കെ ജെ ജോയ് & എസ് പി ബാലസുബ്രമണ്യം



ആ...
സ്വർണ്ണ മീനിന്റെ ചേലൊത്ത കണ്ണാളേ
എന്റെ രോമാഞ്ചമായ് മുന്നിൽ വാ
ആ.....
സ്വർണ്ണ മീനിന്റെ ചേലൊത്ത കണ്ണാളേ....
ആ.......
സ്വർണ്ണ മീനിന്റെ ചേലൊത്ത കണ്ണാളേ....
എന്റെ രോമാഞ്ചമായ് മുന്നിൽ വാ
മുകിലൊത്ത വേണീ കുയിലൊത്ത വാണീ
വാ വാ വാ
മുകിലൊത്ത വേണീ കുയിലൊത്ത വാണീ
വാ വാ വാ
സ്വർണ്ണ.........

ആ.........
ഉറുമാലിന്റെ ചുരുൾ കയ്യിൽ വീശി(2)
മധുവൂറുന്ന ചിരി ചുണ്ടിൽ തൂകി(2)
ആ...
എന്റെ കരളിന്റെ കരളെ നീ കുളിരായി വാ
ആ...
കൊച്ചു കനവിന്റെ അഴകേറും ചിറകേറി വാ....
ആ....
എന്റെ കരളിന്റെ കരളെ നീ കുളിരായി വാ
ആ...
കൊച്ചു കനവിന്റെ അഴകേറും ചിറകേറി വാ....
മുകിലൊത്ത വേണീ കുയിലൊത്ത വാണീ
വാ വാ വാ
മീനിന്റെ....സ്വർണ്ണ......

നിറലാവണ്യം വിളയുന്ന മാറിൽ(2)
നവതാരുണ്യം വഴിയുന്ന മെയ്യിൽ(2)
സപ്തസ്വരരാഗ ലയനം ഈ അധരങ്ങളിൽ
ആ.....
സ്വപ്നധ്രുതതാള ചലനം ഈ നയനങ്ങളിൽ
ആ...
സപ്തസ്വരരാഗ ലയനം ഈ അധരങ്ങളിൽ
ആ.....
സ്വപ്നധ്രുതതാള ചലനം ഈ നയനങ്ങളിൽ
അഴകിട്ട പന്തൽ വിളിക്കുന്നു മുന്നിൽ
ആ... ആ....
അഴകിട്ട പന്തൽ വിളിക്കുന്നു മുന്നിൽ
ആ... ആ....

മീനിന്റെ...സ്വർണ്ണ മീനിന്റെ.........

ഇവിടെ

വിഡിയോ

ദൂരം അരികെ [ 1980 ] യേശുദാസ്

ഇളയ രാജാ

മലര്‍ത്തോപ്പിതില്‍ കിളിക്കൊഞ്ചലായ്

ചിത്രം: ദൂരം അരികെ [1980 ] ജെസ്സി
രചന: ഒ.എൻ. വി.
സംഗീതം: ഇളയരാജ

പാടിയതു: യേശുദാസ് & പാർട്ടി






ലാലാ ലാലലാ.. ലലല്ല ലലല്ല ലലല്ല ലലലല ലാല്ലലാ
ലലലലലാല്ലലാ... ലലല ലലല്ലല്ലലാ ലലല്ലല്ലലാ ലലല്ലല്ലലാലാ

മലര്‍ത്തോപ്പിതില്‍ കിളിക്കൊഞ്ചലായ് മണിത്തെന്നലായ് വാ
ഓടിവാ കളമൊഴികളില്‍ നീന്തിവാ
പാടിവാ കതിരൊളികളിലാടിവാ
ഇരുളിലുമകമിഴിതെളിയുക തൊഴുതുണരുക
മലര്‍ത്തോപ്പിതില്‍......

കുരുന്നോമനക്കണ്‍കളില്‍ പുലര്‍ക്കന്യതന്‍ പ്രസാദമാം
പൂച്ചെണ്ടിതാ...
കരള്‍ച്ചില്ലയില്‍ പറന്നിതാ പകല്‍പ്പക്ഷികള്‍ സ്വരാമൃതം
തൂകുന്നിതാ.....
പാടിപ്പാടിപ്പോകാം ചേര്‍ന്നാടിപ്പാടിപ്പോകാം
കൂട്ടായെന്നും പോകാം പോകാം ദേവദൂതരാണല്ലോ
മലര്‍ത്തോപ്പിതില്‍........

ഒരേകീര്‍ത്തന സ്വരങ്ങളായ് ഒരേശ്രീലകത്തുണര്‍ന്നിടും
വെണ്‍പ്രാക്കളോ....
ഒരേതട്ടിലായ് എരിഞ്ഞിടും ഒരേഅഗ്നിതന്‍ നിറന്നപൊന്‍
നാളങ്ങളോ.....
ഉള്ളിന്നുള്ളില്‍ കാണാം ആ സ്വര്‍ല്ലോകത്തിലെ വെട്ടം
പൂന്തേന്‍ കിണ്ണം ദീപം കാട്ടാന്‍ ദേവദൂതരാണല്ലോ......
മലര്‍ത്തോപ്പിതില്‍.....


ഇവിടെ


വിഡിയോ

സ്പടികം [ 1995 ] ചിത്ര { എം.ജി ശ്രീകുമാർ ]

ഓർമ്മകൾ ഓർമ്മകൾ ഓടക്കുഴലൂതി...

ചിത്രം: സ്ഫടികം [ 1995 ] ഭദ്രൻ
രചന: പി ഭാസ്ക്കരൻ
സംഗീതം: എസ് പി വെങ്കിടേഷ്






പാടിയതു: എം ജി ശ്രീകുമാർ




ഓർമ്മകൾ ഓർമ്മകൾ ഓടക്കുഴലൂതി
സമയമാം യമുനയോ പിറകിലേക്കൊഴുകിയോ
മധുരമണിനാദം മാടി വിളിക്കുന്ന (ഓർമ്മകൾ..)

ദൂരെ ദൂരെ ബാല്യമെന്ന തീരം
മേലേ വാനിൻ മേലെ സ്നേഹമാകും താരം
പൂനിലാവിൽ രാസലീല ആടിടുന്നു മേഘമാല
മുരളി തൻ ഗീതം ദൂരേ (ഓർമ്മകൾ..)


പാടി ആടിപ്പാടി ആശയാം രാപ്പാടി
തേടി നിന്റെ നെഞ്ചിൽ കൂട്ടു തേടി വന്നു
ഈ വിശാലമായ മാറിൽ
താമരപ്പൂമെത്ത തീർക്കും
വേണുവിൻ ഗാനം ദൂരേ(ഓർമ്മകൾ..)


ഇവിടെ



വിഡിയോ

ശരശയ്യ [ 1971 ] യേശുദാസ്

വയലാർ രാമ വർമ്മ


ഞാൻ നിന്നെ പ്രേമിക്കുന്നു
ചിത്രം: ശരശയ്യ [ 1971 ] തോപ്പിൽ ഭാസി
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ്

ഞാൻ നിന്നെ പ്രേമിക്കുന്നു മാൻ കിടാവേ
മെയ്യിൽ പാതി പകുത്തു തരൂ
മനസ്സിൽ പാതി പകുത്തു തരൂ
മാൻ കിടാവേ...

നീ വളർന്നതും നിന്നിൽ യൌവന ശ്രീ
വിടർന്നതും നോക്കി നിന്നു
കാലം പോലും കാണാതെ നിന്നിൽ
കാമമുണർന്നതും കണ്ടു നിന്നു
ഞാൻ കാത്തു നിന്നൂ
കാലം പോലും കാണാതെ നിന്നിൽ
കാമമുണർന്നതും കണ്ടു നിന്നു
ഞാൻ കാത്തു നിന്നൂ
മിഴികൾ തുറക്കൂ താമര മിഴികൾ തുറക്കൂ
കുവലയ മിഴീ നിന്റെ മാറിൽ ചൂടുണ്ടോ
ചൂടിനു ലഹരിയുണ്ടോ

(ഞാൻ നിന്നെ പ്രേമിക്കുന്നു)

നീ ചിരിച്ചതും ചിരിയിൽ നെഞ്ചിലെ
പൂ വിടർന്നതും നോക്കി നിന്നൂ
ദൈവം പോലും കാണാതെ നിത്യ
ദാഹവുമായ് ഞാൻ തേടി വന്നൂ
നിന്നെ തേടി വന്നൂ
കതകു തുറക്കൂ പച്ചില കതകു തുറക്കൂ
കളമൃദു മൊഴി നിന്റെ കുമ്പിളിൽ തേനുണ്ടോ
തേനിനു ലഹരിയുണ്ടോ

(ഞാൻ നിന്നെ പ്രേമിക്കുന്നു)

വിഡിയോ

ഋതു {2009} രാഹുൽ രാജ്

വേനൽ കാറ്റിൽ പൂക്കൾ പോലെ

ചിത്രം: ഋതു [ 2009 ] ശ്യാമ പ്രസാദ്
രചന : റഫീക്ക് അഹമമദ്
സംഗീതം: രാഹുൾ രാജ്

പാടിയതു രാഹുൽ രാജ്




വേനൽ കാറ്റിൽ പൂക്കൾ പോലെ നമ്മിലോർമ്മകൾ
ഈറൻ കണ്ണിൽ തങ്ങും മൂടൽ പോലെ ഓർമ്മകൾ
പഴയൊരാ വഴിമരം,വിതറുമീ ഇലകണം
എഴുതിയോ മറവിതൻ ൠതുവിലെൻ വരികൾ..
പല സന്ധ്യ പൊയ്‌ മറഞ്ഞു
പകലെത്ര യാത്രയായി
നിഴലായി അലിഞ്ഞുവൊ നീ ഗതകാലമെ.


വേനൽ കാറ്റിൽ പൂക്കൾ പോലെ നമ്മിലോർമ്മകൾ
ഈരൻ കണ്ണിൽ തങ്ങും മൂടൽ പോലെ ഓർമ്മകൾ
നിഴലുപോൽ വേരുകൾ, ഇഴയുമി മണ്ണിലെ
നനവുകൽ പൊടിയുമോ പൂവിൽ പുൽകൊടിയിൽ..?
വെയിലായി മഞ്ഞുമഴയായി
തിരശീല മാറവെ,
കളിതീർന്നു പൊയ്‌ മറഞ്ഞൊ പ്രിയതോഴരെ..?

പഴയൊരാ വഴിമരം,വിതറുമീ ഇലകണം
എഴുതിയോ മറവിതൻ ൠതുവിലെൻ വരികൾ..
പല സന്ധ്യ പൊയ്‌ മറഞ്ഞു
പകലെത്ര യാത്രയായി
നിഴലായി അലിഞ്ഞുവൊ നീ ഗതകാലമെ.


ഇവിടെ

വിഡിയോ

പത്മവ്യൂഹം [ 1973 ] യേശുദാസ്

ശശികുമാർ ഡയറക്റ്റർ

പാലരുവീ കരയിൽ

ചിത്രം: പത്മവ്യൂഹം [ 1973 ] ശശികൂമാർ
രചന: ശ്രീകുമാരൻ തമ്പി
സംഗീതം: എം കെ അർജ്ജുനൻ
പാടിയതു: കെ ജെ യേശുദാസ്

പാലരുവീ കരയിൽ
പഞ്ചമിവിടരും പടവിൽ...
പറന്നുവരൂ വരൂ
പനിനീരുതിരും രാവിൽ...
കുരുവീ..... ഇണക്കുരുവീ....


മാധവമാസ നിലാവിൽ
മണമൂറും മലർക്കുടിലിൽ
മൗനം കൊണ്ടൊരു മണിയറ തീർക്കും...
മൽ‌സഖി ഞാനതിലൊളിക്കും
നീവരുമോ നിൻ നീലത്തൂവലിൽ
നിറയും നിർവൃതി തരുമോ....
കുരുവീ..... ഇണക്കുരുവീ.....

(പാലരുവീ കരയിൽ)

താരാപഥമണ്ഡപത്തിൽ
മേഘപക്ഷികൾ മയങ്ങും
താലവനത്തിൽ കാറ്റാം നർത്തകി
തളകൾ മാറ്റിയുറങ്ങും...
നീ വരുമോ നിൻ അധരദളത്തിൽ
നിറയും കവിതകൾ തരുമോ...
കുരുവീ..... ഇണക്കുരുവീ.....

(പാലരുവീ കരയിൽ)

വിഡിയോ

ആശീർവാദം [ 1977 ] വാണി ജയറാം

ഐ.വി. ശശി

സീമന്തരേഖയിൽ ചന്ദനം

ചിത്രം: ആശീർവാദം [ 1977 ] ഐ.വി. ശശി
രചന: ഭരണിക്കാവ് ശിവകുമാർ
സംഗീതം: എം കെ അർജ്ജുനൻ
പാടിയതു: വാണി ജയറാം



സീമന്തരേഖയിൽ ചന്ദനം ചാർത്തിയ
ഹേമന്ത നീലനിശീഥിനീ
മാനസദേവന്റെ ചുംബന പൂക്കളോ
സ്മേരവതീ നിന്റെ ചൊടിയിണയിൽ
ചൊടിയിണയിൽ..


വൃശ്ചികമാനത്തെ പന്തലിൽ വെച്ചോ
പിച്ചകപ്പൂ‍വല്ലിക്കുടിലിൽ വെച്ചോ
ആരോടും ചിരിക്കുന്ന കുസൃതിക്കു പ്രിയദേവൻ
ജീരകക്കസവിന്റെ പുടവതന്നൂ
പട്ടുപുടവ തന്നൂ
നീ ശ്രീമംഗലയായി അന്നു നീ
സീമന്തിനി ആയി
(സീമന്ത രേഖയിൽ....)


ആറാട്ടുഗംഗാതീർഥത്തിൽ വെച്ചോ
ആകാശപ്പാലതൻ തണലിൽ വെച്ചോ
മുത്തിന്മേൽ മുത്തുള്ള സ്നേഹോപഹാരം
മുഗ്ദ്ധവതീ ദേവൻ നിനക്കുതന്നു
ദേവൻ നിനക്കുതന്നു
നീ പുളകാർദ്രയായി അന്നു നീ
സ്നേഹവതി ആയി
(സീമന്ത രേഖയിൽ....)


ഇവിടെ

വിഡിയോ

രാക്കുയിലിൻ രാഗസദസ്സിൽ [ 1986 ] യേശുദാസ് & അരുന്ധതി

പ്രിയദർശൻ

എത്ര പൂക്കാലമിനി എത്ര

ചിത്രം: രാക്കുയിലിൻ രാഗസദസ്സിൽ [ 1986 ] പ്രിയദേശൻ
രചന: എസ് രമേശൻ നായർ
സംഗീതം: എം ജി രാധാകൃഷ്ണൻ

പാടിയതു: കെ ജെ യേശുദാസ് & അരുന്ധതി



എത്ര പൂക്കാലമിനി എത്ര മധുമാസമതിൽ
എത്ര നവരാത്രികളിലമ്മേ(എത്ര)
നിൻ മുഖം തിങ്കളായ്‌ പൂനിലാ
പാൽചൊരിഞ്ഞെന്നിൽ വീണലിയുമെൻ ദേവീ
മിഥില ഇനിയും പ്രിയ ജനക സുധയെയൊരു
വിരഹകഥയാക്കുമോ
പറയുക പറയുക പറയുക നീ
ഷണ്മുഖപ്രിയ രാഗമോ
നിന്നിലെ പ്രേമഭാവമോ
എന്നെ ഞാനാക്കും ഗാനമോ
ഒടുവിലെന്റെ ഹൃദയ തീര
മണയുമൊരഴകിതു (ഷണ്മുഖ)

എത്ര ദുഃഖങ്ങളിനി എത്ര വനവാസം
അതിൽ എത്ര വിധിവിളയാട്ടമിന്നും (എത്ര ദുഃഖ)
കണ്ണുനീർ കുമ്പിളിൽ മുത്തുമായ്‌
വന്നു നീ മണ്ണിൽ വീണുരുകുമോ വീണ്ടും
അരചൻ ഇനിയും നിന്നെ എരിയും
തീയിൽ നിർത്തി അമൃതകലയാക്കുമൊ
തെളിയുക തെളിയുക തെളിയുക നീ (ഷണ്മുഖ)

പധനിധ തകജനുധം
ധനിസനി തകജനുധം
നിസരിസ തകജനുധം ത തകജനു തകധിമി
പധനിസനിധപമ (ഷണ്മുഖ)
പധപ പധപ പധപ രിഗമപ
ധനിധ ധനിധ ധനിധ ഗമപധ
നിസനി നിസനി നിസനി മപധനിസ
തരികിടധിം തരികിടധിം തരികിടധിം തകധിമി
തരികിടധിം തരികിടധിം തരികിടധിം തകധിമി
തരികിടധിം തരികിടധിം തരികിടധിം തകധിമി
നിസരിസ നിസരിസ നിസരിസ നിസരിസ
നിസരീ തരികിടധിം നിസരീ തരികിടധിം
സരിഗരി സരിഗരി സരിഗരി സരിഗരി
സരിഗാ തരികിടധിം സരിഗാ തരികിടധിം
ഗരിസരിഗ തരികിടധിന്നധിം ആ..ആ..
മഗരിഗമ തരിഗിദതിന്നധിം
ആ ..ആ.. തരികിടധിന്നധിം
ഗമപാ ഗമപാ ഗമപ
ഗമപ ഗമപ ഗമപ ഗാ മാ പാ




ഇവിടെ

ഞാൻ ഏകനാണ് [ 1982 ] ചിത്ര

സത്യൻ അന്തിക്കാട്

രജനീ പറയൂ പൂനിലാവിൻ

ചിത്രം: ഞാൻ ഏകനാണു [ 1982 ] പി. ചന്ദ്രശേഝർ
രചന: സത്യൻ അന്തിക്കാട്
സംഗീതം: എം ജി രാധാകൃഷ്ണൻ
പാടിയതു: കെ എസ് ചിത്ര

രജനീ പറയൂ പൂനിലാവിൻ പരിലാളനത്താൽ
നൊമ്പരങ്ങൾ മായുമോ (രജനീ..)

ഓർമകൾ തൻ ജാലകങ്ങൾ
വെറുതെയെങ്ങോ മൂടി ഞാൻ[2]
ഇനിയുമീ പൂവല്ലിയിൽ
മോഹപുഷ്പം വിടരുമോ
മനസ്സേ... മനസ്സേ.... (രജനീ..)

വീണപൂവിൻ ഗാനമോർക്കെ
മിഴികളെന്തേ നിറയുവാൻ[2]
പിരിയുമോരോ വീഥികൾ
അകലെയൊന്നായ് ചേരുമോ
മനസ്സേ..മനസ്സേ...(രജനീ)


ഇവിടെ

ലേഡീസ് ഹോസ്റ്റൽ [ 1973 ] യേശുദാസ്

ശ്രീകുമാരൻ തമ്പി

ജീവിതേശ്വരിക്കേകുവാനൊരു

ചിത്രം: ലേഡീസ് ഹോസ്റ്റൽ [ 1973 ] ഹരിഹരൻ
രചന: ശ്രീകുമാരൻ തമ്പി
സംഗീതം: എം എസ് ബാബുരാജ്
പാടിയതു: കെ ജെ യേശുദാസ്

ജീവിതേശ്വരിക്കേകുവാനൊരു
പ്രേമലേഖനമെഴുതി
രാഗ പൗർണ്ണമി മേഘപാളിയിൽ
ഗാനമെഴുതും രാവിൽ (ജീവിതേ...)
കണ്ണിനു കാണാൻ കഴിയാതുള്ളൊരു
കരളിലെ വർണ്ണ ത്താളുകളിൽ (2)

സങ്കല്പത്തിൻ തൂലികയാലേ
സ്വർഗ്ഗീയസ്മൃതിയാലേ
എഴുതീ ഞാനൊരു സ്വരമഞ്ജരി പോൽ
എന്നഭിലാഷശതങ്ങൾ തോഴി നീയറിയാതെ (ജീവിതേശ്വരി...)

എന്നിലലിഞ്ഞു കഴിഞ്ഞു നീ സഖീ നീ
വിണ്ണിൽ മുകിലെന്ന പോലെ
അനുഭൂതികൾ തൻ തിരമാലകളായ്
അലിഞ്ഞു നിൻ ചിരിയെന്നിൽ
വിടരും പുതിയൊരു മലർ മഞ്ജരിയായ്
ഇനിയീ അനുരാഗ കലിക
തോഴീ നാമറിയാതെ (ജീവിതേശ്വരി...)

സ്നേഹദീപമേ മിഴി തുറക്കൂ [ 1972 ]

പുകഴേന്തി



നിന്റെ മിഴികൾ നീല മിഴികൾ

ചിത്രം: സ്നേഹദീപമേ മിഴി തുറക്കൂ [ 1972 ] പി. ഭാസ്കരൻ
രചന: പി ഭാസ്ക്കരൻ
സംഗീതം: പുകഴേന്തി
പാടിയതു: കെ ജെ യേശുദാസ്


നിന്റെ മിഴികൾ നീല മിഴികൾ
എന്നെ ഇന്നലെ ക്ഷണിച്ചു
കൗമാരത്തിൻ കാനന ഛായയിൽ
കാവ്യോൽസവത്തിനു വിളിച്ചു വിളിച്ചു
(നിന്റെ മിഴികൾ)

ചിരിച്ചു കളിച്ചു നമ്മൾ
ചിരകാല പരിചയം കാണിച്ചു
പരിഭവം ഭാവിച്ചു കലഹിച്ചു
പിന്നെ പലതും പലതും മോഹിച്ചു
(നിന്റെ മിഴികൾ)

നിന്റെ കരവും എന്റെ കരവും
ആൾതിരക്കിൽ വെച്ചടുത്തു
മദിരോൽസവത്തിൻ നർത്തന വേദിയിൽ
മാറിടം മാറോടടുത്തു
(നിന്റെ മിഴികൾ)

നടന്നു നമ്മൾ നടന്നു
മുന്നിൽ രജനീ പുഷ്പങ്ങൾ വിളക്കുവെച്ചു
ഒരുരാഗ സ്വപ്നത്തിൻ തരംഗിണിയിൽ കൂടി
ഒഴുകി എതോ വിജനതയിൽ
(നിന്റെ മിഴികൾ)

അന്വേഷണം [[ 1972 ] യേശുദാസ്

എം.കെ. അർജുനനൻ

തുടക്കം ചിരിയുടെ മുഴക്കം

ചിത്രം: അന്വേഷണം [ 1972 ] ശശികുമാർ
രചന: ശ്രീകുമാരൻ തമ്പി
സംഗീതം: എം കെ അർജ്ജുനൻ
പാടിയതു: കെ ജെ യേശുദാസ്

തുടക്കം ചിരിയുടെ മുഴക്കം
ഒടുക്കം കണ്ണീരിൻ കലക്കം
ചിരിക്കൂ മഴവില്ലു പോലെ
കരയണമിടിമിന്നലോടേ
നാളെ കരയണമിടിമിന്നലോടേ (തുടക്കം..)


സംഗീതമായ് തെന്നിയൊഴുകി അന്നു
സാഗരമായ് ഞാനിരമ്പി
എല്ലാം ചിരിയുടെ ലഹരിയിലൊതുങ്ങി
ഇന്നോ സർവ്വവുമടങ്ങി
മോഹഭംഗത്തിൽ ഭാവന നടുങ്ങി (തുടക്കം,...)


എത്താത്ത സ്വപ്നമിന്നകലെ തേങ്ങും
ഏകാന്ത ദുഃഖങ്ങളരികെ
ഏതോ ജീവിത വേദാന്തി പാടിയ
ഗാനപല്ലവിയായി ഞാനൊരു
ഗാനപല്ലവിയായി (തുടക്കം...)

ഗായത്രി [ 1973 ] യേശുദാസ്

പി.എൻ മേനോൻ

തിരകൾ തിരകൾ ഒരിക്കലുമുറങ്ങാത്ത

ചിത്രം: ഗായത്രി [1973 ] പി.എൻ മേനോൻ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ്

തിരകൾ തിരകൾ ഒരിക്കലുമുറങ്ങാത്ത തിരകൾ
ചിരിച്ചും തമ്മിൽ പുണർന്നും
തീരങ്ങളിൽ കെട്ടി മറിഞ്ഞും നീന്തുന്ന തിരകൾ
(തിരകൾ..)

നമുക്കീ തിരകളാകാം നറുനിലാ
പുതപ്പിൽ നഗ്ന വികാരങ്ങൾ പൊതിയാം
ഒരു ജലക്രീഡയിൽ മുഴുകാം മണി
മാണിക്യപ്പത്തികൾ പിണച്ചീ മണലിന്റെ
മെത്തയിലിഴയാം ഇഴയാം ഇഴയാം ഇഴയാം
(തിരകൾ..)

നമുക്കീ തീരമാകാം നഖമുള്ള
തിരകൾ നെഞ്ചത്തു പടർത്തിക്കിടക്കാം
ഒരു രോമഹർഷത്തിലലിയാം തിര
മാലകളുടെ പൊക്കിൾച്ചുഴിയിലെ ചിറകുള്ള
ചിപ്പികൾ പെറുക്കാം
പെറുക്കാം പെറുക്കാം പെറുക്കാം

കൂടപ്പിറപ്പു [ 1956 ] ശാന്താ പി. നായർ

ശാന്താ പി. നായർ

തുമ്പീ തുമ്പീ വാ വാ

ചിത്രം: കൂടപ്പിറപ്പ് [ 1956 ] ജെ..ഡി. തോട്ടാൻ
രചന: വയലാർ രാമവർമ്മ
സംഗീതം: കെ രാഘവൻ
പാടിയതു: ശാന്താ പി നായർ





തുമ്പീ തുമ്പീ വാ വാ തുമ്പത്തണലില് വാ വാ (2)

പട്ടുറുമാലും കെട്ടി ഒരു പച്ചക്കമ്പിളി ചുറ്റി
എത്തറ നാടുകളെത്തറ കാടുകൾ
ഇത്തറ നാളും കണ്ടൂ.... ( തുമ്പീ ...)

കൊച്ചി ക്കോട്ടകൾ കണ്ടോ ഒരു
കൊച്ചെറണാകുളമുണ്ടോ
കാഴ്ച്ചകൾ കണ്ടു നടന്നപ്പോളെ-
ന്റച്ഛനേയവിടെ കണ്ടോ ( തുമ്പീ... )

പീലിചുരുൾ മുടി ചീകി ഒരു
നീല കണ്ണട ചൂടി
കൊച്ചെലിവാലൻ മീശയുമായെ-
ന്നച്ഛനയവിടെ കണ്ടോ ( തുമ്പീ... )

കരളു പുകഞ്ഞിട്ടമ്മ എൻ
കവിളിൽ നൽകിയൊരുമ്മ
കരിവാളിച്ചൊരു മറുകുണ്ടാക്കിയ
കാരിയമച്ഛനറിഞ്ഞോ ( തുമ്പീ ... )

ഒത്തിരി നാളായ് ചുണ്ടില് ഒരു
കിക്കിളിയുമ്മയുമായി
അമ്മ കരഞ്ഞിട്ടച്ഛനെ നോക്കി
കണ്ണു നെറഞ്ഞൂ തുമ്പീ ( തുമ്പീ ... )

പച്ചക്കുതിരയിലേറി എൻ
അച്ഛനുറങ്ങണ തൊട്ടിൽ
കൊണ്ടു വരാമോ കാലിൽ തൂക്കി
കൊണ്ടു വരാമോ തുമ്പീ ( തുമ്പീ....

നീലിസാലി [1960] മെഹബൂബ്

നീയല്ലാതാരുണ്ടെന്നുടെ പ്രണയപ്പുഴയിൽ

ചിത്രം: നീലി സാലി [ 1950]
രചന: പി ഭാസ്ക്കരൻ
സംഗീതം: കെ രാഘവൻ
പാടിയതു: മെഹ്ബൂബ്

നീയല്ലാതാരുണ്ടെന്നുടെ പ്രണയപ്പുഴയിൽ ചിറകെട്ടാൻ
നീയല്ലാതാരുണ്ടെന്നുടെ കുടിലിൽ ഒരുനാൾ കുടിവയ്ക്കാൻ

നീയല്ലാതാരുണ്ടിങ്ങനെ നിത്യം നിത്യം കത്തെഴുതാൻ
നീയല്ലാതാരുണ്ടിങ്ങനെ നീലിപ്പെണ്ണൊടു കഥപറയാൻ

ഞാൻ വളർത്തിയ ഖൽബിലെ മോഹം
പോത്തുപോലെ വളർന്നല്ലോ ഞാൻ
കാത്തുകാത്തു കുഴഞ്ഞല്ലോ
കത്തുമടക്കിത്തന്നില്ലല്ലോ കടപ്പുറത്ത് വന്നില്ലല്ലോ
നീയല്ലാതാരുണ്ടെന്നുടെ പ്രണയപ്പുഴയിൽ ചിറകെട്ടാൻ
നീയല്ലാതാരുണ്ടെന്നുടെ കുടിലിൽ ഒരുനാൾ കുടിവയ്ക്കാൻ


ഞാൻ പഠിച്ചൊരു സിനിമാപ്പാട്ടുകൾ
പോലുമിന്നുമറന്നല്ലോ ഞാൻ
നൂലുപോലെ മെലിഞ്ഞല്ലോ
ചന്തയിലിന്നലെ വന്നില്ലല്ലോ രണ്ടുവാക്കുപറഞ്ഞില്ലല്ലോ
നീയല്ലാതാരുണ്ടിങ്ങനെ നിത്യം നിത്യം കത്തെഴുതാൻ
നീയല്ലാതാരുണ്ടിങ്ങനെ നീലിപ്പെണ്ണൊടു കഥപറയാൻ

നീലി സാലി [ 1960 ] മെഹബൂബ് & ഏ.പി. കോമള

മനുശ്യന്റെ നെഞ്ചിൽ പടച്ചോൻ...

ചിത്രം: നീലി സാലി [ 1960 ] എം. കുഞ്ചാക്കൊ
രചന: പി ഭാസ്ക്കരൻ
സംഗീതം: കെ രാഘവൻ
പാടിയതു: മെഹ്ബൂബ് & എ പി കോമള

മനുശ്യന്റെ നെഞ്ചിൽ പടച്ചോൻ കുയിച്ചിട്ട
മധുരക്കനിയാണനുരാഗം ഒരു
മധുരക്കനിയാണനുരാഗം
മനുഷ്യന്റെയുള്ളിൽ ഈശ്വരൻ കുഴിച്ചിട്ട
മാണിക്യക്കല്ലാണനുരാഗം ഒരു
മാണിക്യക്കല്ലാണനുരാഗം
വെയിലേറ്റു വാടുകയൂല്ല
തീയിൽ കുരുത്തൊരു കനിയാണു
സ്വർഗ്ഗത്തെ സുന്ദരിമാരവർ
നട്ടു നനച്ചൊരു കനിയാണു
പുരുഷനും പെണ്ണും കല്യാണത്തിനു
കറി വെച്ചീടണ കനിയാണു
പറിച്ചു കളയാൻ നോക്കെണ്ട (മനുശ്യന്റെ...)


അറിവില്ലാത്ത ലോകമെ തഴച്ചു വളരും
കനിയാണേ അനുരാഗം
മജ്നുവും ലൈലയും പണ്ടിതു തിന്നപ്പം
മരണം പോലും മധുരിച്ചീ
ഒരു നാളും ചീയാത്ത ഒരിക്കലും വാടാത്ത
കണ്ണുനീരാൽ നനച്ചു പോറ്റിയ കനിയാണേ അനുരാഗം
കണ്ണനും രാധയും വൃന്ദാവനത്തിൽ
കാത്തു വളർത്തിയ കനിയാണേ (മനുശ്യന്റെ...)


ഇവിടെ