ഗുൽമൊഹർ [ 2008 ] യേശുദാസ്

കാനനത്തിലെ ജ്വാലകൾ പോൽ


ചിത്രം: ഗുൽമോഹർ [ 2008 ] ജയരാജ്

രചന: ഒ എൻ വി കുറുപ്പ്

സംഗീതം: ജോൺസൻ

പാടിയതു: കെ ജെ യേശുദാസ്




കാനനത്തിലെ ജ്വാലകൾ പോൽ

മലർവാക പൂക്കുമീ താഴ്വരയിൽ

ആരെയോർത്തു നിൻ സ്നേഹമാനസം

രാഗലോലമാം തംബുരുവായ്...

ഭാവ ഗീതി തൻ മാധുരിയായ്..........


പോക്കുവെയിലിലെ കനൽ വീണ വീഥിയിൽ

പോയ്മറഞ്ഞു നീ ഒരു സാന്ധ്യതാര പോൽ

മാരിപെയ്തു പോയ് ചുടുവേനൽ വന്നു പോയ്

ശാരദേന്ദു പോയ് മലർമാസമെത്ര പോയ്

നിന്റെ ഓർമ്മകൾ പൊൻ തിടമ്പു പോൽ

നെഞ്ചിലേറ്റി ഞാൻ ....നൊന്തു പാടി ഞാൻ

വാക പൂക്കുമീ താശ്വരയിൽ

ആരെയോർത്തു നിൻ സ്നേഹമാനസ്സം ( കാനന...)



കാണ്മതെന്നിനീ കമനീയമാമുഖം

കേൾപ്പതെന്നിനീ പ്രിയമേറുമാ സ്വരം

കാത്തിരുന്നു ഞാൻ ഒരു നോക്കു പിന്നെയും

കാണുവാനിനി പ്രണയാർദ്രമാസ്മിതം

കല്പ ശാഖി തൻ കൈക്കുടന്നയിൽ

രക്തപുഷ്പമായ് നീ ചിരിക്കയോ...(കാനന..)




ഇവിടെ


വിഡിയോ

നോട്ട്ബൂക്ക് [2006] വിനീത് & ജ്യോത്സ്ന

ഹൃദയവും..ഹൃദയവും..പുണരുമീ നിമിഷമായ്...


ചിത്രം: നോട്ട് ബുക്ക് [ 2006 ] റോഷൻ ആൻഡ്രുസ്
രചന: വയലാർ ശരത്ചന്ദ്രവർമ്മ
സംഗീതം: മെജോ ജോസഫ്
പാടിയതു: വിനീത് ശ്രീനിവാസൻ & ജ്യോത്സ്ന






ധും തനക്കും മനം തുടിക്കും..ഉള്ളിലെന്തോ തുളുമ്പിടും..

പിന്നെയെല്ലാം മറന്നിരിക്കും...കള്ളനെങ്ങോ മറഞ്ഞിടും..

ഹൃദയവും..ഹൃദയവും..പുണരുമീ നിമിഷമായ്...

പാതിവായ് ആരോ മൂളുന്നില്ലേ ചെവിയിലായ്..

മതിയില്ലെന്നാരോ ചൊല്ലുന്നില്ലേ മനസ്സിലായ്..

തളിരുകൾ തരളമായ്...പ്രണയമോ..കളഭമായ്..

ഒളിക്കുന്നുവെന്നാൽ പോലും..ഉദിക്കുന്നു വീണ്ടും വീണ്ടും...

കടക്കണ്ണിലാരോ സൂര്യനായ്...

സുന്ദരന്റെ വരവോർത്തിരിക്കുമൊരു സുന്ദരി പെണ്ണു നീ..

കാമുകന്റെ വിളി കാത്തിരിക്കുമൊരു കാമുകി പെണ്ണു നീ...


ഇളമഞ്ഞിൽ ഈറനാം ആലിന്റെ ചില്ലയിൽ..കിളികളൊരുപോലെ പാടി..

സുന്ദരന്റെ വരവോർത്തിരിക്കുമൊരു സുന്ദരി പെണ്ണു നീ..

കാമുകന്റെ വിളി കാത്തിരിക്കുമൊരു കാമുകി പെണ്ണു നീ...

അരികിലായ് വന്നു ചേരാ‍ൻ കൊതിയും...

അരികിലാകുന്ന നേരം ഭയവും...

എന്നാലും തോരാതെ എപ്പോഴും നെഞ്ചാകെ...

നീയെന്റേതാകന്നല്ലെ താളം തുള്ളുന്നു...

ധും തനക്കും മനം തുടിക്കും..ഉള്ളിലെന്തോ തുളുമ്പിടും..

പിന്നെയെല്ലാം മറന്നിരിക്കും...കള്ളനെങ്ങോ മറഞ്ഞിടും..

...ഹൃദയവും.....നിമിഷമായ്...


കളിയൂഞ്ഞാലാടിയോ..കാറ്റിന്റെ കൈകളിൽ..

അവനുമായ് നിന്റെ നാണം..

സുന്ദരന്റെ വരവോർത്തിരിക്കുമൊരു സുന്ദരി പെണ്ണു നീ..

കാമുകന്റെ വിളി കാത്തിരിക്കുമൊരു കാമുകി പെണ്ണു നീ...

ഇതളുരുമുന്ന പോലെ കവിളിൽ ചിറകുരുമുന്ന പോലെ കനവിൽ..

ആരാരും കാണാതെ..ഒന്നൊന്നും മിണ്ടാതെ

നീ കൂടെ പോരാനായെൻ മൌനം വിങ്ങുന്നു..

ഹൃദയവും..ഹൃദയവും..പുണരുമീ നിമിഷമായ്...

പാതിവായ് ആരോ മൂളുന്നില്ലേ ചെവിയിലായ്..

മതിയില്ലെന്നാരോ ചൊല്ലുന്നില്ലേ മനസ്സിലായ്..

തളിരുകൾ തരളമായ്...പ്രണയമോ..കളഭമായ്.
.
ഒളിക്കുന്നുവെന്നാൽ പോലും..ഉദിക്കുന്നു വീണ്ടും വീണ്ടും...

കടക്കണ്ണിലാരോ സൂര്യനായ്...

സുന്ദരന്റെ വരവോർത്തിരിക്കുമൊരു സുന്ദരി പെണ്ണു നീ..

കാമുകന്റെ വിളി കാത്തിരിക്കുമൊരു കാമുകി പെണ്ണു നീ...

സുന്ദരന്റെ വരവോർത്തിരിക്കുമൊരു സുന്ദരി പെണ്ണു നീ..

കാമുകന്റെ വിളി കാത്തിരിക്കുമൊരു കാമുകി പെണ്ണു നീ...






ഇവിടെ



വിഡിയോ

ആരണ്യകാണ്ഡം [ 1975] ശശികുമാർ

ഈ വഴിയും ഈ മരത്തണലും


ചിത്രം ആരണ്യകാണ്ഡം [ 1975] ശശികുമാർ

രചന: പി ഭാസ്ക്കരൻ

സംഗീതം: എ ടി ഉമ്മർ

പാടിയതു: കെ ജെ യേശുദാസ്




ഈ വഴിയും ഈ മരത്തണലും
പൂവണിമരതകപ്പുൽമെത്തയും
കല്പനയെ പുറകോട്ടു ക്ഷണിക്കുന്നുകഴിഞ്ഞ രംഗങ്ങൾ തെളിയുന്നു ( ഈ വഴിയും..)

ഇടവപ്പാതിയിൽ കുടയില്ലാതെ
ഇലഞ്ഞിമരച്ചോട്ടിൽ ഇരുന്നു നമ്മൾ
പണ്ടിരുന്നു നമ്മൾ
കുടവുമായ് വന്ന വർഷമേഘസുന്ദരി
കുളിപ്പിച്ചു നമ്മെ കുളിപ്പിച്ചു ( ഈ വഴിയും..)

പറന്നു വന്ന പവമാനൻ നമ്മെ
പനിനീർധാരയാൽ പൂജിച്ചു
വീണ്ടും പൂജിച്ചു
കുളിരകറ്റുവാൻ നിന്റെ കൊച്ചു ദാവണിയെ
കുടയായ് മാറ്റി നമ്മൾ ഉരുമ്മി നിന്നു
തമ്മിൽ ഉരുമ്മി നിന്നു ( ഈ വഴിയും..)

വെള്ളീത്തിര [2003] സുജാത

കുടമുല്ലക്കടവിൽ ഈ പുഴയരികിൽ


ചിത്രം: വെള്ളിത്തിര [ 2003 ] ഭദ്രൻ
രചന: ഷിബു ചക്രവർത്തി
സംഗീതം: അൽഫോൺസ് ജോസഫ്
പാടിയതു: സുജാത മോഹൻ





കുടമുല്ലക്കടവിൽ ഈ പുഴയരികിൽ
ഉടയാട നനച്ചു കുളിക്കും പുലരൊളിയേ
അവനൊഴുകുന്ന പുഴയിൽ മതി വരുവോളം നീന്താൻ
ഇനി നീയും പോരുന്നോ (കുടമുല്ല...)


അങ്ങേച്ചെരുവിൽ കുളിർ മഞ്ഞു മുത്തിട്ട കാലം
എങ്ങോ മറഞ്ഞൂ കുയിൽ ചെണ്ടു മൂളുന്ന നേരം (2)
എങ്ങു നിന്നെങ്ങോ ഒരു വില്ലു വണ്ടി വന്നേ (2)
കുട മണി കേട്ടൊന്നു ഞാനും ചെന്നപ്പോൾ
ഇടവഴി തിരിഞ്ഞൊരു നോട്ടം വന്നല്ലോ
ആഹാ ചെമ്പകപ്പൂവൊത്ത
ചേലാരം കണ്ടിന്നു പോവേണ്ടാ (കുടമുല്ല...)


ചുമ്മാതിരുന്നാൽ ഇടനെഞ്ചിൽ കല്യാണഘോഷം
കണ്ണൊന്നടച്ചാൽ കള്ളകനവിന്റെ തോറ്റം (2)
സന്ധ്യ തന്നല്ലോ നറു കുങ്കുമക്കുറിച്ചാന്ത് (2)
തൊടുകുറിയണിഞ്ഞൊന്നു ഞാനും നിന്നപ്പോൾ
ചൊടിയിട ചുവന്നതു നാണം കൊണ്ടാണേ
എന്റെ ചന്തത്തെ താലിപ്പൂ
ചാർത്താൻ വരുന്നവനാരാണോ (കുടമുല്ല...)




ഇവിടെ


വിഡിയോ

ഉത്തരം [ 1989] വേണുഗോപാൽ & അരുന്ധതി

സ്വരമിട്രാതെ മിഴി നനയാതെ


ചിത്രം: ഉത്തരം [1989] പവിത്രൻ
രചന: ഒ എൻ വി കുറുപ്പ്
സംഗീതം:: വിദ്യാധരൻ

പാടിയതു: ജി വേണുഗോപാൽ & അരുന്ധതി


സ്വരമിട്രാതെ മിഴി നനയാതെ
വിട പറയുവാൻ കഴിയുന്നീലെങ്കിൽ
ഹൃദയം പേറുന്ന കദന ഭാരത്തെ
ഒതുക്കി വെയ്ക്കുമീ കനത്ത മൗനത്തിൽ
ഒരു യുഗത്തിന്റെ ഒരു ജന്മത്തിന്റെ
സ്മരണകൾ പേറി കിനാവുകൾ പേറി
ഒടുവിലീ പടി ഇറങ്ങിപ്പോകുമ്പോൾ
ഒരു മോഹം വീണ്ടും ഇവിടെയെത്തുവാൻ
ഒരു മോഹം വീണ്ടും ഇവിടെയെത്തുവാൻ....

കൂട്ടു കുടുംബം [ 1969] ബി വസന്ത & സുശീല

സ്വപ്ന സഞ്ചാരിണീ .....



ചിത്രം: കൂട്ടുകുടുംബം [ 1969] കെ. എസ്. സേതുമാധവൻ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു ബി വസന്ത & പി സുശീല

സ്വപ്ന സഞ്ചാരിണീ നിന്റെ മനോരഥം
സ്വർഗ്ഗത്തിലോ ഭൂമിയിലോ
സ്വർഗ്ഗത്തിലല്ലാ ഭൂമിയിലല്ലാ
സങ്കല്പ ഗന്ധർവ്വ ലോകത്തിൽ (സ്വപ്ന....)

ഉത്സവപന്തലിൽ കഥകളിയിന്നലെ
രുഗ്മിണീ സ്വയം വരമായിരുന്നൂ
നന്ദകുമാരന്റെ വേഷം കണ്ടിട്ട്
നിൻ മിഴിയെന്തേ നനഞ്ഞു പോയി (2)
വൃന്ദാവനത്തിലെ രാധയെ ഞാൻ
അന്നേരമോർമ്മിച്ചിരുന്നു പോയി (സ്വപ്ന....)

മുറ്റത്തെ മുല്ലയിൽ മുഴുവനുമിന്നലെ
പുഷ്പിണീ ലതികകളായിരുന്നൂ
ദേവനു നൽകുവാൻ പൂവിനു പോയിട്ട്
നീ വെറും കൈയ്യുമായി തിരിച്ചു പോന്നു
ആരാധനീയനാം മറ്റൊരാളെ
അന്നേരമോർമ്മിച്ചു നിന്നു പോയി (സ്വപ്ന....)



ഇവിടെ





വിഡിയോ

ശാലിനി എന്റെ കൂട്ടുകാരി [1980] യേശുദാസ്

സുന്ദരീ നിൻ തുമ്പുകെട്ടിയിട്ട...


ചിത്രം: ശാലിനി എന്റെ കൂട്ടുകാരി [ 1980 ] മോഹൻ
രചന: എം ഡി രാജേന്ദ്രൻ
സംഗീതം:: രവീന്ദ്രൻ

പാടിയതു::: യേശുദാസ്



സുന്ദരീ... ആ‍... സുന്ദരീ ആ‍‍..
സുന്ദരീ നിൻ തുമ്പുകെട്ടിയിട്ട ചുരുൾ മുടിയിൽ
തുളസിക്കതിരില ചൂടി
തുഷാരഹാരം മാറിൽ ചാർത്തി
താരുണ്യമെ നീ വന്നൂ. നീ വന്നൂ.സുന്ദരീ.. (നിൻ തുമ്പുകെട്ടിയിട്ട)

സുതാര്യസുന്ദര മേഘങ്ങളലിയും
നിതാന്ദ നീലിമയിൽ (2)

ഒരു സുഖശീതള ശാലീനതയിൽ
ഒഴുകീ ഞാനറിയാതെ
ഒഴുകീ ഒഴുകീ ഞാനറിയാതേ സുന്ദരീ.. (നിൻ തുമ്പുകെട്ടിയിട്ട)

മൃഗാങ്ക തരളിത മൃണ്മയകിരണം
മഴയായ് പെയ്യുമ്പോൾ
ഒരു സരസീരുഹ സൌപർണ്ണികയിൽ
ഒഴുകീ ഞാനറിയാതെ
ഒഴുകീ ഒഴുകീ ഞാനറിയാതേ സുന്ദരീ.. (നിൻ തുമ്പുകെട്ടിയിട്ട)


ഇവിടെ





വിഡിയോ

കമലദളം [ 1992 ] യേശുദാസ്

സായന്തനം ചന്ദികാ ലോലമായ്.


ചിത്രം കമലദളം [ 1992 ] സിബി മലയിൽ
രചന: കൈതപ്രം ദാമോദരൻ നമ്പൂതിരി
സംഗീതം: രവീന്ദ്രൻ

പാടിയതു: കെ ജെ യേശുദാസ്



സായന്തനം ചന്ദികാ ലോലമായ്..
നാഗമ്പലം നലമെഴും സ്വർഗ്ഗമായ്
മനയോല ചാർത്തീ കേളീവസന്തം
ഉണരാത്തതെന്തേ പ്രിയതേ..
(സായന്തനം)

വില്യാദ്രിയിൽ തുളസീദളം ചൂടാൻ‌വരും മേഘമായ്
ശാലീനയായ് പൊന്നാതിരാപ്പൂതേടുമീ തെന്നലും
നീയൊരുങ്ങുമമരരാത്രിയിൽ..
തിരുവരങ്ങിലമൃതവർഷമായ്
പനിനീർതളിക്കുവാൻ ഇന്ദ്രദൂതുമായ് വന്നു..
(സായന്തനം)

ഋതുവീണതൻ കരുണാർദ്രമാം ശ്രീരാഗമേ എങ്ങുനീ
കുളിരോർമ്മയിൽ പദമാടുമെൻ പ്രിയരാധികേ എങ്ങുനീ
നിൻപ്രസാദമധുരഭാവമെവിടെ..
നിൻ‌വിലാസനയതരംഗമെവിടെ...
എന്നുൾച്ചിരാതിൽനീ ദീപനാളമായ് പോരൂ..
(സായന്തനം)

ഇവിടെ




വിഡിയോ

ദേവി [1972 ] യേശുദാസ്

സാമ്യമകന്നോരുദ്യാന

ചിത്രം:: ദേവി [ 1972] കെ.എസ്. സേതുമാധവൻ
രചന: വയലാർ രാമവർമ്മ
സംഗീതം: ജി ദേവരാജൻ

പാടിയതു: കെ ജെ യേശുദാസ്



സാമ്യമകന്നോരുദ്യാനമേ
കൽപ്പകോദ്യാനമേ നിന്റെ
കഥകളിമുദ്രയാം കമലദളത്തിലെൻ
ദേവിയുണ്ടോ ദേവീ
(സാമ്യമകന്നോരുദ്യാനമേ)

മഞ്ജുതരയുടെ മഞ്ഞിൽ മുങ്ങും
കുഞ്ജകുടീരങ്ങളിൽ
ലാവണ്യവതികൾ ലാളിച്ചുവളർത്തും
ദേവഹംസങ്ങളേ നിങ്ങൾ
ദൂതുപോയൊരു മനോരഥത്തിലെൻ
ദേവിയുണ്ടോ ദേവീ
(സാമ്യമകന്നോരുദ്യാനമേ)

കച്ചമണികൾ നൃത്തം വയ്‌ക്കും
വൃശ്ചികരാവുകളിൽ
രാഗേന്ദുമുഖികൾ നാണത്തിലൊളിക്കും
രോമഹർഷങ്ങളേ നിങ്ങൾ
പൂവിടർത്തിയ സരോവരത്തിലെൻ
ദേവിയുണ്ടോ ദേവീ
(സാമ്യമകന്നോരുദ്യാനമേ)



ഇവിടെ



വിഡിയോ

ബ്രഹ്മാസ്ത്രം [2008] യേശുദാസ്/ ശ്വേത

ശാന്തിയുടെ തീരങ്ങൾ രാവണനു...

ചിത്രം: ബ്രഹ്മാസ്ത്രം [ 2008 ] ബെന്നി ആശംസ
രചന: ശരത് വയലാർ
സംഗീതം: വിജയ് കൃഷ്ണ
പാടിയതു: യേശുദാസ് / ശ്വേത



ശാന്തിയുടെ തീരങ്ങൾ രാവണനു നൽകുന്നു
സീതയുടെ കണ്ണീരിൽ രാമ കഥ മായുന്നൊ?
ഭഗവാന്റെ സ്വന്തം നാട്ടിൽ
പക പുകയും ഓരോ നാളിൽ
നിണമണീയുമീറൻ മണ്ണിൽ നോവിൻ ശംഖുമായ് ..ഹരേ....
[ ശാന്തീയുടെ...

അവനവൻ സ്വാർഥനാകും
ധനവാന്റെ മന്ത്രം നാവിൽ
ഗുണപാഠമല്ലേ ഇന്നും വേദാന്തമായ്

കലഹമാണെങ്ങുമെങ്ങും
അധികാര മോഹം ചൂടും
പദയാത്ര കാണുന്നു നമ്മൾ നിസംഗരായി
വിധിയെന്ന പേരും ചൊല്ലി
ഇരുളിന്റെ ഏതോ കൂട്ടിൽ [2]
സ്നേഹമെന്ന ബന്ധുവിന്റെ മനസ്സു മുറിയെ....
ദൈവം ദൂരെയേ... [ ശാന്തിയു ടെ

ഉയിരിലെ മൂല്യമെങ്ങോ അപമാന ഭാരം പേറി
വനവാസമായി എങ്ങെങ്ങോ ഏകാകിയായ്
ഉലകിലെ നീതിമാനോ രണഭൂവിലേതോ കോണിൽ
ശരശയ്യ മേലേ കേഴുന്നോ.. പൊലിഞ്ഞ പോലെ
മനസാക്ഷി ഇ ല്ലാതായി
മത ഭ്രാന്തു വല്ലാതായി [2 ]
കള്ളമന്ദഹാസമുള്ള കനിവിനുറവെ...
എന്തേ മൌനമായ്... [ ശാന്തിയുടെ....




ഇവിടെ

ലാപ്പ് റ്റോപ്പ് [ 2008 ] ശ്രീ വത്സൻ മേനോൻ

ഇളം നീല നീല മിഴികൾ....



ചിത്രം: ലാപ്പ് റ്റോപ്പ് [ 2008 ] രൂപേഷ് പാൾ

രചന: റാഫീക്ക് അഹമ്മദ്

സംഗീതം: ശ്രീ വൽത്സൻ മേനോൻ

പാടിയതു: ശ്രീ വത്സൻ മേനോൻ


ഇളം നീല നീല മിഴികൾ

നിൻ തേങ്ങൽ ഓലും മിഴികൾ

എൻ അത്മ മൌനമേ നീ

കുളിർ വീണുറങ്ങുവാനായ്

അരികെ... മെല്ലെ പൊഴിയൂ....

[ ഇളം നീല നീല...[2]



ഈ രാവിലേതോ മൌനം

എൻ ജാലകത്തിൽ വന്നു

പൊൻ താരകങ്ങൾ വിരികെ

നിൻ നിസ്വനങ്ങൾ മറയെ

എൻ നെഞ്ചിതൊന്നു മുറിയും....[ ഇളം നീല നീല മിഴികൽ [2]






ഇവിടെ





വിഡിയൊ

ഡ്യൂപ്ലിക്കേറ്റ് [ 2009 ] ജാസ്സി ഗിഫ്റ്റ്

കാക്ക നോട്ടം നീട്ടിയെന്റെ കരളു

ചിത്രം: ഡ്യൂപ്ലിക്കേറ്റ് [ 2009 ]ഷിബു പ്രഭാകർ
രചന: രമേഷ് കാവിൽ
സംഗീതം: അലക്സ് പോൾ
പാടിയതു: ജാസി ഗിഫ്റ്റ്



കാക്ക നോട്ടം നീട്ടിയെന്റെ കരളു കൊത്തിയ പെണ്ണേ
നോക്കി നോക്കി എന്തിനെന്നെ പാട്ടിലാക്കി പൊന്നേ (2)
കരിമീനൊളി കണ്ണിൽ കണ്ടു
ചിരിയമ്പെന്നുള്ളിൽ കൊണ്ടു
അഴകേ നിന്നരികിൽ ഞാനുണ്ട് (കാക്ക...)
മീനാക്ഷീ കമലാക്ഷീ തേനല്ലേ നീ മധുരാക്ഷീ



വീട്ടിലെത്തിയ കാറ്റു പറഞ്ഞ്
നാട്ടുകാരതു മൊത്തമറിഞ്ഞു
നീയെന്റേതല്ലേ മീനാക്ഷീ (വീട്ടിലെത്തിയ..)
മീനാക്ഷീ നീയെന്റേതല്ലേ മീനാക്ഷീ
ഉള്ളിലുള്ളൊരു പ്രേമമിതെന്തേ
ചൊല്ലുവാനിനിയെന്തിനമാന്തം (2)
ഞാൻ നിന്റേതല്ലേ മീനാക്ഷി
മീനാക്ഷീ എന്നുമെന്റേതല്ലേ മീനാക്ഷി (കാക്കനോട്ടം..)


നാട്ടുമാവിൻ ചോട്ടിലിരുന്നു
നമ്മളെത്ര നടത്തി വിരുന്ന്
താലി കെട്ടിനീ നാടല്ലേ സാക്ഷി (2)
മീനാക്ഷീ താലി കെട്ടിനീ നാടല്ലേ സാക്ഷി
പേടിയെന്തു സുന്ദരിയാളേ പേടമാനായ് കൂടെ വരില്ലേ (2)
നമ്മളൊന്നാണല്ലോ മീനാക്ഷീ
മീനാക്ഷീ നമ്മളൊന്നാണല്ലോ മീനാക്ഷീ (കാക്കനോട്ടം..)



ഇവിടെ



വിഡിയോ

ഭദ്രച്ചിറ്റ [ 1989 ] യേശുദാസ്

ഹൃദയത്തിന്‍ ചന്ദനച്ചിതയില്‍

ചിത്രം: ഭദ്രചിറ്റ [ 1989 ]നാസർ അസീസ്
രചന: ഓ.എൻ.വി
സംഗീതം: ഔസേപ്പച്ചൻ
പാടിയതു: യേശുദാസ്



ഹൃദയത്തിന്‍ ചന്ദനച്ചിതയില്‍ സ്വര്‍ണ്ണ
ചിറകുള്ള ശലഭങ്ങള്‍ വീണെരിഞ്ഞു
അവയെന്റെ സ്വപ്നങ്ങളായിരുന്നു
അരുമയാം മോഹങ്ങളായിരുന്നു ( ഹൃദയ....)

ചാരം മൂടിയ ചന്ദനച്ചിതയില്‍
ആരും കാണാ കനലുകളായ് (2)
ഇനിയവശേഷിപ്പതൊന്നു മാത്രം
ഒരു പിടി ഓര്‍മ്മകള്‍ അത്ര മാത്രം !
ഒരു നാളും കാണാത്ത പൂക്കനികള്‍
വെറുതേ കൊതിച്ചതിന്നോര്‍മ്മ മാത്രം ( ഹൃദയം...)


ആരോ കല്ലെറിഞ്ഞെന്റെ തേന്മാവില്‍
നിന്നായിരം കിളികള്‍ പറന്നു പോയി (2)
ചിറകു തളര്‍ന്നൊരാ പക്ഷി മാത്രം
തിരികേ ചില്ലയില്‍ വന്നിരുന്നൂ
ഒരു മാന്തളിരിനെ തേൻ കനിയെ
വെറുതേ ഇനിയും കിനാവു കാണാന്‍ ( ഹൃദയ..)



ഇവിടെ

ഭദ്രച്ചിറ്റ [ 1989 ] ലതിക

ആത്മസുഗന്ധം ഒളിപ്പിച്ചു

ചിത്രം: ഭദ്രച്ചിറ്റ [ 1989 ] നാസർ അസീസ്
രചന: ഒ എൻ വി കുറുപ്പ്
സംഗീതം: ഔസേപ്പച്ചൻ

പാടിയതു: ലതിക
ആത്മസുഗന്ധം ഒളിപ്പിച്ചു വയ്ക്കുവാ
നാവാത്ത പൂവിനെ പോലെ നീയും
പാവമീ പൂവിനെ പോലെ


വാക്കിലും നോക്കിലും മന്ദസ്മിതത്തിലും
വാർന്നതു സുസ്നേഹഗന്ധം
വീണയിൽ കൊവിരൽത്തുമ്പിലൂടെ വാർന്നു
വീണു നിൻ പ്രാണമരന്ദം (ആത്മ...)


സ്നേഹത്തിൻ ദൂതുമായ് ശ്യാമളവർണ്ണനാം
മേഘമൊന്നീവഴി പോകേ
ജീവനിൽ വർഷാമയൂരങ്ങൾ വെൺ മലർ
പീലി നിവർത്തി നിന്നാടി (ആത്മ...)




വിഡിയോ

അക്കരെ അക്കരെ അക്കരെ [ 1990 ] എം.ജി.ശ്രീകുമാർ

കണ്ണു കണ്ണിൽ കൊണ്ട നിമിഷം

ചിത്രം: അക്കരെ അക്കരെ അക്കരെ [ 1990 ] പ്രിയദർശൻ
രചന: ശ്രീകുമാരൻ തമ്പി
സംഗീതം: ഔസേപ്പച്ചൻ
പാടിയതു: എം ജി ശ്രീകുമാർ


കണ്ണു കണ്ണിൽ കൊണ്ട നിമിഷം മുതൽ
കളിയാടി തോൽക്കുകയാണെൻ നെഞ്ചം
വർണ്ണജാലം കാട്ടും നിൻ ലോചനം
കഥ മാറ്റിയെഴുതും പൊൻ‍തൂവൽ

(കണ്ണ്...)

നിൻ മാറിൽ ചായുവാൻ
നിൻ മദം നുകരുവാൻ
കാത്തു ജന്മം ഞാനെത്ര
നിൻ സ്വരം പെയ്യും
ലഹരിതൻ പുഴയിൽ
നീന്തുകയാണെൻ ഭാവന

(കണ്ണ്...)

എൻ നെഞ്ചിനുള്ളിലെ പൊന്നഴിക്കൂട്ടിന്റെ‍
വാതിൽ നിനക്കായ് തുറന്നു ഞാൻ
കപടമീ ലോകം അറിയുകെൻ തങ്കം
അനഘമെൻ പ്രേമം ഓമലേ

(കണ്ണ്...)

ഇവിടെ



വിഡിയോ

തൂവൽ സ്പർശം [ 1990 ] യേശുദാസ്

ഔസേപ്പച്ചൻ


ചന്ദനരേണുവണിഞ്ഞൊരു

ചിത്രം: തൂവൽ‌സ്പർശം [ 1990 ] കമൽ
രചന: കൈതപ്രം ദാമോദരൻ നമ്പൂതിരി
സംഗീതം: ഔസേപ്പച്ചൻ

പാടിയതു: കെ ജെ യേശുദാസ്




ചന്ദനരേണുവണിഞ്ഞൊരു പൂവിതള-
ഞ്ജനമെഴുതി മിഴിഞ്ഞൊരു മചന്ദനരേണുവണിഞ്ഞൊരുധുരിമ-
യലയിളകി ഓമനതൻ പുഞ്ചിരിയായ്

മാനത്തെ പാൽക്കടവിൻ
പവിഴക്കല്‌പടവിൽ...
വാടാപ്പൂ വിതറും കണ്മണിയേ‍

(മാനത്തെ...)

തുളുമ്പും തേൻ‌കണമോ നുരയും ചുണ്ടിലും
മൃദുലം ചെന്താമര കൈത്താരിലും (തുളുമ്പും)
ഇളമീ‍ക്കനവുകളിൽ നിറയെ പാൽമണമോ
വെൺ‌തൂവൽക്കുളിരേകും തളിരോ പനിമതിയോ

(ചന്ദന...)

വസന്തം നൽകിയതോ കുഞ്ഞിക്കാൽത്തളകൾ
അറിയാപ്പിറന്നാൾ കൈനീട്ടമോ (വസന്തം)
നിനവിൻ തുമ്പിലയിൽ നറുനെയ്‌പ്പായസമോ
വരവേൽക്കും ശാരികതൻ മധുരം കളമൊഴിയോ

(മാനത്തെ...)



ഇവിടെ


വിഡിയോ

ഒരേ കടൽ [ 2007 ] ശ്വേത

ചിത്രം: ഒരേ കടൽ [ 2007 ] ശ്യാമ പ്രസാദ്
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ

പാടിയതു: ശ്വേത


യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം (2)
നന്ദനം നറുചന്ദനം ശൌരേ കൃഷ്‌ണാ..
വിരഹവധുവാമൊരുവൾ പാടീ വിധുരമാമൊരു ഗീതം (2)
ഒരു മൌനസംഗീതം
(യമുന വെറുതെ)

നന്ദലാലാ... മനസ്സിലുരുകും വെണ്ണ തന്നു
മയിൽക്കിടാവിൻ പീലി തന്നു നന്ദലാലാ
ഇനിയെന്തു നൽകാൻ എന്തു ചൊല്ലാൻ ഒന്നു കാണാൻ
അരികെ വരുമോ നന്ദലാലാ
(യമുന വെറുതെ)

നന്ദലാലാ ഉദയരഥമോ വന്നു ചേർന്നു
ഊരിലാകെ വെയിൽ പരന്നു നീ വന്നീലാ
ഒരു നോവുപാട്ടിൻ ശ്രുതിയുമായി
യമുന മാത്രം വീണ്ടുമൊഴുകും നന്ദലാലാ (യമുന വെറുതെ രാപ്പാടുന്നു...‌)





ഇവിടെ

ഒരേ കടൽ [ 2007 ] വേണുഗോപാൽ & ശ്വേത

മനസിന്റെ കാവൽ വാതിൽ


ചിത്രം: ഒരേ കടൽ [ 2007 ] ശ്യാമ പ്രസാദ്
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ
പ്നാടിയതു: ജി വേണുഗോപാൽ & ശ്വേത മോഹൻ


മനസിന്റെ കാവൽ വാതിൽ തുറന്നാൽ
കാണ്മൂ ഞാൻ ഓർമ്മയിൽ
ഇരുളിൽ വെച്ചാരോ തേങ്ങും വാക്കുകൾ
കേൾപ്പൂ ഞാൻ ഓർമ്മയിൽ (മനസ്സിന്റെ...)

കനവു കാണാതെ കണ്ണിലൊരു
നൂറു കടൽ വരഞ്ഞവൾ നീ
സൗമ്യമായ് സാന്ദ്രമായ്
ഉദയമില്ലാത്ത സൂര്യശില മേലെ
ഉറവു തിരഞ്ഞവൻ നീ
താപമായ് തപനമായ്
എങ്ങും കിനാക്കാലം ഉന്മാദിയാം കാലം
ജ്വാലയായ് വരും (മനസ്സിന്റെ...)

മഴനിഴൽ കാട്ടിൽ പ്രണയ സർപ്പങ്ങൾ
ഫണമുണർത്തുന്നുവോ
വന്യമായ് നിർവേദമായ്
ഹൃദയമാം ശംഖിൽ
പ്രണവ സാഗര തിരകളുയരുന്നുവോ
ശാന്തമായ് ശമനമായ്
എങ്ങും കനൽക്കാലം തേടുന്ന പൂക്കാലം
സാന്ത്വനം തരും (മനസ്സിന്റെ...)

ഇവിടെ

തസ്കരവീരൻ [ 2006 ] മധു ബാലകൃഷ്ണൻ

ചിത്രം: തസ്കരവീരൻ [ 2006 ] പ്രമോദ് പപ്പൻ
രചന: എം ഡി രാജേന്ദ്രൻ
സംഗീതം: ഔസേപ്പച്ചൻ
പാടിയതു: മധു ബാലകൃഷ്ണൻ

ചെന്താമരയേ വാ
മന്ദാകിനിയായ് വാ
ചന്ദനമുകിലായ് വാ
കുളിരിൻ മണിമഴയായ് (ചെന്താമര...)

ഹേയ് കണ്ണാടിക്കവിളിലൊരുമ്മ
പെണ്ണെ നിൻ നാണം ചുവന്നോ
എൻ നെഞ്ചിൽ തുടികൊട്ടും താളം
പൊന്നേ നീ തിരിച്ചറിഞ്ഞോ
കാറ്റലയായ് കുറുനിരകൾ
മാടിയൊതുക്കും ഞാൻ
പാദസരങ്ങൾ പല്ലവി പാടും പ്രണയഗാനം മൂളാം ഞാൻ (ചെന്താമര...)

നിന്മേനി വാകപ്പൂ തോൽക്കും
നിന്മേനിക്കെന്തു സുഗന്ധം
കാണാപ്പൂ മറുകിൽ ചന്തം
നീയെന്റെ നിത്യവസന്തം
ഈ മടിയിൽ പൂമടിയിൽ എന്നെയുറക്കൂ നീ
രാവറിയാതെ നോവറിയാതെ
ഹൃദയരാഗം മീട്ടൂ നീ (ചെന്താമര...)




ഇവിടെ


വിഡിയോ

ജൂലൈ നാലു [ 2007] വിനീത് & ശ്വേത

ഒരു വാക്കു മിണ്ടാതെ..ഒരു നോക്കു കാണാതെ.

ചിത്രം ജൂലൈ 4 [ 2007 ] ജോഷി
രചന: ഷിബു ചക്രവർത്തി
അംഗീതം: ഔസേപ്പച്ചൻ

പാടിയതു: വിനീത് ശ്രീനിവാസ & ശ്വേത


ധും തനാനന ധിരന ധുംതന ധുതനാ ധുംനാ..
ധും തനാനന ധിരന ധുംതന ധുതനാ ധുംനാ..

ഒരു വാക്കു മിണ്ടാതെ..ഒരു നോക്കു കാണാതെ...
കാട്ടുചെമ്പക ചീട്ടിൽ നിന്ന കാറ്റിതെങ്ങു പോയ്..
പൂങ്കാറ്റിതെങ്ങു പോയ്...[ഒരു വാക്കു മിണ്ടാതെ..]


തിനവയൽ കരയിൽ തളിരില കതിര്..
പുളിയിലക്കരയാൽ പുടവനെയ്യുമ്പോൾ
പുലരി മഞ്ഞു നനഞ്ഞു നിന്നൊരു
പവിഴ മലരിനു നൽകുവാൻ
ഒരു മുഴം...
ഒരു മുഴം പൂഞ്ചേല വാങ്ങാൻ പോയ് കുളിരിളം കാറ്റ് [ഒരു വാക്കു മിണ്ടാതെ..]


തളിരില കുടിലിൽ കിളികൾ കുറുകുന്നു
നിറനിലാ കതിരിൻ തിരിതെളിയുന്നു
ഹൃദയമൊന്നു പിടഞ്ഞ കണ്ണുകൾ.
മഴനിലാവിലലിയവേ
ഒരു മുഖം...ആ...
ഒരു മുഖം ഞാൻ നോക്കി നിന്നേ പോയ്...
കോതി തീരുവോളം...[ഒരു വാക്കു മിണ്ടാതെ...]

ഇവിടെ




വിഡിയോ

തുളസി [2008] ദേവാനന്ദ് & ജ്യോത്സ്ന

നിൻ കള്ള നാണം കാണുമ്പൊളെന്നിൽ

ചിത്രം: തുളസി [2008] ബോയാപ്പടി സീനു
രചന: രാജീവ് ആലുങ്കൽ
സംഗീതം: ദേവി ശ്രീ പ്രസാദ്
പാടിയതു: ദേവാനന്ദ് & ജ്യോത്സ്ന


ജ്യൊത്സ്ന







നിൻ കള്ള നാണം കാണുമ്പൊളെന്നിൽ
നിറയുന്നു മായാ സുഖം [2]
നിൻ കള്ള നോട്ടം കാണുമ്പൊളെന്നിൽ
ഉതിരുന്നതേതോ സുഖം [2]

കിനാവിൽ നിലാവിൽ ഇളം കാറ്റു പോലെ
നീ വന്നു തഴുകുന്നുവോ
ഒളിഞ്ഞും തെളിഞ്ഞും ഒളൊക്കണ്ണെറിഞ്ഞും
നീ വന്നു പൊതിയുന്നുവോ..[ നിൻ കള്ള നാണം...

പുഴപോലെയൊഴുകി പുളകങ്ങളേകി
പുതു മഴ രാവിന്റെ ചൂടറിഞ്ഞു
പുലർ മഞ്ഞു പോലെ എന്നെ പുണർന്നു
ഒടുവിൽ നിൻ നിർവൃതി ഞാനറിഞ്ഞു
എ ന്നെ ന്നും എൻ മെയ്യിൻ കാണാപ്പുറങ്ങൾ
കൊതിയോടെ മെല്ലെ നീ തൊട്ടുണർത്തി
ഇളം ചുണ്ടിനാലെൻ മുളം തണ്ടിലാകെ
നറു മണം നീ പടർത്തി..[ നിൻ കള്ള നാണം...

ആലില കണ്ണിൽ വിരിയുന്ന മോഹം
അനുരാഗമാണെന്നു ഞാനറിഞ്ഞു
ആദ്യമായെന്നെ നീ തൊട്ട നേരം
ആനന്ദമെന്തെന്നു ഞാറിഞ്ഞു
ആരും കൊതിക്കുന്നൊരാമ്പലെ നിന്നെ
ആലോലമാട്ടി ഞാനോമനിച്ചു..
ആ വിരൽ കൊണ്ടെന്റെ പൂമേനിയിൽ നീ
നഖ ചിത്രമെഴുതി വച്ചു. . [ നിൻ കള്ള നാണം..


ഇവിടെ

ഒന്നിങ്ങു വന്നെങ്കിൽ [ 1985 ] യേശുദാസ്

ശ്യാം

കാലങ്ങൾ മാറുന്നു മണ്ണിൽ ഓരൊ...

ചിത്രം: ഒന്നിങ്ങു വന്നെങ്കിൽ [ 1985] ജോഷി
രചന: പൂവച്ചൽ കാദർ
സംഗീതം: ശ്യാം
പാടിയതു: യേശുദാസ്


കാലങ്ങൾ മാറുന്നു
അല്ലിൽ ഓരോ നാളും മറയുന്നു കണ്ണീരുമായ്
ഇതു ജീവിതത്തിന്റെ താരമല്ലോ (കാലങ്ങൾ..)

ഉദയം കഴിഞ്ഞു പടരുന്ന വർണ്ണം
ഇരുളിൽ ലയിക്കാൻ നിമിഷങ്ങൾ മാത്രം (2)
കൊഴിയുന്നു പൂക്കൾ കരയുന്നു തെന്നൽ
വിരഹങ്ങളാലേ അഴൽ തിങ്ങും മണ്ണിൽ
ഏകാന്തവാസത്തിൻ മൂകത തന്നിൽ
ഒരു കാത്തിരിപ്പിന്റെ അർഥം എന്തോ (കാലങ്ങൾ...)

മനസ്സിൽ നിലാവാൽ എഴുതുന്ന ചിത്രം
മായാൻ ഇവിടെ ഞൊടിയൊന്നു പോരും (2)
അകലുന്ന കിളിയും ഒഴിയുന്ന കൂടും
ഒഴിയാത്ത നോവും പുലരുന്ന മണ്ണിൽ
ശോകങ്ങൾ കൂട്ടുന്ന കൂടാരമൊന്നിൽ
വിടരുന്ന സ്വപ്നത്തിൻ അർഥം എന്തോ (കാലങ്ങൾ...)



ഇവിടെ

രഥോത്സവം [ 1996] യേശുദാസ് & ചിത്ര

തെച്ചിപ്പൂവേ തെങ്കാശിപ്പൂവേ


ചിത്രം: രഥോത്സവം [1996] അനിൽ ബാബു
രചന: ഗിരീഷ് പുത്തഞ്ചേരി
സംഗീതം: ബേണി ഇഗ്നേഷ്യസ്

പാടിയതു: കെ ജെ യേശുദാസ & കെ എസ് ചിത്ര



തെച്ചിപ്പൂവേ തെങ്കാശിപ്പൂവേ മച്ചാനെ പാരുങ്കെടി
വായോ വായോ നീയെൻ മാറിൽച്ചായോ
മഞ്ചൾപൂത്താലി തരാം നിന്റെ മാരനായ് കൂടെ വരാം
പൊന്നും മിന്നും പൂണാരോം വേണ്ടാ പൊള്ളാച്ചിത്തേവരല്ലെ
വായോ വായോ നീയെൻ മാറിൽച്ചായോ
മാർകഴിമാസമല്ലേ മാട്ടുപ്പൊങ്കലെൻ നെഞ്ചിലല്ലേ (തെച്ചിപ്പൂവേ..)

ആഴ്വാരം കോവിൽ കൊടിയേറാനായ്
നിറനിറച്ചോളം കൊയ്യാൻ നേരമായ്
കൊട്ടും പാട്ടും കുരവേം വേണം
നിറമണിക്കല്യാണത്തിൻ കാലമായ്
താഴമ്പൂ മൊട്ടുണ്ടെ തഞ്ചാവൂർ പട്ടുണ്ടേ
എന്നും ആലോലം പൂമെയ്യിൽ ചാർത്താൻ
ചെല്ലച്ചെമ്മാനച്ചെപ്പിലൊരിത്തിരി കുങ്കുമമുണ്ടേ
കൊഞ്ചം കടമായി തരുമോ തരുമോ (തെച്ചിപ്പൂവേ...)

അരയാൽക്കൊമ്പിൽ കുറുകും കുയിലേ
അണിയറ വാതിൽ ചാരാൻ നേരമായ്
ഇനിയും പാടാൻ മുതിരും നിലാവെ
കിഴക്കിനിമച്ചിൽ നിന്നും മാഞ്ഞു പോ
പുന്നാരം ചൊല്ലാതെ കിണ്ടാണ്ടം കാട്ടാതെ
ചുമ്മാ ആരാനും ഏതാനും കണ്ടാൽ
ആരും മുത്താത്ത മുത്തണി മുന്തിരിക്കിങ്ങിണി തായോ
നീ നിൻ ചുണ്ടത്തെ മധുരം തായോ (തെച്ചിപ്പൂവേ...)






വിഡിയോ

വൈകി വന്ന വസന്തം [ 1980 ജയചന്ദ്രൻ & സുശീല

ഒരേ പാതയിൽ ഒരേ നിഴലു പോൽ

ചിത്രം:: വൈകി വന്ന വസന്തം [ 1980 ] ബാലചന്ദ്ര മേനോൻ
രചന:: ശ്രീകുമാരൻ തമ്പി
സംഗീതം:: ശ്യാം
പാടിയതു: പി ജയചന്ദ്രൻ & സുശീല






ഒരേ പാതയിൽ ഒരേ നിഴലു പോൽ (2)
ഒരുമയാർന്നു പാടി നീങ്ങിടും നാം
(ഒരേ പാതയിൽ...)


ഈ മധുരസായാഹ്നം ഈ സൗഹൃദ സംഗീതം
ഇനിയെന്നും ഇനിയെന്നും ഓർമ്മിക്കും നാം
പുതിയൊരു സ്നേഹ ബന്ധനം ആ
അറിയും മലരും മണ്ണും വിണ്ണും
ഓരോ പൂവിലും ഓരോ തളിരിലും
തിരയുമിന്നു നവഭാവന നാം
(ഒരേ പാതയിൽ...)

ഈ സരിതാ സന്ദേശം ഈ കര തൻ ആവേശം
അതിൽ നിന്നും ഉണരുന്നു പുതുനാമ്പുകൾ
ഇതിലൊരു തിരയുണരുമ്പോൾ ഹാ
ഇനിയും തെളിയും നമ്മുടെ ഹൃദയം
കാലം നീങ്ങുമീ ഗാനം മാഞ്ഞിടാ
പിരിയുകില്ല പ്രിയസോദരീ നാം
(ഒരേ പാതയിൽ...)



വിഡിയോ

ഒരു യുഗ സന്ധ്യ [ 1986 ] യേശുദാസ്

ഇവിടെ ഈ വഴിയിൽ...

ചിത്രം: ഒരു യുഗ സന്ധ്യ [ 1986 ] മധു
രചന: പി ഭാസ്ക്കരൻ
സംഗീതം: എ ടി ഉമ്മർ
പാടിയതു: കെ ജെ യേശുദാസ്



ഇവിടെ ഈ വഴിയിൽ
ഈ നിഴലിൽ
ഇവിടെ വെച്ചിനി വിട പറയാം
ഇവിടെ വെച്ചിനി വേർപിരിയാം


ചിതയിൽവെച്ചാലും ചിറകടിച്ചുയരുന്ന
ചിരകാല സുന്ദര സ്വപ്നങ്ങളേ
മിഴിനീരു കൊണ്ടെത്ര മായ്ച്ചാലും പിന്നെയും
തെളിയുന്ന സങ്കല്പ ചിത്രങ്ങളേ
തെളിയുന്ന സങ്കല്പ ചിത്രങ്ങളേ ( ഇവിടെ....)

മകരത്തിൻ തൂമഞ്ഞിൽ വീണ്ടും ചിരിക്കുന്ന
മയിൽ പീലി മാവിന്റെ ചില്ലകളേ
ഇവിടെ വെച്ചാദ്യമായ് ഞങ്ങൾ കൈമാറിയ
മധുര വാഗ്ദാനങ്ങൾ ഓർമ്മയുണ്ടോ
മധുര വാഗ്ദാനങ്ങൾ ഓർമ്മയുണ്ടോ (ഇവിടെ..)


അറിയാത്ത ഭാവത്തിൽ കളിയും ചിരിയുമായ്
ഓടുന്ന നദിയിലെ ഓളങ്ങളേ
ഇവിടെ വെച്ചാദ്യത്തെ ചുംബനത്താൽ നിന്റെ
മുഖപടം കീറിയതോർമ്മയുണ്ടോ
മുഖപടം കീറിയതോർമ്മയുണ്ടോ (ഇവിടെ...)

ഇവിടെ