“ഏതോ ജലശംഖില്‍ കടലായ് നീ നീറയുന്നു
ചിത്രം: ലാപ് റ്റോപ് [2008 ] രൂപേഷ് പോള്‍
രചന: റഫീക്ക് അഹമ്മദ്
സംഗീതം: ശ്രീ വത്സന്‍ ജെ മേനോന്‍
പാടിയതു: അമൽ, സോണിയ
ഏതോ ജലശംഖില്‍
കടലായ് നീ നിറയുന്നു
മരുഭൂവില്‍ മഴനീര്‍ത്തും
നനവായ്‌ നീ പടരുന്നു
പറയാനായ്‌ കഴിയാതെ
പകരാനായ്‌ മുതിരാതെ
തിര തൂകും നെടുവീര്‍പ്പിന്‍
കടലാഴം ശ്രുതിയായി
വെറുതേ വെറുതേ
പാതിരാക്കാറ്റില്‍ ഏകയായ്‌
പോയ്‌ മറഞ്ഞുവോ സൗരഭം
ഏറെ നേര്‍ത്തൊരീ തെന്നലില്‍
ഉള്‍ക്കനല്‍ പൂക്കള്‍ നീറിയൊ
ഏകാന്തമാമടരുകളില്‍
നീര്‍ച്ചാലു പോല്‍ ഒഴുകി വരൂ
ആത്മാവിലെ ഗിരിനിരയില്‍
നിന്നുള്ളിലെ വെയില്‍ വിതറൂ
ആഴങ്ങളിലൂടെ നീളും വേരായ്‌ പടരുമോ
ഏതോ ജലശംഖില്‍
കടലായ് നീ നിറയുന്നു
ശ്യാമരാവിന്റെ കൈകളായ്‌
പേലവങ്ങളീ ചില്ലകള്‍
ദൂര താരക ജ്യോതിയാം
കണ്ണുനീർക്കണം മായ്ക്കുമോ
കാതോർക്കുവാൻ പ്രിയമൊഴി
ശ്വാസങ്ങളാൽ പൊതിയു നീ
ആരക്തമായ്‌ സന്ധ്യകൾ
സ്നേഹാതുരം മറയുകയോ
കാണാമുറിവിൽ ഹിമമായ്‌ നീ വീഴുമോ
ഏതോ ജലശംഖിൽ
കടലായ് നീ നിറയുന്നു
ഇവിടെ
No comments:
Post a Comment