ഒരേ കടൽ [ 2007 ] ശ്വേത

ചിത്രം: ഒരേ കടൽ [ 2007 ] ശ്യാമ പ്രസാദ്
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ

പാടിയതു: ശ്വേത


യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം (2)
നന്ദനം നറുചന്ദനം ശൌരേ കൃഷ്‌ണാ..
വിരഹവധുവാമൊരുവൾ പാടീ വിധുരമാമൊരു ഗീതം (2)
ഒരു മൌനസംഗീതം
(യമുന വെറുതെ)

നന്ദലാലാ... മനസ്സിലുരുകും വെണ്ണ തന്നു
മയിൽക്കിടാവിൻ പീലി തന്നു നന്ദലാലാ
ഇനിയെന്തു നൽകാൻ എന്തു ചൊല്ലാൻ ഒന്നു കാണാൻ
അരികെ വരുമോ നന്ദലാലാ
(യമുന വെറുതെ)

നന്ദലാലാ ഉദയരഥമോ വന്നു ചേർന്നു
ഊരിലാകെ വെയിൽ പരന്നു നീ വന്നീലാ
ഒരു നോവുപാട്ടിൻ ശ്രുതിയുമായി
യമുന മാത്രം വീണ്ടുമൊഴുകും നന്ദലാലാ (യമുന വെറുതെ രാപ്പാടുന്നു...‌)





ഇവിടെ

ഒരേ കടൽ [ 2007 ] വേണുഗോപാൽ & ശ്വേത

മനസിന്റെ കാവൽ വാതിൽ


ചിത്രം: ഒരേ കടൽ [ 2007 ] ശ്യാമ പ്രസാദ്
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ
പ്നാടിയതു: ജി വേണുഗോപാൽ & ശ്വേത മോഹൻ


മനസിന്റെ കാവൽ വാതിൽ തുറന്നാൽ
കാണ്മൂ ഞാൻ ഓർമ്മയിൽ
ഇരുളിൽ വെച്ചാരോ തേങ്ങും വാക്കുകൾ
കേൾപ്പൂ ഞാൻ ഓർമ്മയിൽ (മനസ്സിന്റെ...)

കനവു കാണാതെ കണ്ണിലൊരു
നൂറു കടൽ വരഞ്ഞവൾ നീ
സൗമ്യമായ് സാന്ദ്രമായ്
ഉദയമില്ലാത്ത സൂര്യശില മേലെ
ഉറവു തിരഞ്ഞവൻ നീ
താപമായ് തപനമായ്
എങ്ങും കിനാക്കാലം ഉന്മാദിയാം കാലം
ജ്വാലയായ് വരും (മനസ്സിന്റെ...)

മഴനിഴൽ കാട്ടിൽ പ്രണയ സർപ്പങ്ങൾ
ഫണമുണർത്തുന്നുവോ
വന്യമായ് നിർവേദമായ്
ഹൃദയമാം ശംഖിൽ
പ്രണവ സാഗര തിരകളുയരുന്നുവോ
ശാന്തമായ് ശമനമായ്
എങ്ങും കനൽക്കാലം തേടുന്ന പൂക്കാലം
സാന്ത്വനം തരും (മനസ്സിന്റെ...)

ഇവിടെ

തസ്കരവീരൻ [ 2006 ] മധു ബാലകൃഷ്ണൻ

ചിത്രം: തസ്കരവീരൻ [ 2006 ] പ്രമോദ് പപ്പൻ
രചന: എം ഡി രാജേന്ദ്രൻ
സംഗീതം: ഔസേപ്പച്ചൻ
പാടിയതു: മധു ബാലകൃഷ്ണൻ

ചെന്താമരയേ വാ
മന്ദാകിനിയായ് വാ
ചന്ദനമുകിലായ് വാ
കുളിരിൻ മണിമഴയായ് (ചെന്താമര...)

ഹേയ് കണ്ണാടിക്കവിളിലൊരുമ്മ
പെണ്ണെ നിൻ നാണം ചുവന്നോ
എൻ നെഞ്ചിൽ തുടികൊട്ടും താളം
പൊന്നേ നീ തിരിച്ചറിഞ്ഞോ
കാറ്റലയായ് കുറുനിരകൾ
മാടിയൊതുക്കും ഞാൻ
പാദസരങ്ങൾ പല്ലവി പാടും പ്രണയഗാനം മൂളാം ഞാൻ (ചെന്താമര...)

നിന്മേനി വാകപ്പൂ തോൽക്കും
നിന്മേനിക്കെന്തു സുഗന്ധം
കാണാപ്പൂ മറുകിൽ ചന്തം
നീയെന്റെ നിത്യവസന്തം
ഈ മടിയിൽ പൂമടിയിൽ എന്നെയുറക്കൂ നീ
രാവറിയാതെ നോവറിയാതെ
ഹൃദയരാഗം മീട്ടൂ നീ (ചെന്താമര...)




ഇവിടെ


വിഡിയോ

ജൂലൈ നാലു [ 2007] വിനീത് & ശ്വേത

ഒരു വാക്കു മിണ്ടാതെ..ഒരു നോക്കു കാണാതെ.

ചിത്രം ജൂലൈ 4 [ 2007 ] ജോഷി
രചന: ഷിബു ചക്രവർത്തി
അംഗീതം: ഔസേപ്പച്ചൻ

പാടിയതു: വിനീത് ശ്രീനിവാസ & ശ്വേത


ധും തനാനന ധിരന ധുംതന ധുതനാ ധുംനാ..
ധും തനാനന ധിരന ധുംതന ധുതനാ ധുംനാ..

ഒരു വാക്കു മിണ്ടാതെ..ഒരു നോക്കു കാണാതെ...
കാട്ടുചെമ്പക ചീട്ടിൽ നിന്ന കാറ്റിതെങ്ങു പോയ്..
പൂങ്കാറ്റിതെങ്ങു പോയ്...[ഒരു വാക്കു മിണ്ടാതെ..]


തിനവയൽ കരയിൽ തളിരില കതിര്..
പുളിയിലക്കരയാൽ പുടവനെയ്യുമ്പോൾ
പുലരി മഞ്ഞു നനഞ്ഞു നിന്നൊരു
പവിഴ മലരിനു നൽകുവാൻ
ഒരു മുഴം...
ഒരു മുഴം പൂഞ്ചേല വാങ്ങാൻ പോയ് കുളിരിളം കാറ്റ് [ഒരു വാക്കു മിണ്ടാതെ..]


തളിരില കുടിലിൽ കിളികൾ കുറുകുന്നു
നിറനിലാ കതിരിൻ തിരിതെളിയുന്നു
ഹൃദയമൊന്നു പിടഞ്ഞ കണ്ണുകൾ.
മഴനിലാവിലലിയവേ
ഒരു മുഖം...ആ...
ഒരു മുഖം ഞാൻ നോക്കി നിന്നേ പോയ്...
കോതി തീരുവോളം...[ഒരു വാക്കു മിണ്ടാതെ...]

ഇവിടെ




വിഡിയോ

തുളസി [2008] ദേവാനന്ദ് & ജ്യോത്സ്ന

നിൻ കള്ള നാണം കാണുമ്പൊളെന്നിൽ

ചിത്രം: തുളസി [2008] ബോയാപ്പടി സീനു
രചന: രാജീവ് ആലുങ്കൽ
സംഗീതം: ദേവി ശ്രീ പ്രസാദ്
പാടിയതു: ദേവാനന്ദ് & ജ്യോത്സ്ന


ജ്യൊത്സ്ന







നിൻ കള്ള നാണം കാണുമ്പൊളെന്നിൽ
നിറയുന്നു മായാ സുഖം [2]
നിൻ കള്ള നോട്ടം കാണുമ്പൊളെന്നിൽ
ഉതിരുന്നതേതോ സുഖം [2]

കിനാവിൽ നിലാവിൽ ഇളം കാറ്റു പോലെ
നീ വന്നു തഴുകുന്നുവോ
ഒളിഞ്ഞും തെളിഞ്ഞും ഒളൊക്കണ്ണെറിഞ്ഞും
നീ വന്നു പൊതിയുന്നുവോ..[ നിൻ കള്ള നാണം...

പുഴപോലെയൊഴുകി പുളകങ്ങളേകി
പുതു മഴ രാവിന്റെ ചൂടറിഞ്ഞു
പുലർ മഞ്ഞു പോലെ എന്നെ പുണർന്നു
ഒടുവിൽ നിൻ നിർവൃതി ഞാനറിഞ്ഞു
എ ന്നെ ന്നും എൻ മെയ്യിൻ കാണാപ്പുറങ്ങൾ
കൊതിയോടെ മെല്ലെ നീ തൊട്ടുണർത്തി
ഇളം ചുണ്ടിനാലെൻ മുളം തണ്ടിലാകെ
നറു മണം നീ പടർത്തി..[ നിൻ കള്ള നാണം...

ആലില കണ്ണിൽ വിരിയുന്ന മോഹം
അനുരാഗമാണെന്നു ഞാനറിഞ്ഞു
ആദ്യമായെന്നെ നീ തൊട്ട നേരം
ആനന്ദമെന്തെന്നു ഞാറിഞ്ഞു
ആരും കൊതിക്കുന്നൊരാമ്പലെ നിന്നെ
ആലോലമാട്ടി ഞാനോമനിച്ചു..
ആ വിരൽ കൊണ്ടെന്റെ പൂമേനിയിൽ നീ
നഖ ചിത്രമെഴുതി വച്ചു. . [ നിൻ കള്ള നാണം..


ഇവിടെ

ഒന്നിങ്ങു വന്നെങ്കിൽ [ 1985 ] യേശുദാസ്

ശ്യാം

കാലങ്ങൾ മാറുന്നു മണ്ണിൽ ഓരൊ...

ചിത്രം: ഒന്നിങ്ങു വന്നെങ്കിൽ [ 1985] ജോഷി
രചന: പൂവച്ചൽ കാദർ
സംഗീതം: ശ്യാം
പാടിയതു: യേശുദാസ്


കാലങ്ങൾ മാറുന്നു
അല്ലിൽ ഓരോ നാളും മറയുന്നു കണ്ണീരുമായ്
ഇതു ജീവിതത്തിന്റെ താരമല്ലോ (കാലങ്ങൾ..)

ഉദയം കഴിഞ്ഞു പടരുന്ന വർണ്ണം
ഇരുളിൽ ലയിക്കാൻ നിമിഷങ്ങൾ മാത്രം (2)
കൊഴിയുന്നു പൂക്കൾ കരയുന്നു തെന്നൽ
വിരഹങ്ങളാലേ അഴൽ തിങ്ങും മണ്ണിൽ
ഏകാന്തവാസത്തിൻ മൂകത തന്നിൽ
ഒരു കാത്തിരിപ്പിന്റെ അർഥം എന്തോ (കാലങ്ങൾ...)

മനസ്സിൽ നിലാവാൽ എഴുതുന്ന ചിത്രം
മായാൻ ഇവിടെ ഞൊടിയൊന്നു പോരും (2)
അകലുന്ന കിളിയും ഒഴിയുന്ന കൂടും
ഒഴിയാത്ത നോവും പുലരുന്ന മണ്ണിൽ
ശോകങ്ങൾ കൂട്ടുന്ന കൂടാരമൊന്നിൽ
വിടരുന്ന സ്വപ്നത്തിൻ അർഥം എന്തോ (കാലങ്ങൾ...)



ഇവിടെ

രഥോത്സവം [ 1996] യേശുദാസ് & ചിത്ര

തെച്ചിപ്പൂവേ തെങ്കാശിപ്പൂവേ


ചിത്രം: രഥോത്സവം [1996] അനിൽ ബാബു
രചന: ഗിരീഷ് പുത്തഞ്ചേരി
സംഗീതം: ബേണി ഇഗ്നേഷ്യസ്

പാടിയതു: കെ ജെ യേശുദാസ & കെ എസ് ചിത്ര



തെച്ചിപ്പൂവേ തെങ്കാശിപ്പൂവേ മച്ചാനെ പാരുങ്കെടി
വായോ വായോ നീയെൻ മാറിൽച്ചായോ
മഞ്ചൾപൂത്താലി തരാം നിന്റെ മാരനായ് കൂടെ വരാം
പൊന്നും മിന്നും പൂണാരോം വേണ്ടാ പൊള്ളാച്ചിത്തേവരല്ലെ
വായോ വായോ നീയെൻ മാറിൽച്ചായോ
മാർകഴിമാസമല്ലേ മാട്ടുപ്പൊങ്കലെൻ നെഞ്ചിലല്ലേ (തെച്ചിപ്പൂവേ..)

ആഴ്വാരം കോവിൽ കൊടിയേറാനായ്
നിറനിറച്ചോളം കൊയ്യാൻ നേരമായ്
കൊട്ടും പാട്ടും കുരവേം വേണം
നിറമണിക്കല്യാണത്തിൻ കാലമായ്
താഴമ്പൂ മൊട്ടുണ്ടെ തഞ്ചാവൂർ പട്ടുണ്ടേ
എന്നും ആലോലം പൂമെയ്യിൽ ചാർത്താൻ
ചെല്ലച്ചെമ്മാനച്ചെപ്പിലൊരിത്തിരി കുങ്കുമമുണ്ടേ
കൊഞ്ചം കടമായി തരുമോ തരുമോ (തെച്ചിപ്പൂവേ...)

അരയാൽക്കൊമ്പിൽ കുറുകും കുയിലേ
അണിയറ വാതിൽ ചാരാൻ നേരമായ്
ഇനിയും പാടാൻ മുതിരും നിലാവെ
കിഴക്കിനിമച്ചിൽ നിന്നും മാഞ്ഞു പോ
പുന്നാരം ചൊല്ലാതെ കിണ്ടാണ്ടം കാട്ടാതെ
ചുമ്മാ ആരാനും ഏതാനും കണ്ടാൽ
ആരും മുത്താത്ത മുത്തണി മുന്തിരിക്കിങ്ങിണി തായോ
നീ നിൻ ചുണ്ടത്തെ മധുരം തായോ (തെച്ചിപ്പൂവേ...)






വിഡിയോ

വൈകി വന്ന വസന്തം [ 1980 ജയചന്ദ്രൻ & സുശീല

ഒരേ പാതയിൽ ഒരേ നിഴലു പോൽ

ചിത്രം:: വൈകി വന്ന വസന്തം [ 1980 ] ബാലചന്ദ്ര മേനോൻ
രചന:: ശ്രീകുമാരൻ തമ്പി
സംഗീതം:: ശ്യാം
പാടിയതു: പി ജയചന്ദ്രൻ & സുശീല






ഒരേ പാതയിൽ ഒരേ നിഴലു പോൽ (2)
ഒരുമയാർന്നു പാടി നീങ്ങിടും നാം
(ഒരേ പാതയിൽ...)


ഈ മധുരസായാഹ്നം ഈ സൗഹൃദ സംഗീതം
ഇനിയെന്നും ഇനിയെന്നും ഓർമ്മിക്കും നാം
പുതിയൊരു സ്നേഹ ബന്ധനം ആ
അറിയും മലരും മണ്ണും വിണ്ണും
ഓരോ പൂവിലും ഓരോ തളിരിലും
തിരയുമിന്നു നവഭാവന നാം
(ഒരേ പാതയിൽ...)

ഈ സരിതാ സന്ദേശം ഈ കര തൻ ആവേശം
അതിൽ നിന്നും ഉണരുന്നു പുതുനാമ്പുകൾ
ഇതിലൊരു തിരയുണരുമ്പോൾ ഹാ
ഇനിയും തെളിയും നമ്മുടെ ഹൃദയം
കാലം നീങ്ങുമീ ഗാനം മാഞ്ഞിടാ
പിരിയുകില്ല പ്രിയസോദരീ നാം
(ഒരേ പാതയിൽ...)



വിഡിയോ

ഒരു യുഗ സന്ധ്യ [ 1986 ] യേശുദാസ്

ഇവിടെ ഈ വഴിയിൽ...

ചിത്രം: ഒരു യുഗ സന്ധ്യ [ 1986 ] മധു
രചന: പി ഭാസ്ക്കരൻ
സംഗീതം: എ ടി ഉമ്മർ
പാടിയതു: കെ ജെ യേശുദാസ്



ഇവിടെ ഈ വഴിയിൽ
ഈ നിഴലിൽ
ഇവിടെ വെച്ചിനി വിട പറയാം
ഇവിടെ വെച്ചിനി വേർപിരിയാം


ചിതയിൽവെച്ചാലും ചിറകടിച്ചുയരുന്ന
ചിരകാല സുന്ദര സ്വപ്നങ്ങളേ
മിഴിനീരു കൊണ്ടെത്ര മായ്ച്ചാലും പിന്നെയും
തെളിയുന്ന സങ്കല്പ ചിത്രങ്ങളേ
തെളിയുന്ന സങ്കല്പ ചിത്രങ്ങളേ ( ഇവിടെ....)

മകരത്തിൻ തൂമഞ്ഞിൽ വീണ്ടും ചിരിക്കുന്ന
മയിൽ പീലി മാവിന്റെ ചില്ലകളേ
ഇവിടെ വെച്ചാദ്യമായ് ഞങ്ങൾ കൈമാറിയ
മധുര വാഗ്ദാനങ്ങൾ ഓർമ്മയുണ്ടോ
മധുര വാഗ്ദാനങ്ങൾ ഓർമ്മയുണ്ടോ (ഇവിടെ..)


അറിയാത്ത ഭാവത്തിൽ കളിയും ചിരിയുമായ്
ഓടുന്ന നദിയിലെ ഓളങ്ങളേ
ഇവിടെ വെച്ചാദ്യത്തെ ചുംബനത്താൽ നിന്റെ
മുഖപടം കീറിയതോർമ്മയുണ്ടോ
മുഖപടം കീറിയതോർമ്മയുണ്ടോ (ഇവിടെ...)

ഇവിടെ

അക്ഷരങ്ങൾ [1984] യേശുദാസ്

ഒരു മഞ്ഞുതുള്ളിയിൽ നീലവാനം

ചിത്രം: അക്ഷരങ്ങൾ [1984] ഐ.വി.ശശി
രചന: ഒ എൻ വി കുറുപ്പ്
സംഗീതം: ശ്യാം
പാടിയതു: യേശുദാസ്



ഒരു മഞ്ഞുതുള്ളിയിൽ നീലവാനം
ഒരു കുഞ്ഞു പൂവിൽ ഒരു വസന്തം
ഒരു പുഞ്ചിരിയിൽ ഹൃദയത്തിന്നാഴത്തിൽ
ഉണരുമാഹ്ലാദത്തിൻ ജലതരംഗം (ഒരു മഞ്ഞുതുള്ളിയിൽ..)


നിറുകയിൽ ചാർത്തിയ കുങ്കുമമോ
അരുണോദയത്തിന്റെ പൊൻ തിടമ്പോ (2‌)
ഇളകും നിൻ മിഴികളിലിരു നീല മത്സ്യങ്ങൾ
ചുരുൾമുടിച്ചാർത്തിലോ ശ്യാമ യാമിനി (ഒരു മഞ്ഞുതുള്ളിയിൽ..)

കവിളിണ ചാർത്തിയ കണ്ണുനീരോ
കരളിലെ കാവ്യത്തിൻ പൊൻ ലിപിയോ (2)
ഇടനെഞ്ഞിൻ മധുരമാം തുടിതാളം കേൾക്കവെ
ഇവിടെ നിൻ കൂട്ടിലെ മൈന പാടിയോ (ഒരു മഞ്ഞുതുള്ളിയിൽ..)


ഇവിടെ

ചിത്രശലഭം [ 1998 ] യേശുദാസ്

പാടാതെ പോയൊ നീയെന്റെ

ചിത്രം: ചിത്രശലഭം [ 1998 ] കെ.ബി. മധു
രചന: യൂസഫ് ആലി കേച്ചേരി
സംഗീതം: രവീന്ദ്രൻ

പാടിയതു: യേശുദാസ്

പാടാതെ പോയൊ നീയെന്റെ നെഞ്ചിൽ
പതഞ്ഞ പല്ലവികൾ
ചൂടാതെ പോയോ നീയെൻ മനസ്സിൽ
ചുവന്ന താമരകൾ...]2]

നീല കുറിഞ്ഞിയെ വാനമണിയിച്ച
നീഹാര നീർ മണികൾ [2]
കോമള സ്വപ്നത്തിൻ പൊൻ നൂലിന്മേൽ
കോർത്തു ഞാൻ കാത്തിരുന്നു [ പാടതെ പോയോ...

മൌനത്തിൽ മുങ്ങിയ കാട്ടു മുളം തണ്ടിൽ
തെന്നൽ തലോടുമ്പോൾ
ഓളം തുളുമ്പുന്ന നൊമ്പര ചിന്തിന്റെ
അലയാണു ഞൻ ഓമൻലെ
കണ്ണീരിൻ അലയാണു ഞാൻ ഒമലെ... [ പാടാതെ പോയോ..[2].

ഇവിടെ


വിഡിയോ

പാവക്കൂത്തു [1990] ഉണ്ണി മേനോൻ & രഞ്ജിനി

സാരംഗി മാറിലണിയും


ചിത്രം: പാവക്കൂത്ത് [ 1990 ] കെ. ശ്രീക്കുട്ടൻ
രചന: കെ ജയകുമാർ
സംഗീതം: ജോൺസൻ
പാടിയതു: ഉണ്ണി മേനോൻ & രഞ്ജിനി മേ


ഉം..ഉം..ഉം...
സാരംഗി മാറിലണിയും ഏതപൂർവഗാനമോ
ശിശിരം മറന്ന വാനിൽ ഒരു മേഘ രാഗമോ
മൂവന്തി തൻ പുഴയിലൂടെ ഒഴുകീ ആരതി (സാരംഗി...)

പൊൽത്താരകങ്ങൾ നിന്റെ കണ്ണിൽ പൂത്തിറങ്ങിയോ
വെൺ ചന്ദ്രലേഖ നിന്റെ ചിരിയിൽ കൂടണഞ്ഞതോ (2)
സംഗീതമായ് നിൻ ജീവനിൽ ചിറകാർന്നു വന്നു ഞാൻ
ചൈത്രരാഗങ്ങൾ ഓർക്കവേ പൂക്കുന്ന ശാഖി ഞാൻ (സാരംഗി..)

മഴവില്ലണിഞ്ഞു നിന്റെ ഉള്ളിൽ പൂക്കളായതോ
അലയാഴി നിന്റെ പ്രേമഭാവം ഗാനമാക്കിയോ (2)
നിറമുള്ളൊരീ നിമിഷങ്ങളിൽ ശുഭഗീതമായ് ഞാൻ
ശ്രാവണോന്മാദ രാത്രിയിൽ നിന്നെ തേടി ഞാൻ (സാരംഗി..)


ഇവിടെ

വിഡിയോ

പക്ഷെ [ 1994 ] യേശുദാസ്

മൂവന്തിയായ് പകലിൽ

ചിത്രം: പക്ഷേ [ 1994} മോഹൻ
രചന: കെ ജയകുമാർ
സംഗീതം: ജോൺസൻ
പാടിയതു: കെ ജെ യേശുദാസ്

മൂവന്തിയായ് പകലിൽ
രാവിൻ വിരൽ സ്പർശനം (2)
തീരങ്ങളിൽ ബാഷ്പദീപങ്ങളിൽ
ഓരിതൾ നാളമായ് നൊമ്പരം ആ (മൂവന്തിയായ്...)

രാവേറെയായ് പിരിയാൻ അരുതാതൊരു
നോവിൻ രാപ്പാടികൾ (2)
ചൂടാത്തൊരാ പൂമ്പീലികളാൽ കൂടൊന്നു കൂട്ടിയല്ലോ
ജന്മങ്ങളീ വീണയിൽ മീട്ടുമീണം
മൂളുന്നു രാക്കാറ്റുകൾ (മൂവന്തിയായ്...)

യാമങ്ങളിൽ കൊഴിയാൻ മടിയായൊരു
താരം തേങ്ങുന്നുവോ (2)
ഇന്നോർമ്മയിൽ കിളിവാതിലുകൾ താനേ തുറന്നുവല്ലോ
ദൂരങ്ങളിൽ എന്തിനോ കണ്ണു ചിമ്മി
വീണ്ടും നിശാഗന്ധികൾ (മൂവന്തിയായ്...)

ഇവിടെ


വിഡിയോ

കൺകെട്ടു [1991 ] യേശുദാസ് & സുജാത

ഗോപീഹൃദയം നിറയുന്നു

ചിത്രം: കൺ‌കെട്ട് [ 1991 ] രാജൻ ബാലകൃഷ്ണൻ
രചന: കൈതപ്രം ദാമോദരൻ നമ്പൂതിരി
സംഗീതം: ജോൺസൻ
പാടിറ്യതു: കെ ജെ യേശുദാസ് & സുജാത


ഗോപീഹൃദയം നിറയുന്നു
സ്നേഹം പനിനീർ മഴയായ് പൊഴിയുന്നു (2)
കോമള താമര പെണ്ണിൻ തങ്കക്കൈകൾ വിടരുന്നൂ
കളകാകളി പാടി വരൂ പൈങ്കിളിയേ രാഗോദയമായ് (ഗോപീ..)


രാവിൻ വൃന്ദഗാനം ശ്രുതി സാന്ദ്രമായ്
അഴകാം അകമലരിൽ നറു പൂന്തേൻ കണമായ്
ഏതോ മൌന ഗീതം മോഹാർദ്രമായ്
അലിയും മഞ്ഞലയിൽ ശുഭ മംഗള നടയായ്
ആനന്ദ ലോലമേതോ സ്വര സംക്രമങ്ങളിൽ
ആരോ വീണ മീട്ടി മധുരമായ് ( ഗോപീ..)

തേനോലുന്നൂ പൂക്കൾ മലർ വാടിയിൽ
പാടും പല്ലവി തൻ മൃദു രവമുണരുമ്പോൾ
മേലാടുന്നൂ തെന്നൽ ജല ലീലയിൽ
അരികെ തിരയിളകും തുടി മേളം തുടരുമ്പോൾ
ആപാദ മധുരമേതോ പ്രണയാഭിലാഷമായ്
ആരോ വേണുവൂതി തരളമായ് ( ഗോപീ..)



ഇവിടെ

വിഡിയോ

മംഗളം നേരുന്നു [1984] യേശുദാസ് & കല്യാണി മേനോൻ

ഋതുഭേദകല്പന ചാരുത നൽകിയ

ചിത്രം: മംഗളം നേരുന്നു [1984] മോഹൻ
രചന: എം ഡി രാജേന്ദ്രൻ
സംഗീതം: ഇളയരാജ

പാടിയതു: കെ ജെ യേശുദാസ് & കല്യാണി മേനോൻ



ഉംഉം...ഉം‌ഉം‌ഉംഉം....ഉംഉം...ഉം‌ഉം‌ഉംഉം....
ഉം‌ഉം‌ഉംഉം.....ഉം‌ഉം‌ഉംഉം......................

ഋതുഭേദകല്പന ചാരുത നൽകിയ
പ്രിയപാരിതോഷികം പോലെ
ഒരു രോമഹർഷത്തിൻ ധന്യത പുൽകിയ
പരിരംഭണക്കുളുർ പോലെ
പ്രഥമാനുരാഗത്തിൻ പൊൻ‌മണിച്ചില്ലയിൽ
കവിതേ പൂവായ് നീ വിരിഞ്ഞൂ

ഋതുഭേദകല്പന ചാരുത നൽകിയ
പ്രിയപാരിതോഷികം പോലെ

സ്ഥലകാലമെല്ലാം മറന്നു പോയൊരു
ശലഭമായ് നിന്നെ തിരഞ്ഞൂ (സ്ഥല...)
മധുമന്ദഹാസത്തിൻ മായയിൽ എന്നേ
അറിയാതെ നിന്നിൽ പകർന്നൂ

സുരലോകഗംഗയിൽ.....
സനിസഗാഗ പമപഗാഗ ഗമപനി പനി പനിപമഗസ
നീന്തിത്തുടിച്ചു.......
സഗമ ഗമധ മധനി പനിസനിപമഗസനിധ

സുരലോകഗംഗയിൽ നീന്തിത്തുടിച്ചു
ഒരു രാജഹംസമായി മാറി
ഗഗനപഥങ്ങളിൽ പാറിപ്പറന്നു
മുഴുതിങ്കൾപക്ഷിയായി മാറി

ഋതുഭേദകല്പന ചാരുത നൽകിയ
പ്രിയപാരിതോഷികം പോലെ

വിരഹത്തിൻ ചൂടേറ്റു വാടിക്കൊഴിഞ്ഞു നീ
വിടപറയുന്നൊരാ നാളിൽ
നിറയുന്ന കണ്ണുനീർത്തുള്ളിയിൽ സ്വപ്നങ്ങൾ
ചിറകറ്റു വീഴുമാ നാളിൽ
മൌനത്തിൽ മുങ്ങുമെൻ ഗദ്ഗദം മന്ത്രിക്കും
മംഗളം നേരുന്നു തോഴി (മൌനത്തിൽ)

ഋതുഭേദകല്പന ചാരുത നൽകിയ
പ്രിയപാരിതോഷികം പോലെ
ഒരു രോമഹർഷത്തിൻ ധന്യത പുൽകിയ
പരിരംഭണക്കുളുർ പോലെ
പ്രഥമാനുരാഗത്തിൻ പൊൻ‌മണിച്ചില്ലയിൽ
കവിതേ പൂവായ് നീ വിരിഞ്ഞൂ (3)



ഇവിടെ



വിഡിയോ

പാർവ്വതി 1981 ജയചന്ദ്രൻ & വാണി ജയറാം

കുറുനിരയോ മഴ മഴ

ചിത്രം: പാർവ്വതി [ 1981 ] ഭരതൻ
രചന: എം ഡി രാജേന്ദ്രൻ
സംഗീതം: ജോൺസൻ
പാടിയതു: പി ജയചന്ദ്രൻ & വാണി ജയറാം



നിസനിസ ഗസ നിസഗമ പമ ഗമഗമ പമ ഗമപനി സഗസ
നിസനിസ ഗസ നിസഗമ പമ ഗമഗമ പമ ഗമപനി സഗ
പനിപമപ മപമഗമ ഗമഗസ നിസഗമപ......
സനിസനിസ നിസനിസനി പനിപമ ഗമപനിസ

കുറുനിരയോ മഴ മഴ മുകിൽനിരയോ
കുനുകുനു ചികുര മദന ലാസ്യലഹരിയോ
വനനിരയോ ഘനഘന നീലിമയോ
അലകടലിളകിയാടും അമൃതമഥനമോ

(കുറുനിരയോ...)

കാർകുഴലിൽ കരിവരി വാർകുഴലിൽ
വിരൽനഖ നാദമിഴയുമൂടുവഴികളിൽ
കുന്നുകളിൽ ശാദ്വലഭംഗികളിൽ
രതിരസമെന്നുമൊഴുകുമേകമൂർഛയിൽ
അടിമുടിയൊരു ദാഹം, ഉടലുലയും മേളം
അസ്ഥികൾക്കുള്ളിലൊരു തീനാളം, തിരിനാളം

(കുറുനിരയോ...)

നീൾമിഴികൾ പതയും നിർവൃതിയിൽ
പിണയും നിഴലുകളുടെ പദവിന്യാസം
നീർമണികൾ ചിതറും ചില്ലുകളിൽ
തെളിയും ശൈവശൿതി ഏകമാത്രയിൽ
അടിമുടിയൊരു ജാലം, അതിലലിയും കാലം
അസ്ഥികൾക്കുള്ളിലൊരു തീനാളം, തിരിനാളം

(കുറുനിരയോ...)



ഇവിടെ

ഫാന്റം [2002] എസ്.പി. ബാലസുബ്രമണ്യം

മാട്ടുപ്പൊങ്കൽ മാസം മല്ലിപ്പൂവിൻ

ചിത്രം: ഫാന്റം [ 2002 ] ബിജു വർക്കി
രചന: ഗിരീഷ് പുത്തഞ്ചേരി
സംഗീതം: ദേവ
പാടിയതു: എസ് പി ബാലസുബ്രമണ്യം



മാട്ടുപ്പൊങ്കൽ മാസം മല്ലിപ്പൂവിൻ വാസം
പാലക്കാടൻ കാറ്റിൽ പാലപ്പൂവിൻ ശ്വാസം
ചിറകണിയും മണ്ടി ജമന്തികളേ
ചിലമ്പണിയും ചെന്തമിഴ് തായ് മൊഴിയേ
പാടി വാ പൂങ്കാറ്റേ കൂടെ വാ കുഞ്ഞാറ്റേ നീ

ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)

മാങ്കുയിൽ പാട്ടിൻ പൂക്കും മാതളപൂവിൻ തേനേ
മഞ്ഞുനീരാറ്റിൽ പായും കുഞ്ഞിളം തിങ്കൾ മീനേ
തെന്നലിൽ താളം കൂടാൻ വാ
കണ്ണിലെ കാവൽ തുമ്പീ കാതലിൻ വീണക്കമ്പീ
മാമയിൽ തൂവൽ വീശി മാരിവിൽ ചന്തം പൂശീ
വെണ്ണിലാവേറ്റിൽ തൂകാൻ വാ
മണിക്കുയിലേ മലർക്കുയിലേ ഏ..ഏ..കൂവാതാ
മനസ്സുക്കുള്ളെ മഴതൂളിയായ് നീ നീ വീഴാതാ
മേഘങ്ങൾ രാഗം പാടട്ടുമാ..
ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)



പാതിരാനേരം കാറ്റിൻ കാവടി ചിന്തായ് പാടീ
നന്ദനത്തേരിൽ ഏറി നന്തുണിപ്പാട്ടും മൂളി
ഏങ്കിനാൽ ഉള്ളം ഒന്നാലെ
കൊഞ്ചുവിൻ പൂവൽ മൈനേ ഉന്നെയും തേടി തേടി
പിഞ്ചിളം പൂവായ് മെല്ലേ നെഞ്ചിലേ ഊഞ്ചലാടി
പാടിനാൻ കണ്ണായ് കണ്ണാടീ
മണമകളേ മലർക്കൊടിയേ ഏ ഏ പാടാതാ
കളമൊഴിയേ കടമിഴിയേ നീ നീ പോരാതാ
മോഹങ്ങൾ മേളം കൊട്ടട്ടുമാ
ഇട നെഞ്ചിലെ മഞ്ചളു മണക്കുതമ്മാ
മനം മാർഗഴി മല്ലികെ കൊതിക്കണമ്മാ
ചിന്ന മാമനെ മാരനെ മയക്കണമ്മാ
പോവാതമ്മാ
(മാട്ടുപ്പൊങ്കൽ...)




ഇവിടെ

ക്രോണിക്ക് ബാച്ചലർ [2003]എം.ജി.ശ്രീ... & ചിത്ര അയ്യർ

ചുണ്ടത്ത് ചെത്തിപ്പൂ ചെണ്ടു

ചിത്രം: ക്രോണിക്ക് ബാച്ചിലർ [ 2003 ] സിദ്ദിക്ക്
രചന: കൈതപ്രം ദാമോദരൻ നമ്പൂതിരി
സംഗീതം: ദീപക് ദേവ്
പാടിയതു: എം ജി ശ്രീകുമാർ & ചിത്ര അയ്യർ


തുത്തുരു തുത്തുരു തൂ തുമ്പീ തുത്തുരു തുത്തുരു തൂ (2)

ചുണ്ടത്ത് ചെത്തിപ്പൂ ചെണ്ടു വിരിഞ്ഞൂ
തുത്തുരു തുത്തുരു തൂ തുമ്പീ തുത്തുരു തുത്തുരു തൂ
പല്ലാക്കു മൂക്കുത്തി കല്ലു മിനുങ്ങി
തുത്തുരു തുത്തുരു തൂ തുമ്പീ തുത്തുരു തുത്തുരു തൂ
കല്യാണ ചെമ്പൊന്നിൻ താലി കിലുങ്ങീ
അല്ലിപ്പൂ ലോലാക്കിൻ ചേലു കിണുങ്ങി
ഇനിയും വരാത്തതെന്തേ എൻ തുമ്പീ നീ
അരികിൽ വരാത്തതെന്തേ
ഇനിയും വരാത്തതെന്തേ എൻ തുമ്പീ നീ
അരികിൽ വരാത്തതെന്തേ (ചുണ്ടത്ത്..)

കരളേ നീ വരാൻ കനവും കണ്ടു ഞാൻ
കടവിൽ നിൽക്കയാണിന്നോളവും (2)
ആറ്റു നോറ്റു കാത്തു നിന്നു നോക്കി നോക്കി നോറ്റിരുന്നു
കാൽ കുഴഞ്ഞേ കൈ കുഴഞ്ഞേ ഓ..ഓ.. (2)
ഏ ..നാലു നിലപ്പന്തലിൽ നീ നാലാളും കൂട്ടരുമായ്
മിന്നുകെട്ടിനെന്നു വരും
എന്നിനി എന്നിനി എന്നുവരും (ചുണ്ടത്ത്,...)

നീയില്ലാതെയെൻ ജന്മം പൂക്കുമോ
നിന്നോടാണെനിക്കാരാധന (2)
അക്കടലിനുമക്കരെയും ആലിമാലി മണപ്പുറത്തും
കാത്തു കാത്തു കാത്തു നിന്നേ ഓ..ഓ..(2)
ചിങ്കാരപ്പല്ലക്കിൽ സിന്ദൂരച്ചെപ്പോടെ
പൊന്നുകെട്ടിനെന്റെ അഴകനെന്നിനി എന്നിനി എന്നു വരും (ചുണ്ടത്ത്...)

ഇവിടെ


വിഡിയോ

മോഹവും മുക്തിയും [ 1977 ] യേശുദാസ്

ചുംബനവർണ്ണ പതംഗങ്ങളാൽ

ചിത്രം: മോഹവും മുക്തിയും [ 1977] ശശികുമാർ
രചന: ശ്രീകുമാരൻ തമ്പി
സംഗീതം: എം കെ അർജ്ജുനൻ
പാടിയതു: യേശുദാസ്


ചുംബനവർണ്ണ പതംഗങ്ങളാൽ നീയാം

ചെണ്ടിൻ പരാഗങ്ങൾ ഞാൻ നുകരും

ചന്ദ്രിക പൂന്തിരച്ചുണ്ടത്തുരുകുന്ന

ചന്ദ്രോപലം ഞാനെൻ സ്വന്തമാക്കും (ചുംബന...)

ആലിംഗനത്തിന്റെ പൊന്നഴിക്കൂട്ടിലൊ

രാലോലപ്പൈങ്കിളി ചിറകടിക്കും

രോമാഞ്ചകഞ്ചുകം ചാർത്തുമാ മേനിയെൻ

പ്രേമമദത്തിൻ വിപഞ്ചിയാക്കും (ചുംബന..)

താരുണ്യ തല്പത്തിൽ താമരവിരിയിലൊ

രാരാമത്തെന്നലായ് ഞാനുലയും

ആ രാഗ മണ്ഡപ ചൈതന്യമെന്നിലെ

ഗാന കവി തൻ കവിതയാക്കും (ചുംബന..)

നസീമ [ തമ്പുരു } 1983 എസ്. ജാനകി

ജോൺസൺ

എന്നിട്ടും നീയെന്നെ അറിഞ്ഞില്ലല്ലോ...





ചിത്രം: നസീമ [ തമ്പുരു ] [1983] ഷെറിഫ്
രചന: പി ഭാസ്ക്കരൻ
സംഗീതം: ജോൺസൻ
പാടിയതു: എസ്. ജാനകി


എന്നിട്ടും നീയെന്നെ അറിഞ്ഞില്ലല്ലോ...
എന്നാർദ്ര നയനങ്ങൾ തുടച്ചില്ലല്ലോ...
എന്നാത്മ വിപഞ്ചികാതന്ത്രികൾ മീട്ടിയ
സ്‌പന്ദനഗാനമൊന്നു കേട്ടില്ലല്ലോ...

(എന്നിട്ടും...)

അറിയാതെ അവിടുന്നെൻ അടുത്തുവന്നു...
അറിയാതെ തന്നെയെന്നകത്തും വന്നു...
ജീവന്റെ ജീവനിൽ സ്വപ്‌നങ്ങൾ വിരിച്ചിട്ട
പൂവണിമഞ്ചത്തിൽ ഭവാനിരുന്നു...

(എന്നിട്ടും...)

നിൻ സ്‌നേഹമകറ്റാനെൻ‍ സുന്ദരസങ്കല്‌പം
ചന്ദനവിശറി കൊണ്ടു വീശിയെന്നാലും
വിധുരയാമെന്നുടെ നെടുവീർപ്പിൻ ചൂരിനാൽ
ഞാനടിമുടി പൊള്ളുകയായിരുന്നു...
(എന്നിട്ടും...)



ഇവിടെ

വിഡിയോ

വിഷം [ 1981 ] എസ്. ജാനകി

പൂവച്ചൽ കാദർ



ഏകാന്തതയിലൊരാത്മാവ് മാത്രം...

ചിത്രം: വിഷം [ 1981 ] പി.റ്റി. രാജൻ
രചന: പൂവച്ചൽ ഖാദർ
സംഗീതം: രഘു കുമാർ




പാടിയതു: എസ്.ജാനകി

ഏകാന്തതയിലൊരാത്മാവ് മാത്രം
ഏകാദശി നോറ്റിരുന്നു
ഏതോ ദിവാസ്വപ്ന വേദിയിലന്നവൾ
ഏതോ വിചാരിച്ചു നിന്നു
(ഏകാന്തയിലൊരാത്മാവ്...)

എത്താത്ത പൂമരക്കൊമ്പിലാ പൂങ്കുല
അപ്പോളും ചിരി തൂകി നിന്നു
കൈതവം കാണാത്ത ഗ്രാമീണ കന്യ തൻ
കൈവള ചാർത്തുകൾ പോലെ
(ഏകാന്തയിലൊരാത്മാവ്...)


കരളിന്റെ ചക്രവാളങ്ങളിൽ ഞാനൊരു
നിറമില്ലാ മഴവില്ലു നെയ്തു
ജതി ചേർന്നിണങ്ങാത്ത മണിവീണയെന്തിനോ
സ്വരമില്ലാ രാഗങ്ങൾ പെയ്തു
(ഏകാന്തയിലൊരാത്മാവ്...)


ഇവിടെ

വിഡിയോ

പേൾ വ്യൂ [ 1970 ] യേശുദാസ് & ബി. വസന്ത

ബി. വസന്ത


യവന സുന്ദരീ സ്വീകരിക്കുകീ ...

ചിത്രം: പേൾ വ്യൂ [ 1970 ] എം. കുഞ്ചാക്കൊ
രചന: വയലാർ രാമവർമ്മ
സംഗീതം: ജി ദേവരാജൻ
പാടിയതു: കെ ജെ യേശുദാസ് & ബി. വസന്ത



യവന സുന്ദരീ സ്വീകരിക്കുകീ
പവിഴമല്ലിക പൂവുകൾ
ജനിച്ച നാൾ മുതൽ സ്വീകരിക്കുവാൻ
തപസ്സിരുന്നവളാണു ഞാൻ പ്രേമ
തപസ്സിരുന്നവളാണു ഞാൻ
(യവന...)

അകലെ വീനസ്സിൻ രഥത്തിലും
അമൃത വാഹിനീ തടത്തിലും (2)
വിരിഞ്ഞ പൂവിലും കൊഴിഞ്ഞ പൂവിലും
തിരഞ്ഞു നിന്നെ ഞാനിതു വരെ
തിരഞ്ഞു നിന്നെ ഞാനിതു വരെ
(യവന,...)

വസന്ത സന്ധ്യകൾ വിളിച്ചതും
ശിശിര രജനികൾ ചിരിച്ചതും
ഋതുക്കൾ വന്നതും ഋതുക്കൾ പോയതും
അറിഞ്ഞതില്ല ഞാനിതു വരെ
അറിഞ്ഞതില്ല ഞാനിതു വരെ
(യവന...)




ഇവിടെ


വിഡിയോ

പാണ്ടിപട [ 2006 ] ജ്യോത്സ്ന

അറിയാതെ ഇഷ്ടമായി...

ചിത്രം : പാണ്ടിപട [2006] റാഫി മെക്കാർട്ടിൻ
രചന : ചിറ്റൂർ ഗോപി
സംഗീതം: സുരേഷ് പീറ്റേർസ്

പാടിയതു: ജ്യോത്സ്ന



അറിയാതെ ഇഷ്ടമായി
അന്നുമുതലൊരു സ്നേഹ ചിത്രമായി
മെല്ലെ അരികിൽ ഒതുങ്ങി നിന്നു നീ
എന്റെ എല്ലാമായി

അതിലേറെ ഇഷ്ടമായി
എന്തു പറയാനാ‍മെന്ന ചിന്തയായ്
പിന്നെ ഒരു ഞൊടി കാതിലോതി ഞാൻ
എന്റെ മാത്രം നീ.....

ഈ മൌനം മറയാക്കി
ചെറു കൂട്ടിൽ നമ്മളിരുന്നു
ഒരു വാക്കും മറുവാക്കും
പറയാതെ കണ്ണു നിറഞ്ഞു
ചെറു മാന്തളിർ നുള്ളിയ കാലം
ഇന്നോർമ്മയിലുണരും നേരം
വിരഹം വിതുമ്പിൽ ഹൃദയം പിടഞ്ഞു
നീ തേങ്ങുകയായ് കാതിൽ (അറിയാതെ..)

ആരും കൊതിച്ചു പോകും
മണിത്തുമ്പിയായ് നീയെൻ
തീരാ കിനാവു പാടം
തിരഞ്ഞെത്തിയെന്റെ മുന്നിൽ
പാട്ടുപാടി നിന്ന കാലം
ഓർമ്മയിൽ തെളിഞ്ഞിടുമ്പോൾ
മിഴികൾ തുടച്ചും കൈയെത്തും
ദൂരത്തിൽ നിൽക്കുന്നു നീ (അറിയതെ..)

ആരും അറിഞ്ഞിടാതെ നിനക്കായി മാത്രമെന്റെ
പ്രാണൻ പകുത്തു നൽകി ഉറങ്ങാതിരുന്ന രാവിൽ
നാട്ടുമുല്ല ചോട്ടിൽ ഞാനും കൂട്ടിരുന്നതോർമ്മയില്ലേ?
പ്രണയം മനസ്സിൽ എന്നാലും തീരാത്ത സല്ലാപമായി (അറിയാതെ..)


ഇവിടെ





വിഡിയോ

ജീവിത സമരം [ 1971 ] യേശുദാസ് & ജാനകി

ചിന്നും വെൺതാരത്തിൻ ആനന്ദ വേള

ചിത്രം: ജീവിത സമരം [ 1971 ] സത്യൻ ബോസ്
രചന: പി ഭാസ്ക്കരൻ
സംഗീതം:: ലക്ഷ്മികാന്ത് പ്യാരേലാൽ
പാടിയതു:: കെ ജെ യേശുദാസ് & എസ് ജാനകി




ചിന്നും വെൺതാരത്തിൻ ആനന്ദ വേള
എങ്ങും മലർ ശരൻ ആടുന്ന വേള
ആശാസുന്ദര കൽപന സ്വപ്നം
ജീവിത യാത്ര [ ചിന്നുൻ വെൺ....


പ്രേമ ലീലയിൽ നമ്മൾ കൊച്ചു
മായാഗൃഹമൊന്നുണ്ടാക്കി
പ്രേമ ലീലയിൽ നമ്മൾ
ഓ..ഓ...ഓ..
കളിയാടാനിരുന്നു സഖി
കിനാവിന്റെ ലോകത്തിൽ
മധുരാശ തൂകുന്ന
കോമള വേള
എങ്ങും മലർശരൻ ആടുന്ന വേള
ചിന്നും വെൺതാരത്തിൻ ആനന്ദ വേള
എങ്ങും മലർശരൻ ആടുന്ന വേള..] ആശാ സുന്ദര...


ഇവിടെ

മിന്നാരം [1994] എം.ജി ശ്രീകുമാർ & സുജാത

ഒരു വല്ലം പൊന്നും പൂവും

ചിത്രം: മിന്നാരം [ 1994 ] പ്രിയദർശൻ
രചന: ഗിരീഷ് പുത്തഞ്ചേരി
സംഗീതം: എസ് പി വെങ്കിടേഷ്
പാടിയതു: എം ജി ശ്രീകുമാർ & സുജാത മോഹൻ

ഒരു വല്ലം പൊന്നും പൂവും കരിനീല ചാന്തും
കണിക്കാണാക്കുന്നിൽ മിന്നും തിരുകോടി പാവും
പടകാളി പെണ്ണേ നിന്റെ മണിമെയ്യിൽ ചാർത്തീടാം
തുളുനാടൻ ചേലിൽ നിന്നെ വരവേൽക്കാൻ വന്നോളാം (ഒരു വല്ലം...)

ഓരിലത്താളി ഞാൻ തേച്ചു തരാം
നിന്റെ തളിർമേനിയാകെ ഞാൻ ഓമനിക്കാം
ചാലിച്ച ചന്ദനം ഞാനൊരുക്കാം
നിന്റെ തുടുനെറ്റി പൂവിലൊരുമ്മ വെയ്ക്കാം
അരയിലാടുന്ന പുടവ മൂടുന്നൊരഴകും ഞാനല്ലേ
കരളിലാളുന്ന കനലിൽ വീഴുന്ന ശലഭം ഞാനല്ലേ
കതിരവനെതിരിടും ഇളമുളം കിളിയുടെ
ചിറകിലരികെയണയാം (ഒരു വല്ലം...)


ആലിലക്കുന്നിലെ ആഞ്ഞിലിയിൽ
നീലക്കൊടുവേലി കൊണ്ടൊരു കൂടൊരുക്കാം
മാനത്തെ മാരിവിൽ ചില്ലയൊന്നിൽ
തമ്മിൽ പുണർന്നാടുവാൻ ഞാനൊരൂയലിടാം
തെളി വിളങ്ങുന്നോരിള നിലാവിന്റെ കസവും ചൂടിക്കാം
പുഴയിൽ വീഴുന്ന പുലരിമഞ്ഞിന്റെ കുളിരും നേദിക്കാം
മനസ്സിലെ മരതകമണികളിലുണരുമൊരരിയ മധുരമണിയാം

പുതുമോടിപ്പാട്ടും പാടി കളിയാടാൻ വന്നോനേ
ഒരു വല്ലം പൊന്നും പൂവും കണികാണാൻ വേണ്ടല്ലോ
ഇലവർഗ്ങക്കാടും ചുറ്റി കൂത്താടും സ്ഥലമാണേ
ഇടനെഞ്ചിൽ കോലം തുള്ളും പലമോഹം പാഴാണേ

ഇവിടെ


വിഡിയോ