ചിത്രം: എന്റെ ഹൃദയത്തിന്റെ ഉടമ [ 2002 ] ഭരത് ഗോപി
താരങ്ങൾ: ലാൽ, ജഗതി, സായികുമാർ, ജഗന്നാഥൻ, റീസാ ബാവാ, വാണി
വിശ്വനാഥ്, വിലാസിനി, യമുന
രചന: ഒ എൻ വി കുറുപ്പ്
സംഗീതം: രവീന്ദ്രൻ
1. പാടിയതു: പി ജയചന്ദ്രൻ
ഏകാകിയാം നിന്റെ സ്വപ്നങ്ങൾക്കൊക്കെയും
ഏഴു സ്വരങ്ങൾ ചിറകുനൽകീ
സ്‌നേഹക്ഷതങ്ങളാൽ നോവും മനസിൽ
ചേക്കേറുവാൻ പാറിപ്പറന്നുപോയി
പാടി പാടി പറന്നുപോയീ
(ഏകാകിയാം നിന്റെ )
പോയ്‌വരൂ വേനലേ എന്നു ചൊല്ലി
പൂവാക തൂവാലവീശി
വേനലിൽ പൂക്കുന്ന ചില്ലകളിൽ
താനിരുന്നാടും കിളികൾ പാടീ
വന്നണയാത്ത വസന്തം
കന്നിമണ്ണിന്റെ പാഴ്‌കിനാവല്ലേ
(ഏകാകിയാം നിന്റെ )
കാറ്റിന്റെ കയ്യിൽ പ്രസാദമായി
കാണാത്ത പൂവിൻ സുഗന്ധം
പാഥേയമായൊരു പാട്ടുതരൂ
പാതിരാപുള്ളുകൾ കേണുചൊല്ലീ
സുന്ദരവാഗ്ദത്തതീരം നമ്മൾ
കാണുന്ന പാഴ്‌ക്കിനാവല്ലേ
(ഏകാകിയാം നിന്റെ )
ഇവിടെ
വിഡിയോ
2. പാടിയതു: യേശുദാസ്
ഇനിയും നിന്നോര്‍മ്മതന്‍ ഇളവെയിലില്‍
വിരിയും മിഴിനീര്‍പൂക്കളുമായി (2)
നിന്നന്ത്യനിദ്രാകുടീരം പൂകി കുമ്പിട്ടു
നില്‍പ്പവളാരോ ഒരു സങ്കീര്‍ത്തനം പോലേ
ഒരു ദുഃഖ സങ്കീര്‍ത്തനം പോലേ...
ഇനിയും നിന്നോര്‍മ്മതന്‍ ഇളവെയിലില്‍
വിരിയും മിഴിനീര്‍പൂക്കളുമായി
പൊന്‍പറകൊണ്ടു നീ സ്നേഹമളന്നു
കണ്ണുനീരിറ്റിച്ചതേറ്റു വാങ്ങി (2)
ധന്യയായിത്തീര്‍ന്നോരാ കന്യകയെന്തിനായി
ഇന്നും കാതോര്‍ത്തു കാത്തിരിപ്പൂ
ഈ കല്ലറതന്‍ അഗാധഥയില്‍
ഒരു ഹൃത്തിന്‍ തുടിപ്പുകളുണ്ടോ
ഇനിയും നിന്നോര്‍മ്മതന്‍ ഇളവെയിലില്‍
വിരിയും മിഴിനീര്‍പൂക്കളുമായി
മൃത്യുവിന്‍ കൊത്തേറ്റു നൂറായി നുറുങ്ങും
ഹൃത്തടം വീണ്ടുമുയിര്‍ക്കുമെന്നോ (2)
ഏതോ നിഗൂഢമാം മൗനം വിഴുങ്ങിയ
നാദത്തിന്നുണ്ടാമോ മാറ്റൊലികള്‍
ശത്രുവിന്‍ വെട്ടേറ്റു വീണവര്‍ തന്‍
ചുടുരക്തത്തില്‍ പൂക്കള്‍ വിടരും
[ഇനിയും നിന്നോര്‍മ്മതന്‍.....
ഇവിടെ
വിഡിയോ
3. പാടിയതു: ബിജു നാരായൺ / & ചിത്ര
പറയാത്ത മൊഴികള്‍‌തന്‍
ആഴത്തില്‍ മുങ്ങിപ്പോയ്
പറയുവാനാശിച്ചതെല്ലാം
നിന്നോടു പറയുവാനാശിച്ചതെല്ലാം
ഒരുകുറി പോലും നിനക്കായ് മാത്രമായ്
ഒരു പാട്ടു പാടാന്‍ നീ ചൊന്നതില്ല
പറയാം ഞാന്‍ ഭദ്രേ, നീ കേള്‍ക്കുവാനല്ലാതെ
ഒരു വരി പോലും പാടിയില്ല...
തളിരടി മുള്ളേറ്റു നൊന്തപോലെ
മലര്‍പുടവത്തുമ്പെങ്ങോ തടഞ്ഞപോലെ
വെറുതേ... വെറുതെ നടിക്കാതെന്‍ അരികില്‍ നിന്നൂ
മോഹിച്ചൊരു മൊഴി കേള്‍ക്കാന്‍ നീ കാത്തു നിന്നൂ
(പറയാത്ത)
തുടുതുടെ വിരിയുമീ ചെമ്പനീര്‍പുഷ്‌പമെന്‍
ഹൃദയമാണതു നീ എടുത്തു പോയി
തരളമാം മൊഴികളാല്‍ വിരിയാത്ത സ്നേഹത്തിന്‍
പൊരുളുകള്‍ നീയതില്‍ വായിച്ചുവോ
(പറയാത്ത)
ഇവിടെ
വിഡിയോ
4. പാടിയതു: പന്തളം ബാലൻ, & രാധികാ തിലക്
ഇല്ലൊരു മലര്‍ച്ചില്ല ചേക്കേറുവാന്‍
ഇല്ല മുന്തിരിത്തോപ്പു രാപ്പാര്‍ക്കുവാന്‍
കാത്തിരിക്കാനും ഇല്ലില്ല
സ്നേഹബാഷ്പമോരൊന്നും ഇരു നീര്‍മിഴികൾ
ഇല്ലൊരു മലര്‍ച്ചില്ല ചേക്കേറുവാന്‍
നിറനിലാവിനെ കണ്ടകലേ
കടല്‍തിരകള്‍ സ്നേഹ ജ്വരത്താല്‍ വിറക്കേ (നിറ..)
ദൃശ്യസീമകള്‍ക്കപ്പുറം
നിന്നേതോ നിത്യ കാമുകന്‍
നിര്‍ത്താതേ പാടുന്നു
ഒറ്റ നക്ഷത്രമേ ചൊല്ലൂ
നീയാരെ ഉറ്റു നോക്കുന്നു വിരഹാര്‍ദ്രയായ്‌
ഇരവിനു പകല്‍ സസ്നേഹമേകിയ (2)
ഹൃദയകുങ്കുമം തൂകിപ്പൊയ്‌ സന്ധ്യ
ഒന്നു തൊട്ടൂ തൊട്ടില്ലെന്ന മാത്രയില്‍
മിന്നി മാഞ്ഞൂ പകല്‍ രാത്രി ഏകയായ്‌
പോകയാമിനി ഒന്നിച്ചു നാമിനി
ഏക താരയെ മാറോടണച്ചവര്‍
ഇല്ലൊരു മലര്‍ച്ചില്ല ചേക്കേറുവാൻ
ഇവിടെ
5. പാടിയതു: കെ. ആർ. ശ്യാമ/ നവീൻ മാധവ്
രചന: രമേശൻ നായർ
തങ്ക നിലാവും താമര കാലിൽ
വെള്ളി കൊലുസ്സണിഞ്ഞു താളം പിടിക്കാൻ
ചന്ദന കാറ്റും ചാരത്തു വന്നണഞ്ഞു
ശ്രുതി ചേർന്നൊഴുകീ പനിനീർ അരുവി [ തങ്ക...
വെണ്മേഘ തേരേറി വാസന്ത ചന്ദ്രൻ
വെള്ളാരം കുന്നിന്മേൽ വന്നെത്തും നേരം
വൈകുന്നതെന്തേ നീ അങ്ങോട്ടു പോകാൻ
വയ്യെങ്കിൽ ഈ രാവു പാഴാകുമല്ലൊ
ആരാരും കാണാത്ത വാന വീഥിമേൽ
അവനോടൊത്തു പറയാൻ ഇനി അണയൂ സഖീ നീ [ തങ്ക..
രാപ്പാടി ഓരോരോ വായ്താരി പാടും
രാവിന്റെ തൈമുല്ല മാനത്തു പൂക്കും
പ്രേമിച്ചു പോകുന്ന കാലത്തിലാരും
നീയായി ഞാനായി മോഹിച്ചു പോകും
ആത്മാവിലൂറുന്നൊരനുരാഗമല്ലേ
പ്രിയമാം അതു പകരും നവവധുവായ് അണയൂ [തങ്ക...
ഇവിടെ
