യുവജനോല്‍സവം (1986)...യേശുദാസ്

"ഇന്നുമെന്റെ കണ്ണുനീരില്‍ നിന്നോര്‍മ്മ
ചിത്രം: യുവജനോത്സവം 1986
രചന: ശ്രീകുമാരന്‍ തമ്പി
സംഗീതം: രവീന്ദ്രന്‍
പാടിയതു: യേശുദാസ് കെ ജെ


ഇന്നുമെന്റെ കണ്ണുനീരില്‍ നിന്നോര്‍മ്മ പുഞ്ചിരിച്ചു (2)
ഈറന്‍മുകില്‍ മാലകളില്‍ ഇന്ദ്രധനു‌സെന്നപോലെ
(ഇന്നുമെന്റെ)

സ്വര്‍‌ണ്ണമല്ലി നൃത്തമാടും നാളെയുമീ പൂവനത്തില്‍
തെന്നല്‍ക്കൈ ചേര്‍ത്തുവയ്ക്കും പൂക്കുന്ന പൊന്‍പണം‌പോല്‍
നിന്‍ പ്രണയപ്പൂവണിഞ്ഞ പൂമ്പൊടികള്‍ ചിറകിലേന്തി
എന്നനുരാഗ പൂത്തുമ്പികള് നിന്നധരം തേടിവരും
(ഇന്നുമെന്റെ)

ഈവഴിയിലിഴകള്‍ നെയ്യും സാന്ധ്യനിലാശോഭകളില്‍
ഞാലിപ്പൂവന്‍ വാഴപ്പൂക്കള്‍ തേന്‍പാളിയുയര്‍ത്തിടുമ്പോള്‍
നീയരികിലില്ലയെങ്കില്‍ എന്തുനിന്റെ നിശ്വാസങ്ങള്‍
രാഗമാലയാക്കി വരും കാറ്റെന്നെ തഴുകുമല്ലോ
(ഇന്നുമെന്റെ

പൂന്തേന്‍ അരുവി ...[1974].... യേശുദാസ്

“ഒരു സ്വപ്നത്തിന്‍ മഞ്ചലെനിയ്ക്കായ്

ചിത്രം: പൂന്തേനരുവി 1974
രചന: ശ്രീകുമാരന്‍ തമ്പി
സംഗീതം എം കെ അര്‍ജ്ജുനന്‍
പാടിയതു: യേശുദാസ്

ഒരു സ്വപ്നത്തിന്‍ മഞ്ചലെനിയ്ക്കായ്
ഒരുക്കുമോ നീ ഒരിയ്ക്കല്‍കൂടി ഒരിയ്ക്കല്‍കൂടി..
ഓര്‍മ്മ പടര്‍ത്തും ചില്ലയിലെന്നെ വിടര്‍ത്തുമോ നീ
ഒരിയ്ക്കല്‍കൂടി ഒരിയ്ക്കല്‍കൂടി...

നിറങ്ങള്‍ മങ്ങി നിഴലുകള്‍ തിങ്ങി
നിലയറ്റാശകള്‍ തേങ്ങി..
നിതാന്ത ദു:ഖക്കടലില്‍ ചുഴിയില്‍
നിന്‍ പ്രിയതോഴന്‍ മുങ്ങി...
പിരിയും മുന്‍പേ നിന്‍ പുഞ്ചിരിയുടെ
മധുരംപകരൂ ഒരിയ്ക്കല്‍ കൂടി...

(ഒരു സ്വപ്നത്തിന്‍)

ഒരു കൊച്ചഴിയായ് മമ മിഴിനീരിന്‍
കടലില്‍ നീയൊന്നുയരൂ..
വിഷാദ ഹൃദയത്തിരകളില്‍ ഉയരും
വിശ്വാസംപോലുണരൂ
പിരിയും മുന്‍പേ നിന്‍ കണ്‍‌മുനയുടെ
കവിത പകരൂ ഒരിയ്ക്കല്‍ കൂടി...

(ഒരു സ്വപ്നത്തിന്‍ മഞ്ചലെനിക്കായ്

പൂന്തേനരുവി

'ഒരു സ്വപ്നത്തിന്‍ മഞ്ചലെനിയ്ക്കായ്......

ചിത്രം: പൂന്തേനരുവി
രചന: ശ്രീകുമാരന്‍ തമ്പി
സംഗീതം: എം കെ അര്‍ജ്ജുനന്‍
പാടിയതു: യേശുദാസ്

ഒരു സ്വപ്നത്തിന്‍ മഞ്ചലെനിയ്ക്കായ്
ഒരുക്കുമോ നീ ഒരിയ്ക്കല്‍കൂടി ഒരിയ്ക്കല്‍കൂടി..
ഓര്‍മ്മ പടര്‍ത്തും ചില്ലയിലെന്നെ വിടര്‍ത്തുമോ നീ
ഒരിയ്ക്കല്‍കൂടി ഒരിയ്ക്കല്‍കൂടി...

നിറങ്ങള്‍ മങ്ങി നിഴലുകള്‍ തിങ്ങി
നിലയറ്റാശകള്‍ തേങ്ങി..
നിതാന്ത ദു:ഖക്കടലില്‍ ചുഴിയില്‍
നിന്‍ പ്രിയതോഴന്‍ മുങ്ങി...
പിരിയും മുന്‍പേ നിന്‍ പുഞ്ചിരിയുടെ
മധുരംപകരൂ ഒരിയ്ക്കല്‍ കൂടി...

(ഒരു സ്വപ്നത്തിന്‍)

ഒരു കൊച്ചഴിയായ് മമ മിഴിനീരിന്‍
കടലില്‍ നീയൊന്നുയരൂ..
വിഷാദ ഹൃദയത്തിരകളില്‍ ഉയരും
വിശ്വാസംപോലുണരൂ
പിരിയും മുന്‍പേ നിന്‍ കണ്‍‌മുനയുടെ
കവിത പകരൂ ഒരിയ്ക്കല്‍ കൂടി...

(ഒരു സ്വപ്നത്തിന്‍ മഞ്ചലെനിക്കായ്

ഒരേ കടല്‍ 2007..... സ്വേത...

“യമുന വെറുതെ രാപ്പാടുന്നു....

ചിത്രം ഒരേ കടല്‍2007
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചന്‍
പാടിയതു: ശ്വേത

യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം
യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം
നന്ദനം നറുചന്ദനം ശൌരേ കൃഷ്‌ണാ..
വിരഹവധുവാമൊരുവള്‍ പാടീ വിധുരമാമൊരു ഗീതം
വിരഹവധുവാമൊരുവള്‍ പാടീ വിധുരമാമൊരു ഗീതം
ഒരു മൌനസംഗീതം
യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം

നന്ദലാലാ... മനസ്സിലുരുകും വെണ്ണ തന്നു
മയില്‍ക്കിടാവിന്‍ പീലി തന്നു നന്ദലാലാ
ഇനിയെന്തു നല്‍കാന്‍ എന്തു ചൊല്ലാന്‍
ഒന്നു കാണാന്‍ അരികെ വരുമോ നന്ദലാലാ
യമുന വെറുതെ രാപ്പാടുന്നു
യാദവം ഹരിമാധവം ഹൃദയഗാനം

നന്ദലാലാ ഉദയരഥമോ വന്നു ചേര്‍ന്നു
ഊരിലാകെ വെയില്‍ പരന്നു നീ വന്നീലാ
ഒരു നോവുപാട്ടിന്‍ ശ്രുതിയുമായി
യമുന മാത്രം വീണ്ടുമൊഴുകും നന്ദലാലാ
(യമുന വെറുതെ

Get this widget | Track details | eSnips Social DNA

ഒരേ കടല്‍. [2007] ജയശ്രീ

“പ്രണയ സന്ധ്യയൊരു വിണ്‍ സൂര്യന്റെ...
ചിത്രം: ഒരേ കടല്‍ [2007]
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ
പാടിയതു: ബോംബേ ജയശ്രീ


പ്രണയ സന്ധ്യയൊരു വിണ്‍സൂര്യന്റെ വിരഹമറിയുന്നുവോ
വെറുതെ നെഞ്ചിലൊരു വാര്‍തിങ്കള്‍ തിരിയുമെരിയുന്നുവോ
പുലര്‍നിലാവിന്റെ യമുനയില്‍ ചന്ദ്രകാന്തമലയുന്നുവോ
കനവിലായിരം കനകമേഘം കനലുരയ്ക്കുന്നുവോ (പ്രണയ..)

പാട്ടില്‍ എന്‍ പാട്ടില്‍ സ്വര പത്മരാഗങ്ങള്‍ തേടി
നോക്കില്‍ എന്‍ നോക്കില്‍ മണിമയില്‍ പീലികള്‍ ചൂടി
അനുരാഗിലമായ തപസ്സില്‍ ജലജീവാഞ്ജലിയായി
ഒരു ജലരാശിയിലൊരുവരമണിയാന്‍
മൊഴിയായ് വരാം ഞാന്‍ (പ്രണയ..)


കിനാവിന്റെ കാണാദ്വീ‍പ് അമാവാസിരാവില്‍
നിലാക്കാറാമെന്‍ ജന്മം കണ്ടില്ല നീ
ആകാശം മൂടുമ്പോള്‍ മുറിവേല്‍ക്കുന്നൊരു മനസ്സോടെ
മഴ നനഞ്ഞ പോലെ ശലഭം പോലെ
തിരികേ യാത്രയായ്

Get this widget | Track details | eSnips Social DNA

ഉള്‍കടല്‍ (1979) പി. ജയചന്ദ്രന്‍ /സെല്‍മ

“ശരദിന്ദു മലര്‍ദീപനാളം നീട്ടി...
ചിത്രം: ഉള്‍ക്കടല്‍ [1979]
രചന: ഒ എന്‍ വി കുറുപ്പ്
സംഗീതം: എം ബി ശ്രീനിവാസന്‍
പാടിയതു: പി ജയചന്ദ്രന്‍ ,സെല്‍മ ജോര്‍ജ്

ശരദിന്ദു മലര്‍ദീപ നാളം നീട്ടി സുരഭിലയാമങ്ങള്‍ ശ്രുതി മീട്ടി..(2)
ഇതു വരെ കാണാത്ത കരയിലേക്കോ..ഇനിയൊരു ജന്മത്തിന്‍ കടവിലേക്കോ..
മധുരമായ് പാടി വിളിക്കുന്നു..ആരോ മധുരമായ് പാടി വിളിക്കുന്നു..

അറിയാത്തൊരിടയന്റെ വേണുഗാനം
അകലേ നിന്നെത്തുന്ന വേണുഗാനം..
ഹൃദയം കൊതിച്ചു കൊതിച്ചിരിക്കും
പ്രണയ സന്ദേശം അകന്നു പോകെ..
ഹരിനീള കംബള ചുരുള്‍ നിവര്‍ത്തീ
വരവേല്‍ക്കും സ്വപ്നങ്ങള്‍ നിങ്ങളാരോ
വരവേല്‍ക്കും സ്വപ്നങ്ങള്‍ നിങ്ങളാരോ
(ശരദിന്ദു മലര്‍ദീപ നാളം നീട്ടി ...)

ഇനിയും പകല്‍ക്കിളി പാടിയെത്തും
ഇനിയും ത്രിസന്ധ്യ പൂ ചൂടി നില്‍ക്കും
ഇനിയും നമ്മള്‍ നടന്നു പാടും
വഴിയില്‍ വസന്ത മലര്‍ കിളികള്‍
കുരവയും പാട്ടുമായ് കൂടെയെത്തും
ചിറകാര്‍ന്ന സ്വപ്നങ്ങള്‍ നിങ്ങളാരോ
(ശരദിന്ദു മലര്‍ദീപ നാളം നീട്ടി ...)

സൂസി... യേശുദാസ്

“നിത്യകാമുകീ ഞാന്‍ നിന്‍ മടിയിലേ ചിത്ര വിപഞ്ചിക....
ചിത്രം സൂസി
രചന: വയലാര്‍
സംഗീതം: ദേവരാജന്‍
പാടിയതു: യേശുദാസ്

നിത്യകാമുകീ ഞാന്‍ നിന്‍ മടിയിലെ
ചിത്രവിപഞ്ചികയാകാന്‍ കൊതിച്ചു
ആ മൃണാള മൃദുലാംഗുലിയിലെ
പ്രേമപല്ലവിയാകാന്‍ കൊതിച്ചു

ആശകള്‍ സങ്കല്‍പ്പ ചക്രവാളത്തിലെ-
യാലോല വാസന്ത മേഘങ്ങള്‍
അവയുടെ ചിറകിലെ വൈഡൂര്യമുത്തിന്
ഹൃദയമാം പുല്‍ക്കൊടി കൈനീട്ടി
കൈനീട്ടി... വെറുതെ കൈനീട്ടി
[നിത്യകാമുകീ]

ആശകള്‍ വാസര സ്വപ്നമാം പൊയ്കയി-
ലാരോ വരയ്ക്കുന്ന ചിത്രങ്ങള്‍
അവയുടെ കൈയിലെ പാനപാത്രത്തിലെ
അമൃതിനു ദാഹിച്ചു കൈനീട്ടി
കൈനീട്ടി... വെറുതെ കൈനീട്ടി
[നിത്യ

കൊട്ടാരം വില്‍ക്കാനുണ്ട് [1975]..പി. സുശീല (യേശുദാസ്.)

“ചന്ദ്രകളഭം ചാര്‍ത്തിയുറങ്ങും...

ചിത്രം: കൊട്ടാരം വില്‍ക്കാനുണ്ട് [1975]
രചന: വയലാര്‍
സംഗീതം: ദേവരാജന്‍

പാടിയതു: കെ.ജെ.യേശുദാസ് (പി.സുശീല)

ചന്ദ്രകളഭം ചാര്‍ത്തിയുറങ്ങും തീരം..ഇന്ദ്രധനുസ്സിന്‍ തൂവല്‍ കൊഴിയും തീരം..
ഈ മനോഹര തീരത്തു തരുമോ..ഇനിയൊരു ജന്മം കൂടി..
എനിക്കിനിയൊരു ജന്മം കൂടി...
ചന്ദ്രകളഭം ചാര്‍ത്തിയുറങ്ങും തീരം..ഇന്ദ്രധനുസ്സിന്‍ തൂവല്‍ കൊഴിയും തീരം..
ഈ മനോഹര തീരത്തു തരുമോ..ഇനിയൊരു ജന്മം കൂടി..
എനിക്കിനിയൊരു ജന്മം കൂടി...

ഈ നിത്യ ഹരിതയാം ഭൂമിയിലല്ലാതെ..മാനസ സരസ്സുകളുണ്ടോ..
ഈ നിത്യ ഹരിതയാം ഭൂമിയിലല്ലാതെ..മാനസ സരസ്സുകളുണ്ടോ..
സ്വപ്നങ്ങളുണ്ടോ..പുഷ്പങ്ങളുണ്ടോ..സ്വരണ്ണമരാളങ്ങളുണ്ടോ..
വസുന്ധരേ..വസുന്ധരേ..
മതിയാകും വരെ ഇവിടെ ജീവിച്ചു മരിച്ചവരുണ്ടോ..
ചന്ദ്രകളഭം ചാര്‍ത്തിയുറങ്ങും തീരം..ഇന്ദ്രധനുസ്സിന്‍ തൂവല്‍ കൊഴിയും തീരം..
ഈ മനോഹര തീരത്തു തരുമോ..ഇനിയൊരു ജന്മം കൂടി..
എനിക്കിനിയൊരു ജന്മം കൂടി...

ഈ വര്‍ണ്ണ സുരഭിയാം ഭൂമിയിലല്ലാതെ കാമുക ഹൃദയങ്ങളുണ്ടോ..
ഈ വര്‍ണ്ണ സുരഭിയാം ഭൂമിയിലല്ലാതെ കാമുക ഹൃദയങ്ങളുണ്ടോ..
സന്ധ്യകളുണ്ടോ..ചന്ദ്രികയുണ്ടോ..ഗന്ധര്‍വ്വഗീതമുണ്ടോ..
വസുന്ധരേ..വസുന്ധന്തരേ..കൊതി തീരുംവരെ ഇവിടെ പ്രേമിച്ചു മരിച്ചവരുണ്ടോ..
ചന്ദ്രകളഭം ചാര്‍ത്തിയുറങ്ങും തീരം..ഇന്ദ്രധനുസ്സിന്‍ തൂവല്‍ കൊഴിയും തീരം..
ഈ മനോഹര തീരത്തു തരുമോ..ഇനിയൊരു ജന്മം കൂടി..
എനിക്കിനിയൊരു ജന്മം കൂടി...

കുപ്പി വള [1965]...എ.എം. രാജ...പി. സുശീല

“കണ്മണി നീയെന്‍ കരം പിടിച്ചാല്‍...
ചിത്രം: കുപ്പിവള (1965)
രചന: പി ഭാസ്കരന്‍
സംഗീതം: ബാബുരാജ്

പാടിയതു: എ എം രാജ & പി സുശീല

ഖദീജാ ... ഉം....
കണ്മണി നീയെന്‍ കരം പിടിച്ചാല്‍
കണ്ണുകളെന്തിനു വേറെ
എനിക്കു കണ്ണുകളെന്തിനു വേറെ

കാണാനുള്ളത് കരളില്‍ പകരാന്‍ (2)
ഞാനുണ്ടല്ലോ ചാരെ കണ്ണായ്
ഞാനുണ്ടല്ലോ ചാരെ


കണ്മണി നീയെന്‍ കരം പിടിച്ചാല്‍
കണ്ണുകളെന്തിനു വേറെ
എനിക്കു കണ്ണുകളെന്തിനു വേറെ

കുപ്പിത്തരിവള കിലുക്കി ഞാനീ‍ (2)
ഖല്‍ബില്‍ മുട്ടി വിളിച്ചാലോ
വാര്‍മഴവില്ലിന്‍ വളകളണിഞ്ഞൊരു
വസന്തമെന്തെന്നറിയും ഞാന്‍
തൂ വസന്തമെന്തെന്നറിയും ഞാന്‍

കിളിയൊച്ചയുമായ് നിന്നുടെ കാതില്‍ (2)
കളിചിരി നാദം കേള്‍പ്പിച്ചാല്‍
സുന്ദരരാവില്‍ നൃത്തം ചെയ്യും
ചന്ദ്രികയെന്തെന്നറിയും ഞാന്‍
വെണ്‍ ചന്ദ്രികയെന്തെന്നറിയും ഞാന്‍
കണ്മണി നീയെന്‍ കരം പിടിച്ചാല്‍
കണ്ണുകളെന്തിനു വേറെ
എനിക്കു കണ്ണുകളെന്തിനു വേറെ

അര നാഴിക നേരം [1971] യേശുദാസ്

"അനുപമേ അഴകേ...

ചിത്രം: അരനാഴികനേരം [1970]
രചന: വയലാര്‍
സംഗീതം: ദേവരാജന്‍
പാടിയതു: യേശുദാസ്

അനുപമേ അഴകേ
അല്ലിക്കുടങ്ങളിലമൃതുമായ് നില്ക്കും
അജന്താ ശില്പമേ
അലങ്കരിക്കൂ എന്നന്തപുരം അലങ്കരിക്കൂ നീ
(അനുപമേ...)

നിത്യ താരുണ്യമെ നീയെന്റെ രാത്രികള്‍
നൃത്തം കൊണ്ട് നിറയ്ക്കൂ ഉന്മാദ
നൃത്തം കൊണ്ട് നിറയ്ക്കൂ
മനസ്സില്‍ മധുമയ മന്ദഹാസങ്ങളാല്‍
മണിപ്രവാളങ്ങള്‍ പതിയ്ക്കൂ
പതിയ്ക്കൂ ....പതിയ്ക്കൂ....
[അനുപമേ..]

സ്വര്‍ഗ്ഗ ലാവണ്യമേ നീയെന്റെ വീഥികള്‍
പുഷ്പം കൊണ്ടു നിറയ്കൂ അനുരാഗ
പുഷ്പം കൊണ്ടു നിറയ്കൂ
വിടരും കവിളിലെ മുഗ്ദ്ധമാം ലജ്ജയാല്‍
വിവാഹ മാല്യങ്ങള്‍ കൊരുക്കൂ
കൊരുക്കൂ...കൊരുക്കൂ..
[അനുപമേ..]

തോക്കുകള്‍ കഥ പറയുന്നു. [1968]...യേശുദാസ്

'പാരിജാതം തിരുമിഴി തുറന്നൂ


ചിത്രം:തോക്കുകള്‍ കഥ പറയുന്നു [ 1968 ] കെ. എസ്. സേതുമാധവന്‍
രചന: വയലാര്‍ രാമവര്‍മ്മ
സംഗീതം: ജി.ദേവരാജന്‍
പാടിയതു: കെ.ജെ.യേശുദാസ്


പാരിജാതം തിരുമിഴി തുറന്നു
പവിഴ മുന്തിരി പൂത്തു വിടര്‍ന്നു
നീലോല്‍പലമിഴി നീലോല്‍പലമിഴി
നീമാത്രമെന്തിനുറങ്ങി

മൂടല്‍ മഞ്ഞു മുലക്കച്ചകെട്ടിയ
മുത്തണിക്കുന്നിന്‍ താഴ്വരയില്‍
നിത്യകാമുകി........ നിത്യകാമുകി
നില്‍പ്പൂ ഞാനീ
നിശാനികുഞ്ജത്തിന്നരികില്‍
എഴുന്നേല്‍ക്കൂ സഖീ, എഴുന്നേക്കൂ
ഏകാന്ത ജാലകം തുറക്കൂ.
(പാരിജാതം)

നിന്‍റെ സ്വപ്നമദാലസനിദ്രയില്‍
നിന്നെയുണര്‍ത്തും ഗാനവുമായ്
വിശ്വമോഹിനീ,.....വിശ്വമോഹിനി
നില്‍പ്പൂ ഞാനീ
വികാര സരസ്സിന്‍ കരയില്‍
എഴുന്നേല്‍ക്കൂ സഖീ, എഴുന്നേല്‍ക്കൂ
ഏകാന്ത ജാലകം-തുറക്കൂ
(പാരിജാതം...)

തിരമാല [1953] കെ. അബ്ദുള്‍ ഖാദര്‍ / ശാന്താ പി. നായര്‍

“ഹെ! കളിയോടമേ പോയാലും നീ സഖീ


ചിത്രം: തിരമാല 1975
രചന: പി. ഭാസ്കരന്‍
സംഗീതം ; വിമല്‍കുമാര്‍
പാടിയതു: കെ. അബ്ദുള്‍ ഖാദര്‍ / ശാന്താ പി.നായര്‍


ഹേ കളിയോടമേ പോയാലും നീ സഖീ
ശ്യാമള വാനത്തില്‍ ശശിലേഖ പോല്‍

തവസ്വര്‍ഗ്ഗ സംഗീതം വിദൂരം സഖീ
സ്വപ്നങ്ങളാല്‍ മോഹനം
ഈ മധുമാസ രജനിയാള്‍ മറയും മുന്‍പേ
അണയാം വിദൂരതീരം
ഹേ കളിയോടമേ പോയാലും നീ സഖീ
ശ്യാമള വാനത്തില്‍ ശശിലേഖ പോല്‍

ഓ...ഓ....

ഹേ സുരതാരമേ തൂവുക നീ സഖി
താമര മാലകള്‍ ജലമാകവെ
ഹേ ചുടു വീചികേ മീട്ടുക നീ സഖി
പ്രേമത്തിന്‍ കോമള മണിവീണകള്‍

ഇനി വിസ്മരിച്ചീടാം വിശാലം ജഗം
ദു:ഖങ്ങളാല്‍ ദാരുണം
മനമലര്‍വല്ലിക്കുടിലിലെ പൂങ്കുയിലേ
അരുളൂ മുരളീരവം
ഹേ കളിയോടമേ പോയാലും നീ സഖീ
ശ്യാമള വാനത്തില്‍ ശശിലേഖ പോല്‍

അവളുടെ രാവുകള്‍ [1978].. എസ്.ജാനകി

“രാകേന്ദുകിരണങ്ങള്‍
ചിത്രം:: അവളുടെ രാവുകള്‍
രചന: ബിച്ചു തിരുമല
സംഗീതം: എ.ടി.ഉമ്മര്‍
പാടിയത്: എസ്. ജാനകി


രാകേന്ദു കിരണങ്ങള്‍ ഒളിവീശിയില്ല
രജനീകദംബങ്ങള്‍ മിഴിചിമ്മിയില്ലാ
മദനോത്സവങ്ങള്‍ക്ക് നിറമാല ചാര്‍ത്തി
മനവും തനുവും മരുഭൂമിയായി
നിദ്രാവിഹീനങ്ങളല്ലോ എന്നും-
അവളുടെ രാവുകള്‍(രാകേന്ദു....)

ആലംബമില്ലാത്ത നാളില്‍
അവള്‍ ‍പോലുമറിയാത്ത നേരം
കാലം വന്നാ കന്നിപ്പൂവിന്‍
കരളിന്നുള്ളില്‍ കളിയമ്പെയ്തു
രാവിന്‍ നെഞ്ചില്‍ കോലം തുള്ളും
രോമാഞ്ചമായവള്‍ മാറി (രാകേന്ദു... )

ആരോരുമറിയാതെ പാവം
ആരേയോ ധ്യാനിച്ചു മോഹം
കാലം വന്നാ പൂജാബിംബം
കാണിക്കയായ് കാഴ്ചവച്ചു
നിര്‍മ്മാല്യം കൊണ്ടാരാധിക്കാന്‍
ആകാതെയവള്‍ നിന്നു (രാകേന്ദു...)

പിക് നിക്..[1975] യേശുദാസ്...വാണി ജയറാം

“വാൽ‍ക്കണ്ണെഴുതി വനപുഷ്പം ചൂടി

ചിത്രം : പിക്ക് നിക് [1975]
രചന: ശ്രീകുമാരന്‍ തമ്പി
സംഗീതം: എം.കെ. അര്‍ജുനന്‍
പാടിയതു: യേശുദാസ് / വാണി ജയറാം

വാൽ‍ക്കണ്ണെഴുതി വനപുഷ്പം ചൂടി
വൈശാഖ രാത്രിയൊരുങ്ങും
മന്ദസ്മിതമാം ചന്ദ്രിക ചൂടീ
വനമല്ലിക നീ ഒരുങ്ങും
(വാല്‍ക്കണ്ണെഴുതി)


മന്ദാര പൂവിന്‍ മണമുണ്ട്‌ പറക്കും
മാലേയ കുളിർ കാറ്റില്‍
വന്ദനമാല തന്‍ നിഴലില്‍ നീയൊരു
ചന്ദന ലത പോൽ നില്‍ക്കും
വാര്‍മുകില്‍ വാതില്‍ തുറക്കും
വാര്‍തിങ്കള്‍ നിന്നു ചിരിക്കും
(വാല്‍ക്കണ്ണെഴുതി)


നിൻ പാട്ടിലൂറും തൂവാര മധുവും
നീഹാരാര്‍ദ്ര നിലാവും
നമ്മുടെ രജനി മദകരമാക്കും
ഞാന്‍ ഒരു മലര്‍ക്കൊടിയാകും
വാര്‍മുകില്‍ വാതിലടക്കും
വാര്‍തിങ്കള്‍ നാണിച്ചൊളിയ്ക്കും
(വാല്‍ക്കണ്ണെഴുതി)

നീലി സാലി [1960] മെഹബൂബ് / ഏ.പി. കോമള

“‍നീയല്ലാതാരുണ്ടെന്നുടെ പ്രണയപുഴയില്‍....

ചിത്രം : നീലി സാലി [1960]
രചന: പി.ഭാസ്കരന്‍
‍സംഗീതം: കെ. രാഘവന്‍
പാടിയതു: മെഹബൂബ് / ഏ.പി. കോമള
നീയല്ലാതാരുണ്ടെന്നുടെ പ്രണയപ്പുഴയില്‍ ചിറകെട്ടാന്‍
നീയല്ലാതാരുണ്ടെന്നുടെ കുടിലില്‍ ഒരുനാള്‍ കുടിവയ്ക്കാന്‍

നീയല്ലാതാരുണ്ടിങ്ങനെ നിത്യം നിത്യം കത്തെഴുതാന്‍
നീയല്ലാതാരുണ്ടിങ്ങനെ നീലിപ്പെണ്ണൊടു കഥപറയാന്‍

ഞാന്‍ വളര്‍ത്തിയ ഖല്‍ബിലെ മോഹം
പോത്തുപോലെ വളര്‍ന്നല്ലോ ഞാന്‍
കാത്തുകാത്തു കുഴഞ്ഞല്ലോ
കത്തുമടക്കിത്തന്നില്ലല്ലോ കടപ്പുറത്ത് വന്നില്ലല്ലോ
നീയല്ലാതാരുണ്ടെന്നുടെ പ്രണയപ്പുഴയില്‍ ചിറകെട്ടാന്‍
നീയല്ലാതാരുണ്ടെന്നുടെ കുടിലില്‍ ഒരുനാള്‍ കുടിവയ്ക്കാന്‍


ഞാന്‍ പഠിച്ചൊരു സിനിമാപ്പാട്ടുകള്‍
പോലുമിന്നുമറന്നല്ലോ ഞാന്‍
നൂലുപോലെ മെലിഞ്ഞല്ലോ
ചന്തയിലിന്നലെ വന്നില്ലല്ലോ രണ്ടുവാക്കുപറഞ്ഞില്ലല്ലോ
നീയല്ലാതാരുണ്ടിങ്ങനെ നിത്യം നിത്യം കത്തെഴുതാന്‍
നീയല്ലാതാരുണ്ടിങ്ങനെ നീലിപ്പെണ്ണൊടു കഥപറയാ

ഇതു ഞങ്ങളുടെ കഥ.[1982]..എസ്. ജാനകി.

“

സ്വര്‍ണ്ണ മുകിലേ, സ്വര്‍ണമുകിലേ സ്വപ്നം കാണാറുണ്ടോ?

ചിത്രം: ഇതു ഞങ്ങളുടെ കഥ. [ 1982.] പി. ജി. വിശ്വംഭരന്‍
രചന: പി ഭാസ്കരന്‍
സംഗീതം; ജോണ്‍സണ്‍
പാടിയതു: എസ് ജാനകി.

സ്വര്‍ണ്ണമുകിലേ സ്വര്‍ണ്ണമുകിലേ
സ്വപ്നം കാണാറുണ്ടോ നീയും
സ്വപ്നം കാണാറുണ്ടോ?
കണ്ണുനീര്‍ക്കുടം തലയിലേറ്റി
വിണ്ണിന്‍ വീഥിയില്‍ നടക്കുമ്പോള്‍
സ്വര്‍ണ്ണച്ചിറകുകള്‍ ചുരുക്കിയൊതുക്കി
വസന്തരാത്രി മയങ്ങുമ്പോള്‍
സ്വര്‍ണ്ണമുകിലേ സ്വര്‍ണ്ണമുകിലേ
സ്വപ്നം കാണാറുണ്ടോ?

വര്‍ഷസന്ധ്യാ മാരിവില്ലിന്‍
വരണമാല്യം തീര്‍ക്കുമ്പോള്‍
മൂകവേദന.... എന്നെപ്പോലെ....
സ്വര്‍ണ്ണമുകിലേ....

വര്‍ഷസന്ധ്യാ.....ആ.....
വര്‍ഷസന്ധ്യാ മാരിവില്ലിന്‍
വരണമാല്യം തീര്‍ക്കുമ്പോള്‍
മൂകവേദന.. എന്തിനായ് നീ
മൂടിവയ്പ്പൂ ജീവനില്‍ ജീവനില്‍
സ്വര്‍ണ്ണമുകിലേ......
സ്വര്‍ണ്ണമുകിലേ......

പൊന്മുടി..[1982] എസ്. ജാനകി

“ദൂരെ നീറുന്നൊരോര്‍മ്മയായ്....

ചിത്രം: പൊന്മുടി [1982]
രചന: ബാലു കിരിയത്.
സംഗീതം: ജിതിന്‍ ശ്യാം
പാടിയതു: എസ് . ജാനകി‍


ദൂരെ നീറുന്നൊരോര്‍മ്മയായ് നീ അലയുന്നു....
നൊവും മനസ്സുമായ് നിന്‍ വഴിത്താരക്ല് ഇന്നും
തിരയുന്നു. ഞാന്‍ തിരയുന്നു.
കത്തി എരിഞ്ഞൊരു ചിറകില്‍‍ ചൂടാന്‍
തൂവല്‍ തേടുകയാണൊരു കുരുവി
സുന്ദര നിമിഷ സുഖങ്ങളിലലിയാന്‍
നിത്യ മനോഹര തീരത്തണയാം
താമസമെന്തേ അരി‍കില്‍ വരുവാന്‍
വരുകില്‍ കുളിരാം ചാരേ പ്രിയനേ...

നൊന്തു പിടഞ്ഞൊരു പൂവിന്‍ ഹൃദയ്യം
പുതിയ പ്രഭാത കതിരുകള്‍ തേടി
ആടുകയ്യയെന്‍ മാനസ മയിലായ്
നാഥാ നിന്‍ പരിലാളനമേല്‍ക്കാന്‍
ഇനിയും മിഴികള്‍ തേടുവതാരെ
വരുകീ കുളിരാം ചാരേ പ്രിയനേ....

കളിയില്‍ അല്പം കാര്യം. (1984) യേശുദാസ്

“മനതാരില്‍ എന്നും പൊന്‍ കിനാവും കൊണ്ടു....

ചിത്രം: കളിയില്‍ അല്പം കാര്യം [1984]
രചന: സത്യന്‍ അന്തിക്കാട്
സംഗീതം: രവീന്ദ്രന്‍
‍പാടിയതു: കെ.ജെ.യേശുദാസ്

മനതാരിലെന്നും പൊന്‍ കിനാവും കൊണ്ടുവാ.. (2)
ഹൃദയേശ്വരീ മമജീവനില്‍… പ്രിയരാഗമായ്…വാ…(മനതാരിലെന്നും)

ഹിമബിന്ദു ഹാരം ചൂടി… പുലരിപ്പൊന്‍ ചായം പൂശി….
ലാസ്യവതിയായ്… ദേവി വരുമോ..ഏകാന്ത ധ്യാനം തീര്‍ക്കാന്‍..
കളകളാ‍രവം കേള്‍ക്കുന്നു.. കനകനൂപുരം കാണുന്നൂ…
ഹൃദയം പിടയും…പുതുലഹരിയില്‍…മിഴികള്‍‍ തിരയും തവ വദനം…(മനതാരിലെന്നും)


അമലേ നിന്‍ രൂപം കാണാന്‍ അഭിലാഷമെന്നില്‍ നിറയേ…
പാദചലനം..കേട്ടകുളിരില്‍..ആലോലമാടീ മോഹം…
ഇനിയുമെന്നെനീ..പിരിയല്ലേ…ഇനിയൊരിക്കലും പോകല്ലേ…
മൃദുലം മൃദുലം തവ നടനം…മധുരം..മധുരം… മധുവചനം….(മനതാരിലെന്നും

തംബുരു (1983) എസ്. ജാനകി.

“എന്നിട്ടും നീ എന്നെ അറിഞ്ഞില്ലല്ലോ....



ചിത്രം: നസീമ [1983]
രചന: പി. ഭാസ്കരന്‍
സംഗീതം: ദേവ രാജന്‍‍
പാടിയതു: എസ്. ജാനകി.

എന്നിട്ടും നീയെന്നെ അറിഞ്ഞില്ലല്ലോ...
എന്നാര്‍ദ്ര നയനങ്ങള്‍ തുടച്ചില്ലല്ലോ...
എന്നാത്മ വിപഞ്ചികാതന്ത്രികള്‍ മീട്ടിയ
സ്‌പന്ദന ഗാനമൊന്നും കേട്ടില്ലല്ലോ...

(എന്നിട്ടും...)

അറിയാതെ അവിടുന്നെന്‍ അടുത്തുവന്നു...
അറിയാതെ തന്നെയെന്നകത്തും വന്നു...
ജീവന്റെ ജീവനില്‍ സ്വപ്‌നങ്ങള്‍ വിരിച്ചിട്ട
പൂവണിമഞ്ചത്തില്‍ ഭവാനിരുന്നു...

(എന്നിട്ടും...)

നിന്‍ സ്വേദം അകറ്റാനെന്‍‍ സുന്ദരസങ്കല്‌പം
ചന്ദനവിശറി കൊണ്ടു വീശിയെന്നാലും
വിധുരയാമെന്നുടെ നെടുവീര്‍പ്പിന്‍ ചൂടിനാല്‍
ഞാനടിമുടി പൊള്ളുകയായിരുന്നു...

(എന്നിട്ടും...)

യക്ഷി [1968] പി. ലീല]

“സ്വര്‍ണ്ണ ചാമരം വീശി എത്തുന്ന...

ചിത്രം: യക്ഷി 1968
രചന: വയലാര്‍
സംഗീതം; ദേവരാജന്‍
പാടിയതു; പി. ലീല

സ്വര്‍ണ്ണ ചാമരം വീശിയെത്തുന്ന
സ്വപ്നമായിരുന്നെങ്കില്‍ ഞാന്‍
സ്വര്‍ഗ്ഗ സീമകള്‍ ഉമ്മവെയ്ക്കുന്ന
സ്വപ്നമായിരുന്നെങ്കില്‍ ഞാന്‍
ഹര്‍ഷ ലോലനായ്‌ നിത്യവും നിന്റെ
ഹംസ തൂലികാ ശയ്യയില്‍
വന്നു പൂവിടുമായിരുന്നു ഞാന്‍
എന്നുമീ പര്‍ണ്ണശാലയില്‍


താവകാത്മാവിനുള്ളിലെ നിത്യ
ദാഹമായിരുന്നെങ്കില്‍ ഞാന്‍
മൂകമാം നിന്‍ മനോരഥത്തിലെ
മോഹമായിരുന്നെങ്കില്‍ ഞാന്‍
നൃത്ത ലോലനായ്‌ നിത്യവും നിന്റെ
മുഗ്ദ സങ്കല്‍പമാകവെ
വന്നു ചാര്‍ത്തിയ്ക്കുമായിരുന്നു ഞാന്‍
എന്നിലെ പ്രേമ സൗരഭം ...


ഗായകാ നിന്‍ വിപഞ്ചികയിലെ
ഗാനമായിരുന്നെങ്കില്‍ ഞാന്‍
ഗായികേ നിന്‍ വിപഞ്ചികയിലെ
ഗാനമായിരുന്നെങ്കില്‍ ഞാന്‍
താവകാംഗുലി ലാളിതമൊരു
താളമായിരുന്നെങ്കില്‍ ഞാന്‍
കല്‍പനകള്‍ ചിറകണിയുന്ന
പുഷ്പമംഗല്യ രാത്രികള്‍
വന്നു ചൂടിയ്ക്കുമായിരുന്നു ഞാന്‍
എന്നിലെ രാഗ മാലിക
(സ്വര്‍ണ്ണ ചാമരം..)

ഇരട്ട കുട്ടികളുടെ അഛന്‍..[1997] യേശുദാസ്

“എത്രനേരമായ് ഞാന്‍ കാത്തുകാത്തു...
ചിത്രം: ഇരട്ടക്കുട്ടികളുടെ അച്ഛന്‍ [1997] സത്യന്‍ അന്തിക്കാട്
രചന: കൈതപ്രം
സംഗീതം: ജോണ്‍സണ്‍
പാടിയതു: യേശുദാസ്


എത്രനേരമായ് ഞാന്‍ കാത്തുകാത്തുനില്‍പ്പൂ..
ഒന്നിങ്ങു നോക്കുമോ വാര്‍ത്തിങ്കളേ..

എത്രനേരമായ് ഞാന്‍ കാത്തുകാത്തുനില്‍പ്പൂ..
ഒന്നിങ്ങു നോക്കുമോ വാര്‍ത്തിങ്കളേ..
പിണങ്ങരുതേ അരുതേ അരുതേ
പുലരാറായ് തോഴീ........
എത്രനേരമായ് ഞാന്‍ കാത്തുകാത്തുനില്‍പ്പൂ..
ഒന്നിങ്ങു നോക്കുമോ വാര്‍ത്തിങ്കളേ....

വിണ്മാളികയില്‍ വാഴുമ്പോഴും
ആമ്പലിനോടുനീ ഇണങ്ങിയില്ലേ
വിണ്മാളികയില്‍ വാഴുമ്പോഴും
ആമ്പലിനോടുനീ ഇണങ്ങിയില്ലേ
ചന്ദ്രികയോളം വളരുമ്പോഴും..
രമണന്റെകൂടെ ഇറങ്ങിയില്ലേ..
വാര്‍മുകിലിന്‍.. പൂങ്കുടിലില്‍...
മിണ്ടാതെ നീ ഓളിഞ്ഞതെന്തേ..
എത്രനേരമായ് ഞാന്‍ കാത്തുകാത്തുനില്‍പ്പൂ..
ഒന്നിങ്ങു നോക്കുമോ വാര്‍ത്തിങ്കളേ..

വെറുതേ ഇനിയും പരിഭവരാവിന്‍
മുഖപടമോടെ മറയരുതേ..
വെറുതേ ഇനിയും പരിഭവരാവിന്‍
മുഖപടമോടെ മറയരുതേ..
വൃശ്ചികകാറ്റിന്‍ കുളിരും ചൂടി
ഈ മുഗ്ദരാവിന്‍ ഉറക്കമായോ
എഴുന്നേല്‍ക്കൂ... ആത്മസഖീ...
എതിരേല്‍ക്കാന്‍ ഞാന്‍ അരികിലില്ലേ
പിണങ്ങരുതേ അരുതേ അരുതേ
പുലരാറായ് തോഴീ........
എത്രനേരമായ് ഞാന്‍ കാത്തുകാത്തുനില്‍പ്പൂ..
ഒന്നിങ്ങു നോക്കുമോ വാര്‍ത്തിങ്കളേ....

സിന്ദൂര‍ രേഖ..[1995] യേശുദാസ്/ ചിത്ര

എന്റെ സിന്ദൂര‍ രേഖയിലെങ്ങോ....


ചിത്രം : സിന്ദൂര രേഖ. [1995}
രചന : കൈതപ്രം
സംഗീതം: ശരത്.
പാടിയത്: യേശുദാസ്/ ചിത്ര.



എന്റെ സിന്ദൂര രേഖയിലെങ്ങോ
ഒരു ജീവന്റെ സ്നേഹ വിലാപം
പിടയുന്നു മായാ വേണുവില്‍
പ്രിയ സന്ധ്യ കേഴും നൊമ്പരം
ദൂരെ...ദൂരെ..
എന്റെ എകാന്ത ചന്ദ്രന്‍ അലഞ്ഞു
ഒരു നീലാമ്പല്‍ വീണു മയങ്ങി
കരയുവാന്‍ കണ്ണുനീരും മറുവാക്കുമില്ല
കര്‍മമങ്ങള്‍ കൈ മറിഞ്ഞ കനല്‍ ആണു ഞാന്‍.

മോഹങ്ങളേ.. എന്റെ ഏകാന്ത ചന്ദ്രന്‍ അലിഞ്ഞു...
ഒരു നീലാമ്പല്‍‍ വീണു മയങ്ങി
ഇന്നെന്റെ ജീവ രാഗം നീയല്ലയോ
നീയില്ലയെങ്കിലുണ്ടോ വന ചന്ദ്രനും
പൂന്തെന്നലും നീലാമ്പലും

ദൂരെ...ദൂരെ
കാലമേ നീ വീണ്ടുമെന്നെ കൈ ഏല്‍ക്കുകില്ലേ
പാടാന്‍ മറന്നു പൊയ ഗന്ധര്‍വനെ
ഈ മണ്‍ വീണയില്‍
എന്റെ ഏകാത ചന്ദ്രനലഞ്ഞു
ഒരു നീലാമ്പല്‍ വീണു മയങ്ങി
ഏതാണു പൊന്‍ വസന്തം അറിവീല ഞാന്‍
ഉയിരില്‍ തലോടി വന്ന വന മാലിനി
എങ്ങാണു നീ, ആരാണു നീ
...
എന്റെ സിന്ദൂര രേഖയിലെങ്ങോ....

തോക്കുകള്‍ കഥ പറയുന്നു. [1968]...യേശുദാസ്

“പ്രേമിച്ചു പ്രേമിച്ചു നിന്നെ ഞാനൊരു ദേവ സ്ത്രീയാക്കും


ചിത്രം: തോക്കുകള്‍ കഥ പറയുന്നു [ 1968 ] കെ. എസ്. സേതുമാധവന്‍
രചന: വയലാര്‍
സംഗീതം: ദേവരാജന്‍
പാടിയത്: യേശുദാസ്

പ്രേമിച്ചു പ്രേമിച്ചു നിന്നെ ഞാനൊരു
ദേവസ്ത്രീയാക്കും
കാടായ കാടുകള്‍ മുഴുവന്‍ ഞാനൊരു
കതിര്‍മണ്ഡപമാക്കും (പ്രേമിച്ചു )

ആയിരം ഉമ്മകള്‍ കൊണ്ട് നിന്നെയൊരോമനപൂവാക്കും
ഞാനതിന്‍ പല്ലവപുടങ്ങള്‍ക്കുള്ളിലെ
മാണിക്യമണിമുത്താക്കും (പ്രേമിച്ചു )

ആലിംഗനത്തില്‍ മൂടി നിന്നെയൊരാലോല രോമാഞ്ചമാക്കും
ഞാനതില്‍ പീലി തിരുമുടി ചാര്‍ത്തിയ
വേണു ഗായകനാകും (പ്രേമിച്ചു)

കാളിയ മര്‍ദനം..(1982) യേശുദാസ്

“പ്രേമവതി നിന്‍ മിഴികളിലെന്‍...

ചിത്രം:കാളിയ മര്‍ദനം [ 1982 ] ജെ. വില്ല്യംസ്
രചന: പൂവച്ചല്‍ കാദര്‍
സംഗീതം: കെ. ജെ. ജൊയ്
പാടിയതു: യേശുദാസ്.


പ്രേമവ തീ നിന്‍ വഴിയിലെന്‍
ഗദ്ഗദങ്ങള്‍ പൂവിടുന്നു.
കാണുകില്ലേ നീ എന്‍ നെഞ്ചില്‍‍ കൂടൊഴിയാതെ
നൊമ്പരങ്ങള്‍ മാത്രമേകി എങ്ങു പോയീ നീ?
ഓര്‍മ്മകള്‍ തന്‍ വീഥികളില്‍
നീ വിരിച്ച മോഹ സൂനങ്ങള്‍
നീ ഉതിര്‍ത്ത പ്രേമ ഗാനങ്ങള്‍
മുന്നില്‍ നിന്റെ മൂക ഭാവങ്ങള്‍....

എന്‍ മനസ്സിന്‍ താളുകളില്‍
നീ വരച്ച രാഗ ചിത്രങ്ങള്‍
നീ രചിച്ച പ്രേമ കാവ്യങ്ങള്‍
എന്നില്‍ നിന്നു മാഞ്ഞ വര്‍ണങ്ങള്‍...(പ്രേമവതീ

ഡെയിസി..[1988] ..യേശുദാസ്

“ഓര്‍മ്മ തന്‍ വാസന്ത....

ചിത്ര, : ഡെയിസി
രചന: പി ഭാസ്ക്കരന്‍
സംഗീതം: ശ്യാം
പാടിയതു: യേശുദാസ് കെ ജെ


ഓര്‍മ്മതന്‍ വാസന്ത നന്ദനത്തോപ്പില്‍
ഒരു പുഷ്പം മാത്രം ഒരു പുഷ്പം മാത്രം
ഡെയ്സി ഡെയ്സി ഡെയ്സി
(ഓര്‍മ്മതന്‍)

എവിടെത്തിരിഞ്ഞാലും ഓര്‍മ്മതന്‍ ഭിത്തിയില്‍
ഒരു മുഖം മാത്രം ഒരു ചിത്രം മാത്രം
ഡെയ്സി ഡെയ്സി ഡെയ്സി
നിനവിലും ഉണര്‍വിലും നിദ്രയില്‍ പോലും
ഒരു സ്വപ്നം മാത്രം ഒരു ദുഖം മാത്രം
വ്യോമാന്തരത്തിലെ സന്ധ്യനക്ഷത്രങ്ങള്‍
പ്രേമാര്‍ദ്രയാം നിന്റെ നീലനേത്രങ്ങള്‍
(ഓര്‍മ്മതന്‍)

കവിളത്തു കണ്ണുനീര്‍ച്ചാലുമായ് നീയെന്‍
സവിധം വെടിഞ്ഞു പിന്നെ ഞാനെന്നും
തലയിലെന്‍ സ്വന്തം ശവമഞ്ചമേന്തി
നരജ്ന്മ മരുഭൂവില്‍ അലയുന്നു നീളേ
ഡെയ്സി ഡെയ്സി ഡെയ്സി
(ഓര്‍മ്മതന്‍)