അര നാഴിക നേരം ( 1990 ) യേശുദാസ്

“അനുപമേ അഴകേ അല്ലി കുടങ്ങളില്‍

ചിത്രം: അരനാഴികനേരം [ 1990 ] കെ. എസ്. സേതുമാധവന്‍
രചന: വയലാര്‍
സംഗീതം: ദേവരാജന്‍

പാടിയതു: യേശുദാസ്

അനുപമേ അഴകേ
അല്ലിക്കുടങ്ങളിലമൃതുമായ് നില്ക്കും
അജന്താ ശില്പമേ
അലങ്കരിക്കൂ എന്നന്തപുരം അലങ്കരിക്കൂ നീ
(അനുപമേ...)

നിത്യ താരുണ്യമെ നീയെന്റെ രാത്രികള്‍
നൃത്തം കൊണ്ട് നിറയ്ക്കൂ ഉന്മാദ
നൃത്തം കൊണ്ട് നിറയ്ക്കൂ
മനസ്സില്‍ മധുമയ മന്ദഹാസങ്ങളാല്‍
മണിപ്രവാളങ്ങള്‍ പതിയ്ക്കൂ
പതിയ്ക്കൂ ....പതിയ്ക്കൂ....
[അനുപമേ..]

സ്വര്‍ഗ്ഗ ലാവണ്യമേ നീയെന്റെ വീഥികള്‍
പുഷ്പം കൊണ്ടു നിറയ്കൂ അനുരാഗ
പുഷ്പം കൊണ്ടു നിറയ്കൂ
വിടരും കവിളിലെ മുഗ്ദ്ധമാം ലജ്ജയാല്‍
വിവാഹ മാല്യങ്ങള്‍ കൊരുക്കൂ
കൊരുക്കൂ...കൊരുക്കൂ..
[അനുപമേ..]

അഭിമാനം ( 1975 ) യേശുദാസ്

“പൊട്ടി കരഞ്ഞുകൊണ്ടോമനെ ഞാനെന്റെ കുറ്റങ്ങള്‍‍...

ചിത്രം: അഭിമാനം ( 1975 ) ശശികുമാര്‍
രചന: ശ്രീകുമാരന്‍ തമ്പി
സംഗീതം: ഏ.റ്റി. ഉമ്മര്‍

പാടിയതു: യേശുദാസ്


പൊട്ടി കരഞ്ഞു കൊണ്ടോമനേ
ഞാനെന്റെ കുറ്റങ്ങൾ സമ്മതിക്കാം..
മനസ്സിനെ താമരയാക്കിയ ലക്ഷ്‌മി
മാപ്പു തരൂ എനിക്കു നീ മാപ്പു തരൂ...

പാപത്തിൻ കഥകൾ രചിച്ചൊരെൻ
കൈയാൽ നിൻ പൂമേനി തൊടുകയില്ലാ... (2)
അമ്പല പൂപോൽ വിശുദ്ധമാം അധരം
ചുബിച്ചുലയ്‌ക്കുകില്ല.. ഞാൻ ചുബിച്ചുലയ്‌ക്കുകില്ല..
ചൂടാത്ത കൃഷ്ണ തുളസിയല്ലേ നീ
വാടിയ നിർമ്മാല്യം ഞാൻ...

ദുഃഖത്തിൻ നിഴലായ് മാറിയ ഞാൻ
നിന്റെ കൊട്ടാരം പരിചാരകൻ... (2)
കുങ്കുമക്കുറിയുടെ മാഹാത്മ്യം കാണാൻ
തപസ്സു ചെയ്യും നിൻ സേവകൻ.. (2)
പാടാത്ത ഭക്തി ഗീതമല്ലേ നീ
ഇടറിയ സ്വരധാര ഞാൻ..

ഗുരുവായൂര്‍ കേശവന്‍ ( 1977 ) മാധുരി

“ഇന്നെനിക്ക് പൊട്ടുകുത്താന്‍ സന്ധ്യകള്‍ ചാലിച്ച...



ചിത്രം: ഗുരുവായൂര്‍ കേശവന്‍ [ 1977 ] ഭരതന്‍
രചന: പി ഭാസ്ക്കരന്‍
സംഗീതം: ദേവരാജന്‍ ജി

പാടിയതു: പി മാധുരി

ആ.ആ..
ഇന്നെനിക്കു പൊട്ടു കുത്താന്‍
സന്ധ്യകള്‍ ചാലിച്ച സിന്ധൂരം
ഇന്നെനിക്കു കണ്ണെഴുതാന്‍
വിണ്ണിലെ നക്ഷത്ര മഷിക്കൂട്‌ (ഇന്നെനി)

ഏന്റെ സ്വപ്നത്തിന്‍ എഴുനില വീട്ടില്‍
കഞ്ചബാണന്റെ കളിത്തോഴന്‍ (എന്റെ)
കണ്ണിലാകെ കതിരൊളി വീശീ
വന്നു കയറീ പോയീ (കണ്ണില്‍)

പാ.. മപ നി ആ ഗ ഗ ഗ മരിസ
മരിപ നി ധ നി സ
മ രി നിസനിധ നിനിസ
നിനിമപ ഗമരിസ
നിസമരി പമപ നിധ നിനിസനിരി
പമരിസ നിസനിധ നിനിസ
നിപമപ ഗമരിസ
മ രി പ മ നിധനിസ
മരിപ ഗമരിസരി ഗമരിസരി
രി നിസരിസ നിപമ മപനിധ നിനിസ
മപനിധ നിനിസ മപനിധ നിനിസ (ഇന്നെനി)

പൊന്നിലഞ്ഞികള്‍ പന്തലൊരുക്കി
കര്‍ണ്ണികാരം താലമെടുത്തു (പൊന്നി)
പുഷ്പിതാഗ്രകള്‍ മന്ദാരങ്ങല്‍
പുഞ്ചിരിത്തിരി നീട്ടീ (പുഷ്പി)
ആ.ആ.ആ.ആ. (ഇന്നെനിക്കു)


AUDIO


VIDEO

ചെമ്പരത്തി ( 1972 ) യേശുദാസ്

“ചക്രവർത്തിനീ നിനക്കു ഞാനെന്റെ ശില്പ ഗോപുരം

ചിത്രം: ചെമ്പരത്തി [ 1972 ] പി. എന്‍. മേനോന്‍
രചന: വയലാര്‍
സംഗീതം: ദേവരാജന്‍

പാടിയതു: കെ ജെ യേശുദാസ്

ചക്രവര്‍ത്തിനീ നിനക്കു ഞാനെന്‍റെ
ശില്പഗോപുരം തുറന്നു..
പുഷ്പപാദുകം പുറത്തു വയ്ക്കു നീ
നഗ്നപാദയായ് അകത്തു വരൂ...

സാലഭഞ്ജികകള്‍ കൈകളില്‍
കുസുമ താലമേന്തി വരവേല്‍ക്കും...
പഞ്ചലോഹ മണിമന്ദിരങ്ങളില്‍
മണ്‍വിളക്കുകള്‍ പൂക്കും...
ദേവസുന്ദരികള്‍ കണ്‍കളില്‍
പ്രണയദാഹമോടെ നടമാടും...
ചൈത്ര പത്മദളമണ്ഡപങ്ങളില്‍
രുദ്രവീണകള്‍ പാടും താനെ പാടും
(ചക്രവര്‍ത്തിനീ)

ശാരദേന്ദുകല ചുറ്റിലും കനക
പാരിജാത മലര്‍ തൂകും...
ശില്പകന്യകകള്‍ നിന്‍റെ വീഥികളില്‍
രത്നകമ്പളം നീര്‍ത്തും...
കാമമോഹിനികള്‍ നിന്നെയെന്‍
ഹൃദയകാവ്യലോക സഖിയാക്കും...
മച്ചകങ്ങളിലെ മഞ്ജുശയ്യയില്‍
ലജ്ജകൊണ്ടു ഞാന്‍ മൂടും.. നിന്നെ മൂടും
(ചക്രവര്‍ത്തിനീ)

രാജ ഹംസം (1974) യേശുദാസ്

‍“സന്യാസിനീ നിന്‍ പുണ്യാശ്രമത്തില്‍ ഞാന്‍


ചിത്രം: രാജഹംസം [1974 ] റ്റി. ഹരിഹരന്‍
രചന: വയലാര്‍
സംഗീതം: ദേവരാജന്‍ ജി

പാടിയത്: യേശുദാസ്

സന്യാസിനീ ഓ... ഓ...
സനാസിനീ‍ നിന്‍ പുണ്യാശ്രമത്തില്‍ ഞാന്‍
സന്ധ്യാപുഷ്‌പവുമായ് വന്നു
ആരും തുറക്കാത്ത പൂമുഖവാതിലില്‍
അന്യനെപ്പോലെ ഞാന്‍ നിന്നു
(സന്യാസിനീ)

നിന്റെ ദുഖാര്‍ദ്രമാം മൂകാശ്രുധാരയില്‍
എന്റെ സ്വപ്‌നങ്ങളലിഞ്ഞു
സഗദ്‌ഗദം എന്റെ മോഹങ്ങള്‍ മരിച്ചു
നിന്റെ മനസ്സിന്റെ തീക്കനല്‍ കണ്ണില്‍ വീണെന്റെയീ പൂക്കള്‍ കരിഞ്ഞു
രാത്രി പകലിനോടെന്നപോലെ
യാത്ര ചോദിപ്പൂ ഞാന്‍
(സന്യാസിനീ)

നിന്റെ ഏകാന്തമാം ഓര്‍മ്മതന്‍ വീഥിയില്‍
എന്നെയെന്നെങ്കിലും കാണും
ഒരിക്കല്‍ നീ എന്റെ കാല്‍പ്പാടുകള്‍ കാണും
അന്നുമെന്നാത്മാവ് നിന്നോടു മന്ത്രിക്കും
നിന്നെ ഞാന്‍ സ്‌നേഹിച്ചിരുന്നു
രാത്രി പകലിനോടെന്ന പോലെ
യാത്ര ചോദിപ്പൂ ഞാന്‍
(സന്യാസിനീ)






ഇവിടെ


വിഡിയോ

കാട്ടു കുരങ്ങ് ( 1974 ) യേശുദാസ്

“നാദ ബ്രഹ്മത്തിന് ‍സാഗരം നീന്തി വരും

ചിത്രം: കാട്ടുകുരങ്ങ് [ 1974] പി ഭാസ്കരന്‍
രചന: പി ഭാസ്കരന്‍
സങീതം ദേവരാജന്‍

പാടിയതു: യേശുദാസ്

നാദബ്രഹ്മത്തിന്‍ സാഗരം നീന്തി വരും
നാഗ സുന്ദരിമാരെ
സപ്തസ്വരങ്ങളേ സംഗീത സരസ്സിലെ
ശബ്ദമരാളങ്ങളേ... സാക്ഷാല്‍ (നാദ...)

കല്പനാകാകളികള്‍ മൂളി വന്നെത്തുമെന്റെ
സ്വപ്ന ചകോരങ്ങളേ
മാനസ വേദിയില്‍ മയില്‍പ്പീ‍ീലി നീര്‍ത്തിയാടും
മായാമയൂരങ്ങളേ .... സാക്ഷാല്‍ (നാദ..)

ഊഴിയില്‍ ഞാന്‍ തീര്‍ത്ത സ്വര്‍ഗ്ഗ മണ്ഡപത്തിലെ
ഉര്‍വ്വശി മേനകമാരെ
ഇന്നെന്റെ പുല്‍മേഞ്ഞ മണ്‍കുടില്‍ പോലും നിങ്ങള്‍
ഇന്ദ്ര സഭാതലമാക്കി ...സാക്ഷാല്‍ (നാദ..)

യാചകനിവനൊരു രാജമന്ദിരം തീര്‍ത്തു
രാഗസുധാരസത്താല്‍ വിരുന്നു നല്‍കി
ആയിരം ഗാനങ്ങള്‍ തന്‍ ആനന്ദ ലഹരിയില്‍
ഞാനലിഞ്ഞലിഞ്ഞപ്പോള്‍ അനശ്വരനായ്...സാക്ഷാല്‍(നാദ..)

അനിയത്തി പ്രാവു ( 1997 ) യേശുദാസ്

“ഓ പ്രിയേ നിനക്കൊരു ഗാനം


ചിത്രം: അനിയത്തിപ്രാവ് [ 1997 } ഫാസില്‍
രചന: ഗിരീഷ് പുത്തഞ്ചേരി
സംഗീതം: ഔസേപ്പച്ചന്‍

പാടിയതു: യേശുദാസ്


ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എന്‍ പ്രാണനിലുണരും ഗാനം..
അറിയാതെ ആത്മാവില്‍ ചിറകു കുടഞ്ഞോരഴകെ..
നിറമിഴിയില്‍ ഹിമകണമായ് അലിയുകയാണീ വിരഹം..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എന്‍ പ്രാണനിലുണരും ഗാനം..


ജന്മങ്ങളായ്..പുണ്യോദയങ്ങളായ്..കൈവന്ന നാളുകള്‍..
കണ്ണീരുമായ്..കാണാക്കിനാക്കളായ്..നീ തന്നൊരാശകള്‍..
തിരതല്ലുമെതു കടലായ് ഞാന്‍..തിരയുന്നതെതു ചിറകായ് ഞാന്‍..
പ്രാണന്റെ നോവില്‍..വിടപറയും കിളിമകളായ്..എങ്ങു പോയി നീ..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എന്‍ പ്രാണനിലുണരും ഗാനം..


വര്‍ണ്ണങ്ങളായ്...പുഷ്പ്പോത്സവങ്ങളായ്..നീ എന്റെ വാടിയില്‍..
സംഗീതമായ്..സ്വപനാടനങ്ങളില്‍..നീ എന്റെ ജീവനില്‍..
അലയുന്നതെതു മുകിലായ് ഞാന്‍..അണയുന്നതെതു തിരിയായ് ഞാന്‍...
ഏകാന്ത രാവില്‍..കനലെരിയും കഥ തുടരാന്‍..എങ്ങു പോയി നീ..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എന്‍ പ്രാണനിലുണരും ഗാനം..
അറിയാതെ ആത്മാവില്‍ ചിറകു കുടഞ്ഞോരഴകെ..
നിറമിഴിയില്‍ ഹിമകണമായ് അലിയുകയാണീ വിരഹം..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എന്‍ പ്രാണനിലുണരും ഗാനം..

കളിയാട്ടം ( 1997) ഭാവന

“എന്നൊടെന്തിനീ പിണക്കം ഇന്നു മെന്തിനണെന്തിന്‍...

ചിത്രം: കളിയാട്ടം ( 1997 ) ജയരാജ്
രചന: കൈതപ്രം
സംഗീതം: കൈതപ്രം
പാടിയതു: ഭാവന (സ്റ്റെയിറ്റ് അവാര്‍ഡ് 1997 )

എന്നോടെന്തിനീ പിണക്കം
പിന്നെ എന്തിനാണെന്നോടു പരിഭവം
ഒരു പാടു നാളായ് കാത്തിരിപ്പൂ നിന്നെ
ഒരു നോക്കു കാണുവാന്‍ മാത്രം‍
ചന്ദന ത്വെന്നലും പൂനിലാവും എന്റെ
കരളിന്റെ നൊമ്പരം ചൊല്ലിയില്ലേ...
മൈക്കണ്ണെഴുതി ഒരുങ്ങിയില്ലേ ഇന്നും
വാല്‍ കണ്ണാടി നോക്കിയില്ലേ...

കസ്തൂരി മഞ്ഞള്‍ കുറിയണിഞ്ഞോ കണ്ണില്‍
കാര്‍ത്തിക ദീപം തെളിഞ്ഞോ
പൊന്‍ കിനാവിന്‍ ഊഞ്ഞാലില്‍ എന്തെ നീ മാത്രമാടാന്‍
വന്നില്ല... എന്നൊടെ...

കാല്പെരുമാറ്റം കേട്ടാല്‍ എന്നും
പടിപ്പുരയോളം ചെല്ലും
കാല്‍ തള കിലുക്കം കാതോര്‍ക്കും ആ
വിളിയൊന്നു കേള്‍ക്കാന്‍ കൊതിക്കും
കടവത്തു തോണി കണ്ടില്ല എന്തേ എന്നെ
നീ കാണാന്‍ വന്നില്ല .. എന്നൊടെന്തിനീ)

ആറാം തമ്പുരാന്‍ ( 1997 ) യേശുദാസ്

“ഹരി മുരളീ രവം ഹരിത വൃന്ദാവനം...


ചിത്രം: ആറാം തമ്പുരാന്‍ [ 1997 ] ഷാജി കൈലാസ്
രചന: ഗിരീഷ് പുത്തഞ്ചേരി
സംഗീതം: രവീന്ദ്രന്‍
പാടിയതു: യേശുദാസ്

ഹരിമുരളീ രവം...
ഹരിത വൃന്ദാവനം..
പ്രണയ സുധാമയ മോഹന ഗാനം (ഹരി..)

മധുമൊഴി രാധേ നിന്നെ തേടി... (2)
അലയുകയാണൊരു മാധവ ജന്മം
അറിയുകയായീ അവനീ ഹൃദയം
അരുണ സിന്ദൂരമായ് കുതിരും മൌനം
നിന്‍ സ്വര മണ്ഡപ നടയിലുണര്‍ന്നൊരു
പൊന്‍ തിരിയായവനെരിയുകയല്ലോ
നിന്‍ പ്രിയ നര്‍ത്തന വനിയിലുണര്‍ന്നൊരു
മണ്‍ തരിയായ് സ്വയമുരുകുകയല്ലോ ( ഹരി...)

കള യമുനേ നീ കവിളില്‍ ചാര്‍ത്തും
കളഭനിലാപ്പൂ പൊഴിയുവതെന്തേ
തളിര്‍ വിരല്‍ മീട്ടും വരവല്ലകിയില്‍
തരള വിഷാദം പടരുവതെന്തേ
പാടി നടന്നൂ മറഞ്ഞൊരു വഴികളിലീറനണിഞ്ഞ
കരാഞ്ജലിയായി നിന്‍ പാദുക മുദ്രകള്‍ തേടി
നടപ്പൂ ഗോപ വധൂജന വല്ലഭനിന്നും

ചിരിയോ ചിരി. ( 1982 ) യേശുദാസ്

“ ഏഴു സ്വരങ്ങളും തഴുകി വരുന്നൊരു ഗാനം...


ചിത്രം: ചിരിയോ ചിരി [ 1982 ] ബാലചന്ദ്ര മേനോന്‍

രചന: ബിച്ചു തിരുമല
സംഗീതം: രവീന്ദ്രന്‍
പാടിയതു യേശുദാസ്

ഏഴു സ്വരങ്ങളും തഴുകിവരുന്നൊരു ഗാനം..
ഗാനം ദേവഗാനം അഭിലാഷ ഗാനം..
മാനസവീണയില്‍ കരപരിലാളന ജാലം.
ജാലം ഇന്ദ്രജാലം അതിലോലലോലം...
(ഏഴുസ്വരങ്ങളും)

ആരോ പാടും തരളമധുരമയഗാനം‌പോലും കരളിലമൃതമഴ (2)
ചൊരിയുമളവിലില മിഴികളിളകിയതില്‍ മൃദുല-
തരളപദ ചലനനടനമുതിരൂ.. ദേവീ
പൂങ്കാറ്റില്‍ ചാഞ്ചാടും തൂമഞ്ഞില്‍-
വെണ്‍‌തൂവല്‍ കൊടിപോല്‍ അഴകേ...
(ഏഴുസ്വരങ്ങളും)

ഏതോ താളം മനസ്സിനണിയറയില്‍ ഏതോമേളം ഹൃദയധമനികളില്‍ (2)
അവയിലുണരുമോരോ പുതിയ പുളകമദ ലഹരിയൊഴുകി-
വരുമറിയ സുഖനിമിഷമേ.. പോരൂ..
ആരോടും മിണ്ടാതീ.. ആരോമല്‍ത്തീരത്തിന്‍ അനുഭൂതികള്‍തന്‍
(ഏഴുസ്വരങ്ങളും)

നിനക്കായ് ( ആല്‍ബം ) [2008] സംഗീത

“നിനക്കയ് ദേവാ പുനര്‍ജനിക്കാം


ആല്‍ബം; നിനക്കായ് ( 2008 )
രചന: ഈസ്റ്റ് കോസ്റ്റ് വിജയന്‍
സംഗീതം: ബാലാ‍ഭാസ്കര്‍

പാടിയത്: സംഗീത


നിനക്കായ് ദേവാ പുനര്‍ജനിക്കാം
ജന്മങ്ങള്‍ ഇനിയും ഒന്നു ചേരാം
അന്നെന്റെ ബാല്യവും കൌമാരവും
നിനക്കയ് മാത്രം പങ്കു വക്കാം - ഞാന്‍
പങ്കു വക്കാം...

നിന്നെ ഉറക്കുവാന്‍
താരാട്ടു കട്ടിലാ‍ണിന്നെന്‍
പ്രിയനെ എന്‍ ഹൃദയം...
ആ ഹൃദയത്തിന്റെ സ്പന്ദനങ്ങള്‍
ഒരു താരാട്ടു പാട്ടിന്റെ ഈണമല്ലെ....
നിന്നെ വന്ദിച്ചു ഞാ ന്‍പാടിയ
തരാട്ടു പാട്ടിന്റെ ഈണമല്ലെ... നിനക്കയ്..

ഇനിയെന്റെ സ്വപ്നങ്ങള്‍ നിന്റെ വികാരമായ്
പുലരിയും പൂക്കളും ഏറ്റു പാടും..
ഇനിയെന്റെ വീണാ തന്ത്രികളില്‍
നിന്നെക്കുറിച്ചേ ശ്രുതി ഉണരൂ...
ഇനി എന്നൊമലെ നിന്നോര്‍മ്മ തന്‍‍
സുഗന്ധത്തിലെന്നും ഞാനുറങ്ങും....

തേനും വയമ്പും ( 1981 ) യേശുദാസ്

തേനും വയമ്പും നാവില്‍ തൂകും വാനമ്പാടി
ചിത്രം: തേനും വയമ്പും [ 1981] അശോക് കുമാര്‍
രചന: ബിച്ചു തിരുമല
സംഗീതം: രവീന്ദ്രന്‍

പാടിയതു: യേശുദാസ് കെ ജെ

തേനും വയമ്പും നാവില്‍ തൂകും വാനമ്പാടീ --(2)
രാഗം ശ്രീരാഗം പാടൂ നീ വീണ്ടും വീണ്ടും വീണ്ടുംവീണ്ടും
തേനും വയമ്പുംനാവില്‍ തൂകും വാനമ്പാടീ

മാനത്തെ ശിങ്കാരത്തോപ്പില്‍ ഒരു ഞാലിപ്പൂവന്‍പഴ തോട്ടം --(2)
കാലത്തും വൈകീട്ടും പൂം‌പാളത്തേനുണ്ണാന്‍
ആ വാഴത്തോട്ടത്തില്‍ നീയും പോരുന്നോ
തേനും വയമ്പും നാവില്‍ തൂകും വാനമ്പാടീ

നീലക്കൊടുവേലി പൂത്തു ദൂരെ നീലഗിരിക്കുന്നിന്‍ മേലേ
മഞ്ഞിന്‍ പൂവേലിക്കല്‍ കൂടി കൊച്ചുവണ്ണാത്തിപ്പുള്ളുകള്‍ പാടീ
താളം പിടിക്കുന്ന വാലാട്ടിപക്ഷിക്ക്
താലികെട്ടിന്നല്ലേ നീയും പോരുന്നോ
(തേനും വയമ്പും)

പഞ്ചാഗ്നി .....( 1986 )....... ചിത്ര

“ആ രാത്രി മാഞ്ഞുപോയി


ചിത്രം:പഞ്ചാഗ്നി [ 1086 ] ഹരിഹരന്‍
രചന: ഒ എന്‍ വി കുറുപ്പ്
സംഗീതം: ബോംബെ രവി

പാടിയതു: കെ എസ് ചിത്ര

ആ രാത്രി മാഞ്ഞുപോയി.. ആ രക്തശോഭമാം
ആയിരം കിനാക്കളും പോയിമറഞ്ഞു..
ആ രാത്രിമാഞ്ഞുപോയീ..

പാടാൻ മറന്നു പോയ.. പാട്ടുകളല്ലോ നിൻ
മാടത്ത മധുരമായ് പാടുന്നു...
(ആ രാത്രി)

അത്ഭുത കഥകൾ തൻ ചെപ്പുകൾ തുറന്നൊരു
മുത്തെടുത്തിന്നുനിന്റെ മടിയിൽ വയ്ക്കാം
പ്ലാവില പാത്രങ്ങളിൽ പാവക്കു പാൽ കൊടുക്കും
പൈതലായ് വീണ്ടുമെന്റെ അരികിൽ നിൽക്കൂ
ആ.. ആ... (ആ രാത്രി)

അപ്‌സരസ്സുകൾ താഴെ.. ചിത്രശലഭങ്ങളാൽ
പുഷ്‌പങ്ങൾ തേടിവരും കഥകൾ ചൊല്ലാം..
പൂവിനെപ്പോലും നുള്ളി നോവിക്കാനറിയാത്ത
കേവലസ്‌നേഹമായ് നീ അരികിൽ നിൽക്കൂ..
ആ.. ആ.. (ആ രാത്രി)

താരാട്ട് ( 1981 ) യേശുദാസ് എസ്. ജാനകി

“രാഗങ്ങളേ മോഹങ്ങളേ


ചിത്രം: താരാട്ട് (1981) ബാലചന്ദ്ര മേനോന്‍
രചന: ഭരണിക്കാവ് ശിവകുമാര്‍
സംഗീതം: രവീന്ദ്രന്‍

പാടിയതു: കെ.ജെ.യേശുദാസ്, എസ്. ജാനകി

ഉം....ഉം..ഉം..............
രാഗങ്ങളേ...ആ...ആ...മോഹങ്ങളേ
രാഗങ്ങളേ മോഹങ്ങളേ (2)
പൂചൂടൂം ആത്മാവിന്‍ ഭാവങ്ങളേ (2) (രാഗങ്ങളേ...)

പാടും പാട്ടിന്‍ രാഗം
എന്റെ മോഹം തീര്‍ക്കും നാദം (2)
ഉണരൂ പൂങ്കുളിരില്‍ തേനുറവില്‍ വാരൊളിയില്‍ (2)
നീയെന്റെ സംഗീതധാരയല്ലേ (രാഗങ്ങളേ...)

ആടും നൃത്ത ഗാനം
എന്റെ ദാഹം തീര്‍ക്കും താളം (2)
വിടരൂ പൂങ്കതിരില്‍ കാറ്റലയില്‍ വെണ്‍‌മുകിലില്‍ (2)
നീയെന്റെ ആത്മാവിന്‍ താളമല്ലേ (രാഗങ്ങളേ...)

മഞ്ഞില്‍ വിരിഞ്ഞ പൂക്കള്‍ ( 1980 ) എസ്.ജാനകി

“മഞ്ഞണിക്കൊമ്പില്‍ ഒരു കിങ്ങിണി കൊമ്പില്‍

ചിത്രം: മഞ്ഞില്‍ വിരിഞ്ഞ പൂക്കള്‍ [ 1980] ഫസില്‍
രചന: ബിച്ചു തിരുമല
സംഗീതം: ജെറി അമല്‍ദേവ്

പാടിയതു: ജാനകി

മഞ്ഞണിക്കൊമ്പില്‍ ഒരു കിങ്ങിണിത്തുമ്പില്‍
താനിരുന്നലിഞ്ഞാടിടുന്നൊരു സുമംഗലിക്കുരുവി
ഇണയെവിടെ തുണയെവിടെ
ഇണയെവിടെ തുണയെവിടെ സിന്ദൂരക്കുരുവീ


മഞ്ഞണിക്കൊമ്പില്‍ ഒരു കിങ്ങിണിത്തുമ്പില്‍
താനിരുന്നലിഞ്ഞാടിടുന്നൊരു സുമംഗലിക്കുരുവി
ഇണയെവിടെ തുണയെവിടെ
ഇണയെവിടെ തുണയെവിടെ സിന്ദൂരക്കുരുവീ
മഞ്ഞണിക്കൊമ്പില്‍..............


മഞ്ഞില്‍ മുങ്ങി തെന്നല്‍ വന്നു മാവേലിക്കാവില്‍
ഒറ്റയ്കൊരു കൊമ്പില്‍ കിളിക്കൂടും കൂട്ടി നീ
മഞ്ഞില്‍ മുങ്ങി തെന്നല്‍ വന്നു മാവേലിക്കാവില്‍
ഒറ്റയ്ക്കൊരു കൊമ്പില്‍ കിളിക്കൂടും കൂട്ടി നീ
ചൊടിയിണകളിലമൃതമൊടവനതുവഴി വന്നു
ഒരു ചെറു കുളിരലയിളകി നിന്നോമല്‍ കരളില്‍


മഞ്ഞണിക്കൊമ്പില്‍ ഒരു കിങ്ങിണിത്തുമ്പില്‍
താനിരുന്നലിഞ്ഞാടിടുന്നൊരു സുമംഗലിക്കുരുവി
ഇണയരികില്‍ തുണയരികില്‍ സിന്ദൂരക്കുരുവീ
മഞ്ഞണിക്കൊമ്പില്‍............


കണ്ണും കടക്കണ്ണും കഥ കൈമാറും നേരം
സിരകളിലെങ്ങോ കല്യാണ മേളം
കണ്ണും കടക്കണ്ണും കഥ കൈമാറും നേരം
സിരകളിലെങ്ങോ ഒരു കല്യാണ മേളം
മണിച്ചിറകടിച്ചവനോടൊപ്പമങ്ങകലെയെങ്ങാനും
പറന്നുയരണമിനിയൊരു നാള്‍ സിന്ദൂരക്കുരുവീ


മഞ്ഞണിക്കൊമ്പില്‍ ഒരു കിങ്ങിണിത്തുമ്പില്‍
താനിരുന്നലിഞ്ഞാടിടുന്നൊരു സുമംഗലിക്കുരുവി
ഇണയരികില്‍ തുണയരികില്‍ സിന്ദൂരക്കുരുവീ
മഞ്ഞണി.....

കാതോട് കാതോരം ( 1985 ) യേശുദാസ്.. ലതിക

“നീയെന്‍ സര്‍ഗ്ഗ സൌന്ദര്യമേ.. നീ എന്‍ സത്യ സംഗീതമെ

ചിത്രം; കാതോടു കാതോരം1985 ഭരതന്‍
രചന: ഒ എൻ വി കുറുപ്പ്
സംഗീതം: ഔസേപ്പച്ചൻ
പാറ്ടിയതു: യേശുദാസ് & ലതിക

നീ എന്‍ സര്‍ഗ്ഗ സൌന്ദര്യമേ നീ എന്‍ സത്യ സംഗീതമേ
നിന്റെ സങ്കീര്‍ത്തനം ..സങ്കീര്‍ത്തനം...
ഓരോ ഈണങ്ങളില്‍ പാടുവാന്‍
നീ തീര്‍ത്ത മണ്‍‌വീണ ഞാന്‍
നീ എന്‍ സര്‍ഗ്ഗ സൌന്ദര്യമേ

പൂമാനവും താഴെ ഈ ഭൂമിയും സ്നേഹലാവണ്യമേ നിന്റെ ദേവാലയം
പൂമാനവും താഴെ ഈ ഭൂമിയും സ്നേഹലാവണ്യമേ നിന്റെ ദേവാലയം
ഗോപുരം നീളെ ആയിരം ദീപം ഉരുകി ഉരുകി മെഴുകുതിരികള്‍ ചാര്‍ത്തും
മധുര മൊഴികള്‍ കിളികളതിനെ വാഴ്ത്തും മെല്ലെ ഞാനും കൂടെ പാടുന്നു

(നീ എന്‍ സര്‍ഗ്ഗ സൌന്ദര്യമേ)

താലങ്ങളില്‍ ദേവപാദങ്ങളില്‍ ബലിപൂജയ്ക്കിവര്‍ പൂക്കളായെങ്കിലോ
താലങ്ങളില്‍ ദേവപാദങ്ങളില്‍ ബലിപൂജയ്ക്കിവര്‍ പൂക്കളായെങ്കിലോ
പൂവുകളാകാം ആയിരംജന്മം നെറുകിലിനിയ തുകിന കണിക‍ ചാര്‍ത്തി
തൊഴുതു തൊഴുതു തരളമിഴികള്‍ ചിമ്മി പൂവിന്‍ ..ജീവന്‍ തേടും സ്നേഹം നീ

(നീ എന്‍ സര്‍ഗ്ഗ സൌന്ദര്യമേ)

സൂര്യ മാനസം ([1992] യേശുദാസ്

“തരളിത രാവില്‍ മയങ്ങിയോ
ചിത്രം: സൂര്യമാനസം [1992]വിജി തമ്പി
രചന: കൈതപ്രം
Music മരതക മണി

പാടിയതു: യേശുദാസ്

തരളിത രാവില്‍ മയങ്ങിയോ സൂര്യമാനസം
വഴിയറിയാതെ വിതുമ്പിയോ മേഘനൊമ്പരം
ഏതു വിമൂക തലങ്ങളില്‍ ജീവിതനൌകയിതേറുമോ
ദൂരെ ദൂരെയായെന്‍ തീരമില്ലയോ
(തരളിത രാവില്‍)

എവിടെ ശ്യാമകാനന രംഗം
എവിടെ തൂവലുഴിയും സ്വപ്നം
കിളികളും പൂക്കളും നിറയുമെന്‍ പ്രിയവനം
ഹൃദയം നിറയുമാര്‍ദ്രതയില്‍ പറയൂ‍ സ്നേഹകോകിലമേ
ദൂരെ ദൂരെയായെന്‍ തീരമില്ലയോ
(തരളിത രാവില്‍)

ഉണരൂ മോഹവീണയിലുണരൂ
സ്വരമായ് രാഗസൌരഭമണിയൂ
ഉണരുമീ കൈകളില്‍ തഴുകുമെന്‍ കേളിയില്‍
കരളില്‍ വിടരുമാശകളാല്‍ മൊഴിയൂ സ്നേഹകോകിലമേ
ദൂരെ ദൂരെയായെന്‍ തീരമില്ലയോ

പൂമുഖ പടിയില്‍ നിന്നെയും കാത്ത്....( 1986 ) യേശുദാസ് / ജാനകി

പൂങ്കാറ്റിനോടും കിളികളോടും കതകള്‍ ചൊല്ലി


ചിത്രം: പൂമുഖപ്പടിയില്‍ നിന്നെയും കാത്ത് [ 1986 ] ഭദ്രന്‍
രചന: ബിച്ചു തിരുമല
സംഗീതം: ഇളയരാജ

പാടിയതു: യേശുദാസ് കെ ജെ..എസ്. ജാനകി


പൂങ്കാറ്റിനോടും കിളികളോടും കഥകള്‍ ചൊല്ലി നീ
കളികള്‍ ചൊല്ലി കാട്ടുപൂവിന്‍ കരളിനോടും നീ
നിഴലായി അലസമലസമായി
അരികിലൊഴുകി വാ ഇളം -
(പൂങ്കാറ്റിനോടും..)

നിന്നുള്ളിലെ മോഹം സ്വന്തമാക്കി ഞാനും
എന്‍ നെഞ്ചിലെ ദാഹം നിന്റേതാക്കി നീയും
പൂഞ്ചങ്ങലക്കുള്ളില്‍ രണ്ടു മൌനങ്ങളെ പോല്‍
നീര്‍ത്താമരത്താളില്‍ പനിനീര്‍ത്തുള്ളികളായ്
ഒരു ഗ്രീഷ്‌മശാഖിയില്‍ വിടരും വസന്തമായ്
പൂത്തുലഞ്ഞ പുളകം നമ്മള്‍
(പൂങ്കാറ്റിനോടും..)

നിറമുള്ള കിനാവിന്‍ കേവുവള്ളമൂന്നി
അലമാലകള്‍ പുല്‍കും കായല്‍ മാറിലൂടെ
പൂപ്പാടങ്ങള്‍ തേടും രണ്ടു പൂമ്പാറ്റകളായ്
കാല്പാടുകളൊന്നാക്കിയ തീര്‍ത്ഥാടകരായ്
കുളിരിന്റെ കുമ്പിളില്‍ കിനിയും മരന്ദമായ്
ഊറിവന്ന ശിശിരം നമ്മള്‍
(പൂങ്കാറ്റിനോടും..)

മുകുന്ദേട്ടാ സുമിത്ര വിളിക്കുന്നു...( 1988 )എം.ജി. ശ്രീകുമാര്‍

“ഓര്‍മ്മകളോടിക്കളിക്കുവാനെത്തുന്നൂ മുറ്റത്തെ ചക്കര മാവിന്‍


ചിത്രം: മുകുന്ദേട്ടാ സുമിത്ര വിളിക്കുന്നു [ 1988 ] പ്രിയ ദര്‍ശന്‍
റ്രചന: ഷിബു ചക്രവര്‍ത്തി
സംഗീതം: ഔസേപ്പച്ചന്‍
പാടിയതു: എം ജി ശ്രീകുമാര്‍ & ചിത്ര

ഓര്‍മ്മകളോടി കളിക്കുവാനെത്തുന്ന
മുറ്റത്തെ ചക്കര മാവിന്‍ ചുവട്ടില്‍
മുറ്റത്തെ ചക്കര മാവിന്‍ ചുവട്ടില്‍

നിന്നെയണിയിക്കാന്‍ താമരനൂലിനാല്‍
ഞാനൊരു പൂത്താലി തീര്‍ത്തു വെച്ചു
നീ വരുവോളം വാടാതിരിക്കുവാന്‍
ഞാനതെടുത്തു വെച്ചു ( ഓര്‍മ്മകളോടി...)

മാധവം മാഞ്ഞുപോയ്
മാമ്പൂ കൊഴിഞ്ഞു പോയ്
പാവം പൂങ്കുയില്‍ മാത്രമായി
പണ്ടെങ്ങോ പാടിയ പഴയൊരാ പാട്ടിന്റെ
ഈണം മറന്നു പോയി
അവന്‍ പാടാന്‍ മറന്നു പോയി (ഓര്‍മ്മകളോടി..)

ദളമര്‍മ്മരങ്ങള്‍ ( 2009 ) ചിത്ര (വിജയ് യേശുദാസ് )

“കാര്‍ മുകില്‍ വസന്തത്തിലൊളിച്ചു...


ചിത്രം: ദളമര്‍മ്മരങ്ങള്‍ [2009] വിജയകൃഷ്ണന്‍
രചന: വിജയകൃഷ്ണന്‍
സംഗീതം: മോഹന്‍ സിതാര

പാടിയതു: ചിത്ര ( വിജയ് യേശുദാസ് )


കാര്‍ മുകില്‍ വസന്തത്തിലൊളിചു
ഇന്ദ്ര കാ‍ര്‍മുഖം ഒളിമഞ്ഞിലൊളിഞ്ഞു
ഓര്‍മ്മകള്‍ വിസ്മൃതിയിലലിഞ്ഞു
സ്വപ്നങ്ങള്‍ നിദ്രയെ വെടിഞ്ഞു......

ഇനിയുമുറങ്ങാത്ത മോഹമേ
നീയെന്‍ അന്തരാത്മാവില്‍ ശയിക്കൂ
നിന്നെ ഉണര്‍ത്താന്‍ സ്നേഹം പകരാന്‍
ഈ മരുഭൂമിയിലാരുമില്ല....

രാവിന്‍ കരാളമാം മൌനത്തെ ഏതോ
ഏങ്ങല്‍ കീറി മുറിക്കുന്നുവോ
ഇരുളും നിഴലും ഇണ ചേര്‍ന്ന രാവിതില്‍
വേതാള നൃത്തം നടത്തുന്നു....

നാടോടിക്കാറ്റ്.. ( 1987 ) യേശുദാസ്

“വൈശാഖസന്ധ്യേ നിന്‍ ചുണ്ടിലെന്തേ


ചിത്രം: നാടോടിക്കാറ്റ് [1987 ] സത്യന്‍ അന്തിക്കാട്
രചന: യൂസഫലി കേച്ചേരി
സംഗീതം: ശ്യാം

പാടിയതു: യേശുദാസ് കെ ജെ

വൈശാഖ സന്ധ്യേ നിന്‍ ചുണ്ടിലെന്തേ
മദന വദന കിരണ കാന്തിയോ
മോഹമേ പറയു നീ
വിണ്ണില്‍ നിന്നും പാറി വന്ന ലാവണ്യമേ
വൈശാഖ സന്ധ്യേ നിന്‍ ചുണ്ടിലെന്തേ
മദന വദന കിരണ കാന്തിയോ

ഒരു യുഗം ഞാന്‍ തപസ്സിരുന്നു ഒന്നു കാണുവാന്‍
കഴിഞ്ഞ കാലം കൊഴിഞ്ഞ സുമം പൂത്തു വിടര്‍ന്നൂ (2)
മൂകമാമെന്‍ മനസ്സില്‍ ഗാനമായ് നീയുണര്‍ന്നു (2)
ഹൃദയ മൃദുല തന്ത്രിയേന്തി ദേവാമൃതം
(വൈശാഖ സന്ധ്യേ )

മലരിതളില്‍ മണിശലഭം വീണു മയങ്ങി
രതിനദിയില്‍ ജലതരംഗം നീളെ മുഴങ്ങീ (2)
നീറുമെന്‍ പ്രാണനില്‍ നീ ആശതന്‍ തേനൊഴുക്കീ(2)
പുളക മുകുളമേന്തി രാഗ വൃന്ദാവനം
(വൈശാഖ സന്ധ്യേ )

താളവട്ടം ( 1986 ) എം.ജി. ശ്രീകുമാര്‍ / ചിത്ര

“ പൊന്‍‌വീണേ എന്നുള്ളില്‍ മൌനം വാങ്ങൂ



ചിത്രം: താളവട്ടം ( 1986 ) പ്രിയദര്‍ശന്‍
രചന: പൂവച്ചല്‍ ഖാദര്‍
സംഗീതം: രഘു കുമാര്‍

പാടിയതു: എം.ജി. ശ്രീകുമാര്‍, കെ. എസ്. ചിത്ര


പൊന്‍‌വീണേ എന്നുള്ളില്‍ മൌനം വാങ്ങൂ
ജന്മങ്ങള്‍ പുല്‍‌കും നിന്‍ നാദം നല്‍‌കൂ...
ദൂതും പേറി നീങ്ങും മേഘം
മണ്ണിന്നേകും ഏതോ കാവ്യം
ഹംസങ്ങള്‍ പാടുന്ന ഗീതം
ഇനിയും ഇനിയും അരുളീ... (പൊന്‍‌വീണേ...)

വെണ്‍‌മതികല ചൂടും വിണ്ണിന്‍ ചാരുതയില്‍
പൂഞ്ചിറകുകള്‍ നേടി വാനിന്‍ അതിരുകള്‍ തേടി
പറന്നേറുന്നു മനം മറന്നാടുന്നു
സ്വപ്നങ്ങള്‍ നെയ്തും നവരത്നങ്ങള്‍ പെയ്തും (2)
അറിയാതെ അറിയാതെ അമൃത സരസ്സിന്‍ കരയില്‍... (പൊന്‍‌വീണേ...)

ചെന്തളിരുകളോലും കന്യാവാടികയില്‍
മാനിണകളെ നോക്കി കൈയ്യില്‍ കറുകയുമായി
വരം നേടുന്നു സ്വയം വരം കൊള്ളുന്നു
ഹേമന്തം പോലെ നവവാസന്തം പോലെ (2)
ലയം പോലെ നളം പോലെ അരിയ ഹരിത ഗിരിയില്‍... (പൊന്‍‌വീണേ...)

ദൂതും പേറി നീങ്ങും മേഘം
മണ്ണിന്നേകും ഏതോ കാവ്യം
ഹംസങ്ങള്‍ പാടുന്ന ഗീതം
ഇനിയും ഇനിയും അരുളീ...
cellpadding="0" cellspacing="0">

Get this widget

|

Track details

|

eSnips Social DNA

കാണാ മറയത്തു ( 1984 ) യേശുദാസ്

“ഒരു മധുരക്കിനാവിന്‍ ലഹരിയിലെങ്ങോ...

ചിത്രം: കാണാമറയത്ത് [ 1984 ] ഐ.വി.ശശി
രചന: ബിച്ചു തിരുമല
സംഗീതം: ശ്യാം
പാടിയതു: യേശുദാസ് കെ ജെ


ഒരു മധുരക്കിനാവിന്‍ ലഹരിയിലെങ്ങോ
കുടമുല്ലപ്പൂവിരിഞ്ഞൂ
അതിലായിരമാശകളാലൊരു പൊന്‍‌വലനെയ്യും
തേന്‍‌വണ്ടു ഞാന്‍
മലരേ തേന്‍‌വണ്ടു ഞാന്‍
(ഒരു മധുരക്കിനാവിന്‍ )

അധരമമൃതജലശേഖരം, നയനം മദനശിശിരാമൃതം
ചിരിമണിയില്‍ ചെറുകിളികള്‍
മേഘശീതമൊഴുക്കി വരൂ
പൂഞ്ചുരുള്‍ച്ചായം എന്തൊരുന്മാദം എന്തൊരാവേശം
ഒന്നു പുല്‍കാന്‍ ഒന്നാകുവാന്‍
അഴകേ ഒന്നാകുവാന്‍
(ഒരു മധുരക്കിനാവിന്‍ )

കളഭനദികളൊഴുകുന്നതോ കനകനിധികളുതിരുന്നതോ
പനിമഴയോ പുലരൊളിയോ
കാലഭേദമെഴുതിയൊരീ കാവ്യസംഗീതം
കന്നിതാരുണ്യം സ്വര്‍‌ണ്ണതേന്‍‌കിണ്ണം
അതില്‍ വാഴും തേന്‍‌വണ്ടു ഞാന്‍
നനയും തേന്‍‌വണ്ടു ഞാന്‍
(ഒരു മധുരക്കിനാവിന്‍ )

കാണാന്‍ കൊതിച്ച്.. ( 1987 )..യേശുദാസ് / ചിത്ര

“സ്വപ്നങ്ങള്‍ ഒക്കെയും പങ്കുവയ്കാം..ദുഃഖഭാരങ്ങളും

ചിത്രം: കാണാന്‍ കൊതിച്ച് ( 1987)
രചന: പി.ഭാസ്കരന്‍
സംഗീതം: വിദ്യാധരന്‍

പാടിയത്: കെ.ജെ.യേശുദാസ്, കെ.എസ്.ചിത്ര

സ്വപ്നങ്ങളൊക്കെയും പങ്കുവയ്കാം …
ദുഖഭാരങ്ങളും പങ്കുവയ്കാം…. (സ്വപ്നങ്ങളൊക്കെയും…)
ആശതന്‍ തേരില്‍ നിരാശതന്‍
കണ്ണീരും ആത്മദാഹങ്ങളും പങ്കുവയ്കാം..(സ്വപ്നങ്ങളൊക്കെയും…)

കല്പനതന്‍ കളിത്തോപ്പില്‍ പുഷ്പിച്ച
പുഷ്പങ്ങളൊക്കെയും പങ്കുവയ്കാം .., ( കല്പനതന്‍…)
ജീവന്റെ ജീവനാം കോവിലില്‍ നേദിച്ച
സ്നേഹാമൃതം നിത്യം പങ്കുവയ്ക്കാം….(സ്വപ്നങ്ങളൊക്കെയും…)

സങ്കല്പകേദാരഭൂവില്‍ വിളയുന്ന
പൊന്‍ കതിരൊക്കെയും പങ്കുവയ്കാം..(സങ്കല്പകേദാര..)
കര്‍മ്മപ്രപഞ്ചത്തിന്‍ ജീവിതയാത്രയില്‍
നമ്മളേ നമ്മള്‍ക്കായ് പങ്കുവയ്ക്കാം…(സ്വപ്നങ്ങളൊക്കെയും…)

ആകാശ ദൂത്...( 1993) യേശുദാസ് [ചിത്ര]

“രാപ്പാടി കേഴുന്നുവോ..രാപ്പൂവും വിട ചൊല്ലുന്നുവൊ


ചിത്രം: ആകാശദൂത് [1993 ] സിബി മലയില്‍
രചന: ഓ.എന്‍.വി.കുറുപ്പ്.
സംഗീതം: ഔസേപ്പച്ചന്‍
പാടിയത്: യേശുദാസ്....[ചിത്ര]

രാപ്പാടി കേഴുന്നുവോ (2)
രാപ്പൂവും വിട ചൊല്ലുന്നുവോ
നിന്റെ പുല്‍കൂട്ടിലെ കീളിക്കുഞ്ഞുറങ്ങാന്‍
താരാട്ടു പാടുന്നതാരോ
( രാപ്പാടി..)

വിണ്ണിലെ പൊന്‍ താരകള്‍
ഒരമ്മ പെറ്റോരുണ്ണികള്‍
അവരൊന്നു ചേര്‍ന്നോരങ്കണം
നിന്‍ കണ്‍നിനെന്തെന്തുത്സവം
കന്നിതേനൂറും ചൊല്ലുണ്ടോ കൊഞ്ചും
ചുണ്ടില്‍ പുന്നാര ശീലുണ്ടോ ചൊല്ലൂ
അവരൊന്നു ചേരുമ്പോള്‍
(രാപ്പാടി..)

പിന്‍ നിലാവും മാഞ്ഞു പോയ്
നീ വന്നു വീണ്ടും ഈ വഴി
വിട ചൊല്ലുവാനായ് മാത്രമോ
നാമൊന്നു ചേരും ഈ വിധം
അമ്മപൈങ്കിളീ ചൊല്ലൂ നീ ചൊല്ലൂ
ചെല്ലക്കുഞ്ഞുങ്ങള്‍ എങ്ങു പോയ് ഇനി
അവരൊന്നു ചേരില്ലേ
(രാപ്പാടി..)