പൊട്ടിച്ചിരിക്കരുതേ ചിലങ്കേ
ചിത്രം: മുടിയനായ പുത്രൻ [ 1961 ] രാമു കാര്യാട്ട്
രചന: പി ഭാസ്ക്കരൻ
സംഗീതം: എം എസ് ബാബുരാജ്
പാടിയതു: പി ലീല
പൊട്ടിച്ചിരിക്കരുതേ ചിലങ്കേ
പൊട്ടിച്ചിരിക്കരുതേ
കെട്ടിപ്പിടിച്ചെന്റെ കൊച്ചുപാദങ്ങളിൽ
പൊട്ടിച്ചിരിക്കരുതേ
ജീവന്റെ ജീവനിൽ നീറുന്ന വേദന
പാവം നീയെന്തറിഞ്ഞു ചിലങ്കേ
പൊട്ടിച്ചിരിക്കരുതേ
പൊട്ടാത്ത പൊൻ കമ്പിക്കൂട്ടിൽ കിടക്കുന്ന
തത്തമ്മപൈങ്കിളി ഞാൻ
പുഷ്പസുരഭില വസന്തമണ്ഡപ
നൃത്തം മറന്നുവല്ലോ ചിലങ്കേ പൊട്ടിച്ചിരിക്കരുതേ
വർണ്ണശബള വാസന്തമലരുകൾ
ഒന്നിനൊന്നു പൊഴിഞ്ഞു പോയ്
ശിശിര ശീതള ചന്ദ്രികാമല
ചന്ദനപ്പുഴ മാഞ്ഞുൻപോയ്
അന്ധകാരവിഹാര ഭൂമിയിലാണ്ടു പോയി വേദിക
അന്ത്യനർത്തനമാടിടട്ടെ
വീണിടാറായ് യവനിക
No comments:
Post a Comment