രവീന്ദ്രൻഇനിയും നിന്നോര്‍മ്മതന്‍ ഇളവെയിലില്‍...
ചിത്രം: എന്റെ ഹൃദയത്തിന്റെ ഉടമ [2002] ഭര ത് ഗോപി
രചന: ഒ എൻ വി കുറുപ്പ്
സംഗീതം: രവീന്ദ്രൻ
പാടിയതു: കെ ജെ യേശുദാസ്
ഇനിയും നിന്നോര്‍മ്മ തന്‍ ഇളവെയിലില്‍
വിരിയും മിഴിനീര്‍പ്പൂക്കളുമായ്
നിന്നന്ത്യ നിദ്രാകുടീരം പൂകി
കുമ്പിട്ടു നില്പവളാരോ?
ഒരു സങ്കീര്‍ത്തനം പോലേ-ഒരു
ദു:ഖ സങ്കീര്‍ത്തനം പോലേ....[ ഇനിയും നിൻ ഓർമ്മ തൻ....
പൊന്‍പറ കൊണ്ടു നീ സ്നേഹമളന്നൂ
കണ്ണുനീരിറ്റിച്ചതേറ്റുവാങ്ങി [2]
ധന്യയായ്ത്തീര്‍ന്നൊരാ കന്യകയെന്തിനായ്
ഇന്നും കാതോര്‍ത്തു കാത്തിരിപ്പൂ?
ഈ കല്ലറതന്‍ അഗാധതയില്‍-ഒരു
ഹൃത്തിന്‍ തുടിപ്പുകളുണ്ടോ? [ ഇനിയും നിൻ ഓർമ്മ തൻ....
മൃത്യുവിന്‍ കൊത്തേറ്റു നൂറായ് നുറുങ്ങും
ഹൃത്തടം വീണ്ടുമുയിര്ക്കുമെന്നോ? [2]
ഏതോ നിഗൂഢമാം മൌനം വിഴുങ്ങിയ
നാദത്തിനുണ്ടാമോ മാറ്റൊലികള്‍?
ശത്രുവിന്‍ വെട്ടേറ്റു വീണവര്‍തന്‍-ചുടു
രക്തത്തില്‍ പൂക്കള്‍ വിടരും.[ ഇനിയും നിൻ ഓർമ്മ തൻ....
ഇവിടെ
...
