സതി 1972 യേശുദാസ് & സുശീല

പ്രത്യൂഷപുഷ്പമേ പ്രത്യൂഷപുഷ്പമേ


ചിത്രം: സതി [ 1972 ] മധു
രചന: പി ഭാസ്ക്കരൻ
സംഗീതം: വി ദക്ഷിണാമൂർത്തി
പാടിയതു: കെ ജെ യേശുദാസ് & പി സുശീല


പ്രത്യൂഷപുഷ്പമേ പ്രത്യൂഷപുഷ്പമേ
മുഗ്ദ്ധനൈര്‍മല്യമേ ചൊല്ലുമോ നീ
പാതിവിരിഞ്ഞ നിന്‍ വിഹ്വല നേത്രത്താല്‍
തേടുന്നതേതൊരു ദേവപാദം (2)

പാവം നിന്നാരാമ വാതുക്കല്‍ നില്‍ക്കുമീ
പാമര രൂപിയാം പാട്ടുകാരന്‍
ദീര്‍ഘപ്രതീക്ഷ തന്‍ പൂക്കൂട നിന്‍ നേര്‍ക്കു
നീട്ടിയാല്‍ ലോകം ചിരിക്കുകില്ലേ
പ്രത്യൂഷപുഷ്പമേ...

ആ രാഗ ഗായകന്‍ തന്‍ പരിദേവന
വേള നിനാദം ശ്രവിക്ക നേരം
ഓര്‍ത്തു നില്‍ക്കാതെയാ പൂവൊരു സന്ദേശം
കാറ്റിന്റെ കയ്യില്‍ കൊടുത്തയച്ചു
പ്രത്യൂഷപുഷ്പമേ........

ലോകം ചിരിക്കട്ടെ നാകം പഠിക്കട്ടെ
സ്നേഹത്തിന്‍ പൂക്കൂടയെന്റെ ലക് ഷ്യം
പാവനപ്രേമത്തിന്‍ പൂജാരവിന്ദമായ്
പൂവിതു മാറിയാലാര്‍ക്കു ചേതം

പ്രത്യൂഷപുഷ്പമേ പ്രത്യൂഷപുഷ്പമേ
മുഗ്ദ്ധനൈര്‍മല്യമേ ചൊല്ലുമോ നീ
പ്രത്യൂഷപുഷ്പമേ...

ആരോമലുണ്ണി [1972 ] യേശുദാസ് & സുശീല

കണ്ണാ ആരോമലുണ്ണിക്കണ്ണാ

ചിത്രം: ആരോമലുണ്ണി [1972 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ് & പി സുശീല


കണ്ണാ ആരോമലുണ്ണിക്കണ്ണാ
അണിയൂ തിരുമാറിലണിയൂ ഞാൻ കോർത്ത
കനകാംബരമാല (കണ്ണാ..)


വെണ്മതികലയുടെ പൊന്നാഭരണം ചാർത്തി
മന്മഥപുഷ്പശരങ്ങൾ മാറിൽ വിടർത്തി
ഇന്നും നൃത്ത നിശാസദനത്തിൽ വരാറുണ്ടല്ലോ
എന്നെ മദാലസയാക്കാറുള്ള മനോഹരരാത്രി

ജലതരംഗതാളം യമുനാതട മൃദംഗമേളം
നീലക്കടമ്പിനിലത്താളം ഇളം
പീലി വിടർത്തും മയിലാട്ടം
കണ്ണാ നിൻ കാനനമുരളീ കളനാദം
എന്നെ ഒരപ്സര നർത്തകിയാക്കിയ ഗീതം
ഓർമ്മയുണ്ടോ ഓർമ്മയുണ്ടോ
ഓർമ്മയുണ്ടോ (കണ്ണാ..)

ധീരസമീരനിലൂടെ യമുനാതീര കുടീരത്തിലൂടെ
വൃശ്ചികമാസ നിലാവൊളി പൂശിയ
വൃന്ദാവനികയിലൂടെ ഈ
ദ്വാരകാപുരി തേടിവരുന്നവളാരോ നീയാരോ

ഗോമേദകമണി മുത്തുകൾ ചിന്നിയ
ഗോവർദ്ധനത്തിൻ മടിയിൽ
കോടി ജന്മങ്ങളിൽ നിൻ കുഴൽ വിളി
കേട്ടോടി വന്നവൾ ഞാൻ
നിന്റെ ഗോപകന്യക ഞാൻ

രാസവിലാസിനി രാധ എന്റെ
രാഗാശശിമുഖി രാധ
എന്നെ വികാരവിമോഹിതനാക്കിയ
വൃന്ദാവനത്തിലെ രാധ ഈ
രാജസദനം നീ അലങ്കരിക്കൂ പ്രിയ രാധേ (കണ്ണാ.)

നിത്യ കന്യക 1963 യേശുദാസ് & സുശീല

എന്തെന്തു മോഹങ്ങളായിരുന്നു

ചിത്രം: നിത്യ കന്യക [ 1963 ] കെ. എസ്. സേതുമാധവന്‍
രചന: വയലാർ രാമവർമ്മ
അംഗീതം: ജി ദേവരാജൻ
പാടിയതു: കെ ജെ യേശുദാസ് & പി സുശീല


എന്തെന്തു മോഹങ്ങളായിരുന്നു
എത്ര കിനാവുകളായിരുന്നു
ഒരു മോഹമെങ്കിലും പൂത്തു തളിർത്തില്ല
ഒരു കതിരെങ്കിലും കൊയ്തില്ല (എന്തെന്തു...)


ഒരു കൂട്ടിലൊന്നിച്ചു കഴിയാനൊരുങ്ങിയ
കുരുവികൾ നമ്മൾ പിരിഞ്ഞു
തിന തേടാൻ പോയപ്പോൾ ഒന്നിനെയെന്തിനോ
വനവേടനമ്പെയ്തു വീഴ്ത്തി
വനവേടനമ്പെയ്തു വീഴ്ത്തി (എന്തെന്തു...)

കതകൊന്നനങ്ങിയാൽ വിളി കേട്ടുണർന്നൂ ഞാൻ
കരയാത്ത നാളുകളില്ല
ഇരുളിന്റെ ലോകത്തിൽ നിന്നെ ഞാനോമനേ
ഇനിയേതു കാലത്തു കാണും
ഇനിയേതു കാലത്തു കാണും(എന്തെന്തു...)

പാലാട്ടു കോമൻ 1962 പി. സുശീല

ഉരുകുകയാണൊരു ഹൃദയം

ചിത്രം: പാലാട്ടു കോമൻ [ 1962 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: എം എസ് ബാബുരാജ്

പാടിയതു: പി സുശീല


ഉരുകുകയാണൊരു ഹൃദയം
ഓരോ നിമിഷവുമോരോ നിമിഷവും
ഉരുകുകയാണൊരു ഹൃദയം
ഇന്ദ്രനീലപ്പന്തലിലിന്നലെ
വന്നു വിടർന്ന നിലാവേ
എരിതീക്കനലിൽ എണ്ണയുമായ് നീ
എന്തിനു വീണ്ടും വന്നൂ (ഉരുകുക..)

ഇന്നലെ രാത്രിയിലീറൻ മാറിയ
മന്ത്രകോടിയുമായി
മോതിരവിരലിനാൽ മിഴിനീർ മായ്ക്കാൻ
മോഹമുറങ്ങിയുണർന്നൂ (ഉരുകുക..)

ഒരേയൊരാളിനെ മാത്രം കാണാൻ
ഒരു മൊഴി ചൊല്ലി മരിക്കാൻ
ഒഴിഞ്ഞ മുറിയിൽ ഒരു കല്ലറയിൽ
ഒരുങ്ങി നില്പൂ ഞാൻ(ഉരുകുക..)

കാട്ടുകുരങ്ങു [ 1960 ]പി. സുശീല

അറിയുന്നില്ല ഭവാനറിയുന്നില്ല...

ചിത്രം: കാട്ടുകുരങ്ങ് [ 1969 ] പി. ഭാസ്കരന്‍
രചന: പി ഭാസ്ക്കരൻ
സംഗീതം: ജി ദേവരാജൻ
പാടിയതു: പി സുശീല


അറിയുന്നില്ല ഭവാനറിയുന്നില്ല
അനുദിനമനുദിനമാത്മാവിൽ നടക്കുമെൻ
അനുരാഗപൂജ ഭവാനറിയുന്നില്ല
കേട്ടുമില്ല ഭവാൻ കേട്ടുമില്ല
അരികത്തു വന്നപ്പോഴും ഹൃദയ ശ്രീകോവിലിലെ
ആരാധനയുടെ മണികിലുക്കം ( അറിയുന്നില്ല..)

അജ്ഞാത സ്വപ്നങ്ങളാം പൂക്കളാൽ ഇവളെന്നും
അർച്ചന നടത്തിയതറിഞ്ഞില്ലാ നീ
കല്പനാജാലമെന്റെ കൺകളിൽ
കൊളുത്തിയ കർപ്പൂരദീപങ്ങളും
കണ്ടില്ല നീ കണ്ടില്ല നീ ( അറിയുന്നില്ല..)

കാലത്തിൻ കാലടികൾ നടന്നു നടന്നു പോകും
കോലാഹല സ്വരങ്ങളറിയാതെ
ഉയിരിന്റെ ശ്രീകോവിലടയ്ക്കാതെ നടക്കുന്നു
ഉദയാസ്തമനമെന്നശ്രുപൂജാ അശ്രു പൂജാ ( അറിയുന്നില്ല)

ധ്വനി 1988 യേശുദാസ് & സുശീല

അനുരാഗലോലഗാത്രി വരവായി നീലരാത്രി

ചിത്രം:ധ്വനി [ 1988 ] ഏ.റ്റി. അബു
രചന: യൂസഫലി കേച്ചേരി
സംഗീതം: നൗഷാദ്

പാടിയതു: കെ ജെ യേശുദാസ് & പി സുശീല


തര രാ...ര രാ....ര രാ..ര
തര രാ...ര രാ....ര രാ..ര
തര രാ...ര രാ‍....ര രാ‍..ര
അ അ അ........അ അ......അ അ അ...
അ അ അ.... അ....അ ... അ അ

അനുരാഗലോലഗാത്രി വരവായി നീലരാത്രി
നിനവിന്‍ മരന്ദചഷകം
നിനവിന്‍ മരന്ദചഷകം
നെഞ്ചില്‍ പതഞ്ഞ രാത്രി [അനുരാഗലോലഗാത്രി]

ലയലാസ്യകലാകാന്തി സഖി നിന്റെ രൂപമേന്തി
മാരന്റെ കോവില്‍ തേടി മായാമയൂരമാടി
മായാമയൂരമാടി........
ഒളി തേടി നിലാപ്പൂക്കള്‍
ഒളി തേടി നിലാപ്പൂക്കള്‍
വീഴുന്നു നിന്റെ കാല്‍ക്കല്‍ [അനുരാഗലോലഗാത്രി]

സ്വരഹീനവീണയില്‍ നീ ശ്രുതി മീട്ടി മഞ്ജുവാണീ..
ഈ മാറില്‍ മുഖം ചേര്‍ത്തു സുരലോകമൊന്നു തീര്‍ത്തു
സുരലോകമൊന്നു തീര്‍ത്തു..
ഉതിരുന്നു മന്ദമന്ദം
ഉതിരുന്നു മന്ദമന്ദം
ദ്യുതി നിന്‍ മുഖാരവിന്ദം [അനുരാഗലോലഗാത്രി]


ഇവിടെ


വിഡിയോ

ഉത്തരാ സ്വയംവരം 2009

മല്ലികെ മല്ലികേ ചെണ്ടു മല്ലികേ

ചിത്രം: ഉത്തരാ സ്വയംവരം [ 2009 ] രമകാന്ത് സര്‍ജു
രചന: ഗിരീഷ് പുത്തഞ്ചേരി
സംഗീതം: എം ജയചന്ദ്രൻ

പാടിയതു: വിജയ് യേശുദാസ് & ചിന്മയി

മല്ലികേ മല്ലികേ ചെണ്ടു മല്ലികേ
നിന്റെ കണ്ണിൽ വന്നു കണ്ണെറിഞ്ഞതാരാണ്
മഞ്ഞിളം കുന്നിലെ മാന്തോപ്പിൽ മെല്ലെ
കൊഞ്ചി കൊഞ്ചി പറന്നതിന്നാരണ്
നറുനിലാവിന്നഴകേ
നിറസന്ധ്യയായ് നീ പോരുമോ (മല്ലികേ...)

തളിരിളം കൂട്ടിലെ മണിവെയിൽ കിളിയേ
പൊഴിയുമീ മാമ്പഴം എനിക്കു നീ തരുമോ
മുടിയിഴകളിലുരുകണ മുകിലിലെ
തുടുമഴമുകുളമിതിനി പ്രണയമായ്
ഒരു ഹരിത വനശലഭമായ് പവിഴ (മല്ലികേ...)


വളകളിൽ താളമായ് തെളിയുമീ മൊഴികൾ
തഴുകുമീ തൂവലായ് തരളമായ് പൊതിയാൻ
അല ഞൊറിയിരുമരുവികൾ പകരുമോ
തുരുതുരെയൊരു കുളിരിലെ മർമ്മരം
ഒരു ശിശിര ജലസംഗമം പവിഴ (മല്ലികേ...)


ഇവിടെ



വിഡിയോ

കിഴക്കുണരും പക്ഷി 1991 മിന്‍ മിനി

സൌപർണ്ണികാമൃത വീചികൾ

ചിത്രം: കിഴക്കുണരും പക്ഷി [ 1991 ] വേണു നാഗവള്ളി
രചന: കെ ജയകുമാർ
സങീതം: രവീന്ദ്രൻ

പാടിയതു: മിന്‍ മിനി



സൌപർണ്ണികാമൃത വീചികൾ
പാടും നിന്റെ സഹസ്രനാമങ്ങൾ
ജഗദംബികേ...... മൂകാംബികേ.....


സൌപർണ്ണികാമൃത വീചികൾ പാടും
നിന്റെ സഹസ്രനാമങ്ങൾ
പ്രാർഥനാ തീർഥമാടും എൻ മനം തേടും
നിന്റെ പാദാരവിന്ദങ്ങളമ്മേ..
ജഗദംബികേ മൂകാംബികേ
കരിമഷി പടരുമീ കൽ വിളക്കിൽ
കനകാംഗുരമായ് വിരിയേണം
നീ അനന്ത നാളമായ് തെളിയേണം ..

ആകാശമിരുളുന്നൊരപരാഹ്നമായ്
ആരണ്യകങ്ങളിൽ കാലിടറി
ആകാശമിരുളുന്നൊരപരാഹ്നമായ്
ആരണ്യകങ്ങളിൽ കാലിടറി
കൈവല്യ ദായികേ സർവാർഥ സാധികേ
അമ്മേ..സുര വന്ദിതേ
സൌപർണ്ണികാമൃത വീചികൾ പാടും
നിന്റെ സഹസ്രനാമങ്ങൾ
പ്രാർഥനാ തീർഥമാടും എൻ മനം തേടും
നിന്റെ പാദാരവിന്ദങ്ങളമ്മേ
ജഗദംബികേ മൂകാംബികേ..

സ്വരദളം പൊഴിയുമീ മൺ വീണയിൽ
താരസ്വരമായ് ഉണരേണം
നീ താരാപഥങ്ങളിൽ നിറയേണം

ഗാനങ്ങൾ ചിറകറ്റ ശലഭങ്ങളായ്
ഗഗനം മഹാ മൌന ഗേഹമായ്
ഗാനങ്ങൾ ചിറകറ്റ ശലഭങ്ങളായ്
ഗഗനം മഹാ മൌന ഗേഹമായ്
നാദസ്വരൂപിണീ കാവ്യ വിനോദിനീ
ദേവീ ...ഭുവനേശ്വരീ

സൌപർണ്ണികാമൃത വീചികൾ
പാടും നിന്റെ സഹസ്രനാമങ്ങൾ
പ്രാർഥനാ തീർഥമാടും എൻ മനം തേടും
നിന്റെ പാദാരവിന്ദങ്ങളമ്മേ
ജഗദംബികേ മൂകാംബികേ
ജഗദംബികേ മൂകാംബികേ...



ഇവിടെ


വിഡിയോ

വിയറ്റ്നാം കോളനി 1992 മിന്‍ മിനി

പാതിരാവായി നേരം പനിനീർ കുളിരമ്പിളീ

ചിത്രം: വിയറ്റ്നാം കോളനി [1992] സിദ്ദിക്ക് ലാല്‍
രചന: ബിച്ചു തിരുമല
സംഗീതം: എസ് ബാലകൃഷ്ണൻ

പാടിയതു: മിന്‍ മിനി


ആ..ആ..
പാതിരാവായി നേരം പനിനീർ കുളിരമ്പിളീ
എൻ‌റെ മനസ്സിന്റെ മച്ചുമ്മേൽ എന്തിനിന്നുറങ്ങാതലയുന്നു നീ
ആരീരം രാരം പാടി കടിഞ്ഞൂൽ കനവോടെയീ
താഴെ തണുപ്പിന്റെ ഇക്കിളി പായയിൽ ഉറങ്ങാതുരുകുന്നു ഞാൻ
ഉം...ഉം..

നിന്നെ തലോടും തെന്നൽ കള്ളകൊഞ്ചലുമായി
പമ്മി പതുങ്ങി വന്നു കിളി വാതിലിലുടെ
കിന്നാര കാറ്റിന്റെ കാതിൽ പുന്നാരം ഞാനൊന്നു ചൊല്ലി
കിന്നാര കാറ്റിന്റെ കാതിൽ പുന്നാരം ഞാനൊന്നു ചൊല്ലി
നിന്നെയുറക്കാൻ ഞാനുണർന്നീ രാവിനു കൂട്ടിരുന്നേ

(പാതിരാവായി നേരം )

മഞ്ഞു പൊതിഞ്ഞ മോഹം മിഴി മൂടിയ നാണം
എന്നിൽ ഒതുങ്ങി നിന്നെ എന്നെ ഞാനും മറന്നേ
ഗോവണി താഴത്തു വന്നേ ദാവണി സ്വപ്നവും കണ്ടേ
ഗോവണി താഴത്തു വന്നേ ദാവണി സ്വപ്നവും കണ്ടേ
നിന്നെയുറക്കാൻ ഞാനുണർന്നീ രാവിനു കൂട്ടിരുന്നേ

(പാതിരാവായി നേരം )



ഇവിടെ




വിഡിയോ

കുടുംബസമേതം [ 1992 ] യേശുദാസ് & മിന്‍ മിനി

നീലരാവിലിന്നു നിന്റെ താരഹാരമിളകി


ചിത്രം: കുടുംബസമേതം [ 1992 ] ജയരാജ്
രചന: കൈതപ്രം ദാമോദരൻ നമ്പൂതിരി
സംഗീതം: ജോൺസൻ

പാടിയതു: കെ ജെ യേശുദാസ് & മിന്മിനി

ഇം.ഉം ആ..ആ..ആ...

നീലരാവിലിന്നു നിന്റെ താരഹാരമിളകി (2)
സോമബിംബ കാന്തിയിന്നു ശീതളാംഗമേകി
പാർവതീ പരിണയ യാമമായി
ആതിരേ ദേവാംഗനേ
കുളിരഴകിൽ ഗോരോചനമെഴുതാനണയൂ (നീല...)

ശ്യാമരാജിയിൽ രാവിന്റെ സൗരഭങ്ങളിൽ
രാഗപൂരമാർന്നു വീഴുമാരവങ്ങളിൽ ആ..ആ...
ശ്യാമരാജിയിൽ രാവിന്റെ സൗരഭങ്ങളിൽ
രാഗപൂരമാർന്നു വീഴുമാരവങ്ങളിൽ..
പനിമതി മുഖി ബാലേ ഉണരൂ നീ ഉണരൂ
അരികിൽ നിറമണിയും പടവുകളിൽ കതിരൊളി തഴുകും
നിളയിൽ സ്വരമൊഴുകി ധനുമാസം ഋതുമതിയായി (നീല...)


കാൽച്ചിലമ്പുകൾ ചൊല്ലുന്ന പരിഭവങ്ങളിൽ
പ്രേമധാര ഊർന്നുലഞ്ഞ കൗതുകങ്ങളിൽ ആ..ആ.ആ.
കാൽച്ചിലമ്പുകൾ ചൊല്ലുന്ന പരിഭവങ്ങളിൽ
പ്രേമധാര ഊർന്നുലഞ്ഞ കൗതുകങ്ങളിൽ
അലർശരപരിതാപം കേൾപ്പൂ ഞാൻ കേൾപ്പൂ
അലിയും പരിമൃദുവാം പദഗതിയിൽ
അരമണിയിളകുമൊരണിയിൽ അലഞൊറിയിൽ
കസവണികൾ വിടരുകയായ് (നീലരാവിലിന്നു...)



ഇവിടെ

വെള്ളത്തൂവൽ 2009 മഞ്ജരി

കാറ്റോരം ഒരു ചാറ്റൽമഴപ്പൂ

ചിത്രം: വെള്ളത്തൂവൽ ( 2009 ) ഐ.വി. ശശി
രചന: ഗിരീഷ് പുത്തഞ്ചേരി
സംഗീതം: ജോൺസൻ
പാടിയതു:: മഞ്ജരി

കാറ്റോരം ഒരു ചാറ്റൽമഴപ്പൂ
മാറ്റേറും കുളിർ മാരിമഴപ്പൂ
മഴയും വെയിലും നനയുന്നൂ
മഴവിൽ തെല്ലും നനയുന്നു
മിന്നാമിന്നൽ മെയ്യിൽ മിന്നുന്നൂ
മാനം പോലെ മനസ്സിലാകെയിനി
മൺസൂൺ മേഘങ്ങൾ (കാറ്റോരം..)

മഞ്ഞൂഞ്ഞലിൽ മഴയാടവെ
മായാതെ മായും മൊഴിയിൽ മൗനം പാടുന്നൂ
മുത്താരമായ് മഴ വീഴവേ
മുത്താത്ത മുത്തിൻ ചുണ്ടിൽ പൂന്തേൻ ചിന്തുന്നൂ
മഞ്ചാടി മൊട്ടിന്മേൽ കന്നിമഴ കുളിരുമ്പോൾ
പാൽ പോൽ നിലാവിന്മേൽ പവിഴമഴ കുറുകുമ്പോൾ
ഉള്ളിന്നുള്ളിൽ ഇറ്റിറ്റുന്നു മധുരമാമോർമ്മകൾ (കാറ്റോരം..)

കൺപീലിമേൽ മഴയേകവേ
കാണാതെ കാണും കനവിൽ ചില്ലോ ചിതറുന്നൂ
കാതോരമീ മഴ കേൾക്കവേ
ലോലാക്കു പോലെൻ മനസ്സോ താളം തുള്ളുന്നു
തൂനെറ്റി തൊട്ടാലോ തൂവലുകൾ തൊട്ടാലോ
കാണാ കുറുമ്പിന്മേൽ കൈകൾ പടർന്നാലോ
ചന്നം പിന്നം ചാറുന്നെങ്ങോ വെറുതെയെന്നോർമ്മകൾ (കാറ്റോരം..)


ഇവിടെ


വിഡിയോ

ഹലോ [ 2007 ] റാഫി മെക്കാർട്ടിൻ

ചിത്രം: ഹലോ [ 2007 ] റാഫി മെക്കാര്ട്ടിന്‍
രചന: വയലാർ ശരത്ചന്ദ്രവർമ്മ
സംഗ്വീതം: അലക്സ് പോൾ


1.     പാടിയതു: അഫ്സല്‍ - മഞ്ജരി-സംഗീതപ്രഭു


മഴവില്ലിൻ നീലിമ കണ്ണിൽ
മഴവില്ലിൻ ശോണിമ ചുണ്ടിൽ (2)
മഴവില്ലിൻ ചാരുതയോടെ വിരിഞ്ഞേ നീ മുന്നിൽ

മഴ പാകിയ നേരിയ നൂലിൽ
മഴമുത്തു കിലുങ്ങിയ നാളിൽ
മഴവില്ലിൻ മഞ്ജിമയോടെ നിറഞ്ഞേ നീയുള്ളിൽ
മഴവില്ലിൻ നീലിമ കണ്ണിൽ
മഴവില്ലിൻ ശോണിമ ചുണ്ടിൽ


മഴ കിങ്ങിണി കെട്ടിയ മാറിൽ
മഴ മണി വള ചാർത്തിയ കൈയ്യിൽ
മഴ മെല്ലെയുരുമ്മിയ മെയ്യിനുമഴകോ നൂറഴക് (2)
മഴ നീട്ടിയ വിരലോടെ
മഴ മീട്ടിയ ചിരിയോടെ
മഴ ചൂടിയ തനുവോടെ
മഴ മൂടിയ കനവോടെ
മഴ മേഘരഥങ്ങളിലേറും പകലോനാകും ഞാൻ
മഴവില്ലിൻ നീലിമ കണ്ണിൽ
മഴവില്ലിൻ ശോണിമ ചുണ്ടിൽ


മഴവില്ലു വരച്ചവനേ നീ
മഴവില്ലു വിരിച്ചവനേ നീ
മഴവില്ലു മെനഞ്ഞു മിനുക്കണതിനി നീ എന്നാണോ
മഴ നൽകിയ കുളിരോടെ
മഴ പുൽകിയ നനവോടെ
മഴ തൂകിയ മലരോടെ
മഴ ചിന്നിയ സുഖമോടെ
മഴ തുള്ളി വരുന്നൊരു നേരം
മഴവില്ലെഴുതും ഞാൻ
മഴവില്ലിൻ നീലിമ കണ്ണിൽ
മഴവില്ലിൻ ശോണിമ ചുണ്ടിൽ

ഇവിടെ

വിഡിയോ


2.    പാടിയതു:ചിത്ര &  സംഗീത പ്രഭു

ചെല്ലത്താമരേ  ചെറുചിരി ചുണ്ടിൽ ചൂടിയോ
തുള്ളി തേനുമായ് കനവുകളുള്ളിൽ തുള്ളിയോ (2)
സൂര്യചന്ദനം വാങ്ങിയോ സ്നേഹചുംബനം നേടിയോ
കുളിരലകളിലാടിയോ (ചെല്ലത്താമരേ..)

ഭർ ഭരസ് ഭരസ് ഭൈയോ .......

ഈറൻ കാറ്റേ ഇല്ലിക്കൊമ്പിൽ നീ വന്നണയുകയാണോ ഹേയ് (2)
പുല്ലാങ്കുഴലിൻ മേനി തലോടാൻ ഊഴം  തേടുകയാണോ
സ്വരമേഴും മെല്ലെ മെല്ലെ ഈണം നെയ്യും നേരം (2)
കോകിലങ്ങളെ കളകളങ്ങളേ (2)
നിങ്ങളിന്നു കൂടെയൊന്നു കൊഞ്ചുന്നോ (ചെല്ലത്താമരേ..)


വീണ്ടും നെഞ്ചിൻ വൃന്ദാവനിയിൽ കായാമ്പൂ വിരിയുന്നു
ഏതോ ഏതോ നടനം കാണാൻ എന്നും നീയുണരുന്നു
മധുമാസം നീളെ നീളെ മഞ്ചം നീർത്തും നേരം (2)
വെണ്ണിലാവിലെ കളഭമാരിയിൽ (2)
നാണമോടെ ചാരെ നീങ്ങി  നീ നിന്നോ



 audio

  video


3.     പാടിയതു:    എം.ജി. ശ്രീകുമാർ  &   സംഗീത പ്രഭു

കടുകിട്ടു വറുത്തൊരു കടക്കണ്ണുമടിച്ചെന്നെ
കുടുക്കിട്ടു വലിക്കല്ലേ മിടുക്കിപ്പെണ്ണെ
തിരിച്ചിട്ടും മറിച്ചിട്ടും ഗുണിച്ചിട്ടും ഹരിച്ചിട്ടും
കുളിപ്പിച്ചു കെടത്തല്ലേ കുടുക്കപ്പെണ്ണേ
 ദേ പട പട പെടയ്ക്കണു ഹാർട്ട്
നീ പെണങ്ങിയാലുടനെ അറ്റായ്ക്ക്
കത്തിക്കയറുന്ന കണക്കുള്ള പോക്ക്
മത്തുപിടിച്ചിട്ട് കറങ്ങുന്നു വാക്ക്
കരിമ്പിന്റെ രസഗുള നീ തന്നെ
വാ വാ  വാ വ സുഖത്തിന്റെ സരിഗമ നീ തന്നെ (കടുകിട്ടു...)


പേരു കേട്ട തറവാടി പോക്കിരിക്കു തെമ്മാടി
മണ്ണിലെ സത്യമേ സോമകന്യകേ
സട കുടഞ്ഞ വില്ലാളി ചോരയുള്ള പോരാളി
ഇന്ദ്രനും ചന്ദ്രനും ബന്ധുവാണു നീ
ചന്തമോടെ എന്നും നീയോ എന്റേതല്ലേ സുന്ദരീ
അന്തിവെട്ടമാറും നേരം സ്വന്തം നീയേ കണ്മണീ
ചടപട തുളുമ്പെടീ കരളിന്റെ കുടത്തിലു
അണിയായ് ഉടനേ നിറയാൻ വരണേ
ഹറിബറി എനിക്കില്ല അതുക്കെന്നെ മതി മതി
നുര പടരും തിരുമധുരം നുകരാൻ (കടുകിട്ടു....)


പായൽ പീച്ചൽ കാരിത് ബോലേ
ഗാവോനാ നാച്ചോനാ (2)
ഗാവോന നാച്ചോനാ ആപ്കെ മേരീ പാസ് നാനാനാനാ..

തൊട്ടടുത്തു വന്നിടാം പൊട്ടുകുത്തി നിന്നിടാം
പൂങ്കവിൾ തന്നിലായ് ജന്മപുണ്യമേ
മതിമറന്നൊരാവേശം നീ പതഞ്ഞൊരീ നേരം
വീര്യമായ് മാറണേ സ്നേഹതീർത്ഥമേ
ചുംബനങ്ങളോരോന്നായ് നീ സമ്മാനം പോൽ വാങ്ങണേ
ചുട്ടുപൊള്ളുമുള്ളിൽ നീയോ രൊക്കം രൊക്കം ചേരണേ
അടിമുടി കസറിയ കനവിനു ചിറകടി കൊതിയൊന്നിളകി
സുഖമോ ചിതറി
കലയുടെ കൊടുമുടി കയറൊയ മനസ്സിനു
കഥകളിയും പടയണിയും തിറയും  (കടുകിട്ടു....)
AUDIO


video


 4.   പാടിയതു:   ശ്വേതാ മോഹൻ

ഹലോ ഹലോ
ഹലോ ഹലോ  അവൻ വിളിച്ചു
എന്റെ ഹൃദയാഭിലാഷം ഇതൾ വിരിച്ചു
എന്റെ ഹൃദയാഭിലാഷം ഇതൾ വിരിച്ചു
ഹലോ ഹലോ

ഇളം മഞ്ഞിൽ നറുതുള്ളി ഇതളതിൽ പതിച്ചു (2)
ഒരു സൂര്യനതിനുള്ളിൽ തിരി തെളിച്ചു
മലരിന്റെ തപസ്സും മഞ്ഞിന്റെ മനസ്സും (2)
പനിനീരിൻ പുതുഗന്ധം പങ്കു വെച്ചു


മധുരങ്ങൾ ഒരുങ്ങുന്ന മണിയറ കൊതിച്ചു
ഒരു തെന്നൽ അതു കണ്ടു പരിഹസിച്ചൂ
കുറുമ്പൊന്നു മദിച്ചൂ ചെറുചില്ലയുലച്ചൂ(2)
നറുമഞ്ഞിൻ നിറദീപം കണ്ണടച്ചൂ



വിധി വന്നു കൊളുത്തിയ ചിത കണ്ണിൽ ജ്വലിച്ചു (2)
പുക തിങ്ങുമിടനെഞ്ചു കരി പിടിച്ചു
പകലൊന്നു മരിച്ചു ഇടിമിന്നൽ ഉദിച്ചു(2)
മിഴി നീരും മഴ നീരും കൈ പിടിച്ചു
മിഴി നീരും മഴ നീരും കൈ പിടിച്ചു

AUDIO



5.    പാടിയതു:   ശ്വേതാ മോഹൻ  &  വിധു പ്രതാപ്



ഹലോ ഹലോ ഹലോ ഹലോ
അവൾ വിളിച്ചു
ഹലോ ഹലോ അവൻ വിളിച്ചു
എന്റെ ഹൃദായാഭിലാഷം ഇതൾ വിരിച്ചു (2)
ഹലോ ഹലോ..

ഇളം  മഞ്ഞിൽ നറുതുള്ളി ഇതളതിൽ പതിച്ചു (2)
ഒരു സൂര്യനതിനുള്ളിൽ തിരി തെളിച്ചു
മലരിന്റെ തപസ്സും മഞ്ഞിന്റെ മനസ്സും (2)
പനിനീരിൻ പുതുഗന്ധം പങ്കു വെച്ചു

മധുരങ്ങൾ ഒരുങ്ങുന്ന മണിയറ കൊതിച്ചു
ഒരു തെന്നൽ അതു കണ്ടു പരിഹസിച്ചു
കുറുമ്പൊന്നു മദിച്ചു ചെറുചില്ലയുലച്ചു (2)
നറുമഞ്ഞിൻ നിറദീപം കണ്ണടച്ചു

വിധി വന്നു കൊളുത്തിയ ചിത കണ്ണിൽ ജ്വലിച്ചു
പുക തിങ്ങും ഇടനെഞ്ചു കരിപിടിച്ചു
പകലൊന്നു മരിച്ചു ഇടിമിന്നൽ ഉദിച്ചു (2)
മിഴിനീരും മഴ നീരും കൈ പിടിച്ചു
ഉം..ഉം..ഉം..


AUDIO

video

പോസിറ്റീവ് 2008 വേണുഗോപാല്‍ & മഞ്ജരി

ഒരിക്കല്‍ നീ പറഞ്ഞു പതുക്കെ നീ പറഞ്ഞു

ചിത്രം: പോസിറ്റീവ് [2008] വി.കെ. പ്രകാശ്
രചന: ശരത് വയലാര്‍
സംഗീതം: അലക്സ് പോള്‍
പാടിയതു: വേണുഗോപാല്‍ & മഞ്ജരി

ഒരിക്കല്‍ നീ പറഞ്ഞു പതുക്കെ നീ പറഞ്ഞു
പ്രണയം ഒഴുകും പുഴയാണെന്നു [2 ]‍
ഒഴുക്കില്‍ നീ അറിഞ്ഞു
തണുപ്പില്‍ നീ അറിഞ്ഞു
പുഴയിന്‍‍ കൊലുസ്സിന്‍ ചിരിയാണെന്നു [2]
ഒരിക്കല്‍ നീ പറഞ്ഞു...

ചിലപ്പോള്‍ ഞാന്‍ കൊതിക്കും
ഒളിച്ചു ഞാന്‍ കൊതിക്കും
നീയെന്‍ അരയന്ന കിളി ആണെന്നു... ആ.. ആ.. ആ..
കളിയാടി നീ നടക്കും
പലകുറി നീ മറക്കും
ഞാനൊ കടവത്തു തനിച്ചാണെന്നു ..
ഞാനും കടവത്തു തനിച്ചാണെന്നു[2]
ഒരിക്കല്‍ നീ പറഞ്ഞു...പതുക്കെ നീ പറഞ്ഞു...

പിണങ്ങും നീ പറഞ്ഞോ
കിണുങ്ങും നീ മൊഴിഞ്ഞോ....
മെല്ലെ ഇണങ്ങാനോ മനസ്സുണ്ടെന്നു
കടവത്തു ഞാന്‍ അണഞ്ഞു
അരികത്തു ഞാന്‍ അറിഞ്ഞു
നിനക്കെന്നെ മറക്കാനോ കഴിവില്ലെന്നു [2 ]
ഒരിക്കല്‍ നീ പറഞ്ഞു പതുക്കെ നീ പറഞ്ഞു
പ്രണയം ഒഴുകും പുഴയാണെന്നു ...

ഇവിടെ



വിഡിയോ

അച്ചുവിന്റെ അമ്മ [2005] മഞ്ജരി

താമരക്കുരിവിക്കു തട്ടമിടു...

ചിത്രം: അച്ചുവിന്റെ അമ്മ [2005] സത്യന്‍ അന്തിക്കാട്
രചന: ഗിരീഷ് പുത്തഞ്ചേരി
സംഗീതം: ഇളയരാജ

പാടിയതു: മഞ്ജരി

താമരക്കുരുവിക്ക് തട്ടമിട്
തങ്കക്കിനാവിന്റെ കമ്മലിട്
അരിമുല്ലക്കഴുത്തിൽ ഏലസ്സിട്
സുറുമക്കണ്ണിണയിൽ സൂര്യനിട്
വരണുണ്ടേ വിമാനച്ചിറകിൽ
സുൽത്താന്മാരൊത്തൊരുമിച്ചിരിക്കാൻ
ആരാണാ ബീബി ഇതിലാരാണാ ഹൂറി (താമര...)

നിസ്സീബുള്ള ലൈലയാണോ ഹിലാലൊത്ത റമ്ലയോ
പടച്ചോന്റെ പ്രാവു തോല്ക്കും ഫരീദയാണോ
മൂത്തുമ്മാന്റെ മോളേ മുത്തം വെച്ച തങ്കമേ
കിത്താബിലു കാണും മുംതാസിന്റെ പൈതലേ
പെട്ടിപ്പാട്ടു ദഫ് മുട്ടും ഒപ്പനയുമൊരുക്കേണം
മനസ്സിന്റെ മണിമുറ്റത്തിരിക്കണ കുറുമ്പുള്ള കിളികളേ പറക്കണം (താമര...)


ഖബൂലാക്കി വാഴ്ത്തിടേണം കിനാവൊത്ത പെണ്മണീ
മുനീറൊത്ത വമ്പനാവാം വിരുന്നുകാരൻ
കെട്ടാക്കെസ്സു പാട്ടായ് പലേ കിസ്സയോതണം
റംസാൻ നിലാവാൽ റൂമാലൊന്നു തുന്നണം
പിച്ചളപ്പൂങ്കൊളുത്തുള്ള മച്ചകത്തെ വാതിലടച്ചച്ചാരം കൊടുത്താൽ
അരിമുല്ലക്കൊടി കൊണ്ട് വിരിയിട്ട കട്ടിലുമ്മേ
ലലുക്കു കിലുങ്ങുമ്പോൽ കിലുങ്ങണം (താമര...)


ഇവിടെ

വിഡിയോ

അനന്തഭദ്രം 2005 എം.ജി. ശ്രീകുമാര്‍ & മഞ്ജരി

പിണക്കമാണൊ എന്നോടിണക്കമാണോ


ചിത്രം: അനന്തഭദ്രം [ 2005 ] സന്തോഷ് ശിവന്‍
രചന: ഗിരീഷ് പുത്തഞ്ചേരി
സംഗീതം: എം ജി രാധാകൃഷ്ണൻ
പാടിയതു: എം ജി ശ്രീകുമാർ & മഞ്ജരി


ഉം..ഉം..ഉം
പിണക്കമാണൊ എന്നോടിണക്കമാണോ
അടുത്തു വന്നാലും പൊന്നേ മടിച്ചു നിൽക്കാതെ
മിടുക്കി പ്രാവിൻ നെഞ്ചിൻ മിടിപ്പു പോലെ
തുടിച്ചു ചാഞ്ചാടും എന്റെ മനസ്സറിഞ്ഞൂടെ
കണ്ണുകളിൽ കുറുമ്പിന്റെ മിന്നലില്ലെ
പൂങ്കുയിലായ്‌ കുറുകുന്ന പ്രായമല്ലെ
മാനത്തെ അമ്പിളിയായ്‌ നീ ഉദിച്ചീലെ
മാറത്തെ ചന്ദനമായ്‌ നീ തെളിഞ്ഞീലെ
കളമൊഴി വെറുതെയൊ കവിളിലെ പരിഭവം
(പിണക്കമാണോ)

മാമഴ തുള്ളികൾ മണിമുത്തു ചാർത്തുമീ
സുന്ദരി പെണ്ണാം പൂന്തേൻ പുഴയിൽ
താമര തോണിയിൽ തുഴയുകയാണു നാം
തങ്ക നിലാവിൻ തൂവൽ തുമ്പാൽ
ആയിരം ചികുള്ള മോഹങ്ങളേ (2)
അമ്പിളി വെച്ച വിളക്കുമായ്‌ മാനത്തെ
അമ്പല കൽപടവിൽ
അന്തിക്കൊരഞ്ജന താരക പെണ്ണിന്റെ
ആതിര പാട്ടുണ്ടൊ
അറിയുമൊ ഉം വെറുതെയോ ഉം
കനവിലെ കനവിലെ പരിഭവം
(പിണക്കമാണോ)

ധും തനന ധും തനന ധും തനന

കളമൊഴി വെറുതെയോ കവിളിലെ പരിഭവം

മോതിരം മാറുവാൻ മഴവില്ലു പന്തലിൽ
നാണിച്ചു നിൽക്കും മുകിലിന്നോരം
ആരുടെ നെഞ്ചിലെ തകിലടി കേട്ടു ഞാൻ
തംബുരു മീട്ടും താര ശ്രുതിയിൽ
ആയിരം ചിറകുള്ള സ്വപ്നങ്ങളേ (2)
മിന്നൽ ചിലമ്പിട്ടു തുള്ളി തുളുമ്പുന്ന
തെന്നൽ തിടമ്പുകളെ
പൊന്നിലെ താലിയും മാലയും ചേലയും
പീലി പുടവയും താ
കളമൊഴി വെറുതെയോ കവിളിലെ പരിഭവം
(പിണക്കമാണോ)

ഇവിടെ


വിഡിയോ

അരനാഴിക നേരം 1970 പി. ലീല

കെ.എസ്.സേതുമാധവന്‍


സ്വരങ്ങളേ സപ്തസ്വരങ്ങളേ

ചിത്രം: അര നാഴിക നേരം [1970] കെ.എസ്.സേതുമാധവന്‍
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: പി ലീല

സ്വരങ്ങളേ സപ്തസ്വരങ്ങളേ
വിരിയൂ രാഗമായ് താളമായ് വർണ്ണമായ്
വിചിത്ര വീണക്കമ്പികളിൽ സ്വരങ്ങളേ ( സ്വരങ്ങളേ...)

ഇന്ദീവരങ്ങൾ മയങ്ങും മനസ്സിൻ
ഇന്ദുകാന്തപൊയ്കകളിൽ
ജറുസലേത്തിലെ ഗായികമാരുടെ
അമരഗീതമായ് വിടരൂ ( സ്വരങ്ങളേ...)

രാഗം താനം പല്ലവികൾ
രാജസഭാതല നർത്തകികൾ
അവരുടെ കല്പകപൂഞ്ചോലയിലെ
ഹംസധ്വനിയായ് ഉണരൂ ( സ്വരങ്ങളേ...)


വൃന്ദാവനങ്ങൾ ഒരുക്കും മനസ്സിൻ
ഇന്ദ്രജാലദ്വീപുകളിൽ
യദുകുലത്തിലെ ഗോപികമാരുടെ
മധുരഗീതമായ് വിടരൂ


വിഡിയോ

കാവ്യമേള [ 1965 ] യേശുദാസ്, .... പി.ലീല

സ്വപ്നങ്ങള്‍.. സ്വപ്നങ്ങള്‍..


ചിത്രം: കാവ്യമേള [ 1965 ] എം കൃഷ്ഷന്‍ നായര്‍
രചന: വയലാർ രാമവർമ്മ
സംഗീതം: വി ദക്ഷിണാമൂർത്തി
പാടിയതു: കെ ജെ യേശുദാസ് & പി ലീല


സ്വപ്നങ്ങൾ...സ്വപ്നങ്ങള്‍..
സ്വപ്നങ്ങളെ നിങ്ങൾ സ്വർഗ്ഗകുമാരികളല്ലോ..
നിങ്ങളീ ഭൂമിയിൽ ഇല്ലായിരുന്നെങ്കിൽ..
നിശ്ചലം ശൂന്യനീ ലോകം..[2]

ദൈവങ്ങളില്ല മനുഷ്യരില്ല
പിന്നെ ജീവിത ചൈതന്യമില്ലാ..
സൌന്ദര്യ സങ്കൽപ്പ ശിൽപ്പങ്ങളില്ലാ
സൌഗന്ധികപൂക്കളില്ലാ..
സ്വപ്നങ്ങൾ...സ്വപ്നങ്ങളെ നിങ്ങൾ സ്വർഗ്ഗകുമാരികളല്ലോ..

ഇന്ദ്രനീലം കൊണ്ടു മാനത്തു തീർത്തൊരു
ഗന്ധർവ്വരാജാങ്കണത്തിൽ..[2].
ചന്ദ്രികപ്പൊൻ താഴിക കുടം ചാർത്തുന്ന..
ഗന്ധർവ്വരാജാങ്കണത്തിൽ..[2]

അപ്സരകന്യകൾ പെറ്റൂ വളർത്തുന്ന
ചിത്ര ശലഭങ്ങൾ നിങ്ങൾ..
ചിത്ര ശലഭങ്ങൾ നിങ്ങൾ..
സ്വർഗ്ഗത്തിൽ നിന്നും വിരുന്നു വരാറുള്ള
ചിത്ര ശലഭങ്ങൾ നിങ്ങൾ..

ഞാനറിയാതെന്റെ മാ‍നസ ജാലക
വാതിൽ തുറക്കുന്നു നിങ്ങൾ..
ശിൽപ്പികൾ തീർത്ത ചുമരുകളില്ലാതെ..
ചിത്രമെഴുതുന്നു നിങ്ങൾ..
ഏഴല്ലേഴുനൂ‍റൂ വർണ്ണങ്ങളാലെത്ര വാർമഴവില്ലുകൾ തിർത്തു..
ഏഴല്ലേഴുനൂ‍റൂ വർണ്ണങ്ങളാലെത്ര...അങനെയല്ലാ..
വർണ്ണളാലെത്ര വാർമഴവില്ലുകൾ തിർത്തു..

കണ്ണുനീർ ചാലിച്ചെഴുതുന്നു മായ്ക്കുന്നു..
വർണ്ണവിതാനങ്ങൾ നിങ്ങൾ..
സ്വപ്നങ്ങൾ...സ്വപ്നങ്ങളെ നിങ്ങൾ സ്വർഗ്ഗകുമാരികളല്ലോ.









ഇവിടെ


വിഡിയോ

അച്ഛൻ 1952 പി. ലീല

വരുമോ വരുമോ ഇനി


ചിത്രം: അച്ഛൻ [1952 ] എം.ആർ. എസ്. മണി
രചന: അഭയദേവ്
സംഗീതം: പി എസ് ദിവാകർ

പാടിയതു: പി ലീല




വരുമോ വരുമോ ഇനി
വരുമോ എൻശുഭകാലം-ഈ
ഇരുൾ മാറും പുലർകാലം

നാഥാ നിൻ കനിവിൻ ദീപമേ നോക്കി
കണ്ണീരിൻ കടലിൽ നീന്തി നീന്തി
കൈകാൽ കുഴഞ്ഞയ്യോ


മകനേ ഈ നിന്നമ്മയെ
മറന്നോ നീയും തങ്കമേ
പൊന്നുമ്മയതിനായ് കാത്തിരിപ്പൂ
നിന്നമ്മയെന്നോമനേ

അമ്മാ- അമ്മാ എന്നു നീ കൊഞ്ചും മൊഴിയെൻ
കരളിൽ തുടിയ്ക്കുന്നെടാ
ആരോമൽ മകനെ താരാട്ടുവാനെൻ
കൈകൾ പിടയ്ക്കുന്നെടാ

പഴശ്ശി രാജാ 1964 പി.ലീല

പി.ലീല


പാതിരാപ്പൂവുകൾ വാർമുടിക്കെട്ടിൽ



ചിത്രം: പഴശ്ശി രാജാ [1964] എം. കുഞ്ചാക്കൊ
രചന: വയലാർ രാമവർമ്മ
സംഗീതം: ആർ കെ ശേഖർ

പാടിയതു: പി ലീല

പാതിരാപ്പൂവുകൾ വാർമുടിക്കെട്ടിൽ
ചൂടാറില്ലല്ലോ ഞാൻ ചൂടാറില്ലല്ലോ
പണ്ടു പാടിയ മാരകാകളി
പാടാറില്ലല്ലോ ഞാൻ പാടാറില്ലല്ലോ (പാതിരാ...)

പൂജയ്ക്കൊരുക്കിയ തുളസിക്കതിരേ
ചൂടാറുള്ളൂ ഞാൻ
പഴശ്ശിയെഴുതിയ വിരഹഗാനമേ
പാടാറുള്ളൂ ഞാൻ എന്നും
പാടാറുള്ളൂ ഞാൻ (പാതിരാ‍....)


അങ്ങു നൽകിയ ചന്ദനത്തംബുരു
എങ്ങനെ മീട്ടും ഞാൻ
കമ്പിയിൽ കൈവിരൽ മുട്ടും നേരം
കണ്ണു നിറയുമല്ലോ എന്റെ
കണ്ണു നിറയുമല്ലോ (പാതിരാ...)






ഇവിടെ

മുടിയനായ പുത്രൻ 1961 പി.ലീല

പൊട്ടിച്ചിരിക്കരുതേ ചിലങ്കേ



ചിത്രം: മുടിയനായ പുത്രൻ [ 1961 ] രാമു കാര്യാട്ട്
രചന: പി ഭാസ്ക്കരൻ
സംഗീതം: എം എസ് ബാബുരാജ്

പാടിയതു: പി ലീല

പൊട്ടിച്ചിരിക്കരുതേ ചിലങ്കേ
പൊട്ടിച്ചിരിക്കരുതേ
കെട്ടിപ്പിടിച്ചെന്റെ കൊച്ചുപാദങ്ങളിൽ
പൊട്ടിച്ചിരിക്കരുതേ
ജീവന്റെ ജീവനിൽ നീറുന്ന വേദന
പാവം നീയെന്തറിഞ്ഞു ചിലങ്കേ
പൊട്ടിച്ചിരിക്കരുതേ
പൊട്ടാത്ത പൊൻ കമ്പിക്കൂട്ടിൽ കിടക്കുന്ന
തത്തമ്മപൈങ്കിളി ഞാൻ
പുഷ്പസുരഭില വസന്തമണ്ഡപ
നൃത്തം മറന്നുവല്ലോ ചിലങ്കേ പൊട്ടിച്ചിരിക്കരുതേ
വർണ്ണശബള വാസന്തമലരുകൾ
ഒന്നിനൊന്നു പൊഴിഞ്ഞു പോയ്
ശിശിര ശീതള ചന്ദ്രികാമല
ചന്ദനപ്പുഴ മാഞ്ഞുൻപോയ്
അന്ധകാരവിഹാര ഭൂമിയിലാണ്ടു പോയി വേദിക
അന്ത്യനർത്തനമാടിടട്ടെ
വീണിടാറായ് യവനിക

ജീവിതനൗക 1961 പി.ലീല & മെഹ്ബൂബ്

തോർന്നിടുമോ കണ്ണീർ ഇതുപോലെൻ ജന്മം






ചിത്രം: ജീവിതനൗക [ 1961 ] കെ. വെമ്പു
രച: അഭയദേവ്
സംഗീതം: വി ദക്ഷിണാമൂർത്തി
പാടിയതു: പി ലീല & മെഹ്ബൂബ്



തോർന്നിടുമോ കണ്ണീർ ഇതുപോലെൻ ജന്മം തീർന്നിടുമോ
തോർന്നിടുമോ കണ്ണീർ പ്രിയനായകോടിനി ചേർന്നിടുമോ-

തൂവുകയോകണ്ണീർ അഴലാർന്നകമിഹ നോവുകയോ
തൂവുകയോ കണ്ണീർ വിരഹാകുലയായ് നീ വേവുകയോ

നാലുപാടും ഇരുളാണീ വഴിയേ പോവതെങ്ങിനിയീശാ
നാമിനി ചേർന്നിടും ഉദയം വരുമോ

നിശയിതു പോയ് ഹൃദയേശാ....ഹാ
നിശയിതു പോയ് ഹൃദയേശാ

--തോർന്നിടുമോ...

മമ തനുവിങ്ങും മാനസമങ്ങും
വാഴ്വിദം ഹാ നാഥേ
തനയനുമായ് സല്ലീലം വാഴും സുഖമിയലാൻ
കഴിയാതെ ഹാ സുഖമിയലാൻ കഴിയാതെ

--തൂവുകയോ...

പതിയെ പിരിയും നാരിതൻ ഗതി
അതികഠിനം ഭുവനേ
ശൊകമിതും സുഖമാകാം പ്രിയനേ
ശോകമിതും ചാരേ
മരുവികിലെൻ പ്രിയനേ ചാരേ മരുവികിലെൻ പ്രിയനേ

--തോർന്നിടുമോ....

നവലോകം 1951 പി. ലീല

ഗായകാ ഗായകാ ഗായകാ ഹൃദയ നിലാവിൽ പാടൂ....



ചിത്രം: നവലോകം[1951 ] വി. കൃഷ്ണൻ
രചന: പി ഭാസ്ക്കരൻ
സംഗീതം: വി ദക്ഷിണാമൂർത്തി

പാടിയതു: പി ലീല






ഗായകാ ഗായകാ ഗായകാ
ഹൃദയ നിലാവിൽ പാടൂ
ഗായകാ ഗായകാ ഗായകാ

ശീതളകരങ്ങളാലേ പനിനീർ സുമങ്ങൾ പോലെ
ആശാസുഖങ്ങൾ വീശീ മധുമാസചന്ദ്രലേഖാ (ഗായകാ...)

ഹൃദയേ വിലാസലളിതയായ് ആടാൻ വരൂ കിനാവേ
രാവിന്റെ രാഗസുധയേ ചൊരിയാൻ വരൂ നിലാവേ (ഗായകാ...)

അഴകിൻ നദീവിഹാരീ വരു നീ ഹൃദന്ത തീരേ
ആശാമയൂരമാടാൻ അനുരാഗമാല ചൂടാൻ (ഗായകാ...)





ഇവിടെ

തച്ചോളി ഒതേനൻ 1964 പി. ലീല

കന്നിനിലാവത്ത് കസ്തൂരി പൂശുന്ന


ചിത്രം: തച്ചോളി ഒതേനൻ [ 1964 ] എസ്.എസ്. രാജൻ
രചന: പി ഭാസ്ക്കരൻ
സംഗീതം: എം എസ് ബാബുരാജ്

പാടിയതു: പി ലീല


കന്നിനിലാവത്ത് കസ്തൂരി പൂശുന്ന കൈതേ കൈതേ കൈനാറീ
കയ്യിലിരിക്കണ പൂമണമിത്തിരി
കാറ്റിന്റെ കയ്യിൽ കൊടുത്താട്ടേ
കാറ്റിന്റെ കയ്യിൽ കൊടുത്താട്ടേ
തച്ചോളിവീട്ടിലെ പൂമാരനിന്നെന്റെ
തങ്കക്കിനാവേറി വന്നാലോ
ചാമരംവീശേണം ചന്ദനം പൂശണം
ചാരത്തുവന്നാട്ടെ പൂങ്കാറ്റേ

മുത്തുവിതച്ചപോൽ മാ‍നത്തു പൂക്കണ
തെച്ചീ ചെട്ടിച്ചി ചേമന്തി
വീരൻ വരുന്നേരം പൂമാല ചാർത്തുവാൻ
വിണ്ണിലെ താലത്തിൽ പൂ തരേണം



ഇവിടെ

ക്ഷണക്കത്ത് 1990 യേശുദാസ് & ചിത്ര

ആകാശ ദീപമെന്നും..




ചിത്രം: ക്ഷണക്കത്ത്[ 1990 ] റ്റി.കെ. രാജിവ്കുമാർ
രചന: കൈതപ്രം ദാമോദരൻ നമ്പൂതിരി
സംഗീതം: ശരത്

പാടിയതു: കെ ജെ യേശുദാസ് & കെ എസ് ചിത്ര


ആകാശ ദീപമെന്നുമുണരുമിടമായോ
താരാഗണങ്ങള്‍ കുഞ്ഞുറങ്ങുമിടമായോ (2)
മൗന രാഗമണിയും താരിളം തെന്നലേ
പൊന്‍ പരാഗമിളകും വാരിളം പൂക്കളെ
നാം ഉണരുമ്പോള്‍ രാവലിയുമ്പോള്‍ (ആകാശ ദീപമെന്നും...)

സ്നേഹമോലുന്ന കുരുവിയിണകള്‍ എന്‍ ഇംഗിതം തേടിയല്ലോ
നിന്‍ മണി ചുണ്ടില്‍ അമൃത മധുര
ലയമോര്‍മയായ്‌ തോര്‍ന്നുവല്ലോ
കടമിഴിയില്‍ മനമലിയും അഴകു ചാര്‍ത്തി
പാല്‍കനവില്‍ തേന്‍ കിനിയും ഇലകളേകീ
വാരി പുണര്‍ന്ന മദകര ലതയെവിടെ
മണ്ണില്‍ ചുരന്ന മധുതര മദമെവിടെ
നാം ഉണരുമ്പോള്‍ രാവലിയുമ്പോള്‍ (ആകാശ ദീപമെന്നും...)

ഇന്നലെ പെയ്ത മൊഴിയും ഇലയും ഒരു പൂമുളം കാടു പോലും
ദേവരാഗങ്ങള്‍ മെനയും അമര മനം
ഇന്ദ്ര ചാപങ്ങള്‍ ആക്കി
പൈമ്പുഴയില്‍ ഋതു ചലനഗതികള്‍ അരുളീ
അണിവിരലാല്‍ ജല ചാരു രേഖയെഴുതി
നമ്മോടു നമ്മള്‍ അലിയുമൊരുണ്മകളായ്
ഇന്ദീവരങ്ങള്‍ ഇതളിടുമൊരുനിമിയില്‍
നാം ഉണരുമ്പോള്‍ രാവലിയുമ്പോള്‍ (...)





ഇവിടെ


വിഡിയോ

കൽക്കട്ടാ ന്യുസ് 2007 ചിത്ര

അകലെയൊരു ചില്ലമേലേ ആൺകുരുവി പാടിയോ


ചിത്രം: കൽക്കട്ടാ ന്യൂസ് [ 2007 ] ബ്ലെസ്സി
രചന: വയലാർ ശരത്ചന്ദ്രവർമ്മ
സംഗീതം: ദേബ് ജ്യോതി മിശ്ര
പാടിയതു: കെ എസ് ചിത്ര





അകലെയൊരു ചില്ലമേലേ ആൺകുരുവി പാടിയോ
അരികിലിണ വന്നു ചേരാൻ കാതോർത്തുവോ (2)
തൂവൽ ശയ്യമേൽ ഏകനായ് നൊമ്പരം കൊണ്ടവൻ
ഓമൽ പെൺകിളി ചെല്ലുവാൻ വൈകി നീ എന്തിനായ്
എന്തിനായ്....

തെന്നൽ കൈ തലോടും തോഴനാകുന്നെങ്കിലും (2)
പെയ്യും മഞ്ഞു താനേ മേനി മൂടുന്നെങ്കിലും
നിന്റെ വിളി കേൾക്കാൻ പൊള്ളുമിട നെഞ്ചാൽ
പിന്നെയും മിന്നിയോ നീലവനിയിൽ (അകലെ..)


സൂര്യൻ സ്വർണ്ണ നൂലിൻ പന്തലേകുന്നെങ്കിലും (2)
മേട്ടിൽ കാട്ടുപൂവിൻ ചന്തമേറുന്നെങ്കിലും
പോക്കുവെയിൽ മായും താഴ്വരയിലെങ്ങോ
നിന്നെയും തേടിയോ കോടമഴയിൽ (അകലെ..)






ഇവിടെ



വിഡിയോ