ചിത്രം: ഗോഡ് ഫാദര് [1991 ] സിദ്ദിക് - ലാല്
താരങ്ങൾ: മുകേഷ്,ഇന്നസന്റ്, തിലകൻ, എൻ.എൻ. പിള്ള, സിദ്ദിക്ക്, ജനാർദ്ദനൻ
ഭരതൻ ശങ്കരടി, കനക, ഫിലോമിന, ഉണ്ണി മേരി, കെ.പി. ഏ. സി. ലളിത
രചന: ബിച്ചു തിരുമല
സംഗീതം: എസ്. ബാലകൃഷ്ണന്
1, പാടിയതു: സുജാത / എം.ജി. ശ്രീകുമാർ
നീര്പ്പളുങ്കുകള് ചിതറിവീഴുമീ
നിമിഷസാഗരം ശാന്തമാകുമോ
അകലെ അകലെ എവിടെയോ
നോവിന് അലഞൊറിഞ്ഞുവോ
(നീര്പ്പളുങ്കുകള്)
നീലമേഘമേ നിന്റെയുള്ളിലേ
നൊമ്പരങ്ങളും പെയ്തൊഴിഞ്ഞുവോ
കണ്ണുനീര് കണം കന്മദങ്ങളായ്
കല്ലിനുള്ളിലും ഈറനേകിയോ
തേങ്ങുമ്പോഴും തേടുന്നു നീ
വേഴാമ്പലിന് കേഴും മനം
ഏതേതോ കനിവിന്റെ കനിവിന്റെ തീരങ്ങളില്
നോവിന് തിര ഞൊറിഞ്ഞുവോ
(നീര്പ്പളുങ്കുകള്)
പിന്നിലാവുമായി മാഞ്ഞ പഞ്ചമി
രാക്കിനാവില് നീ യാത്രയാകുമോ
നീന്തി നീന്തി നിന് പാല്നയമ്പുകള്
പാതി തേഞ്ഞതും നീ മറന്നുവോ
ശശികാന്തമായി അലിയുന്നു നിന്
ചിരിയൊന്നുമായി കിളിമാനസം
ഓരോരോ കരിമേഘനിഴലായി മൂടുന്നുവോ
രാവിന് മിഴി നനഞ്ഞുവോ
(നീര്പ്പളുങ്കുകള്)
ഇവിടെ
ഇവിടെ
വിഡിയോ
വിഡിയോ
2. പാടിയതു: ഉണ്ണി മേനോൻ & ചിത്ര
പൂക്കാലം വന്നു പൂക്കാലം
തേനുണ്ടോ തുള്ളി തേനുണ്ടോ ?
പെ: പൂത്തുമ്പീ ചെല്ല പൂത്തുമ്പീ
ചൂടുണ്ടോ നെഞ്ചില് ചൂടുണ്ടോ
കുറുനില കൊണ്ടെന് മനസ്സില്
എഴുനില പന്തലൊരുങ്ങി
പെ: ചിറകടിച്ചതിനകത്തെന്
ചെറുമഞ്ഞക്കിളികുറുങ്ങി
ആ/പെ: കിളിമരത്തിന്റെ തളിര്ച്ചില്ലത്തുമ്പില്
കുണുങ്ങുന്നുമെല്ലെ കുരുക്കുത്തിമുല്ല
പൂക്കാലം വന്നു പൂക്കാലം
തേനുണ്ടോ തുള്ളി തേനുണ്ടോ ?
പൂത്താരകങ്ങള് പൂത്താലി കോര്ക്കും
പൂക്കാലരാവില് പൂക്കും നിലാവില്
പെ:പൂത്താരകങ്ങള് പൂത്താലി കോര്ക്കും
പൂക്കാലരാവില് പൂക്കും നിലാവില്
ഉടയും കരിവളതന് ചിരിയും നീയും
പിടയും കരിമിഴിയില് അലിയും ഞാനും
പെ: തണുത്ത കാറ്റും തുടുത്ത രാവും
നമുക്കുറങ്ങാന് കിടയ്ക്കനീര്ത്തും
താലോലമാലോലമാടാന് വരൂ
ആ/പെ: കരളിലെയിളം കരിയിലക്കിളി
ഇണങ്ങിയും മെല്ലെ പിണങ്ങിയും ചൊല്ലി
പൂക്കാലം വന്നു പൂക്കാലം
തേനുണ്ടോ തുള്ളി തേനുണ്ടോ ?
പെ: പൂത്തുമ്പീ ചെല്ല പൂത്തുമ്പീ
ചൂടുണ്ടോ നെഞ്ചില് ചൂടുണ്ടോ
പൂങ്കാറ്റിനുള്ളില് പൂചൂടിനില്ക്കും
പൂവാകയില് നാം പൂമേട തീര്ക്കും
പെ: പൂങ്കാറ്റിനുള്ളില് പൂചൂടിനില്ക്കും
പൂവാകയില് നാം പൂമേട തീര്ക്കും
ഉണരും പുതുവെയിലിന് പുലരിച്ചൂടില്
അടരും നറുമലരിന് ഇതളിന് കൂടില്
പെ: പറന്നിറങ്ങും ഇണക്കിളി നിന്
കുരുന്നുതൂവല് പുതപ്പിനുള്ളില്
തേടുന്നു..തേടുന്നു.. വേനല് കുടില്
ആ/പെ: ഒരു മധുകണം ഒരു പരിമളം
ഒരു കുളിരല ഇരുകരളിലും
പൂക്കാലം വന്നു പൂക്കാലം
തേനുണ്ടോ തുള്ളി തേനുണ്ടോ ?
പെ: പൂത്തുമ്പീ ചെല്ല പൂത്തുമ്പീ
ചൂടുണ്ടോ നെഞ്ചില് ചൂടുണ്ടോ
കുറുനില കൊണ്ടെന് മനസ്സില്
എഴുനില പന്തലൊരുങ്ങി
പെ: ചിറകടിച്ചതിനകത്തെന്
ചെറുമഞ്ഞക്കിളികുറുങ്ങി
ആ/പെ: കിളിമരത്തിന്റെ തളിര്ച്ചില്ലത്തുമ്പില്
കുണുങ്ങുന്നുമെല്ലെ കുരുക്കുത്തിമുല്ല
പൂക്കാലം വന്നു പൂക്കാലം
തേനുണ്ടോ തുള്ളി തേനുണ്ടോ ?
ഇവിടെ
വിഡിയോ
3. പാടിയതു: മർക്കോസ് , ജോള്ളി ഏബ്രഹാം
ആർപ്പോ ഇർറോ
മന്ത്രിക്കൊച്ചമ്മ വരുന്നുണ്ടേ
ആർപ്പോ ഇർറോ
കൈകൊട്ടിപ്പാടാം വരവേറ്റീടാം വരവെതീരേറ്റീടാം
ആചാരക്കതിന മുഴക്കീടാം തപ്പോ തിപ്പോ
കല്യാണം കൂടാൻ കഴിയാത്തവരേ കഥയറിയാത്തവരേ
ആഭ്യന്തരമന്ത്രിണിയാണേ ആഡംബരമൊത്തിരി വേണേ
ആനപ്പാറേലച്ചമ്മയ്ക്കും കൊച്ചമ്മയ്ക്കും കാവല്പ്പട്ടാളം (മന്ത്രിക്കൊച്ചമ്മ...)
പോയേലും വേഗത്തിൽ വന്നേ
വന്നേറും നേരത്തിൽ പൊന്നേ
പൊന്നീച്ച പറക്കുന്നല്ലോ നെഞ്ചിന്നുള്ളിൽ
വക്കീലന്മാരല്ലേ ഞങ്ങൾ
വക്കാലത്തേകൂല്ലേ പിന്നെ
അച്ചാരം തന്നാപ്പോരേ വാദിക്കൂലേ
ജാതകദോഷം പിന്നെ കോടതി വേഷം
ഇനി സിവിലിനു പോണോ അതോ ക്രിമിനലു വേണോ
ഇന്നും നാളേം മറ്റന്നാളും ആനപ്പാറയ്ക്കാകെ പൊല്ലാപ്പ്
അയ്യയ്യയ്യയ്യോ മന്ത്രിക്കൊച്ചമ്മ വരുന്നുണ്ടേ
ഒണ്ടേ ഒണ്ടേ
കൈകൊട്ടിപ്പാടാം വരവേറ്റീടാം വരവെതീരേറ്റീടാം
മൂക്കോളം മുങ്ങുമ്പോ അയ്യോ
മൂന്നാളോ നാലാളോ പാവം
മൂക്കിന്മേൽ കോപം വന്നാൽ അയ്യോ പാവം
നാലാളെ കൊമ്പന്മാർ മേലാളന്മാരല്ലേ നാട്ടിൽ
മാനക്കേടുണ്ടായാലും നാണം വേണ്ടെ
കൊതിച്ചതെസ്കോർട്ട് പക്ഷേ
വിധിച്ചതീ കോർട്ട് ജാംചക്കര ജാംചക്കര..ജാംചക്കര.. ജാം
മന്ത്രി ചതിച്ചെങ്കിലാട്ടേ ഞങ്ങൾ
പൊറുപ്പിക്കാം പോട്ടെ
ആനപ്പാറേലച്ചമ്മയ്ക്കും കൊച്ചമ്മയ്ക്കും കണ്ണീർക്കല്യാണം
അച്ചച്ചച്ചച്ച ച്ച
(മന്ത്രിക്കൊച്ചമ്മ വരുന്നുണ്ടേ...)
ഇവിടെ
വിഡിയോ
